الفصل الرابع والعشرون

قولته ليها مزن افهمي انا م عايزة تحصل مشاكل بس وبعدين انا كلمتهه هديل بكل شي قالت لي يعني هديل عارفهه قولته ليها ايوة عاااارفهه ي ستي قالت لي طالما هديل عاااارفهه معناها تاني دي تعتبر مشاكلهم الخاصهه قولته ليها بالظبط كدة اها حتمشي معي بكره ولا لأ؟ قالت لي انشاءالله لمن باكر يجي لكن بكره انا ماشهه المول اجيب لينا حجات للبيت ياخ قولته ليها طيب بعد ترجعي من المول انتي ماشه تسكني فيهو يعني م كلها كم ساعهه وحترجعي الصباح صحيت لقيتها لمن مشت وجات راجعهه قولته ليها ليه م صحيتيني ي سجم

قالت لي شايفاك نايمهه لمن غمرانهه عشان كدة خليتك قولته ليها صحيت لقيتك ماف نضفته البيت وجهزته الشاي الموهم تعالي قالت لي نمشي بعد الفطور ولا العصر؟قولته ليها بعد الفطور عشان نرجع بدري ونمشي الشغل على طول، قالت لي اي والله ياخ شويه كدة رامي حيطرنا من الشغل لو لقانا م قاعدين الموهم فطرنا وجهزنا مشينا عمي خليل قال لي بتنا خليتينا خلاص قولته ليهو معقوله بس ي عمو خليل دخلته سلمتهه على جدي قولته ليهو جدي بقيت كيف؟قال لي الحمدلله ي بتي ماف عوجه مزن قالت ليهو تاني ي جدي اعمل حسابك الزعل م كويس معاك في العمر دة

قال ليها والله ي بتي الحمدلله بس حبوبه عشششه كانت بتصلي بعد خلصت سلمنا عليها وقعدت تتونس معانا قالت لي والله ي بتي فاقدنك فقدة قولته ليها والله ي حبوبهه م تفقدو عزيزز انا زاتي فاقداكم والله قالت لي مزن انتي ي بتي اهلك لسسه م رجعو عشان ترجعو لينا بتنا مزن ضحكت قالت ليها والله ي حبوبه انا بتكم دي زاتي لو عندي طريقه م عايزة اخليها ترجع ليكم حبوبه ضحكت قالت ليها بري م بنخليها ليكم مزن قالت ليها هيي لكن ي حبوبه هي صحبتي واختي حبوبهه قالت ليها وهي بتي كمان حاجهه حلوة لما تشوف اتنين بتشاكلو فيك والله بتحس نفسك قطعهه بسبوسهه

بجيك احساس انك عايز تقول ليهم اي اي اتشاكلو فيني لسه اثناء م نحن قاعدين كدة جا كابتن وائل داخل شايل كميه من الاكياس نده على زهرة جات شالتهم منوو جا سلم علينا وقعد قال ليها حبوبه جدي اخد الدوا وفطر؟قالت ليهو اي فطر مزن تلفونها ضرب شالتو وطلعت بره بعد م مزن طلعت حبوبه قالت لينا كدة نمشي على زهرة دي عشان م بتعرف ترص الحجات في التلاجهه قامت مشت كابتن وائل قال لي الخبر؟قولته ليهو تمام الحمدلله قال لي جيتي زيارة ولا جيتي بالمره قولته ليهو جيت زيارة قال لي لي ياخ سكتته سااي

قال لي اها فكرتي في موضوع امس؟قولته ليهو اي نوضوع؟قال لي لحقتي تنسي امس مش خبرتك بموضوع المعرض وم ادراك م المعرض؟قولته ليهو ايواا يعني انت كنت جادي يعني؟قال لي كيف م جادي دة موضوع بهظرو فيهو قولته ليهو وبعدين انا كتابتي بدائيه يعني حتى لو وديتها م حأستفيد شي لانهم حيرفضو بلا منازع

قال لي اذا انتي م حاولتي عرفتي كيف حيرفضو؟حاولي م حتخسري شي وي ستي لو موافقهه بكره نطبعهم ونمشي دار نديهم نسخهه منهم لأنو نحن حناول نفتح المعرض بعد تلاتهه اسابيع بالكتيير لاني راجع الدوحهه ماخد اجازة شهر وحاليا بحاول امدها عشان المعرض دة م تكوني مستاءة كدة ياخ خليك انسانهه براكتيكال قولته ليهو انا م عندي مشكلهه بحاول قال لي حلوو بس اليوم بعد م ترجعي البيت كل الاشياء الكتبتيها اعمليها في ملف براها بكره انشاءالله حننسخها ونوديها لأقرب بتاع مكتبهه قولته ليهو تمام

بعدها طلعنا مشينا الكافيه وانا م ختيت للأمر اهميه لاني واثقهه انو م حيوافقو يطبعوها وكدة اليوم التاني الصباح بدري صحيت بي صوت تلفوني بضرب فتحته الخط اول كلمه قالها لي اجهزي جاي عليك عشان نطلع قولته ليهو انت منوو ونطلع نمشي وين؟قال لي ي بت النااس صحصحي وقولي بسم الله معاك وائل قولته ليهو اهلين كابتن وائل قال لي شكلك ي دوب صاحيه من النوم قولته ليهو والله ي دوب قال لي طيب انا نص ساههه واكون عندك اجهزي ممكن؟قولته ليهو طيب نزلته جهزته قولته لي مزن طالعهه انا قالت لي ماششه وين؟قولته ليها موضوع امس القولتو ليك داك بس ياخ

قالت لي طيب تمام طلعتهه انتظرتو بره لمن جا قال لي اول مره اللقى لي بت تكون طالعه مشوار وم تتاخر قولته ليهو ههه صباح الخير قال لي يسعد صباحك جبتي معاك الفلاش وال Cv؟قولته ليهو ايوة بس ال Cv م كتبتو قال لي طيب اكتبيهو لما نصل المكتبهه اتحركنا مشينا المكتبه طبعناهم وكتبته ال Cv وطلعنا مشينا قولته ليهو حنمشي وين تاني؟قال لي حنمشي عززة للنشر لأنو مهند قال عندو صحبو شغال هناك حيتوسط لينا في نفسي قولته والله لو بي واسطهه او بدونها خربانهه خربانهه شهد شنو البطلعو ليها كتاب

وصلنا قالو لينا المدير مشغول جا صاحب صحبو سلم علينا قال لي كدة النسخ الجبتيها اديتو ليها قال لي طيب انتظرو شويه قعدنا مساافه كابتن وائل جاتو مكالمه قام طلع بره في واحدة شغاله قالت لي انتي مش عايزة تخشي للمدير؟قولته ليها ايوة قالت لي طيب ادخلي لانو حيطلع بعد نص ساعهه وتاني م حتلمي فيهو اتلفتهه يمين لا كابتن وائل ولا صاحب صحبو مهند اتردتته اعمل شنوو بس شلته حجاتي ودخلتهه لقيتو راجل كبير وانا مترددة رفع راسو عاين لي قال لي اتفضلي ي ابنتي قولته ليهو السلام عليكم ي ابوي قال لي وعليكم السلام

طبعا واقفه وخايفهه وبتلفتت م عارفه اقول شنوو قال لي اقعدي قعدتهه لبس نظارتو وعاين لي قال لي انتي خايفه من شنوواتفضلي قولي العايزاه قولته ليهو انا اسمي شهد عبدالله بكتب روايات وبنشرها في الفيس وكدة وحاليا جمعتهم كولهم حته واحدة وعايزة اعمل منهم كتاب طبعا متلخبطه م عارفه اقول شنوو قال لي كتاب عديل كدة؟لكن الكتاب دة ي بتي م بتعمل بالساهل كدة قولته ليهو عارفه بس قولته احاول قال لي كدة جيب الملف دة اديتو ليهو فتحو قال لي بتدرسي هندسه؟قولته ليهو ايوة قال لي بس حتى لوونحن وافقنا الطباعهه حتكلفك قروش

سكتته مسافه ملامح وشي اتغيرت قولته ليهو والله ي عمي انا م معي قروش عشان كدة خليهو عايزة اقوم امشي جاتو مكالمه ردة قال لي دقيقه خلي الملف دة كلو م تشليهو معاك طلعته لكابتن وائل قال لي اتصلته عليك وين مشيتي؟قولته ليهو دخلتهه للمدير قال لي وليه م انتظرتيني؟قال ليك شنوو؟قولته ليهو م قال لي شي شال مني الملف بس قال لي طيب تعالي ندخل نفهم منو موافق ولا لا قولته ليهو خليهو ياخ انسى وطلعته مشيت جا لاحقني قال لي في؟ قولته ليهو ماف شي انت مش قولتهه لي حاولي؟وانا حاولته وبس واساسا كنت متوقعه النتيجهه دي

قولته ليهو رجعني البيت لو سمحتهه قال لي طيب بعد م وصلني قولته ليهو شكرا وموفقين ي رب انت وصحبك في معرض الرسم حقكم بعد الحصل دة بي تلاتهه يوم في يوم قاعدة في الكافيه الصبااح جاتني مكالمهه من رقم قريب رديت كانت المتصلهه بت قالت لي شهد عبدالله؟قولته ليها ايوة قالت لي معاك دار. عزة للنشر انتي قدمتي طلب طباعهه كتاب ونحن وافقنا عليهو تعالي بكره انشاءالله واعرفي باقي التفاصيل طبعا بقيت عامله كدة

Cu