الفصل الثالث والعشرون

قولته ليهو افتح لي الباب انا عايزة انزل على طول ساق العربيه واتحرك قولته ليهو هييي انت انا بتكلم معاك ماشي وين انت وبقيت اضرب ليهو في الكرسي القاعد فيهو طبعا للحظهه حسيت انو ماشي يكرر حركتو العملها معاي في بيتهم ديك بقيت اصرخ قفل القزاز قولته ليهو انت ماشي بي وين فهمني قال لي اهدي اول شي وبطلي عياط وصراخ لما تبطلي وتهدي بعداك ممكن تكلميني علشان نتفاهم وشغل اغاني بصوت عااالي قولته ليهو نتفاهم في شنو ماف شي نتفاهم فيهو سكتت سااي قولته ليهو بتكلم معاك انا ي كابتن وائل الله يخليك نزلني ولا اشتغل بي

سكتته مسافهه قال لي خلاص هديتي؟طيب ي ستي انا م عايز اعتزر ليك لأني في الاساس في غلطته عليك بس غلطي الوحيد اني م سمعتك المفروض كان اسمعك قبل م احكم عليك بس انا لما عرفتهه بالموضووووع زعلتهه جدا وردة فعلي دي كانت طبيعيه جدا لأني لما شغلتك م كنت بعرفك وبالرغم من ذلك انا اديتك الثقه وشغلتك معي بس صراحهه ي شهد بعد م مزن حكت لي عنك احترمتك شديد حاولته اتكلم معاك كذا مره في المستشفى بس انتي كنتي بتصديني وبتتجاوزيني كنت عارف انك حتكوني رافضهه تسمعيني عشان كدة طلبتهه من مزن تديني مساحهه اتكلم معاك فيها

بقيت سااكتهه سااي لاني م اتوقعتو حيقول كدة هو بقى ساكت وانا ساكتهه بقى لافي بالعربيه بس والله في لحظات صمت كدة حلوة خلاث قال لي م عايزة تغولي شي؟قولته ليهو انت متخيل حجم الشي الكنت عايز تعملو اليوم داك قال لي بس م عملته شي قولته ليهو بس كنت حتعمل قال لي كنت يعني م عملته قال لي عموما ي ستي حاليا بما انو سؤ التفاهم اتوضح وخلص ممكن نقول صافيهه لبن؟ سكتتته سااي قال لي وبعدين انا محتاج ليك شديد لازم تخلي بالك من جدي

قولته ليهو هي الحكايه لعبهه تطردني وتبهدلني وقت م انت عايز وتجي ترجعني وقت م انت عايز لا معليش رجعني البيت لو سمحت قال لي البيت دة غاصدة بيهو بيتنا؟بااار وغياظ قولته ليهو لا رجعنا بيت ناس مزن لو سمحت قال لي طيب يعني حتجي بكره يعني؟قولته ليهو انت م جادي قال لي جاادي سكتته مسافه وقعدته ابكي قال لي شهد م قولنا م خلاص قولته ليهو طالما خلاص طيب وصلني البيت قال لي طيب حاضر وصلني البيت نزلتهه وجري دخلته البيت ولا اتلفته عليهو حتى ضربته الجرس مزن فتحت لي قالت لي شهودة ضربتها قولته ليها سهودة في عينك

ضحكت قالت لي م قدرته ارفض ليهو طلبو وحاتك لانو طلب مني بي ذوق وقال عايز يتكلم معاك قولته ليها بياعهه وحيوانهه قالت لي اها خليك مني قولي لي قال ليك شنوو؟قعدته احكي ليها قالت لي حييي انا منو يعني عايزك ترجعي تشتغلي معاهم قولته ليها ايوة بس انا م عايزة ارجع اشتغل معاهو بعد موقفو معاي فهمتي قالت لي فاهماك ي غلبي اليوم التاني كنت قاعدة في الكافيه وبكتب لي في غصه كنت قاعدة في مقاعد الزباين فجأة احس ليك بي زول قعد جنبي رفعته راسي لقيتو هو قال لي ساالخير قولته ليهو مساالنور قال لي بتكتبي قصص لسسه قولته ليهو ايوة

قال لي كويس والله كتبتي كم للأن قولته ليهو 6 ودي السابعهه قال لي ممتاز طيب حلو عايزة اقوم امشي قال لي شهد خليك بس دقايق قال لي انتي بتكتبكي قصص صح؟قولته ليهو ايوة قال لي في مشروع لينا فترة بنخطط ليهو انا ومعي صحبي اسمو مهند عاينته ليهو بإستغراب قال لي م تستغربي كدة حأقول ليك الفكره كالاتي مهند صحبي دة رسام زي كدة يلا هو فكرتو هو عايز اعمل معرض بتاع رسم ويعرض فيهو لوحاتو وعايزني اشارك معاهو بي لوحاتي لينا فترة بنجهز في الموضوع دة بس انا عشان ظروف شغلي وكدة م كنت بكون متووفر في السودان عشان كدة

الموهم بس انا فكرته في انو مع المعرض بتاع الرسم نكمل كتاب لرواياتك البتكتبيها دي ونعرضها كمان قولته ليهو كتاب كيف يعني م فهمتك؟قال لي حنعمل كالاتي حنجمع رواياتك الكتبتيها دي كولها وحنطبعها وحنعمل ليك Cv ظريف كدة معاها وحنوديها لي اقرب دار نشرر حنتكلم معاهم وانتي حتشرحي ليهم كيف الناس متفاعلهه معاك وكدة وانشاءالله لو وافقو يطبعو ليك كتاب حنعرضو مع الروسومات حقتنا

قولته ليهو طيب وانت مصلحتك شنوو تعمل كدة؟ علشان ارجع اشتغل في بيتكم يعني؟ضحك قال لي صراحهه انا طمعان في فكره فكره انك ترجع الشغل بس كمان م عايز اضغط عليك بس العرض دة م ليهو علاقهه بي قصه انك ترجعي تشتغلي قولته ليهو طيب اها شنووو؟؟مسح وشوو بي يديهو وخته يدو في خشمو قال ليوانتي اصلا لتيخهه كدة وزمان كنتي عامله فيها مسكينهه قولته ليهو كيف يعني لتيخهه فجأة جاتو مكالمهه قال ليهو ابو الشباب حبيبي والله في الرياض؟طيب تمام ظاابط بجيك اسي قال لي عن ازنك طالع وفكري في الموضوع تمام وشال تلفونو وطلع مزن جات قعدت قالت لي دة مالو

قولته ليها بري قعد قال لي كلام خارم بارم وطلع م فهمتهه منو شي قالت لي محن غاايتو في نفس الوقت اتصلت علي هديل قالت لي شنو م جايانا ي كعبهه حالتك اليومين دي مؤجزة وبعدين صحبتك امها لسه م جات؟قولته ليها لسسه والله قالت لي خلاص بكره تعالينا حلفتك قولته ليها ههه سمح انشاءالله قالت لي طيب نتلاقى باكر مزن قالت لي بكره ماشه ليهم؟قولته ليها شينه في حقي م امشي اشوف جدي عثمان عندي تلاتهه يوم م مشيت تمشي معي؟قالت لي م ماشهه لاني لو مشيت حأرتكب جريمهه في مره اخوهم القبيحهه دي

قولته ليها ليه مالها معاك؟قالت لي انا نسيت م كلمتك اليوم داك لما مشيت الحمام فوق م عرفته الغرفه بقيت افتح في الغرف الموهم مشيت غرفه شكلها غرفه التافهه دي قبل م افتح الباب سمعتها بتتكلم بالتلفون بتغول م عارفه جدي شافنا لما انت ماسك يدي ولا لأ لكن حتى لو شافنا م اظن يتكلم عشان كدة انا قلته ليك م كل م اجيك في البقالهه تمسك يدي""قولته ليها وااااي التافهه معناها جدي عشان كدة شافهم وزعل لمن وقع

قالت لي شهد الموضوع دة بعد كدة م بتسكت عليهو وبعدين انتي بعد كدة قولي الحقيقهه كدة كدة انتي م م خسرانهه حاجهه لانو شغلك وخسرتيهو خايفه من شنوو تاني انتي

نتلاغى