الفصل التاسع
قولته ليها اسي ي حبوبهه لو عندك عجين حاامض وصاج عواسهه كان عووستهه ليكم والله قالت لي بتعرفي تعوسي؟ هديل قالت لي شهد بتعرفي تعوسي بجد ضحكته قولته ليهم ايوة والله بعرف اعوس حبوبه قالت لي والله الصاج عندي وعندي العجين في التلاجهه لو بتعرفي اسي بعجن ليك العجين قولته ليها والله ي حبوبهه اعجنيهو بعرف اعووس على طوول طلعت لي الصااج من الدرج وجهزت العجين شويهه كدة ختيت الصاج فوق البوتجاز وقعدتهه اعووس طبعا هدييل بتعاين لي كدة قالت لي ماشاءالله مره ونص وخمس حبوبهه قالت ليها ديل البنات ولا بلاش خليكم انتو المعولقات
قالت ليها هيي ي حبوبه لكن اي زول على حسب البيئه العاش فيها يعني مثلا اسي انا في حجات بعرف اعملها يمكن شهد م بتعرف تعملها والعكس صحيح قالت لي شهد تسي انتي بتعرفي تعملي بيتزا ولا تورتهه؟قولته ليها ابدا قالت ليها اها شايفهه ي حبوبهه حبوبه قالت ليها هااا المعولقه دي خليك في سجمك دة هديل قالت لي دقيقهه اصورك فيديو قولته ليها لشنوو لاا وغطيت وشي منها قعدت تضحك قالت لي م تخافي م بنشرو ي شهودة بعد م خلصتهه عواسهه وهديل طلعت البيتزا حقتها جهزنا الفطوور فطرو شلته فطور جدي وعمي خليل وديتو ليهم
بعد م خلصنا فطور ونضفنا المطبخ مشيت الغرفهه نمتهه خليت زهرة بتغسل صحيت حوالي الساعهه 1 كدة لقيتها خلصت الغسيل قعدته اكوي كويت الملابس شلته ملابس حبوبه دخلتهم ليها غرفتها لقيت غرفتها م مرتبهه وجاايطهه كدة رتبتها ليها ورتبته ليها دولابها وطلعتهه دخلتهه غرفه جدو عثمان برضو كانت جايطهه شويه برضو رتبتها ليهو والدولاب برضو ظبطتو ليهو هو كان بصلي بعد م صلى قولته ليهو شوفته ي جدي الجلاليب والعمم في الضلفه الاولى دي والضلفه التانيه رتبته ليك فيها ملابس البيت وكدة
في النص خليت ليك ملابس البرد والبطانيهه تمام وعندك شنطهه في الضلفه الاخيرة والعطور والساعات والنظارات بتاعتك وبااقي حجاتك في الدرج التاني داااك على يدك الشمال فووق قال لي الله يديك العافيه ي بتي قولته ليهو اخر حاجه شلته نت ولعتو ليهو قولته ليهو كدة غرفتك بقت حلوة قال لي الله يرضى عليك ي بتي دنيا واخره قولته ليهو امين ي جدي العصر كدة بعد الغداء طلعتهه بره لقيت الجوو حلوو شلته الخرطوش رشيت الشجرر والنجيله الجو بقى بااارد فظيييع وحلو قولته لي زهره جيبي لينا فرشه تعالي نقعد هنا
زهرة جابت الفرشهه قعدنا نتونس شويه طبعا نص كلامها م بفهمو وهي عامله زي الرجل الالي ونستها بس زول يسألها وهي تجاوب وتسكت شويه كدة جا عمي خليل قعد يتونس معانا قولته ليهو اسي عليك الله ي عمو خليل الجو دة فااضي لي جو مكيفات قال لي والله م فااضي ي بتي قعدنا نتونس جا جدو عثمان شايل جريدتو وكرسيهو قعد معانا قال لينا جلسسهه م منظوور مثيلها ناقصها الشاي بس قولته ليهو اسي بسوي ليكم مشيت عملته ليهم الشاي وجيت قعدتهه جدو عثمان قعد يتكلم في السياسه وم السياسهه عمي خليل قال ليهو والله البلد دي القوي ياكل الضعيف بس
قولتع ليهو بالظبط كدة ي عمي عمي خليل والحشاش زي م بقولو يملى شبكتو جدي عثمان قال لينا والله الله يدي العافيه بس لكن عشان كدة الشباب كلوو هااجر قاعدين كدة سمعنا ليك حبوبه عشهه بتنادي ي زهرة ي زهرة جدي عثمان قال ليها نحنا قاعدين هنا جات قالت لينا عااد ماشاءالله انشءالله ملموين كدة في الحرم قولته ليها اميين ي رب تعالي اقعدي اكب ليك كبايه شااي قالت لي والله طيب وجات قعدت اتلمينا كولنا وقعدنا نتونس حبوبه قالت لينا نحن زمان عندنا شجرة النيم في البلد والله بنقعد تحتو نحن نسوان الحله كلنا وبنشرب جبنتنا
قولته ليها حبوبه اسي نحن في البلد كدة والله قالت لي نسوان البلد دي حناكيش سااي ي بتي قاعدين كدة جات هديل بتنادي ي حبوبهه ي حبوبهه قالت ليها اها بتنبحي مالك قالت ليها ليه كدة ي حبوبهه ي غااسيه قالت ليها دايرة شنوو قالت ليها م دايرة شي هااك دة ولدك قال دايرك قالت ليها ولدي منوو قالت ليها وائل هااك ادتها التلفون قالت ليههو جديي شوف مرتك دي بقت كعبهه جدي عثمان قعد يضحك حبوبه عشسه بتتكلم بالتلفون قالت ليهو لالا والله ي ولدي م فيها اي عيب مكفيه وموفيه الله يفتحها عليك ي ولدي الله يرضى عليك محل م تقبل
طبعا من خلال كلامها عرفتو سألها مني وكدة هديل قالت ليهو قاعدين بره تحت الشجر حق الحدديقهه داك دقيقه اخد ليك منهم صوورة جات تصورنا كدة انا اتلفتهه لمن طرحتي وقعت وشعري اتفكهه هديل قالت لي شهد غيااظهه الموهم تميت شهري الاول الحمدلله واستلمتهه قروشي اول م استلمته قروشي اتصلته على امي قولته ليها الوو امي كيفك تمام؟؟
قالت ليوالحمدلله بخير ي بتي قولته ليها امي انا رسلته ليكم 2000 جنيه اتصرفو بيها وتمو الناقصهه حقتكم وانا انشاءالله الشخر الجااي برسل ليكم نفس المبلغ تمشو بيهو اموركم
قالت لي هي لكن ي بتي اذا انتي رسلتي لينا القروش دي الفضل معاكي شنو؟؟قولته ليها امي م تخافي علي انا ال 500 جنيه دي شلتها بستري منها شيتات والباقي بتصرف بيهم الحمدلله م تخافو عليواهم شي ابوي واخواني شوفي الناقصهم شنوو اشتري ليهم وابوي دة م تقصرو منوو خلي ابووالقاسم يمشي جنينه عمي يجيب ليهو الفواكه اخلطوها ليهو بدون سكر سمح يمهه؟قالت لي سمح ي بتيوالله يديك لمن يرضبك ويفتحها عليك زي م فاتحاها علينا انتي قولته ليها اميين ي رب ي امي اهم شي دعواتكم دي براها بالدنيا
قالت لي والله بندعي ليك ي بتي في كل صلواتنا بندعي ليك وانا دب بقيم الليل عشانك انتي الله يحفظك على كدة قفلته من امي في يووم جيت من الجاامعهه داخله البيت ساامعه ناس بتتونس قولته يمكن ضيوف ماسه على الاووضهه حقتنا كدة نادتني حبوبه قالت لي شهد تعالي سلمي جيت قولته ليها نعم قالت لي دة وليد اخو وائل وهديل سلمته عليهو قولته ليهو السلام عليكم قال لي وعليكم السلام والله زي م بقولو ابن الحلال عند زكرو بيبان اسي حبوبه كانت بتحكي لي عنك قولته ليهو حمدلله على السلامهه قال لي تسلمي ي رب قولته لي حبوبه عن ازنكم
قالت لي اتفضلي ي بتي امشي ارتاحي وانا ماشه بعد م طلعته قالت ليهو والله بت هديه ورضيه خلاص قال لي اي باين عليها من وشها وانا ماشه على الغرفهه سامعهه مثاني بتتكلم في المطبخ وبتقول (حبيبي خلاص ولا يهمك ولا تزعل نفسك ماشي؟عارف انت بالنسبه لي شنوو؟طبعا استغربته بس مااا ركزته مع الموضوع كتير ودخلته غرفتنا ...
نتلاقى