الجزء 20

اجي اجي اجي؟؟ ما براك سويتيها في روحك؟؟ 😏 جاية اسي تندمي؟؟ 😑 و بعدين طلب دا مش راجلك قولي ليهو ما عايزة اتطلق و قبلانة اعيش معاك ......😏

_ صعبة يا مايسة صعبة و غير كدا هو ما حياخد مني لا حق لا باطل ......😫

_ مايسة زهجت و قالت ليها مخييييرة التسوي بي ايدك يغلب اجاويدك ......😪

_ طلب جا ساقها بعد كم يوم و رجعها البيت .....

_ لقتو سجل ليها في الكلية و جاب ليها بطاقتها .....😍

_ بعد غيرت ملابسها و انجدعت في السرير طلب جا داخل .....

_ دا شنو دا كيف تجي داخل بدون ما تستاذن كدا 😨.......😡

_ طلب قفل ليها خشمها و قال ليها اسكتي ياخ ......😡

_ ماريا خافت خوف حست قلبها حيطلع بي حلقها ......😨

_ افهمي هنا يابت الناس انا متحمل غلطتك لحدي الان و حاتحمل كم شهر كمان عشان ما تبقى ليك فضيحة بس ما تفتكري نحن هنا قاعدين في فندق عشان استأذن و أدق ليك الباب كل مرة ......😡😒 امي أو أي زول في البيت دا لو حس بي حاجة ما حارحمك فاهمة؟؟ 😡 و بعدين ما تجوطي فاهمة؟؟ 😒 تتكلمي بي صوت واطي و تحترمني طول ما انتي هنا .....😔

_ طلب فكاها و قعد في السرير و خلاها واقفة ......😰

_ انا اسفة ما قصدت اهينك بس .....😳

_ داك توبك البسيهو 24 ساعة لحدي ما الايام دي تخلص......😒

_ ماريا لبست توبها و قعدت و هي متضايقة 😖

_ نفسي افهم غلطتي كيف يعني ؟؟ عملت شنو عشان تقول لي متحمل غلطتك 😕

_ ايوة غلطتك مش جاتك فرصة تقولي لي انا مجبورة و تتفاهمي معاي قبل الفاس تقع قي الرأس ؟ .....😒

بعد مسافة ..... طلب شال المخدة و المفرش و فرشهم في الأرض و رقد ......😑

ماريا بقت ما قادرة تتكلم و مشت على السرير براحة و رقدت نامت ......😪

***

_ ماريا صحت من النوم و لقت طلب في وشها ......😯 اتخلعت و نطت .....😲

_ صباح الخير ......

_ صباح النور ......

_ دا الشاي و بعدين ساعدي امي و مودة ما تقعدي اليوم كلو في غرفتك ......😒

_ طيب كويس .....😐

_ ماريا بقت متضايقة من طلب و تصرفاتو معاها ..... قبل كم يوم كان بتمنى ليها الرضى أسي مالو قلب كدا و بقى ما طايقها؟؟ .....🤤

بعد مسافة مشت استحمت و غيرت ملابسها و لبست توبها و طلعت لقت مريم قاعدة في الصالة و معاها عمار يتونسو و يضحكو ......😂

سلمت عليهم و قعدت شوية و قالت ليهم عن اذنكم ماشة اساعد مودة في المطبخ ......😊

_ مريم قالت ليها يا بتي انتي عروس ما تستعجلي على دخول المطبخ و بعدين كل يوم على زول عندنا جدول ههههه اي واحد و مرتو بشتغلو سوا ......😂

_ قامت ماريا و قالت ليها لالا والله ما فيها حاجة انا ما عروس قدمت و مشت على المطبخ ......🙂 مجرد ما وصلت لقت حسن و مودة في المطبخ سوا و الوضع حستو ما تمام ......😓 حسن شال ليهو جرجيرة ختاها لي مودة في خشمها .....😌

_ مودة اتلفتت لقت ماريا واقفة في الباب ......😓

_ اتفكت من حسن و قبلت عليها ...... اهلا بالعروسة كيفك....😁

_ حسن اتحرج و طلع مشي قعد مع ناس امو ......

_ معليش اسفة والله ما قصدت كنت جاية اساعدك .....😔

_ يابت عادي ما فيها حاجة انتي لسة عروسة امشي اقعدي انا خلاص انتهيت ما باقي لي حاجة حتى السلطة حسن قطعها ......😁

_ طيب النجهز معاك السفرة ......☺

_ طيب تمام يا ستي شيلي الحاجات وديهم ......🙂

_ طلعت ماريا و قبل تصل لاقت طلب طالع من الحمام الخارجي و بنشف في شعرو .....😐

_ مشت ماريا ختت الحاجات في السفرة ...... بقو قاعدين يتونسو و هم بياكلو .....

_ و ماريا تسمع فيهم و تضحك بس .....😁 كل ما تضحك طلب يعاين ليها و مبتسم ......😍 ماريا بقت خجلانة و ما فاهمة من طلب اي شيء ......🙄 دا شنو الراجل المتقلب دا لا فهمتو بحبني و لا بكرهني ياخ 😒 .....

*

_ نزلو الجامعة و كانو حديث الجامعة كلها .....😊 ما عرفتو ماريا اتزوجت طالب معانا هنا ...... معقول؟؟ طالب؟؟ .....😵 أي والله انتو ما عارفين اولاد الناس الغنيانين ديل اصلا ما فارق معاهم طالب ولا غيرو ......😰 انا خايفة تكون كان عندهم علاقة و العيلة عايزة بس تتستر على الموضوع .....😯 أي بكون والله ولا تكون حامل .....😪 تكون أسي بطنها دي طبيعية؟؟ لالا اكيد فيها شي ......😌

_ و طلب اصحابو ما بطلو يسالوهو و ماريا ما ارتاحت من كلام البنات معاها و أسئلتهم ليها ......😐 بقو ماريا و طلب كل يوم بطلعو من الجامعة سوا و يوصلو البيت سوا ...... عدت فترة كلها روتينية جدا و مرات ماريا بتحاول تسال طلب من الحاجات البتغلبها و هو بس برد ليها قدر سؤالها ... ...

**

و في يوم بعد انتهى الدوام ماريا كانت منتظرة طلب......😪 اتصلت في تلفونو كتير و مارد عليها ......🙄 في الاخر بقت تفتش عنو .....😳 شافت اصحابو و زملائه في الدفعة وكلهم اتلمو فيها و بقو يسالو فيها من طلب و عامل معاها كيف بي حكم معرفتهم بيها من قبل تتزوجو ......😀 بقت حايمة و الوقت اتأخر و فجأة شافتو من بعيد قاعد في بنش و معاهو دنيا .....😐

_ ماريا دي مما شافتهم النار ولعت فيها ......😮 سبحان الله شوف بالله انا من قبيل حايمة كرعي اتكسحن عشان اجي القاهو مع دنيا؟؟ 😓 و دا شنو الحب الفجأة دا؟؟ .......😕

طلعت ماريا التلفون و بقت تتصل عليهو ......🙁 و طلب ولا كانو هنا ......😖 اجي؟؟ ما عايز يرد يعني .....😢

_ مشت عليهم ووقفت قدامهم و ربعت يديها ......😔

_ دنيا قالت ليها بي صوت رقيق ..... ازيووووو ماريا......😅

_ ماريا عاينت ليها بي احتقار و قالت ليها انا تمام .....😒 انتي أن شاء الله كويسة .....😒

_ الحمد لله تمام ......😎

_ قبلت علي طلب قالت ليهو .... خلصت ونسة ولا لسة؟؟ ......😒

_ طلب قال ليها في شنو؟؟ ......😓

_ ماريا العبرة خنقتها و قالت ليهو ولا شي و طوالي مشت من قدامو ......😡

_ ماريا بقت تبكي و ركبت لأول مرة في حياتها المواصلات ......😭

_ طلب احتار دي مالها دي؟؟ طلع تلفونو يتصل عليها ..... لقى منها قريب تلتين مكالمة ......😳 ضرب يدو في جبهتو و قلبو قال شح 😨😦 ..... تعرفي انا نسيت التلفون صامت من لما كنا في المحاضرة و نسيت اعملو عام ......😥

_ ايوااا يعني ماريا اتصلت ......😊

_ اي معليش عن اذنك النمشي اشوفها وين ......🙄

_ لالا اتفضل اذنك معاك ......☺

*

طلب جسمو كلو بدأ يرجف و حس انو غلط غلطة كبيرة خاصة انو عارف انو ماريا مريضة و خايف زعلها دا يعمل فيها حاجة 😢 و غير دا كلو هو ما حس بالزمن لما كان بتكلم مع دنيا و فعلا لقى نفسو متأخر عليها شديد ......😖 بقى يتصل بدون ما زول يرد ......😢 اتصل عليها كتير و كانت بتقفل في وشو كل مرة و مرات ما ترد .......😐

*

_ أسي انتي بتبكي قدر دا عشان بس اتأخر؟؟ 😏 ولا عشان لقيتيهو قاعد مع دنيا؟؟ ......😏

_ مايسة انتي ما قادرة تفهميني انا زاتي ما قادرة افهم نفسي ليه ببكي قدر دا ......😫 علي الأقل انا اسمي مرتو يطنشني كدا عشان دنيا ؟ و هي مجرد زميلة ؟ خليهو يحترم وجودي لحدي ما نطلق و لا أمشي في ستين داهية 😭

_ يابتي دي غيرة دي ولا دي نفسيات ولا شنو؟؟ ......😰

_ افهميني يا مايسة اصلا اصلا من الاول دنيا دي كانت بتحب طلب ......😥

_ مايسة شهقت و ختت يدها في صدرها ......😯 و ووووب على دا كلام شنو دا؟؟ ......😨

_ اسمعيني بس الكلام دا ما تقوليهو لي اي زول عليك الله دا سر بس انا خلاص حاسة بيهو كابس على نفسي و ما قادرة اشيلو جواي ......?

?

_ سرك في بير احكي من الاول .....😓

_ بدأت ماريا تحكي ليها بي دنيا و طريقة تعرفها بيها و لحدي ما اتزوجت سنهوري و هي اتزوجت طلب .......😐

ياخ انتي لسة ما قادرة تفهمي يا ماريا؟؟ 😏 نوع دنيا دا نوع عندو عقدة نقص يعني النوع البكون عايز يكون محط أنظار كل الشباب الحواليهو .....😏