الفصل السادس
قولته ليهو ايوة انا شهد مين انت؟؟قال لي انا شوووفتهه البوست المنزلو اسماعيل مصطفى في القروب وطلبتهه منوو رقمك عشان اتواصل معاك واقدر اسااعدك قولته ليها اهااا ايوة ايوة اهلين قال لي هلاتين بيك قال لي م عاارف اذا حتوافقي على الشغل او لا بس انتي قولتي حتشتغلي اي شي صح؟؟سكتته مساافهه قولته ليهو ايوة قال لي انا م عااايش في السودان لكن عندي حبوبتي وجدي عايشين هنا ومعاهم اختي صغيرة
انا كنت بفتش لي على واحدة تهتم بي جدي وحبوبهه وتخلي بالها منهم لأنهم كباار في السن وجدي عندو الضغط قاعد معاهم اخووي ومرتو لفترة مؤقتهه بعدها حيرحلو واختي الصغيرة دي طفشااانهه م بقدر أأمن عليها عشان كدة اذا حااابهه تشتغلي وتقعدي معاهم في البيت وتخلي لي باالك منهم انا م عندي مشكلهه سكتتهه مسااافهه وانا ايش ضمني انو صااادق في كلامو قولته ليهو يعني...قاطعني قال لي انتي بس حتخلي بالك من جدي وحبوبهه في البيت وفي حبشيهه شغالهه انتي بس حتساعديها
انا كنت عااايز واحدة اجيبها عن طريق المكتب عشان تكون مضمووونهه لكن لما شوفتهه البوست المنزلو اسماعيل قولته كدة اجرب واديك فرصهه قولته ليهو طيب قال لي انا اسمي وائل مقيم في الدوحهه كابتن طيران في الخطوط الجويهه القطريهه ظرووف شغلي م بتسمح لي اكووون متوووفر على الدوام في السودان وجدي دة حالتو الصحيهه متدهورة شويه فأنا عااايزك تخلي لي بالك منهم بجد وتطمينني على اخبارهم اول بأول قولته ليهو حااضر انشاءالله بسس انا بدرس
قاطعني قال لي انا حاسب حساب انك بتدرسي زي م قولته ليك في شغالهه في البيت بس م بتكفي لانو البيت كبير واغلب وقتها بتقضي في النضاافهه انا الاسبوع المضى كنت في السودان وبجد صحهه جدي محتاااجهه رعاايهه خاصهه وحبوبهه كمان عندها سكري قالو عرضي لكن انا م مطمن فهمتي وي ستي لو على القروش حنتفق م مشكلهه حأديك في الشهر 2000 جنيه سكتهه مسااافهه طبعا مخلوعهه في المبلغ هو افتكر انو انو انا ساااكتهه لأني شايفهه المبلغ بسييط قال لي طيب حأديك 2500 كويسه معاك كدة؟قولته ليهو طيب قال لي بس اهم شي م أوصيكي عليهم عليك الله
قولته ليهو انشاءالله بس انتو ساكنين وين وكدة؟ وحأطلع منهم السااااعهه كم؟قال لي ساكنين في المنشيهه+انا بقترح عليك تكوني ساااكنهه معاهم في البيت لانو فكره انو دوامك يبدأ المساء وترجعي الداخليه دي صعبهه شويه عليك فهمتي؟قولته ليهو بس انا م بقدر اخلي الداخليهه لأنو اساسا اهلي م عارفين انو انا حأشتغل وفي اي لحظهه ممكن يجو عشان يسلمو ويتطمنوو علي قال لي م عاارف اقول ليك شنوو غااايتو فكري وشووفي حتبقى على شنوو بتصل عليك بكره المساء انشاءالله واشووفك قررتي شنوو وقفل الخط على كدة
اليوم التاني حكيت لي مزن قالت لي ي بت دي فرررصهه عمرر في زول بضيعها؟وبعدين مافوشي مااكل قرووشك دي غير الداخليه ومرضها وي ريتها لو داخليهه ناافعهع وافقي على طووول واشتغلي معاهم وبعدين هو قال ليك عندهم حبشيهه في البيت يعني اكيييد الشغل م حيكون كتيير عليك ولا مطلووب منك تشتغلي كتير كل العليك تخلي بالك من حبوبتو وجدو وي بيبي المبلغ حنيييييين شديد وكويس معاك قسمابالله انتي ربنا زااتو بحبك ي شهد قولته ليها يعني اوافق؟قالت لي مبدئيا كدة وافقي وربنا يكتب الفيهو الخيير ي ستي وبعدين انتي مش قولتي حتشتغلي اي شغل؟قولته ليها ايوة خلاص تمام
بعد م رجعتهه البيت المساء م اتصل علي وانا منتظراهو لما الساعهه 11 جات وم اتصل يإستهه قولته معناها خلاص طفشش وتاني م حيرجع يتصل علي فجأة اتصلت علي مزن قالت لي اتصل عليك واتفقتوو؟ قولته ليها بري طفش بنتكلم مع بعض كدة بس جا رقم داخل علي بي مكالمهه قولته ليها في رقم داخل علي ثواني افصلي يكونو تهلي بعد فصلت لقيت الرقم حق الزول الامس زااتو رديت عليهو قولته ليهو وعليكم السلام قال لي مساالخير قولته ليهو مساء النوور قال لي هااا وافقتي ولا لأ؟؟قولته ليهو وافقتهه مبدئيا كدة
قال لي تمام انشاءالله الشغل دة يكون فيهو خير عليك وبتمنى تكوني عند حسن الظن قولته ليهو انشاءالله قال لي بكره انشاءالله المفروض تمشي عليهم جهزي نفسك ومستلزماتك فچأة بقى بتكلم بالانجليزي سكتتهه مساافهه حيرني طبعا شكلو بتكلم مع زول جنبو او كدة قمتهه فصلتهه الخط على اساس انو م يكمل رصيدو سااي شويهه كدة اتصل علي قال لي مالك فصلتي الخط بنبره حاادة كدة قولته ليهو معليش بس انت كنت مشغول عشان كدة قال لي انتي المتصلهه ولا انا؟؟قولته ليهو انت قال لي طيب طالما انا المتصل معناها م تعملي. الحركهه دي قولته ليهو طيب معليش
قال لي المووهم اوصف ليك البيت وين بالظبط في المنشيهه وقعد يوصف لي قال لي انا كلمتهه ناس البيت شوفي الزمن المنااسب الحتمشي فيهو وامشي على طوول وبتمنى يكوون في اسررع وقت على كدة قفل الخط بعد م قغل قولتهه لي نفسي طالما وافقتي وفررصهه زي دي م بتتعوض افضل تبدي الشغل على طوول قولته لكن لازم اكلك امي واقول ليها انا لقيت لي شغل اتصلتهه عليها ردت علي مخلووعهه مالك ي بت في شنوو ضاربه زي الزمن دة؟؟ قولته ليها ماف شي بس دايرة اقول ليك شي وحكيت ليها القصه
قالت لي لالالا ماف كلام زي دة ابووك زاتو م برضى شغل شنوو ي بت؟ قولتهه ليها يمهه انتي شاايفه وضعنا دة م بعجب زول انتو محتاجين وابوي حقن الانسولين حقتو بتصرف وهو عندو سكري عايزة ياكل اكل كويس واخواني عايزين يقرو وعايزين وعايزين...ابو القاسم براهو م بقدر يشيل المسؤليه دي لانو اليد الواحدة م بتصفق ي يمهه عشان كدة افضل نتعاون لمن ربنا يسهلها بعد تعب بعداك اقنعتها الحمدلله اليوم التاني بعد م خلصتتهه سوقتهه معي مزن عشان توصلني بيت الراجل دة والمحل الساكنين فيهو دة مشينا الداخليهه شلتهه حجاتي حتى طلعت معانا عبيير
شغالهه تغول لي وربي حأفقدك شهودتي الموهم اتحركنا مشينا لما وصلنا مزن قالت لي قال ليك جنب وين بالظبط؟؟قولته ليها كاتبه في ورقهه انتظري افتح الشنطهه اديك ليها فتحتهه الشنطهه اديتها الورقههه طبعا راكبين امجاد مزن كرهتها في الدنيا المواصلات اديتها الورقهه قالت لي بري م عرفتو دقيقه نسال سيد الامجااد دة سألنا سيد الامجاد قال لينا غاايتو مسجد سيدة سنهوري دة عرفتو لكن باقي الوصف دة م عرفتوو ي بناتي قولتهه ليهو بسس هو قال بعد اصل هناك لو سالتهه اي زول من بيت كابتن وائل بوصغو لي قال لينا كان كدة عديلهه
مشينا وبالجد اول م سألنا وصفو لينا لمن وصلنا نزلنا مزن قالت لي ايييييك بالجد لو دة بيتهم ديل محتاجين دستتته شغالات طبعا انا بقيت بعاين بس من شدة البيت م كببير مزن ضربت الجرس فتح لينا عموو كبيير كدة سلم علينا مزن قالت ليهو عمو لو سمحتهه دة بيت كابتن وائل؟؟طبعا بقى يعاين لينا كدة قال لينا اي مالكم في شنوو؟؟مزن قالت لي اجي دة مالو بغير عليهو ولا شنوو
نتلاقى