الفصل التاسع عشر

بعد م طلعتهه نده علي قال لي شهد جيت راجعهه قولته ليهو ايوة قال لي قالو احتمال يجونا ناس عمتي عليك الله خلي لي بالك من الغرفه دي لانهم عندهم اطفال شليقين شديد م تخليهم يدخلو فيها لاني ناسي المفتاح حقها في العربيه تحت قولته ليهو حاضر كنت نعساااانهه بس قعدتهه صاحيهه على اساس انو لو نمته ممكن الضيوف يجو وشفعهم يخربو ليهو وانا اكون نايمه مشى صلى الضهر وجا راجع انا كنت طالعهه اودي الشاي لي عمي خليل وهو جاي داخل سألني براحهه قال لي الضيوف جو ولا لسسه قولته ليهو لسسهه قال لي الحمدلله شكلهم م جايين قولته ليهو ههه شكلهم كدة

يوم الاحد في الجامعه ماشين انا ومزن وبنتونس جوو اولاد ماشين بي جنبنا ومزن طبعا اسكيرتاتها قصييرة بتلبسها مع الاسبورتات واحد من الاولاد قال لي اصحابو والله البت دي مزززة قاااطعهه لكن صحبتها البتمشي معاها دي وهميهه للدين التاني قال ليهو ي زول انت عوير حصل لقيت ليك بت مززة بتمشي ليها مع مززة؟ لا طبعا لازم تمشي ليها مع واحدة وهميه عشان تلفت نظر فهمتهه ي مان التالت قال ليهو خليك عميق طبعا الوهميه المغصووودة دي انا م تستغربو مزن طبعا لسانها متبري منها قالت ليهو وهميهه حبوبتك

اتلفت عليها قال ليها انتي معي انا ي بتنا؟قالت ليهو لا مع واحد حرحر كدة وم شادي حيلو قولته ليها مزن ياخ مالك ومالهم سألوك؟قالت لي لا بس حابه اشوف تفاهتهم دي حتصل وين قولته ليها بطلي مشاكل مسكتها من يدها ومشينا قالت لي كان تخلينا اتفشى في العواليق ديل قولته ليها مالك ومالهم ياخ م ناقصين وجع راسي اسي يسمعوك كلام م يعجبك سااي انتي عارفهه اساليب الاولاد قالت لي وانا هينه ليهم قولته ليها امسكي لابتوبك دة والله عزبني عزاب شايلاهو من البيت عمل لي وجع كتف عديل قالت لي عشان كدة م بحب اشيلو معي مكان

قولته ليها بالمناسبهه ي مزن في الفيس ممكن انشر قصه؟قالت لي قصه شنوو قولته ليها قصه كتبتها وكدة قالت لي ممكن لكن عايزة تنشريها وين؟قولته ليها في صفحتي قالت لي في صفحتك م حتلقي تفاعل لانو امتي م ضايفهه عندك اصظقاء كتار كلهم بالعدد بس قولته ليها اها قالت لي لكن ممكن تنشريها في القروبات وبالزات قروبات النسوان لانو اساسا النسوان فاضيات لا شغله لا مشغلهه بقروها ليك لكن انتي فاض بيك خلاص لمن بديتي تكتبي قصص قولته ليها والله عدم موضوع بث ياخ

قالت لي انا ضايفاك لقروبات نسائيهه كتيرة انشري فيها وبالزات الدعم دة فيهو اكبر عدد اعضاء حاولي فيهو قولته ليها سمح سكتت مسافه قالت لي وبعدين ي شهد جوالك دة م حيدعم ليك تكتبي قصص لانو عندو حد اقصى للحروف ضحكته قولته ليها اي والله ياخ المساء حبوبه عشه قالت لي شهد عليك الله الولد دة قال داير ليهو شااي هاكي وصليهو ليهو شلتو ومشيت دقيت ليهو الباب ودخلته قولته ليهو حبوبه عششه قالت ليك هاك الشاي قرن لي حواجبو قال لي شاااي؟قولته ليهو ايوة شاي مش انت قولته عايز شااي قال لي خاالص يمكن وليد م انا

انا زاتي غبيانه م سألته حبوبه اوصلو لمنوو قال لي بالمناسبه طيب وصلي الشاي وتعالي قولته ليهو طيب بقيت اقول ي ربي في شنوو وصلته الشاي وجيت لقيتو فاتح اللابتوب قال لي اتفضلي قولته ليهو ايوة قال لي مالك مخلوعهه خايفه من شنوو ادخلي عديل دخلته قال لي امسكي سجلي حسابك بتاع الفيس وادخلي فتحته خشمي قاللي امسكي هاك شلته اللابتوب وعملته تسجيل دخول قال لي جوالك م حينشر ليك وحتى لو نششر ليك حيكون مررهق شديد عشان كدة انشري باللاب افضل ليك سكتته سااي قال لي ولا غيرتي؟؟ قولته ليهو لأ

قال لي طيب شيليهو وامشي اكتبي ومتى م حبيتي تعالي شيليهو تمام؟قولته ليهو تمام سااهرته الليل داك في الفيس وكتبته قصصه كامله ونزلتها اصلا مزاجي كان راايق ونوومتهه صحيت الساعهه تسعهه مخلوعه مت شدة م ساهرتهه مشيت الجامعه لقيت المحاضرة قربت تخلص مزن قالت لي مالك اتأخرتي كدة؟قولته ليها والله نوومته بس ياخ قالت لي تساهري تكتبي لي في القصص صدقيني حتضيعي السنه انتي قولته ليها عرفتي كيف انو انا مساهرة في قصه؟قالت لي لقيت القصه الصباح وماشاءالله التعليقات واصلهه 2000 وكسر قولته ليها احلفي قالت لي والله شوفي

بعد م رجعته البيت عملته تسجيل خروج ورجعته ليههو لابتوبو قال لي خلصتي؟قولته ليهو ايوة قال لي لو محتاجه ليهو خليهو معاك قولته ليهو لاا خلاص طلعته منوو مشيت لي هديل في غرفتها قولته ليها هديل انا عايزة اقول ليك شي بس حلفتك م توري زول قالت لي قولي قولته ليها م عارفاك حتصدقيني ولا لأ بس مثاني دي حاصل منها كذا وكذا وكذا وبجد انا حزرتها ونصحتها بس هي م سمعت كلامي وانا بجد ضميري م بسمح لي اشوف الغلط واسكت عليهو قولته اكلمك على الاقل قلبي كدة مرتاح هديل قالت لي شهد انا كنت عارفهه بكدة بس م كنت متأكدة

وانا مره مشيت البقاله ولقيت بتاع البقاله ماسك يدها بس مشيتها وعلى الدوام بلقاها بتتكلم بالجوال حتى لما وليد يكون قاعد وعلى فكره قبل شويه لما انتي كنتي جنب الزلط انا شوفتها لما ركبت معاهو عربيتو ومشوو وانا عارفاك انتي شوفتيها بس عملته رايحهه قولته ليها انا عارفاك شوفتيهم عشان كدة جيت قولته ليك الحقيقهه م بقدر اكلم زول غيرك هنا وم عايزة تحصل مشاكل بسببي وخراب بيوت قالت لي ي بت اساسا البتعمل فيهو دة غلط وانا محأخليهاا واسكت دة اخوي وانا م برضى فيهو الشينهه بس ساكته ليها عشان بعدين م اديها فرصه تنكر

قالت لي لكن انتي زانك م تكلمي زول حلفتك قولته ليها واللله م بكلم زول ي هديل بعد اسبوعين من الحصل دة كان عندنا اسبوع المهندس اتصل علي رقم غريب رديت المتصله كانت بت قالت لي شوش مشتاغين والله ي كعبه وين مشيتي م بتسألي من الناس قولته ليها الحمدلله بس م عرفتك مين انتي؟قالت لي نسيتيني خلاص هههه معاك مروةوجنبك اتلفته لقيتها واقفه قولته ليها اهاا اهلين مروة كيفك قالت لي تمام الحمدلله وين اختفيتي كدة سافرتي البلد ولا شنوو؟؟قولته ليها لالا والله م سافرتهه لكن اشتغلته لي مع ناس كدة وقاعدة معاهم في بيتهم

قالت لي كيف يعني شغاله معاهم في بيتهم خدامهه يعني؟ قولته ليها شبه كدة هه قالت لي وااي ي حليلك ي شهد ساكنين وين؟؟قولته ليها ساكنين المنشيه قالت لي المنشيه عديل كدة واو شكلهم ناس تقال قولته ليها تقال شديد ه قالت لي خلاص بجيك بعد بكره في البيت بس انتي وصفي لي اصلا انا فاضيهه قولته ليها طيب قالت لي طيب يلا سلام معي شلتي بتصل عليك طبعا انا استغربته منها وبالفعل يوم الجمعهه جاتني ولما خلاص انا مقدماها قالت لي وااي ي شهد الناس ديل موبالغهه لميتي فيهم وين حظظك انتي الشغاله عندهم بدوك كم في الشهر؟ضحكتهه قولته ليها اتنين ونص

وصلنا باب الشارع كدة اتلاقينا مع كابتن وائل في الباب...

نتلاقى