الفصل الثالث

اليوم التاني كنت بتونس مع عبييير قولته ليها عبير بجد انا محتااااجهه لي شغل اي شغل بس الموهم اشتغل واخغف مصااريف شويه على اهلي قالت لي لكن ي شهد والجامعهه؟ كيف حتشتغلي وانتي معظم وقتك في الجامعهه وم عندك ايااا Off خالص الا الجمعهه والسبت؟قولته ليها لو لقيت دوام مسااائي بشتغل قالت لي لكن حتشتغلي المساء كيف وانتي عااااارفهه انو الداخليهه بعد الساعهه 11 م بدخلوك لو نططتي قولته ليها بحاول اجي بدري لكن خلي القى شغل اوول شي قالت لي طالما عايزة شغل في واحدة انا بعرفها عندها كوفير اتصل ليك عليها بتشتغلي اي شي؟ قولته ليها م عندي خبره

قالت لي ي بت م عايزة ليها خبرة شغلها على خفيف بس قولته ليها طيب اتصلت عليها كوفيرها كان في جبره زاتها الحاجه الكويسه قالت ليها خلاص كويس جيبيها لي بكره انا زاتي محتاجهه بنات يشتغلو معاي عبير قالت لي شهد انتي محظوظه ياخ اليووم التاني مشينا المره كانت ظريفهه وطيبانيه معااي واتفهمت موووووقفي قالت لي طيب دوامك معاي يبدأ من السااعهه 4 وينتهي 10:30 النص ساعه دي بتوصلك الداخليهه صح؟؟قولته ليها بتوصلني عبير قالت لي ي زوله بتوصلك اكيد ست الكوفير اسمها عواطف قالت لي اها ي بتي حتشتغلي معي الشهر بي كم؟قولته ليها والله م عااارفهه انا

عبير بتغمز لي نظام المره مروووووشهه قولي ليها مبلغ كبير وكدة قالت لي عشان انتي طالبه وكدة وظروفك م مساعداك بديك 700 جنيه في الشهر كويسهه معاك؟عبير عملت لي كدة قولته ليها كويس م عندي مشكله اتفقنا معاها وطلعنا بعد م طلعنا عبير قالت لي شهد انتي هبله ي بت 700 شنوو الناس اقل شي بتشتغل بي 1000 جنيه قولته ليها م كنت عارفه انا وبعدين ي زوله المبلغ كويس بمشي اموري شويه اشتغلته معاها حكايه بتاعهه شهرين بعدها المره ظهر ليها ورم خبيث وسفروها الاردن وقفلت الكوفير بعد الحصل دة رجعتهه تااااني لي نقطهه الصفرر

بقيت م عاارفهه اعمل شنوو وافتش لي شغل وين تاني في الجامعهه كنت قااعدة بتونس مع صحبتي اسمها مزن مزن دي صحبتي الوحيدة في الجامعهه بت دلووووعهه وحلاتها كدة هي شهاااادة عربيه مكسرة معظم اولاد الدفعهه وم عندها شي لي زول حتى باقي البنات بتغول لي متعجرفات ومتصنعات م اطيقهم بتونس معاها حكيت ليها عن ست الكوفير الكنت شغاله معاها وكدة قالت لي يعني حاليا بتفتشي لي شغل؟قولته ليها والله بحااول افتش شغل يتناسب مع دوامي حق الجامعه وم تنسي عندنا محاضرات احيانا بتكون متأخرة شديد

المساء بعد م رجعتهه الداخليه اتصلت على مزن قالت لي حبغلبي لقيت ليك شغل مناسب مع دواماتنا حقت الجامعهه قولته ليها بجد اها شنوو ووين قالت لي الشغل في كافيه حق واحد صحبي هو عايز حد يشتغل ليهو في الكاشير انا غاابتو علسان صحبي شديد وكدة دخلته ليك وااسطهه حتشتغلي من يوم الاربعاء لي يووم السبت باقي الايام حيشتغلها هو وماشاءالله عليهو الكافيه بتاعو شغلو ميه الميه قولته ليها طييب بس الزمن كيف؟قالت لي الدوام مساائي والله محلو زييت وشغلو ظريف قولته ليها طيب بس اهم شي اطلع قبل 11 قالت لي شهد شهد لي باكر طيب

اليوم التاني مشينا محلو في العمارات شارع 61 المكان ظرييف شديد بجد اتفق معاي بس قال لي الزمن م عصرتي علينا شويه فيهو؟؟قولته ليهو انت عاارف الداخليهه ونظاامها صعب شديد عشان كدة قال لي ظابط ي زولهه بعد م طلعنا مزن قالت لي شهد لازم تظبطي نفسك شويهه قولته ليها كيف يعني قالت لي م تكرفسي لي وشك بص ظبطي نفسك شويه عشان المحل شبابي وكذاا روج وكحل على خفيف بكفو بديت الشغل كل يووم بمشي وبجي راجعهه واحيانا لما اتأخر عمو عثمان البواب بدخلني وبتعامل معي عاادي واحيانا بجيب ليهو معي عشاء

بتعامل معي انا بس لانو عاارف ظروفي وانا حكيت ليهو عن شغلي وكدة بعد تلاتهه اساابيع بس من نزولي الشغل عمو عثمان طلعوهو من الشغل وجاابو واحد اعوذو بالله منوو فرعوون بس لو اتأخرتهه دقيقهه واحدة بره م بدخلك مره جيت متأخره خلاني ارقد بره للصباح ومعاهو واحد تاني عسكري الله يلعنهم بغولووالشرطهه لحمايه الشعب لكن بررجع وبغول الشررطهه لتعااسهه الشعب الصباح من البكا والخووف عيوني دي لمن اتورمت من اليوم دااك حرمته علي نفسي مشي الشغل وحرردتو زااتو

مروة جات لقتني بحكي لي عبيير عن الحصل بعد خلت عبير طلعت قالت لي بدل الشحتفهه والعذاب الانتو فيهو دة لو اشتغلتي معي مش افضل؟قروش حنينه وفي زمن كمان وفي نفس اليوم اليوم المساء امي اتصلت علي بتبكي قالت لي ابووك السكري بتاعو ارتفع ونحن اسي في المستشغى الليل كلوو بقيت مسااهره اتصل عليهم ابو القاسم بتطمن فيني بس صوت امي وبكاها اصلو م كان مطمني قولته لي عبير اسافر ليهم؟عبير قالت لي لو ساافرتي بررضو م حتحلي مشكله ي شهد المساء مروة جات لقتني قاااعدة وانا من كتر التفكيير راسي عايز يتكسر ادتني حبوب قالت لي هااك

قولته ليها شكرا طبعا بقيت ابعد منها بقت تتكلم معي قالت لي شهد وقسما بالله انتي م بتعرفي مصلحتك قولته ليها مروة انا قبلي كدة كلمتك انو الكلام دة م بنفع معاي قالت لي ي بت انتي هبله اساسا ماف زول حيتجاوز معاك الحدود الحمرا انتي حتقابليهم وحتمشي تلفي معاهم في عرباتهم بس والناس دي قروشهم حنينه وبدفعو ليك اي مبلغ بس انتي خليك مفتحهه وشااطرة فاهماني طبعا صح وقعدت تتكلم وتقنع فيني قعدته مع نفسي وفكرتهه كداا...اليوم التاني مشيت الجامعه م قدرته اركز ولا ففي محاضرة

شلته شنطتي وطلعتهه اتصلته على مروة قولته ليها انتي وين في الجامعهه؟؟ قالت لي انا في فندق قراند مالك في شنوة؟؟قولته ليها عايزاك اطلعي قالت لي طيب بجي عليك في الجامعهه اسي قولته ليها طيب منتظرااك...

نتلاغى