الفصل الخامس

ونحنا راجعين مزن شغاله تسأل فيني شهد دة شنوو وكنتي هنا بتعملي في شنوو واساسا الجابك شنوو طبعا جات سايقهه عربيه اخوها قولته ليها بحكي ليك انتظري وقعدتهه احكي ليها عن الموضووع من الألف للياء طبعا سكتت مساافه وقعدت تصرخ علي شهد انتي مجنونهه معقوولهه كنتي ناويهه تعملي حااااجهه زي؟ليه وعشان شنوو بس قولته ليها مزن انا كنت بحااول اساااعد ناس بيتنا في مصروفي انا محتاااجه اوفر لي نفسي اي شي محتاجه اللبس محتااجهه اشتري شيتات ومراجع وكمان محتااجهه اوفر لي نفسي كل مستلزماااتي فهمتي؟قالت لي حتى ولو ي شهد بس دة م بديك صلاحيهه تعملي كدة

لنفترض انك عايزة توفري لنفسك كل مستلزمات حتوفريها بالحراااام؟لنفترض انك عايزة تشتغلي وتساعدي اهلك عايزة تسااااعديهم بالحرام؟انتي عااارفهه انو الشي الانتي كنتي عايزة تعمليهو دة م برضي ربنا وتتوقعي انو انتي لو عملتي كدة حتخلي ابووك مبسووط يعني؟؟ابوك لو عرف انو بتو بتبيع نفسها علشانو عارفهه الحيحصل ليهو شنوو؟وين سمعتك واحترامك لنفسك قعدته ابكي قولته ليها طيب قولي لي اعمل شنوو؟ انا بجد حااسهه انو الدنيااا ضااايقهه بي قالت لي لو اي زول بعمل الكنتي عايزة تعمليهو دة لما الدنيا تضيق بيهو كان زي الزمن دة البلد دي كلها خربانهه

قالت لي وبعدين انا قاااعدة وقت م انتي احتجتي تعالي مش نحن اخوات ولا لأ؟وي ستي تعالي اقعدي معانا في بيتنا ووفري على اهلك قروش الداخليهه اساسا نحن قاعدين في البيت انا وامي ورامي اخووي بس ابووي م قاعد في السودان وبجي في السنهه مره ورامي زاتو معظم وقتو قاعد مع اصحابو احيانا بنبيت انا وامي برانا بس

قولته ليها مزن عارفاك م بتقصري والله بس انا م عاايزة كدة انا عاااايزة اعتمد على نفسي فهمتي؟قالت لي طيييب ي ستي خلينا ننسى القصهه دي اسي لانها عدت على خيير الحمدلله بس تاني م تفكري تعملي كدة وانشاءاالله نحااول انو نفتش ليك حل للمشكلهه دي مشينا البيت قعدتهه معاها اسبووع بدل يووم واحد يلا في يووم قاعدين في غرفتها بنتونس قالت لي شهد انتي عندك حساب في الفيس؟قولته ليها ايوة عندي عملتو لي عبيير ليهو زمن بس م شغالهه بيهو كتيير ليه مالك؟قالت لي طيب اديني اسم حسااابك اضيفك عندي اديتها ليهو ضافتني عندها

قالت لي حأضيفك في قروبين واحد اسمو Fantastic والتاني اسمو Galaxy حاليا قولته ليها لشنوو؟ قالت لي بس حأضيفك ي ستي قولته ليها طيب اليوم التاني بعد م ضاافتني قالت لي جاتك الاضاافهه؟ قولته ليها ايوة قالت شووفي ي شهد اساسا قروب جلكسي دة مشهوور بي عمل الخير والمساعدات تمام وقرووب فنتاستك دة برضو نفس الشي لو طلبتي من الادمن يسااعدوك م حيقصرو معاك بجد قولته ليها ي زولهه انا م عايزة اطلب مسااعدة علشان يتكفلو بي دراستي وكدة انا عايزة اشتغل واطلع قروش من عرق جبيني فهمتي؟قالت لي اها ي المرأة الحديديه خلصتي فلسفهه ضحكتهه

قاالت لي خليني اتم كلامي اول قولته ليها اها قالت لي نحن حنقوووم نرسل لي ادمن جلكسي في الخاص اسمو احمد صاااابر وحنرسل لي ادمن فنتاستك الاسمو اسماعيل مصطفى نفس الشي قولته ليها حنرسل ليهم شنوو قالت لي حنحكي ليهم مشكلتك ووضعك وكدة فهمتي وحتطلبي مساعدتهم الموضووع م خطيير قولته ليها يعني حيساعدوني؟قالت لي خلينا نحااول ي ستي م حنخسر شي قولته ليها مع انو م مقتنعهه بس يلا نحاول ورسلنا ليهم مع انو انا م كنت مقتنعهه بالفكره قعدنا اليوم الاول م ردو لينا مزن قالت لي يمكن م فتحو الان بوووكس بتاعهم علشان كدة

اليوم التاني م كنت فاتحه الفيس بعد م فتحتهه لقيت ردة علي اسماعيل مصطفى قال لي انشاءالله بعرض مشككلتك في القروب وانشاءالله نقدر نسااعدك ي رب يلا في نفس اليوم دة انا رجعتهه الداخليهه مع انو مزن وامها كانو مصصرين علي اقعد معاهم والعجب راامي اخوها يااخ عثثل وظريف ظرافه رجعته الداخليهه طبعا عبيير تشيل وتشاكل فيني لاني م كلمتها ماشهه وين وكدة اما مروة تشيل وتحمر لي وتعاين لي عين كرااهيهه وغييظ موبالغهه بس عملتهه رايحهه وم شغالهه بيها اليوم التاني في الجامعهه قاعدين في المحاضرة كدة طبعا مزن جات متأخرة وقعدت ورا

واثناء م نحن قاعدين في المحاضرة والدكتور شغال اسمع ليك مزن بأعلى صوتها بتقوول شههد طبعا القاعهه دي كولها اتلفتت عليها انا زاتي اتخلعتهه طوالي شالت شنطتها وجات قالت لي واحد اسمو مجاهد قاعد جنبي قالت ليهو ممكن تمشي تقعد مكاني بلييز قال ليها اتفضلي جات قعدت طبعا الدكتوور مراقبها لسسه والقاعهه كولها بتعاين ليها بعد م قعدت قالت لي شووفي الدكتور قال ليها قومي اطلعي بره قالت ليهو انا قال ليها ايوة اتفضلي بره شالت شنطتها وطلعت بره عاين لي لقاني بعاين ليها قال لي انتي زاتك لو عايزة تلحقيها اتفضلي

طوالي تبعتها عااد اخليها براها بري م بخليها بعد طلعته قعدت تضحك قالت اصلا محاضرتو ضااربهه زي صلعتوو دي قولته ليها انتي عملتي كدة ليه اساسا؟قالت لي عملته ليك منشن في جلكسي شوفيهو قولته ليها فيهو شنوو؟؟قالت لي احمد صاابر منزل بوست عن رساالتك ليهو وكااتب ليهم ادونا مقترحات كيف نقدر نسااعدها طبعا اتبسطتهه شديد م اتوقعته انو حيشوف رسالتي المساء بعد م رجعتهه الداخليهه بالليل حوالي الساعهه 11 كدة بعد م خلصتهه مزاكرة دخلته الفيس لقيت الراجل الاسمو اسماعيل مصطفى دة مرسل لي

قال لي انا عرضتهه مشكلتك في القروب وفي واحد عندو ليك شغل وعاايز يسااعدك بكدة فإذا انتي موافقهه شتغلي انا حأخليك تتواصلي معاهو ويفهمك وتتفقي معاهو رديت عليهو على طوول طبعا م صدقتهه قولتهه ليهو موافقهه م عندي مشكلهه بس الشغل شنوو؟؟قال لي م متأكد بس اديني رقمك وانا اخليهو يتواصل معاك طبعا في البدايهه اترددتهه فكره انو ادي رقمي لي زول غريب دي م كانت راكبهه لي في دماغي بس اتوكلتهه اديتو ليهو واتصلتهه على مزن وحكيت ليها وانا مبسووطهه قالت لي شايفه ي شهد ربنا م بقفل باب الا علشان يفتح باب بس خلي ثقتك في ربنا كبييرة

اليووم التااني المساء حوالي السااعه 12 كدة اتصل علي رقم غريب وطوييييل كمان في البدايهه م رديت قولته لي عبير شوفي جاتني مكالمهه من الرقم دة وشوفيهو طويل كيف قالت لي ي هبلهه طويل لانو عالمي المفتاح دة م مفتاح السودان قولته ليها كيف يعني؟؟قالت لي ي بت مفتاح السودان 249 اي رقم غريب تلقي بدايتو كدة معناها سوداني غير كدة اعرفي انو عالمي قولته ليها ايوا فهمنهه بتتكلم معي كدة قالت لي لكن دة منوو البتصلوعليك بي رقم عالمي دة قولته ليها بري اثناء م بنتكلم كدة اتصل على تاني نفس الرقم فتحتهه الخط وسكتته سااي

المتصل قال لي الوووو...قولته ليهو وعليكم السلام قال لي مين معاي؟قولته ليهو انت المتصل انت العايز ميين؟قال لي انتي شهد؟؟؟طبعا سكتتهه سااي محتاارة طبعا رقم عالمي وبعرف اسمي كمان ؟؟

نتلاقى