الفصل العاشر

في نفس اليووم دة بالليل زهرة قالت لي راسي واجعني صحتني نص الليل قولته ليها في حبوب في شنطتي دقيقهه اديك ليها طلعته ليها الحبوب قولته ليها دقيقه امشي اجيب ليك مووويهه واجي راجعه طلعتهه ماشه على المطبخ سااامعه صوت زول بتكلم وصلته المطبخ وانا مااشهه براحهه اسمع صووت مثاني قولته ي ربي مثاني دي جنت بتتكلم براها وقفتهه مساافهه سمعتها قالت حبيبي شحن جوالي خلص يلا مع السلامه لي بكره تاني قالت ليهو لالا حبيبي والله م كدة اساسا هو نااااايم طبعا ي دوووب استوعبتهه انو مثاني بتتكلم مع زول تاني غير راجلها

بقيت اقول استغفر الله ي رب اسي زي راجلها وليد دة بخونو ماشاءالله عليهو حلبي وعيونو موبالغهه الصباح مشيت الجامعهن قاعدة سرحااانهه مزن ضربتني في كتفي قالت لي الشاغل بالك انشاءالله يتهنى بيهو ي بيبي قولته ليها والله ماف اي زول شاغل بالي قالت لي طيب سرحانهه في السراب قولته ليها طيب تعالي اسألك سؤال قالت لي اها

قولته ليها لو لقيتي مره راجلها قاعد معاها في البيت وبتتكلم بالتلغون بالليل معناها شنوو؟والمره دي راجلها كان مساافر وكانت كل الوقت بتتكلم بالتلفون لكن بعد راجلها جا وهي لسسه بتتكلم بالتلفون دة معناه شنوو وتحديدا لو لقيتيها بتتكلم بالتلفون نص الليل؟؟ قالت لي بسيييطهه م محتااجه ليها تفكير اكيد دي مره بيض بي طماطم وبتخون راجلها بس ماف حاجه غير كدة قولته ليها كيف يعني بيض بي طماططم قالت لي شهد شهد دة كلام ناس اكبر منك م حتفهميهو اعملي رايحهه

بس م قولتي لي علاقه القصه دي بي بالك شنوو؟قولته ليها انسي ماف شي انا جعانهه ارح نمشي الكفتريا نفطر قالت لي ارح وااي نسيت بكره عندنا تيست مع دكتور بششه اب نظاارة قولته ليها م قريتي يعني قالت لي م قريت وانتي طبعا كالعادة قاريهه صح قولته ليها الحمدلله قالت لي بالمناسبهه م سألتك احمد صابر قال ليك شنوو نسيت اسألك؟قولته ليها قال في واحدة عايز يتكفل بي رسووم دراستي ومصااريفي وكل مستلزماتي وكدة بس انا رفضتهه طبعا قالت لي خيير ي ستي شهد عايني ايمن ود تالتهه دة قررضهه كيف ولد سمح سماحهه زي صرفهه الصندوق الاخيرة

قولته ليها ياخ بطلي تعاليق علي الاولاد قالت لي خجلك دة المضيعنا لا مخلينا نخلط مع الخالطين ولا نحفر مع الحفارين نحن في الجامعهه دي طراطيش بس ضحكته قولته ليها يلا ي سجم وانا راجعهه من الجامعهه في بتاع بقاله جنبنا كدة يعني م بعيد شديد شايفاهو واقف برره وبعاين لي عمارة ناس حبوبه عشهه وخاتي تلفونو في اضانو قولته ي ربي دة مالو عاينته في العمارة شاايفهه مثاني واقفهه في البلكونهه وخاتهه طرحهه بس في كتفها قعدته اعاين ليهم مساافهه تاني قولته ي شهد ياخ استغفري ربك مالك ومال الناس

دخلته البيت سلمتهه على جدو عثمان وعمو خليل كالعادة لقيتهم قاعدين في النجيلهه قعدتهه اتونسته معاهم كداا بعداك عمي خليل قال لينا انا ماشي انضف حوض السباحهه دة كدة لي فترة م نضفتو جدو عثمان قال ليهو اصلا ماف زول شغال بيهو غير وائل ووائل بجي مره بعد كم شهر قولته ليهم انا زاتي مرهقه ماشه ارتاح وي جدو عثمان الليله مقابلتك بعدين نمشو تمام قال لي والله ي بتي غايتو قولته ليهو لاا م تقول لي غايتو نمشو عشان نقيس الضغط وكدة تمام؟قال لي سمح

دخلته البيت لقيت هديل طالعهه قولته ليها على وبن؟قالت لي ماشهه اقابل زولي وحبهه بندولي اها قولي لي اللبسه والتسرريحهه كيف بالله؟قولته ليها النصيحهه سمحهه سماحهه اتحصني بس قالت لي حبغلبي انتي عنونك السمحات وطلعت مشت سلمته على حبوبه عشه قولته ليها امسيتي كيف؟قالت لي الحمدلله ي بتي كانت بتسرح في شعرها دخلته غيرته ملابسي وطلعته جبت قولته ليها تعالي امششطك قالت لي لالا ي ببتي ارتاحي قولته ليها ي حبوبه انا قاعدة في الجامعه اليوم كلوو مرتاحه

قعدتهه سرحته ليها شعرها قولته ليها ي حلبوله ليه م بتتحنني؟؟مثاني جات قعدت قالت لي حنه شنو لي حبوبه كمان قولته ليها ليه والله حبوبه لسسه شباب حبوبه قعدت تضحك قالت لي ي بتي والله من ام وائل اتوفت تاني حنه بي يدي م لمستها قولته ليها ليه لكن ي حبوبه دة كلوو حداد؟قالت لي والله تقولي شنو ي بتي قولته ليها خلاص انا الجمعه الجايه بحننك والله كمان رجلينك حلاتهم الحنه بتطلع فيهم حلوة قعدت تضحك قالت لي حنه شنو ي بتي كبرنا على الحجات دي قولته ليها لالا بس يوم الجمعه انا بحننك مونتهي الموضوع دة

قالت لي سمح الله يحينا ليوم الجمعهه المساء كدة جهزته ماشه اودي جدي المستشفى اثناء م نحنا طالعبن جا وليد راجل مثاني داخل قال لينا على وين ي جماعهه؟قولته ليهو والله ماشين مع جدي المقابله وكدة قال لينا خلاص ارح انا بوصلكم طلعنا ركبنا العربيه جدي قال ليهو والله ي وليد ي ولدي لو م البت دي ونقتها علي م بدوور مشي المستشفى ضحك قال ليهو والله ي جدي المقابلات دي اهم شي كلامها صح قولته ليهو وريهو بالله جينا مارين بي جنب الدكان قال لينا دقيقه بس انزل اسلم على منتصر دة خمسه دقايق وارجع جدي قال ليهو سمح

في كيس كان قاعد جنبي في العربيه وليد قال لي شهد عليك الله ناوليني الكيس دة لو سمحتي؟قولته ليهو طيب شلتو اديتو ليهو شال الكيس ومشى طبعا سلم عليهو الا بالاحضان بعد م جا راجع جدي قال ليهو انت كل م تسافر سفرة بتجيب ليهو هديهه؟؟الشهر الفات مش جبته ليهو هديه؟وليد قال ليهو كيف ياخ دة صحبي لو م جبته ليهو اجيب لمنوو وضحك مشينا المقابله وجينا راجعين قولته تلفوني دة بطاريتو ضعيفه وانا دايرة اتصل على امي دخلته الرقم كدة بس جوالي قفل قولته كدة امشي لي هديل مشيت لي هدييل قولته ليها هدييل عايزاك تتضربي لي لي ناس امي خمسه دقايق بس

قالت لي شهوودة والله انا كمان م عندي رصيد ومن قبيل منتظرة يرسلو لي رصييد قالت لي لكن مثاني تلفونها موصل في الشحن كدة اشوفو ليك قعدت تنادي ليها ي مثاني ي مثاني م ردت عليها قالت لي شكلها في المطبخ تلفونها مقفول اتوكل افتحو بس فتحتو وادتني ليهو قولته ليها م بعرف ادخل الرقم في الجوال دة دخلت لي الرقم وادتني ليهو اثناء م اانا بتكلم بالتلفون كدة جات مكالمه داخلهه؟ والرقم بقى يتصل كتيير لمن قولته لي امي بتصل عليك بكره بعد م فصلته الرقم زاتو رسل رساله نصيه والله فتحتها بالغلط

كاتب فيها م بتردي علي عشان وليد جا شااايفو داخل البيت انا طبعا انا بقيت عااملهه كدة طوالي قفلته التلفون ورجعتو في الشحن نزلته تحت لقيت وليد دااخل على البيت وبتونس مع جدي بجد زي كلام الزول الفي الرساله...

نتلاغى