الفصل الثاني

طبعا اليوم الاول في الجامعه كان ازفت من الزفت جديدة في البلد وطاااشهه وم فااهمهه شي غاايتو جنس بهدلهه الداخليه بتاعتي كانت في جبرة ساعدوني البنات القاعدات معي في الغرفهه لقيت واحدة بتدرس معي في نفس الكليه مشيت معاها غاايتو لمن اتعودته وفهمته شوارع الجامعه نص السنه لمن جات طبعا انا بسييطهه وعاديه حتى في الجامعهه م عندي شغله بي زول بمشي جامعتي وبجي راجعهه وبس مبرمجهه نفسي على كدة

في يووم قاعدين في الداخليه واحدة اسمها مروة قالت لي شهد انتي م عندك غير العبايات بس بتمشي بيهم الجامعهه؟لأنو ناس جامعه السودان ديل موبالغه ياخ نضيفين نضااافه كدة عجيبهه البنات قالو ليها مروة انتي مالك ومالها يمكن هي شايفه كدة افضل ليها وبعدين مش افضل من لبسك البتلبسيهو دة قالت ليهن هيي ابردن مالكم فجأة فورتو فيني انا بس سألتها سؤال واحدة اسمها عبير قالت ليها لأ م تسأليها انتي اسي في زول قاعد يسألك ليه بتلبسي ضيق كدة ليه ولا البوصلوك بالعربات كل يووم قدام الداخليه ديل منو مروة قالت ليهم بسسسسسس عليكم

خشمي عندي بس قاعدات على الهبششه غاايتو عبير قالت لي شهد م تشتغلي بيها دي طايرة ليها سااي وبعدين انتي سمحهه بأي شي ياخ قولته ليهم عاادي اساسا م زعلانه منها عبير دي صاحبتني زوله ظريفهه شديد اهلها من الشماليهه انا اساسا م عندي غييير العبايات وحتى مصاريفي بتاعه الجامعهه محدودة واحيانا بتقصر لي وانا عشان م اخليها تنتهي وأوفر قروش المواصلات احيانا بمشي الجامعهه وم بفطر ولا اي شي عادي بعدي علي يووم كاامل وم اكل شي ولا حتى بحسس زول بالحاجه دي وم كنت بتصل على ابوي واطلب منوو لأني عارفاهو الصرف في البيت تقيل عليهو

كنت لما احتاج شدييييييد واتجبر بشيل من عبيير دي وهي م بتقصر معاي بتفهمني احيانا بتعزمني غداء واحيانا عشاء عااادي مع اني احيانا بخجل بس هي بتقول لي ي بت انتي هبله نحن زي الاخوات وي ستي الناس لبعضيها عندي تلفون نوكيا جايبو لي ابووي علشان يحولو لي بيهو المصااريف وكدة في يوووم اصبحتهه وكان عندي امتحان وضروري امشي الجامعهه وم كان عندي ولا خمسه قروش نزلته دخلته الحمام استحميت ولبستهه صليت الصبح وفتحته سووورة البقرة قعدته اقرا فيها وابكي لاني كنت حااسهه اني م حأمتحن قولته اتوكل اطلع بس انشاءالله اقول للكمسااري م عندي قرووش

طلعته من الداخليه ماشهه في الشارع وشايله الشيت حقي بس عتر لي حجر طبعا قربته اقع الشيت حقي وقع نزلته اشيلو بس اشوف ليك خمسين جنيه واقعه في الارض طبعافي البدايه افتكرتها ورقه م صدقته الا لما رفعتها واتأكدتهه منها والله من الفرحهه م عرفتهه اعمل شنوو زاتي اتزكرته كلام ابووي انو بجد ربنا م بنسى عبد من عبادو اتلفته يمين وشمال م شوفته لي زول شلتها ومشيت قولته الحمد للهه ي رب امتحنته وخلصتهه السنهه الاولى بعد تعب ومعاناة فظيعهه

كانت عندي اجاازة اسبوعين سااافرتهه لي اهلي في الاسبوعين دي ياااخ قلبي وجعني بجد على اهلي لمن فكرته اخلي الجامعهه لانو انا محمله عليهم زيادة بس تاني فكرتهه في انو انا لو خليت الجامعهه دة م يعتبر حل جيت راجعه الخرطوم هنا بس بقيت كل الوقت سرحاانهه وبفكر انا اعمل شنوو عشان اساعدهم واخفف عليهم اثناء م انا قاااعدة وبفكر كدة جاتني مروة قالت لي مالك انتي؟قولته ليها ماف شي قالت لي موفلسهه؟؟قولته ليها والله الفلس حاصل في زوول في البلد دي م موفلس

قالت لي الناس الموفلسه دي م بتعرف تطلع قروش بس اسي شوفتيني يوم قولته انا محتاجه ولا انا موفلسه؟قولته ليها لا لكن شكلك اهلك موفرين ليك كل شي ووضعهم كويس ضحكت مساافه كدة ههههههههههاااي ي بت اهلي مين والناس نايمين انا معتمدة على نفسي وبجيب قروش براي قولته ليها بالله يعني بتقري وشغالهه؟؟قالت لي اي شغااله قولته ليها كويس طيب قالت لي عايزة تشتغلي؟سكتتتته مساافه لاني بجد محتاجه شغل قولته ليها شغاله شنوو انتي؟قالت لي جيبي اضانك اوريك عشان المنفسنات ديلواضانهم خفيفه اسي ينبحو فيني قولته ليها اهاا

بعد مساافهه قولته ليها لا حولااا استغفر الله ي رب مروة انتي جاادة قالت لي اسكتي هسس م تفضحينا قالت لي الظروف الزي الزفت بتجبرك تعملي اكتر من كدة والغايه تبرر الوسيلهه قولته ليها بس م كدة م على حساب نفسك ي بت قالت لي م بفرق معي اها انتي عايزة تشتغلي معي ولا لا؟؟ قولته ليها بري م عايزة استغفر الله وقومتهه من جنبها عبير جات قالت لي شايفاك قاعدة مع مروة قالت ليك شنو؟؟قولته ليها ولا شي قالت لي شهد اووعى تتبعي مروة دي واحدة هناااي سااي فهمتيني صح قولته ليها فهمتك

نتلاقى