الفصل الثالث والثلاثون

قولته ليهو كلام شنوو الخلصتوو مع ابووووي انا م فاهماك والحاصل شنوو اساسا؟قال لي انتظري حتفهمي واحدة واحدة لكن م هسي الموهم في الموضوع انو انتي حاليا مرتي وحلالي فهمتي؟طبعا انا بجد م مستووووعبهه الموضوع خالص اتخيلو معاي زول انتي عندك مشاااعر تجاهو بث محتفظهه بيها بينك وبين نفسك واساسا شايفاهو من سابع المستحيلات انو يوم يكون من نصيبك بسبب الفوارق البينكم من كل النوااااحي ماف شي بجمعكم واخر توقعاتك تطلع صح والزول دة يطلع هو زاتو عندو مشاارع تجاهك ياخ والله من الفرحهه لو قدامي مسدس كنته فرغتو فيهو

قولته ليهو لا بجد في شنوو وانت عملتهه شنوو مع ابوي ي كابتن وائل ضحك قال لي كابتن لسه قال لي لو قعدتهه احكي ليك الموضوع من اولو حيااخد زمن عشان كدة خلي بحكي ليك بالمهلهه قولته ليهو انت عقدته لي كيف وانت خاطب قال لي انتي كلامك كتييير كدة على الدوام؟قولته ليهو م انا م فاهمه شي؟قال لي حتفهمي انشاءالله سكتته ساااي بقيت اعاين ليهو والله دموعي بقت جاااريهه من غيييير م احس قال لي شهدي ركزو في شهدي دي قولته ليهو ايوة قال لي انا بحبك قولته ليهو شنو قال لي والله بحبك ي بت الناس من غيييير كذب

قال لي فااضل ربع سااعه ونرجع نحن الموهم خلي لي بالك من نفسي شديد فهمتي طلع لي تلفونو قال لي دة جوالي بتاع الواتساب هاااك اشتغلي بيهو وطمنيني عليك اول بأول وانا حأتصل عليك كل شويه ولو في زول هررشك شااي اتصلي علي كلميني تمام؟قولته ليهو حاضر بعدها جا جدي عثمان سلم علي وطلعو ساافرو ياخي انا بعد م طلعو بالجد حاااسه اني بتخيل والله من شدة م انبسطتهه لمن نسيت الضرب الانضربتو داك وبقيت كل شويه اعاين للتلفون على اساس انو حيتصل وكدة اتصل علي اليوم التاني الصباح بدري حوالي الساعهه 5 كدة انا زاتي صحيت مخلوووعهه قال لي حبيبتي

طبعا انا الكلام دة بالنسبه لي غريب كدة قولته ليهو صباح الخير قال لي صباح النور شكلك كدة مشتاااقهه لي ومنتظرة اتصالي صح قولته ليهو لأ قولته ليهو وصلتو متين انتو؟قال لي وصلنا الساعهه 3 صباحا وحاليا انا في المطااار مساااافر الدوحهه قولته ليهو على طووول كدة؟قال لي ي بت انا متعووود على السفر والطلعات والنزلات دي انتي عااارفهه احيانا م بناخد استراحهه خالص في المطارات قولته ليهو بالجد؟قال لي خليك مني وطمنيني عليك انتي كيف كويسسه؟قولته ليهو الحمدللهه وانت؟قال لي انا بقيت كويس والحمدلله بعد سماع صوتك سكتته ساي

قال لي حبيبتي زمن طيارتي جا مع السلامهه واول م اصل بتصل عليك تمام؟قولته ليهو حااضر قال لي شهدي قولته ليهو ايوة قال لي بحبك وخلي بالك من نفسك تمام؟قولته ليهو حاضر المووهم سااااااااافر وبعد اسبوعين اتصلت علي هديل قعدت تتونس معي قالت لي على فكره ي سجم انتي لازم تجي الخرطوم عشان تختاري شيلتك وم تقولي لي اختاروها لي وبتاع يمكن زوفنا م يعجبك قولته ليها لا يياخ اختاروها لي بس م عندي مشكلهه قالت لي لازم تجي والزمن ضااايق شديد وبعدين قصتكم دي زي الفيلم الهندي حصلت في كسر من الثانيه صدمتونا معاكم والله

بس ي ستي الموهم نحن همنا كلوو الحفلات والكتمات الباقي م مهم المساء اتصل علي كابتن وائل كلمتو انو هديل قالت لازم اجي وكذاا قال لي لا لازم تمشي ايوة وتختاري شيلتك وكمان تختاري كل النفسك فيهو بعد يومين من الكلام دة سافرتهه الخرطوم قعدته اتونس مع حبوبه العصر كدة قالت لي عمك انشاءالله ي بتي م يشوف خيير في حياتو جدي قال ليها والله الحمدلله على كل حال بس هديل قالت لي كلو لي خير ي شهودتي اسي لو م حصل الحصل دة كلوو م كان ولي اسي جاتو شجاعهه وارتبط بيك ارتباط وثييق ياخي الليل كلوو هديل شغاله تتونس معي وتسأل فيني

قولته ليها هديل في حاجهه انا م فاهماها؟ قالت لي احكي قولته ليها انتي كابتن وائل دة مش خاطب؟طيب خطيبتو مشت وين انا كل م اسألو عن الموضوع بتهررب مني وبعدين الحصل دة كلو حصل فجأة وانا م فهمته ولا شي قالت لي ي ستي الحصل انو انو وائل سمع اخوك بتكلم معاك وبعدين شال رقم مزن واتصل عليها عشان يتطمن عليك وعلى طوول بعد م اتصل على مزن اتصل على جدي واتكلم معاهو وقال عايزك وكذاا لأنو عرف انو دايرين يعرسوك لي ود عمك

قولته ليها طيب خطيبتو السمحهه ديك؟مالو معاها الحصل عليهم شنوو؟قالت لي اساسا وائل ودودي علاقتهم من زمان م مفوهمه كل مره ينفصلو فترة ومره يرجعو يرتبطو وبعدين دودي حقااره وموفتريه واستغلاليه وبتاعهه حركات ووائل بكره الحركات دي بس كان بستحملها عشان كدة في النهايهه لمن زهج منها قال ليها انتهينا بس قولته ليها بس هم مش كانو مخطوبين؟قالت لي وائل كان عندو فكره خطوبه جاادي بس دودي بتاعه لف ودوران كل مره تقول ليهو الليله وبكره لمن طفشتو وهي الخسرانهه طبعا قولته ليها ههه شي غربب

قالت لي نومي بكره عندنا طلعه بدري كلمتي مزن عشان م تأخرنا؟قولته ليها قبلي شويه كنت بتكلم معاها م حتتأخر قالت كدة غايتو الموهم اليوم التاني نزلنا السوق طبعا انا ومزن وعبير صحبتي الفي الداخليهه ديك ومعانا هديل طبعا حبوبه م بتقدر تمشي معانا عشان الشمس والجو خريف وكدة فضلنا نمشي السوق تلاته يوم ورا بعض بنرجع هلكانين وبعد دة كلوو بخلوني اجرب كل الاشتريناهو اخر يووم في السوق كنا في معرض بجامات انا وعبير فجأة حسيت بي زول ماسكني من طرحتي اتلفته مخلوعهه طبعا بقيت بتخلع من اي شي قال تلي شهوودة كيفك مشتااغين ياخ ووين انتي

قولته ليها اهلين مروة كيغك قالت لي تمام الحمدلله شايغاكم لافين في السوق شبهتكم تبعتكم لمن اتاكدته انو دي انتي ومعاك عبير عبير اتلفتت قالت ليها مروة قالت ليها عبورة كيفك عبير قالت ليها الحمدلله قالت لينا عايزين تشترووليكم بجامات ولا شنوو؟؟عبير قالت ليها لا بنشتري لي شهد في شيلتها ا ضحكت قالت لي شيلتك عديل ي شهد؟ قولته ليها ايوة قالت لي ودة منوووالمقطع اللماك دة؟اتخيلو بهذا الاسلووب عبير قالت ليها نفس المقطع المشيتي فتنتيها معااااهو وطلعتيها اي كلام قدامو بقت تتمتم قالت ليها انا انا انا

عبير قالت ليها اي اي ياهو زاتو كابتن وائل قالت لي مبروك ي شهد ووفرحته ليك وعلى العموم كتر خير ولي اللماك عبير قالت ليها لماها لانو لقاها بت نااس واخلاقها عاليه لكن كلام للناس اللسهه لافين وم لاقين زول اللمهم قالت ليها عبير انتي قاصدة شنوو؟عبير قالت ليها م قاصدة شي وكلامي لو جا على مقاسك اللبسيهو قولته ليها على العموم العرس يوم 7/1 ومعزومهه تنورينا عبير قالت لي سهدوناس مزن في المحل داك ارح نمشي ليهم قولته ليها يلا بعد م مشينا مروة قالت كويس ي شهد انا بعرف اجيب اجلك كيف واكسر نخرتك الرافعاها دي

الموهم انا بعد خلصته الشيله رجعتهه البلد واتحبستهه وبعدها جو ناس حبوبه جابو الشيله ورجعو وجات معاهم مزن طبعا وتاني م رجعت قعدت حبستني لحدي م جا يوم حنه وائل مصورها لي لايف طبعا بتكلم معاهو في نص الحفلهه قال لي الحنهه دي لتيخه ياخ اسي لو م انتي والسجم هديل م كان اتحننته كنت عملتهه صبغهه وخلاص قولته ليهو صبغهه شنوو الصبغهه بتطلع سريع وانا م عايزاها تطلع سريع قال لي بالله وقعد يضحك قال لي طيب طيب انتي اسي بتتكلمي معاي مشتاقهه لي زي م انا مشتاق ليك؟ قولته ليهو لاا قال لي والله؟قولته ليهو جد

قال لي طيب زعلان منك وقغل الخط قفل الخط

نتلاغى