الفصل الثامن عشر

بعد م طلع قومته على حيلي لقيت الشي المضحك اكتر انو طرحتي معلقهه في رقبتي لميت شعري ولبستها ودخلنا البيت عدة اسبوووع وانا اتحسنته الحمدلله يوم الخميس جاتني مزن وسلمت علي فجأة جا وليد داخل البيت اثناء م نحن طالعين سلم عليها بعد م طلعت قالت لي شهد اووووعى تغولي لي دة البتخونو مرتو مع بتاع البقاله؟قولته ليها تخيلي قالت لي احيييي ي مصراني دي انسانه واطيه بجد اسي دة بخونوهو الله لا جاب باقيها ضحكته قولته ليها وي ريت لو سيد الدكان زاتو نافع والله تافه تفاهه وبتاع نسوان كمان قالت لي اصلا لو م تافه بخت عينو على مرت جاري كمان

قولته ليها وشبه صحبو قالت لي احلفي قولته ليها والله قالت لي شهد وانتي سااكته ليه؟قولته ليها اها واعمل شنوو والله ضميري مأنبني بس كمان انا م عايزة ابقى انانيه في حق نفسي واخسر شغلي فهمتي؟وبعدين دي مشاكلهم الخاصهه م عايزة ادخل نفسي في حتات ضيقهه وانتي عارفه انا في الوقت الحالي م عندي طريقه اخسر الشغل دة لانو م حألقى افضل منو قالت لي طيب قدمتها هي مشت وانا رجعته البيت جاتني هديل في الغرفهه قالت لي بكره جيرانا ديل عندهم عرس وحفلتهم في صاله الليله الحنه تمشي معاي حلفتك ي شهد ارح نمشي سوا وزره زاتها نسوقها معانا

قولته ليها لكن انا عندي قرايه وي دووب هديل جابت لي اللابتوب والشيتات عشان اشوف الفاتني الاسبوع المضى قالت لي ياخ قرايه قرايه القرايه ملحوقهه ارح امشي معي ياخ قولته ليها طيب قالت لي لكن م تلبسي لي عبايهه ضحكته قولته ليها اها اللبس شنوو قالت لي فستان او اي شي قولته ليها م عندي فساتين انا قالت لي الموهم تعالي انا بديك فستان مشينا لقيت فساتيها كولها ضيقهه وكولها شبابيك وابواب قولته ليها حبوبه عششه ادتني تووب كدة ماااشهه اللبسو ضحكت قالت لي بررضو افضل من العبايهه لكن تعالي اقعدي اظبطك

قعدته ظبطت لي حواجبي وعملت لي ايلاينر الموهم ظبطتني تمام قالت ايزماشءالله عليك قوووومر وقسما بالله ضحكته قامت فكت لي شعري قولته ليها لا قالت لي رابطاهو 24 ساعهه شويه كدة حتصلعي فكتو لي ومسكتو لي بي مشبك عايزة اللبس الطرحهه جرتها مني قالت لي الا تطلعي كدة قولته ليها لااا قالت لي حره طيب خليك قااعدة كدة وبعدين البيت فااضي ي بت وليد لسه م جا من الشغل وحبوبه وجدي تحت ووائل زاتو نايم ولا مافي زاتو م عارف وم تغولي لي بتخجلي من زهرة لانها هي المشطتك زاتها ضحكته قولته ليها هديل حلفتك اديني الطرحهه قالت لي ابيت الليله تطلعي كدة بس

فتحته الباب اتلفته برااحهه م سامعهه صوت زول قومتهه طلعتهه طوالي اول م طلعته وحصلته نص المساافهه كدة بس كابتن وائل طلع من غرفتو حقت الرسم ويدينو طبعا بقيت واقفه في النص لا قاادرة ارجع غرفه هديل لانو هو قريب منها ولا قادرة انزل لاني من شوفتو اتجمدتهه وهو ماسك قطعهه في يدو شكلو كان برسم ويديهو وسخانهه بالالوان بقى بعاين لي بس فجأة هديل جات طالعهه قالت ليهو ويوي ياخ رايك شنوو في المزة دي طبعا طوالي نزلته وجرري على اوضتنا لمن قلبي عمل شح شويه كدة هديل جات قالت لي يلا نطلع

لبسته التوووب وطلعته مشينا الحفله ومشت معانا مثاني اثناء م نحن في الحفله كدة فجأة مثاني طلعت ونحن م منتبهين الا بعد م هديل قالت لي وين مثاني؟قولته ليها م عارفاها والله قالت لي ارح نشوفها كدة بس فجأة في واحدة مسكت هديل قالت ليها دوووله الكعبهه قولته ليها خلي انا بمشي بشوفها خليتهم واقفين وطلعتهه طلعته اتلفتهه يمين وشمال شااايفه في ناس واقفين على جنب كدة وبتونسو بقيت اقرب منهم شويه شويه انا عرفتها من صوتها وهي بتتكل وقفته مساافه عملته روحي م شايفاهم وهم اساسا الحته الواقفين فيها ضلام

شويه كدة الراجل مشى وهي جات ماشه على مكان الحفلهه قولته اليله اصلا م بخليها الا اواجها بس وقفته ليها قولته ليها مثاني وربعته ليها يديني اتخلعت هي زاتها قالت لي الطلعك بره شنوو؟؟قولته ليها طلعتهه اشووفك انتي مشيتي وين؟؟قالت لي مشيت البيت صلحته مكياجي وجيت الراجعهه قولته ليها والكان واقف معاك دة وليد سكتت عايزة تمشي تدخل قولته ليها على فكرة ي مثاني لو م بطلتي العمايل الانتي بتعملي فيها دي الحيحصل ليك م خير والله دي نصيحه اسمعيها مني

قالت ليةقصدك شنوو م فهمتك؟قولته ليها انتي عارفه قصدي شنوو وفاهماني وانا فاهماك وعارفه اي شي ومتسترة عليك علشان عايزاك تتراجعي براك وتعرفي انو البتعملي فيهو دة غلط قالت لي على فكره انا م بتهدد شغاله معانا زيها وزي الحبشيهه العندنا قولته ليها لاحظي انا م بهددك انا بنصح فيك مبدئيا كدة ودخلته خليتها حضرنا الحفله زييين ورجعنا يوم الجمعه هديل ادتني صحن مكسرات قالت لي عليك الله ي شهودة بدون صغره كدة وصليهو لي وائل في غرفه الرسم حقتو ديك شلته الصحن وديتو ليهو لقيتو برسم سااي قال لي اتفضلي وشوكرا قولته ليهو ماشاءالله رسمك حلوو

قال لي جد؟قولته ليهو والله قال لي كدة ناوليني الريشششهه دي اديتها ليهو قال لي بالمناسبه انتي قصصك القاعدة تكتبيها بتنشريها ولا بتكتبي سااي؟؟قولته ليهو انشرها وين؟؟ قال لي تنشريها وين كيف في الفيس والتلجرام وكدة ه قولته ليهو م عندي علاقه بالفيس كتير قال لي كتبتي كم قصهه لحدي الان انتي؟قولته ليهو واحدة وي دووب تميتها ضحك قال لي من زمان واحدة بس؟قولته ليهو زمان كنت بشخبط بس قال لي طيب شاركيها في الفيس مع اصدقائك وفي القروبات وكدة سكته سااي قال لي مالك م عندك حساب فيس؟قولته ليهو عندي

قال لي طيب مالك؟سكتت مساافهه قال لي اهاا طيب عاين للساعهه قال لي ضهر الجمعهه قرب نكمل بعدين تمام قولته ليهو تمام وطلعته...

نتلاغى