الفصل الثاني والثلاثون

عد م طلع انا بقيت مقلقه ماشي يعمل شنوو اكيد حيخلق مشكلهه كابتن وائل رجع البيت لي ناس ابوي هناك اول م دخل قال ليهم انتو دة شنوو العاملنو في بتكم دة؟ انتو اسي بششر وقلوبكم حيهه كدة ضاربنها كدة؟عمي الفاتح قال ليهو ي ولد هااا م تدخل في بتنا نحن اهلها وبنعرف مصلحتها وبنعرف نربي بتنا ابو القاسم قال ليهو لو سمحتهه سووق ابوووك دة واتفضل اطلع من هنا شاايف ي ابووي دي بتك الشابكنا بيها محترمهه ومربيه ياها جابت ليك الراجل الكانت لافهه معاهو في البيت كابتن وائل قال ليهو دقيقه دقيقه

انت عرفتها كيف لافهه؟حصل مره انا قطعتهه تزكرة وجيت ليها هناك عشان تطمن عليها؟حصل رفعتهه سماعهه التلفون واتصلته عليها وقولته ليها الناقصك شنوو؟عارفنها ماكله كيف ولا شاربه كيف ولا ساكنه وين ولا مع منوو ولا هي اساسا بتمشي مع منوو ولا شغالهه مع منوو؟ضربتها عشان لقيتها بتتكلم بالتلفون طيب انت عرفتها بتتكلم مع منوو؟هي كانت عاايشه هناك ومتحملهه مسؤليه نفسها بنفسها وبتعاني عشان توفر لي نفسها احتياجاتها واحتياجاتكم وريني انت الراجل عملتهه شنوو؟وانت ي عمها البتعرف مصلحتها حصل اتصلته اتطمنته عليها؟حصل رسلته ليها انشاءالله خمسهه جنيه سااي وقولته ليها لو محتاجه لي اشتريهو؟لأ طبعا طيب قولو لي انتو ضاربنها على اي اساس؟وعلى فكره لو جينا نتكلم عن الرجوله شهد ارجل منكم الاتنين لانها بالرغم من انها بت بس بتعرف كيف تحافظ على نفسها

جدي قال ليهم والله البت دي مش قاعدة معانا يوووووم م شوفنا سبيبيه من شعرها طالعهه بره الطرحهه ويووم م شوفنا طرحتها دي واقعهه من شعرها بت في قمهه الاخلاق والله انا دة زول كبيير بكره بموووت وربنا دة بسألني

كابتن وائل قال ليهو وبعدين داير اسألكم هي بتكم لما كانت عايشششه في الخرطوم الكبيير دي م قلت ادبها وانحرفت معقوله تجي تقل ادبها في حلتها؟وبعدين يوم متين الكلام بالتلفون بقى عيب ولا غلط لمن بضربو فيهو زول كدة؟اصلا الحكايه دي م مستوعبها انتو ضربتوها عشان شنووو بالظبط كدة؟ابو القاسم قال ليهو ي زول زي م قولته ليك سوووق جدك دة واتخارج افضل ليك كابتن وائل قال ليهو انت عاارف انا م عندي مشكلهه اطلع منها لكن اتاكد لو انا طلعتهه من هنا انت حتمشي ورا الشمس

عمي الفاتح قال ليهو انت بتهددنا نحن؟ نحن م بنتهدد والله واقولها ليك تاني م عندنا بنات للعرس ابوالقاسم قال ليهو عرس شنو وبت شنوو البنديك ليها نحن امي جات داخلهه قعدت كابتن وائل قال ليهم دقيقهه دقيقه انتو منوو اساسا؟طلبتها منكم انا؟اتكلمتهه معاكم وقولته ليكم عايز بتكم انا؟عمي الفاتح قال ليهو نحن منوو انت المنوو نحن عمها واخوها

كابتن وائل قال ليهو انا م بعرف عمها ولا بعرف اخوها ولا بعرف غيرو مش ابوها عايش وحي يرزق وياهو قاعد قدامي بي شحمو ولحمو؟قال ليهو واحد فيكم اسمو عبدالله غيرو؟واحد فيكم ابوها ولا ولي عليها؟لأ طبعا انا بعرف ابوها وبس وجيت قااطع المساافهه دي كولها وفتشته لمن وصلته بيت ابوها وحاليا كلامي مع ابوها م مع زول غيرو جدي قال ليهو اها ي عبدالله ي ولدي قولته شنوو؟ امي قالت ليهو والله ي عمي طبعا زي م عارف البت دي دابرين تعقلوها لي ود عمها

كابتن وائل قال ليها دقيقه انتي عايزة تعقليها لي ودوعمها لانو اغتصبها لما كانت صغيرة وم دايرة زول يعرغ صح؟عاين لي عمي الفاتح قال ليهو طيب انت لمن راجل كدة ليه م قعدتهه في الارض وادبته ولدك وعلمتو الرجولهه؟اذا الولد اغتصبها وهي كانت شاافعهه وم بتعرف شي ذنبها شنوو هي لمن تعرسو ليها الولد الاغتصبها؟لو اي زول بغتصب ليهو واحدة وبعرسوها ليهو طيل فاايدة العرس شنوو؟ ومن متين البت بقيموها بالشرف والكلام دة؟وانت ي اخوها العاملوفيها راجل ونافخ صدرك ونافش فينا ريشك عملته شنوو لي ودوعمك لما عمل فيها كدة؟اكيد شرحتو صح طالما م بترضى في اختك كدة لي درجه انك لقيتها بتتكلم بالتلفون بس ضربتها كدة؟عملته لي ود عمك شنوو؟عمي قال ليهو ها ودوهاا انت جاااي تنكت لينا في المواضيع اتلقيها م مخليه ليك شي عننا

قال ليهو م داير انكت ولا شي طيب دقيقه انت عندك بت ولا بنات صح؟اسي لو اخو شهد الراجل دة اغتصب واحدة من بناتك بتعقلها ليهو طوالي ولا...عمي الفاتح قال ليهو ي ولد م تحترم نفسك قال ليهو انا محترم نفسي والله بس انت الكلام غلبك صح؟عمي الفاتح قام عايز يتضارب مع كابتن وائل ومسكو من قميصوو بس ابوويوقام وقغ في نصهم وبقى يحجز فيهم وبقى يقول لي عمي الفاتح الفاتح فكو

عمي الفاتح مصر يمسك كابتن وائل بس ابووي غضب شديد قالوليهو الفااتح اطلع بره بيتي ياخ اطلع وبقى يلز فيهو عمي الفاتح قال ليهو عبدالله انا اخوك تطردني عشان ناس البندر العفنين ديل؟ابوي قال ليهو م داير مشاكل انا اي اطلع لي بره بيتي قال ليهو عبدالله انا لو طلعته من بيتك دة تاني لا بيني لا بينك ولا اخووي ولا بعرفك؟ ابووي قال ليهو والله ي الفاتح اعمل البريحك بس عمي الفاتح قال ليهو ي عبدالله اعرف من اليوم الدم البينا بقى مويهه وتاني انا لو عتبته عتبه بابك دة رجلي دي اقطعها لي

ابوي قال ليهو الباب فااتحواطلع امشي واصلا دمنا دة من زماان بقى مويه عمي الفاتح طلع متنفخ وزععل ابوي عاين عاين لي ابووالقاسم قال ليهو انت كمان حارث شنوو؟اللحق عمك يلا مش رحلته معاهو ليك كم يوم؟ابو القاسم طلع مشى ابوي مسكين والله لكن لو قام للغضب صعب والله الحليم عندما يغضب بس بعد م طلعو جدي قال ليهو معليش ي ولدي اعفي لينا عملنا ليكم مشاكل ابوي قال ليهو العفوو يابا

كابتن وائل قال ليهو اها ي عمي قولته شنوو؟انا والله زول جادي وداير بتك دي وبعد الحاله الشوفتها فيها دي م داير اخليها ولا ثانيه وراي اعقد لي ليها وسلمني ليها اسي دة جدي عثمان قال ليهوي ولدي نحن ناس خير البر عاجلو وحار حار كدة خلينا نسترهم والعمر زاااتو م معروف ي ولدي والموت م معروف ابووي قال ليهو والله ي ولدي انت راجل وود رجال وانا لو لفييت الدنيا دي كولها م بلغى راجل افضل منك لي بتي لكن بحالتها دي اسي اعقد ليك عليها كيف؟كابتن وائل قاطعو قال ليهو م عندي مشكله لو في اسعااف بسوقها معي

ابوي قال ليهو المشكله م مشكله اسعاف لكن دي اول لي بت تعرس م معقوله اعرس ليها كدة نحن كمان عندنا اعل وحبان لازم يحضرو عرس بتي ولا شنوو ي عمي؟جدي قال ليهو صح والله حضور الاهل لازم ابوي قال ليهو خلاص ي ولدي بعد شهر انشاءالله تعال وبنديك ليها تب كلام رجال كابتن وائل قال ليهو وانا اضمن كيف بعد شهر م ترسو ليها ود عمها او اخوها دة يكسر رقبتها لالا م بضمن اعقدو لي عليها وخلوني اسوقها قدامي وانا مطمن

ابوي قال ليهو سمح ي ولدي انا بعقد ليك عليها اسي بعد صلاة المغرب وبعد شهر تعال تم مناسبتك واستلم مرتك وانشاءالله تجي تلقاها في الحفظ والصون وانا زاتي ابوها م برضى فيها الشينهه اها رايك شنوو ي عمي الحاج؟جدي عثمان قال ليهو والله ي ولدي كلامكوعين العقل نحن بس البهمنا م نرجع منكم يدينا فاضين ابوي قال ليهو لالا م بترجعو تب جدي قال لي امي اها ي امها رايك شنوو؟كابتن وائل عاين لي امي قال ليها ي خاله انا عارفك شايله هم سمعه شهد وانا عااارف اي شي عن شهد وموافق بيها ودايرها زي دة شهد كبيرة في عيني بي اخلاقها م بي شرفها

ياما في بناات جابوهم في بيوتهم محترمات وفي النهايه طلعو اي كلام فاايدة عزريه الجسد والشرف شنووواذا كان القلب والعقل وسخان؟ولا شي طبعا وشهد في نظري كاااملهه ومكملهه وم بهمني راي اي زول تاني فيها امي طبعا متفاجأة من كلامو هو موافق وعارف اي شي عني ابوي قال ليهو طيب على بركهه الله والله اديتك ليها عشان مكمل الرجاله ي ولدي بس نكلم جيراني ديل بعد المغرب اسمع ليك صوت الزغاريد في بيتنا طبعا زول شاورني ولا اخد راي ماف بس في كل الحالات لو شاوروني م كان حييكون عندي مانع شويه كدة جات امي وخالتو انصاف امي قالت لي شهد ابوك دة عقد ليك

قولته ليها عقدولي طبعا افتكرتهم عقدو لي لي عبدالله ود عمي م كنته جايبهه خبر امي قالت لي اي عقدو ليك لي ود البندر دة وقعدو يزغردو طبعا في البدايه م كنت مستوعبه كلامها تاني بقيت لي نفسي ود البندر قصدها كابتن وائل بعدها ناس امي طلعو مشو بيتنا لانو بيتنا اتملا ناس انا بقيت قااعدة في الاوضهه ومصدوومهه طبعا حاسه نفسي بحلم احلام يقظهه او الضرب دة اثر في راسي شويهه كدة اسمع لي زول جا داخل الاوضهه اتلفتهه لقيتو دة كابتن وائل جا قعد جنبي في السرير اول حاجهه عملها مسك لي يديني طبعا انا لسسه م مستوعبه قولته ليهو الحصل شنوو

وفي شنوو؟قال لي ماف شي باسني في راسي قال لي كل الحاصل انو انا خلصتهه كلامي مع ابوووك خلاص ...