الجزء 14
لالا ما قبل ما اطمن على بابا ......😢
_ ما خلاص اطمنا امشي انتي يا حليلو أيمن يومو خرب......😢
_ يابتي أيمن واقف برة بس في ناس كدا أحبابهم متلصقين فيهم و ما سابوهم ولا لحظة ......😉
_ غايتو هبلة بطلي عوارة و امشي شوفي راجلك بي وين......😀
ماريا رغم كلامها لي مايسة بس كانت حاسة بي اهتمام من ناحية طلب ...... اهتمام مبالغ فيه و ما طبيعي ...... بقت تقول أسي دا اصرفو كيف؟؟ ......😡
_ دنيا جات جارية سلمت عليها و قالت ليها الف سلامة لي عمو عمر مالو؟؟
_ سنهوري جا سلم وقال ليها سلامتكم .....
_ ماف شيء عندو ضغط بس ارتفع الحمد لله طمنونا قالو كويس .....
_ دنيا عاينت لي ماريا قوي و قالت ليها ..... طلب مشي؟؟.....😒
_ ماريا احتارت قالت ليها ما بعرفو من قبيل قال ماشي يشرب شاي و لحدي الان ماجا .....😓
_ دنيا عاينت لي ماريا عين مريبة ....😕
_ ماريا اتوترت و قالت ليها خلاص انتو امشو قالو اساسا حيطلعوهو بكرة ......😊
دنيا و سنهوري استاذنو و مشو ..... دنيا كانت متضايقة بس بعد مشت و الونسة مع سنهوري في الطريق نستها ضيقها
بعد طلعو ناس دنيا قامت ماريا على حيلها و اتصلت على طلب ......☺
_ طلب دا قلبو نط مع الاتصال .....
_ انت وين؟؟ .....
_ قاعد تحت في الشاي 😌 ......
_ طيب انت امشي يا طلب بابا بخير معليش تعبتك معاي الليلة ......😊
_ طلب سكت شوية و قال ليها ...... يعني بتطرديني؟؟......😧
_ ماريا اتخلعت خلعة .....😨 لالا والله يا طلب يخسي عليك كيف يعني اطردك؟؟ ......😨
_ طلب سكت ساااي ......😐
_ الووو . طلب ؟؟ الووووو؟؟ انت معاي .....😲
قفلت الخط و حاولت تتصل بيهو بس رفض يرد ......😧 اتصلت كتير و ما رد عليها ......😐 بقت محتقرة نفسها جدا ......😢 يا حليلو وقف معاي و ما قصر معقول دا جزاهو؟؟ ياخ انا ما بقصد لكن ......😥 بقت بس سرحانة و هايمة كيف طلب زعل منهآ و تراضيهو كيف ..... كانت بس خايفة من ردة فعل ابوها بما يصحى و يلقاهو كانت خايفة من نقاش تاني مع ابوها ..... حاولت تصرفو بس .......😢
****
_ ايوا كدا امورك بتظبط بعد كدا طلعت ماك هين يا طلب ......😂
_ ههههههه اسكت ساي من أمس بتتصل أبيت ارد كلو كلو......😂
_ لالا تمام يلا ارح نمشي الفطور و نطلع على الدكان......😪
_ تمام .....
*
بعد عمر الحساني فاق كانو حواليه زوجتو و بناتو الاتنين.....☺
_ ماريا بقت تبكي قالت ليهو أعفي لي يا بابا ......😭
_ مسح ليها على رأسها بدون ما يتكلم ......
_ مايسة قالت ليهو سلامتك يا ابوي الف بعد الشر عليك......😢
_ ابوها عاين ليها و طلع أنبوب الأكسجين و قال ليها انتي يا بت المقعدك هنا شنو؟؟ وين أيمن راجلك؟؟ 😧 ليه لسة ما سافرتو ......😲
_ مايسة قالت ليهو سفر شنو يا ابوي قبل ما اطمن عليك؟؟ ......😪
_ اتصلي عليهو خليهو يجي و تتخارجي من وشي انتي دي الرافعة لي ضغطي ......😰😩 قعدو كلهم يضحكو......😂
_ ماريا قالت ليها يلا اقطعي وشك مننا ......😁 ابوهم بعدها طلع من المستشفى و ودوهو البيت ......
_ ماريا كانت لسة بتحاول تتواصل مع طلب ......
_ ابوها جاها في غرفتها براها ...... قعد شوية و قال ليها انتي يا ماريا زملائك الكانو هنا يوم عرس مايسة .....
_ ايوة يا ابوي معليش أعفي لي اني زعلتك ......😩
_ ابدا مافي زعل بس انا عايز الاقيهم ......
_ ماريا دي احتارت جدا و بقت تتمتم و ما عارفة ابوها بقصد شنو .....😨 ما فهمتك يا بابا ليه يعني؟ ......😧
_ بس ساااي عايز اتعرف بيهم و بعدين عايز اسالك أسماهم منو ومنو؟؟ هم اخوان مش كدا؟؟ ......☺
_ ايوة يا ابوي اخوان عمار الكبير و طلب الصغير ياهو زميلنا ......😊
_ ايوااا ناديهم لي ضروري الاقيهم عايز اقعد معاهم......☺
_ ماريا قالت ليهو حاضر يا ابوي ......
_ بعدها ابوها وقف على حيلو و طالع ......
ماريا فكرت كدا و قالت ليهو ...... بابا ما تكون فاهم انو انا عندي بيهم علاقة ولا كدا؟ ......😧
_ ابوها عاين ليها و ابتسم قال ليها عارف يا ماريا واثق منك انا ......😊
_ طيب .....😦
بعد ابوها طلع بقت محتارة ياربي في شنو؟؟ ابوي دا مالو؟؟ معقول؟؟ عايزهم في شنو؟؟ الكلام دا مااااا واقع لي و اساسا ما منطقي؟ اجي؟؟ .......😳
*
طلب و عمار كانو قاعدين في الدكان واتصلو على حسن و كانو بتونسو معاهو و مع امهم و يضحكو ساي ......😁 طلب قال ليهم انا خلاص بكرة بجيكم بإذن الله ......☺ فجأة جات داخلة ماريا المحل .....
_ عمار مسك التلفون في يدو وطلع بيهو برة ......😳
_ ماريا سلمت عليهو و دخلت سلمت على طلب ......
_ طلب قال ليها اتفضلي عايزة شنو؟ ......😔
_ ماريا دي اتضايقت و قالت ليهو انا جيت افهم منك الحاصل ......😡
_ ياتو حاصل دا؟؟ ......☺
_ مالك ما بترد على تلفوناتي؟ ......😒
_ ابدا انا بس ما بحب افرض نفسي على زول ما عايزني......😔
_ ماريا قالت ليهو و منو القال ليك اني ما عايزاك؟؟......😩
_ ما ضروري تقولي بي خشمك انا عندي عقل و بميز و بفهم تمام؟؟ .......😪
_ طيب انا اسفة يا طلب بالجد ما قصدت كلامي القلتو ليك و الانت فهمتو؟ وانت عارف الظرف الأنا كنت فيهو......😢
_ طلب قال ليها لالا تمام ماف مشكلة و ان شاء الله الوالد ملك الصحة؟؟ ......☺
_ الحمد لله والله بخير .....
_ قعدو اتونسو شوية كدا و ماريا جات طالعة ......
_ عمار عاين ليها و دخل جوة .....☺
_ ماريا جات راجعة قالت ليهم نسيت اقول ليكم بابا عايز يقابلكم .......😊
_ عمار و طلب عاينو لي بعض و رجعو عاينو ليها 🙄......😳
_ ماريا احتارت من نظراتهم لي بعض و قالت ليهم ..... عادي يا اخوانا عايز يشكركم على وقفتكم معانا اليوم داك و كدا ...... قالو ليها تمام ماف مشكلة نجي متين الساعة كم؟؟ ......😳 قالت ليهم بينا تلفون يلا عن اذنكم.....☺
****
_ تفتكر عايزنا في شنو؟؟ معقول يكون عرفنا؟؟ ......
_ طلب قال ليهو افرض عرفنا يعني حيعمل شنو ......
_ انا زاتي ما عارف بس اصلي ما مطمن للمقابلة دي......😧
_ طلب قال ليهو طيب انا عندي فكرة ...... انت ما تمشي معاي انا امشي اقابلو برأي و انت خليك برة للحيطة و الحذر ......☺
_ فكرة برضو بس مفروض انا امشي اقابلو انا الكبير و ما بقدر اخاطر بيك المخاطرة دي الزول دا ما معروف حيعمل فيك شنو ......😳
_ ابدا بالعكس انا زميل بنتو بالجد بس انت لو مشيت حيحتار و يقول انو انا ما جيت و جيت انت الما عندك صلة مباشرة بيهم ......😳
_ اي صاح والله طيب خلاص جهز نفسك و انا بكون قريب اي حاجة مريبة بس مسكول ......🙄
_ تمام ......
*
قعدو زي يومين كدا و طلب اعتذر لي امو و قال ليها انو ما حيقدر يجي الأسبوع دا الا الأسبوع الجاي عشان ظروف و كدا .......😳
_ بعدها ماريا اتصلت بيهم قالت ليهم خلاص تعالو بكرة الساعة 10 افطرو معانا في البيت .......☺
_ طلب كلم عمار قال ليهو شكلو الموضوع ما خطير زي ما نحن فاهمين ......😳
_ اي لكن برضو تحسباً انت امشي و انا بقيف ليك برة ......
._ تمام ......
**
طلب جهز من بدري اليوم داك و عمار حمسو و قال ليهو بكل ثقة و ثبات ما تخاف من حاجة لانو انت على حق و هو على باطل ......☺ بعد سمع كلام عمار اتشجع و مشى ليهم في بيتهم ...... كان في رهبة بس طلب اتشجع و مشى ...... وصل البيت
استقبلوهو الشغالين و جابو ليهو عصير و جات ماريا سلمت عليهو ......❤ بعدها بي ربع ساعة جانازل ابوها شايل عكاز و لابس عراقي و طاقية......☺ جا و للمرة التانية شاف طلب و هو مصدوم فيهو كانو عبدالمطلب صاحبو الدفنو بي يديهو قام من تربتو و جا وقف قدامو ......😳