الفصل الحادي والثلاثون

بعد م ناس عمي وابو القاسم طلعو عندنا دكتوور في حلتنا اسمو دكتور هااشم ابوووي مشى جابو وجا لما شافني قال ليهم لا حول ولا قوة الا بالله البت دي عملتو فيها شنوو كدة؟خالتو انصاف قالت ليهو والله العملو فيها دة بس اسكت بس ي دكتوور هاااشم م بتقال قال ليها موبالغهه طبعا الموهم عدت يومين على حالتي دي انا حركهه م بتحرك وكل الوقت نايمهه على بطني خالو انصاف دي بتجي تعمل لي مكمدات بالمويهه الحااره وبتسرح لي شعري وبتطلع اليوم التالت ابوي جا داخل البيت حوالي الساعهه 4 مساء كدة

ابوي مستغرب طبعا قال لي امي في شنوو والعربيه دي حقت شنوو الواقفهه لينا قدام الباب ولامه فينا ناس الحلهه كولهم؟طبعا في حلتنا العربات السمحه البتجي داخله حلتنا الا عربات المنظمات بس امي قالت ليهو جوو ضيووف حارسنك في الصالون هناك قال ليها ضيووف منوو؟قالت ليهو راجل شايب ومعاهو ولدو امشي سلم عليهم قال ليها طيب فضلتيهم وعملتي ليهم عصير وغداء وكدة؟قالت ليهو هم جو قبل شويه لكن فضلتهم عصير قال ليها كويس ودخل الصالون قال ليهم السلام عليكم ي جماعهه طبعا مبدئيا كدة الجا جدي عثماان جدي عثمان قال ليهو وعليكن السلام ي ولدي كيفك

قال ليهو تمام الحمدلله اتفضلو ي جماعهه اتفضلو حبابكم جدي عثمان قال ليهو حباك الله ي ولدي قعدو ابوي بعاين ليهم بإستغراب سااي ديل منو والجابهم لي شنوو و...جدي عثمان قال ليهم طبعا ي ولدي انت م بتعرفنا وماف سااابق معرفهه بيناتنا ابوي قال ليهو صح والله جدي قال ليهو والله ي ولدي نحن جاين ليك من بعييييد وجينا طالبنك في خير وانشاءالله م ترجعنا وخاطرنا مكسوور ابوي قال ليهو حبابكن يابا اتفضلة طوالي والله اذا الحاجه في يدي وبقدر اساعدكم بيها اصلي م ببخل عليكم بيها

جدي قال ليهم طبعا ي ولدي انت عندك بت اسمها شهد وبتك دي والله زي بتنا واكتر ابووي عاين ليهو بإستغراب قال ليهو شهد بتي بتعرفوها من وين؟جدي عثمان قال ليهو م تستغرب جايك في الكلام واحدة واحدة بتك كانت شغاله معانا في بيتنا والله م كانت مقصرة مننا تب ونعمهه التربيهه والله خلقهه واخلاق ابوي قال ليهم انتو الناس الكانت شغاله معاكم شهد وقام تاني سلم عليهم قال ليهم حبابكن حبابكم والله نورتونا

جدي قال ليهو الله يعافيك ي ولدي اها ي ولدي انا جااايك في خيير وجايك بالباب عدييييل وداااير اخطب بتك شهد لي ولد بتي دة اسمو وائل كابتن طيران في قطر دايرها ليهو على سنهه الله ورسولو طبعا ابووي مخلووع وبقى يعاين ليهم بس قال ليهو والله ي عمي حبابكم وجيتونا نشيلكم فووق روسينا لكن والله البت دي محجوزة لي ود عمها وحاجزنها ليهو من صغيرة جدي قال ليهو ي ولدي والله عارفين جينا هاجمين عليك هجيمهه وفاجأناك لكن نحن زاتنا جينا مستعجلين عشان البت دي م دايرينها تضيع من يدينا كابتن وائل

كابتن وائل قال ليهو ي عمي والله جااين وعلى امل كبييير انو انت م ترجعنا فاضين والله جيت من الدووحهه اليوم وعلى طووول اتحركنا جينا عليكم هنا انا زول جااهز م عندي لف ولا دوران وجاي بالباب عديل وطالب يد بتك امي طبعا سمعت كلامهم ورسلت حموودي جري قالت ليهو امشي نادي عمك وابو القاسم اخووك طبعا امي همها كلوو انو ماف زول يهرف انو انا اغتصبوني وتعرس لي عبدالله ود عمي شويه كدة ابو القاسم وعمي جو داخلين سلمو وقعدو جدي عثمان قال وليهو اها ولدي قولته شنوو؟عمي الفاتح فتحهه خشمو قال ليهو م عندنا بت للعرس ي جماعهه

ابو القاسم قال ليهم انتو منوو؟والجابكن عندنا شنوو؟شايف ي ابوي بتك جايبه لينا السمع والفضايح ومفرجهه فينا ناس الحلهه انت الكنت بتتكلم معاها بالتلفون صح؟تاني رجعت اتصلت عليك اتصلت عليك من وين والله ي ابوي المره دي اكسسر ليها رقبتها واريحك منها والله اكسر ليها رقبتها كابتن وائل طبعا زعل من طريفه كلامهم قال ليهم دي شنوو الهمجيه والسطحبه دي؟وبعدين انتوو منوو انا المافاهم؟وكيف يعني تكسر ليها رقبتها شهد وين هي؟حموظي اخوي طبعا متحشر في اي مكان قال ليهو شاشاشاشهد في بيت ناس حالتو انصاف طبعا حمودي بتمتم واللجن

كابتن وائل قال ليهو امشي ناديها اجري حمودي قال ليها للللكن م بتقدل تجي هي عيااانهه وراقدة في السليل الا مغطنها بي تووب ابو القاسم قال ليهو طير من هنا اطلع بره ي حمودي سورعهه وانت كمان بتسأل منها داير منها شنوو؟حمودي عايز يطلع كابتن وايل مسكووقال ليهو دقيقه ارح وديني ليها قام كدة بس ابووالقاسم مسكو قال ليهو ماشي وين انت ي زول وداير تشوفها بصفتك منوو؟كابتن وائل قال ليهو شووف انت من جيت داخل شغال تصرخ وتصرف عربي وانا ساكت احتراما للناس القاعدة هنا دي ولأني م بعرفك

فلو سمحتهه م تجبرني اتصرف معاك تصرف م بليق بي ولا بليق بيك ابعد من طريقي لو سمحتهه ابو القاسم قال ليهو ي زول لو م احترمتهه نفسي دايى تعمل شنوو يعني؟كابتن وائل قال ليهو ي ود الناس لا اله الا الله ابووي قام جره ابو القاسم ورماهو في السرير قال ليهو انا قاعد م اسمع منك ولا كلمهه كابتن وائل مسك حمودي وطلع قال ليهو الشارع بي وين بي جاي؟حمودي قال ليهو لا لا لا الطليق بي جااي انت بس اللحكا انا بوليك الطليق (قصدو ارحكا، ، ، الطريق)بعد م وصلو كابتن وائل سلم على خالتو انصاف وخالتو سميرة اختها طبعا بعاينو ليهو ليهو بإستغراب كدة

قال ليهم عليكم الله لو سمحتو وين شهد عايز اشوفها لو ممكن؟خالتو انصاف صرت ليهو وشها وقالت ليهو انت منوو حمودي قال ليها دة دة دة حطيبها (قصدو خطيبها)حطبها اسي من ابووي وحاطسملا حطبها اسي كابتن وائل قال ليها وين شهد هي كويسه ولا مالها الحاصل عليها شنوو؟خالتو انصاف لما شافتو ملهوف في كلامو وكدة قالت ليهو انتظر جات داخله لي في الاوضهه قالت لي في ضيف داير يشوفك طبعا انا بالغصب اقدر اتكلم قولته ليها ضيف منوو م عايزة اشوف زول انا

طلعت لي جلباب لبستني ليهو وصلحت شعري وريحتني وغطتني بالتوب قالت لي م عارفه بس هو قال داير بشوفك جا اسي مع حمودي اخوك طلعت قالت ليهو اتفضل حمودي جا عايز يدخل معاهو مسكتو قالت ليهو تعال انت متحشر وين كابتن وائل جا داخل طبعا لما دخل انت كنت مقبله وشي على الحيطهه اول م شافني قال لي شهد طبعا انا اول م م سمعته صوتو صوتو بالنسبهه لي مألووف اتلفتهه عليهو والله م صدقته انو واقف قدامي حقيقه لانو اخر زول اتوقعتهه اني اشوفو مره تانيهه قال لي مالك فيك شنوو ووشك دة مالو الحاصل عليك شنووو وبعدين ليه مغطنك كدة

جا رفع التووب المغطني بيهو طبعا اول م شاف جسمي اتلفت على الباب مساافهه قال لا حول ولا قوة الا بالله وبعدها رجع عاين لي طبعا انا بقيت ببكي بس رجع غطاني وهو زاتو دموعو بقت جاااريهه جاريهه من شوفه حالتي قال لي شهد في شنوو؟والعمل فيك كدة منوو؟وليه م كلمتيني؟قولته ليهو كابتن وائل الجابك هنا شنوو طبعا مخلوعه من شوفتو كأني بحلم قال لي م مهم الجابني شنوو انتي العمل فيك كدة دة اخوك صح عشان لقاك بتكلمي معي بالتلفون؟قولته ليهو ماف شي مشكله بسيطهه بس

قال لي مشكله بسيطهه العاملنو فيك دة كلوو ومشكله بسيطهه انتو عندكم هنا المشاكل البسيطه بحلوها كدة؟قولته ليهو انت جيت متين وعرفته بيتنا كيف وجيت مع منوو طبعا عيونو بقت زي الشرارة وهو بحاول يمسك دموعو وصوتو بقى مونتهي مسح وشو بي يدو وجا قعد جنبي في السرير قعد يمسح لي دموعي قال لي عايني م تبكي تمام قال لي انا طالع قولته ليهو ماشي وين؟قال لي عندي كلام لازم اخلصو معاك ابووك اوووول وبعدين برجع ليك قولته ليهو كلام شنوو ي كابتن وائل؟قال لي بعد اخلص حتفهمي اي شي حاليا ارتاحي وم تخافي من شي فهمتي وفكه يدي وطلع

نتلاقى هينا