الفصل التاسع والعشرون

عدت فترة وانا امتحنتهه امتحانات السمستر التاني في الفترة دي كابتن وائل كان متواصل معي على الدوام بسأل عن احوالي وكدة يلا بعد م خلصتهه الامتحانات قولته ليهم عايزة اسااافر لي اهلي لانو انا من السنه التانيه دي جات م مشيت ليهم حأمشي اقضي الاجازة معاهم وارجع وسافرتهه البلد اخ من البلد والطبيعهه والدنيا كانت خريف ياااخ رااااحهه نفسيهه بجد في يوووم مشيت البحر طبعا بنمشي انا وبنات الحلهه نغسل ملابس في البحر وكدة غسلتهه تمام فجأة اتصل علي كابتن وائل قال لي وين انتي سامع اصوات بنات كتار كدة بغنن قولته ليهو انا في البحر بغسل في ملابس

ضحك مساافه قال لي لا ي شيخهه يعني بتغسلو في البحر؟قولته ليهو ايوة بنغسل في البحر علشان م عندنا مواسير في البيوت المويه الا نشتريها قال لي والله دي قصه غريبه ياخ قولته ليهو هييي مع السلامهه البنات حيفوتوني قال لي انتظري انتظري عايز اقول ليك حاجهه قولته ليهو اها شنوو سورعهه سكت مسااافهه قال لي خلي بالك من نفسك فهمتي؟قولته ليهو حاضر وانت كمان بعدها رجعتهه بيتنا الزمن كان عصرر كدة طبعا ناس حلتنا البقى يلقاني في الشارع كلوو بوقفني بسلم علي نظام جابوني في التلفزيون وكدة بقيت شخصيهه عريقهه في حلتنا بت عبدالله بت عبدالله

رجعته بيتنا شايله طشتي بتاع الملابس لقيت ابوووي ومعاهو عمي الفاتح قاعدين امي قالت لي ابوووك وعمك الفاتح في الصالون امشي سلمي عليهو مشيت حصلتهه جنب الصالون كدة سمعتهه عمي الفاتح بغول لي ابوي انت عارف اسي عبدالله ولدي في الدهب وجاي بعد شهر كدة قال قبل م هو يجي نعقد ليهو على بتك وبعد يجي نتم العرس ونسوقها ابوي قال ليهو لكن ي الفاتح ي اخوي البت دي لسسسه م تمت قرايتها وزي م شايفها ماشاءالله عليها تعليمها دة نفعها ونفعنا معاها

عمي الفاتح قال ليهو تعليم شنو؟انت ي عبدالله بتك عشان جابوها في التلفزيون قالت ليها كم كلمهه وكتبت ليها كم كلمهه وعصرت ليك كم قرش معناها خلاص داير تخليها تفوت تلف سااي؟البت م بنفعها غير بيتها وراجلها وبس وبعدين انا خاطبها لي ولدي من صغيرة ابوي قال ليهو انت م خطبتها لي ولدك سااي اظنك ناسي ولدك عمل في بتي شنوو+انت ي الفاتح اخوي اسي عبدالله ولدك دة من عرس م تم ليهو تلاتهه سنهه وطلق المره من السنهه التانيه تاني داير تعرس ليهو؟خليهو يتعلم المسؤليه شويه والبت تكمل جامعتها بعداك نعرس ليهم

عمي الفاتح قال ليهو لالا بس نعقد ليهم طوالي وبعدين البت دي انا عمها وبعرف وين مصلحتها انت داير تتديني ليها ولا داير تتراجع عن كلمتك؟ابوي سكت مساافه قال ليهو م عندي مشكله كان هي موافقهه طبعا قلبي وجعني وطوالي رجعتهه لي امي في العريشه امي قالت لي سلمتي علة عمك؟قولته ليها م سلمتهه عليهو ولا دايرة اسلم عليهو ي يمهه اسي من يوم انا جيت م جا سلم علي وم جاي يسلم علي جاي يتكلم عن موضوع عرسي انا وعبدالله ولدو امي قالت لي ي بت دة كلام شنوو دة وعرس شنوو؟قولته ليها سمعته عمي الفاتح بتكلم مع ابووي اسي

بتكلم مع امي كدة ابوي جا داخل علينا امي قالت ليهو انت ي عبدالله صحي الكلام دة؟قال ليها كلام شنوو؟قالت ليهو صحي الفاتح اخوك جا اتكلم معاك في موضوع عرس شهد وعبدالله ولدو؟ابوي قال ليها اي اتكلم معاي قولته ليهو على حسب راي البت لو موافقه انا م عندب مشكلهه امي سكتت مساافهه قالت ليهو كان كدة عديلهه طبعا صدمني كلام امي

قولته ليهو لكن ي ابووي انا م دايرة اعرس انا دايرة اكمل قرايتي بعنب اسي بعد قرايتي دي كولها نهايتي اجي اقعد وادفن نفسي مع عبدالله ود عمي الفاتح دة؟ابوي قال لي والله ي بتي انا زاتي قولته نفس كلامك دة لكن عمك الفاتح مصصر انو العرس يتم قولته لسهو والله ي ابوي انا لو م خلصته قرايتي لا دايرة تعرس ولا شي امي قالت لي ب بت ها هو القرو عملو شنوو؟ولا شي غير انهم معلقين شهاداتهم في بيوتهم

وبعدين م تنسي انتي غير عبدالله ودزعمك الفاتح دة زول بامك ماف لانو ماف زول عارف بالقصهه الحصلت ليك زمان غيرنا نحنا وماف راجل بقبل بيك عشان كدة ولا نصمهه قولته ليها من متين الشرف بقى هو البحدد اخلاق المره؟قالت لي اسكتي م دايرين شوشرة طبعا زعلته جدا من امي وطريقهه تفكيرها طوالي لبسته سفنجتي ومشبت اوضتنا قعدتهه ابكي وابكي اتصلت علي مزن قريب المغرب كدة قالت لي مالك صوتك متغير كدة؟ حكيت ليها بالحصل قالت لي وااااي يعني اسي حيدبسوك في ود عمك التافه دة؟قولته ليها اتخيلي قالت لي طيب وابوك قال شنو؟قولته ليها م قال شي ابوي

قالت لي بري اهلك صعبين وتفكيرهم عقيم جدا قولته ليها والله ي مزن م عارفه اعمل شنوو قالت لي اقعدي بي رواق كدة واتكلمي مع ابوك يمكن حيسمعك بعد م خلصت اتصل علي كابتن وائل قال لي شنو جوالك مسغول شكلك كنتي خالطهه قولته ليهو والله كنت بتكلم مع مزن م خالطه ولا شي، قال لي ي شيييخهه دة حنكك قولته ليهو والله م حنك ولا شي قال لي صوتك متغير ولا انا حاسي بكدة؟سكتهه ساي قال لي هي في شنوو مالك بسألك انا قولته ليهو ماف شي والله طبعا م عايزة ازيد عليهو المشاكل فوق مشكله وليد اخوهو

اثناء م انا بتكلم معاهو كدة ابو القاسم اخوي جا داخل قال لي بتتكلمي مع منو انتي بي نهره كدة؟قولته ليهو مع واحدة صحبتي حمر لي وطلع كابتن وائل قال لي ليه كزبتي؟قولته ليهو لو عرف انو انا بتكلم مع ولد بقتلني قال لي لا ياخ متعصب للدرجه دي؟قولته ليهو ههه واكتر كمان اليوم التاني طلعته اجيب لي رصيد وانا ابووالقاسم محزرني م اطلع من البيت بس اخواني الصغار كولهم مافي والله م لقيت ولا واحد فيهم

طلعته مشيت ومكان الرصيد بعيد مننا حولته الرصيد جايه راجعه اتصل علي وائل اتلفته يمين وشمال م شافيه زول في الشارع طبعا في حلتنا البت البشوفوها بتتكلم في الشارع بالتلفون بغولز عليها قليله ادب ولافه ساي في اللفه قبل م اصل بيتنا شايفه عمي الفاتح داخل على بيتو عملته رايحه وم اتكلمته معاهو بس لما قربته لي بيتنا طبعا لسه بتكلم مع كابتن وائل بس ابو القاسم اخوي جا طالع من البيت غضبان وشايل عصايتو وماشي علي طبعا انا م كنت منتبهه ليهو في البدايه قال لي ي حيوانه اديني التلفون دة

بتتكلمي مع منو انتي؟طبعا انا مخلوعه وكابتن وائل شغال يقول لي الو شهد في شنو؟ابو القاسم جراني دخلني البيت قال لي اديني التلفون بتكلم معاك انا طبعا اصلي ابيت اديهو التلفون رفع العكاز حقو وضربني بيهو في يدي الماسكه بيها التلفون قولته ليهو انت مالك بس رفع عكازو وبقى يضرب فيني وبقول لي بقيتي لافه تتكلمي بالتلفونات في الشارع دة الاتعلمتيهو في المدينه ي سفيهه وطبعا العكاز كبير وهو بضرب فيني بأقصى قوتو وانا جاريه وهو جاري وراي كل م يحصلني بلحقني تلاته لبعات ورا بعض لمن وقعته جراني دخلني الصالون وبقى يضرب فيني

امي كانت مافيها طلعت بالجبنه والساعه كانت ماشه لي 5 مساء وانا م طلعته الا بعد م عوسته وفركته ملاح الغدا دخلني الصالون ياخ ضربني ضرب انا من الضرب بقيت م حاسه بي اعضائي بعدها جا عمي الفاتح داخل بي صوت صريخي افتكرتو جاي يحجزني هو زاتو جا شايل صوت العنج حقو قال لي شايفك بتتكلمي فيوالتلفون في الشارع خلاص مشيتي المدينه دايرة تجيبي لينا السمع والكلام الفارغ وبقى يضرب فيني بي صوت الابل حقو ياخ جسمي دة كلو بقى عبارة عن دم جاري وعلامات

عمي الفاتح قال لي ابو القاسم تاني ماف ليها اي مدينه ولا قرايه قرايه شنو قرايه اللف والسجم دي ابو القاسم قال ليهو والله تاني البندر بعينها م تشوفها علمتها الفوضى والكلام الفارغ عمي الفاتح قال ليهو تاني قرايه ماف ليها والجمعهه الجايه نعقد ليها لي عبدالله طوالي ابو القاسم قال ليهو طوالي اعقد ليها تندفن في بيتها دة لمن تموت فيهو اتخيلو هم لسسه مواصلين بضربو فبني وانا من الصراخ حسي انتهى بس عندنا جارتنا اسمها خالتو انصاف سمعت صوت الضرب والصراخ جات جاريه بدون توب طبعا ماف باب بينا وبينهم

جات جاريه داخله الصالون لما شافتني بالحاله الانا فيها اتخلعت قالت ليهم عملتو في البت شنوو كتلتوها الله يأزاكم الله يقطعكم زحو منها وجات مسكتني ابو القاسم قال ليها عمتي انصاف م تدخلي قالت ليهو تدخل في النار ي مقطع زح من وشي كدة ولا م كدة وانت ي عبدالله انت اسي راجل مع الرجال ي عواليق زحو كدة حسابي معاكم بعدين طبعا من الضرب انا م فيني حيل ولا واعيه اساسا شالتني شيل ودتني بيتها وقالت ليهم الراجل فيكم يعتب عتبه بابي

نتلاقى