الجزء 6

فعلا حسن اتزوج مودة و سكنها و مع امو في البيت ❤ و مريم كانت بتريدها شايفاها زي بتها و حتى حسن لو اتناقش معاها ولا شاكلها .....

_ مريم بتتصدي ليهو و بتقول لي مودة هو بريدك ما تشوفي بكورك و بتفرعن كدا و الله يوم أدوك ليهو شوف عيني بكا بي دموعو ❤ مودة طوالي بتنسي الحصل وتتعامل مع حسن عادي 😍 ..... عمار امرور مع التعليم جاطت بمجرد ما امتحن للشهادة الثانوية ......😥 ما قدر يمشي الخرطوم و يقرأ الجامعة ......💔 ما قادر يحمل اخوهو حسن مسؤولية زيادة و قال خلاص كفاية لحدي هنا ......💔 لكن قرر انو لازم عبدالمطلب يتعلم و يقرأ الجامعة مهما حصل و مهما كلف الأمر ......❤ فعلا طلب مجتهد و امو تدعي ليهو و تقول يارب يجيب الطب و يبقى لي دكتور ......❤ بس طلب جواهو أفكار تانية ...... كان جواهو طموح جدا جدا و عايز ينقل امو و اخوانو نقلة كبيرة ......❤ بقى يحلم انو لو اتخرج من الطب واشتغل اكيد حيبني ليهم بيت في الخرطوم و يرحلو من البيت دا .....❤ كانو اولاد مريم عوض ليها بحق و حقيقي وكانت مبسوطة لأنهم طلعو كلهم مسؤولين و موفقين بس كانت ظروفهم المعيشية ما ممكناهم للآخر .....💔

رحمة بعدها بي كم شهر فعلا بدون ما يمشو اي مكان بقت حامل .....❤ عمر دا ما كان مصدق و مبسوط جدا جدا و بعد ولدت عمر عمل كرامة الدنيا كلها تحكي بيها جاب بنت و برضو بعدها حملت تاني و جابت بنت تانية ......❤ كانو مبسوطين جدا جدا وعمر عرف أو اتأكد السبب الفرجها عليهو شنو بالضبط و فهم الدرس بس لسة الحق ما رجع لي اصحابو ......💔 ظهرت لبنت الصغيرة ثقب في القلب و كان عمر خايف على بنتو جدا جدا و للأسف كمان ظهر للبنت الصغيرة بعد وصلت نفس عمر الأولى .......💔 كانو بجرو بيهم للمستشفيات والدكاتره و في البعض قال ليهم انو حاليا الثقب ما مؤثر شديد احسن تخلوهو و البنات صغار ......😐 بقى عمر عايش في رعب غريب جدا على بناتو و ما جاب بعدهن اي طفل تاني ......💔

**

_ يا عمار احسن تواصل دراستك يا ولدي و شغل الحواشات دا خليهو ......😐

حسن كان خاتي شاي المغرب صفاهو في الكبابي و جا ختاهو ليهم .....☕

_ و قال لي عمار امي كلامها صاح كفاية انا ما اتعلمت انت عندك الرغبة بتنجز لازم تمشي تقرأ القانون الانت بتحلم تقرأه و تحقق حلمك .......❤

_ لالا يا حسن انت المسؤولية عليك كبيرة انا كمان ابقى ليك حمل و كل شهر عايز مصاريف .....😥

_ ابدا والله يا عمار و لا حمل و لا حاجة انا رزقي و رزقك باخدو و ربنا كريم و انت بعد تتخرج وضعنا حيتحسن شديد .....😊

_ قال ليهو خلاص بعد يمتحن عبدالمطلب انا و هو نمشي سوا و نقرأ سوا السنة دي انا بجمع لي مبلغ كويس لينا الاتنين .....❤

_ خلاص والله مادام حتواصل في الاخر انا ما عندي مانع......😅

_ امهم قالت ليهم ..... عبدو دا يا جماعة الا تودو ليهو كبايتو دي جوة لانو ما حيطلع النهار كلو مبحلق في كتبو دي

عمار عاين السلك ملان ملابس .....

_ الليلة الغسيل على منو؟؟ عبدو صاح؟؟ ......😁

_ امهم قالت .... اي على عبدو غسل والله يا حليلو ......☺ حسن عاين لي عمار قال ليهو .....

_ هي يا عمار انت الليلة العشاء عليك ......😀

_ لالا وآلله أمس انا عملتو و بعدين الكنس منو الليلة؟؟......😪

_ اي اي صاح معليش خلاص العشاء بعملو ما مشكلة.....🙀

_ الله يرضى عليكم يارب و يديكم ألفي باللكم ......❤

_ اللهم امين .....😪

مودة مرآة حسن جات طالعة من غرفتها .....

_ قالت ليهم كيف أمسيتو يا جماعة ......😪

_ كويسين الحمدلله يا بتي تعالى اشربي الشاي .....❤

جات مودة قعدت جنب مريم ....

. مودة عاينت للسلك لقت قمصانها مشرورات ......🙆 واااي دا منو الليلة الغسل الملابس؟؟ .....😂

_ حسن رد ليها بي ضحكة دا طلب غسيلو وسخان صاح؟؟ ......😂

_ هههههه لالا ما قصدي بس ديلك قمصاني ......😂

_ طلب جا طالع غسل يدو و جا قعد مسك اللقيمات .....😋

_ منو دا الغسيلو وسخان؟؟ والله غسيل نضيف يلمع مش يا أمي؟؟ .....😀

حسن قام على حيلو وهو غضبان .....😤

_ كيف قمصانك يعني و انتي جادعاهم ليه؟؟ .....😡

_ طلب عاين وراهو على الملابس قال ليهو قمصان منو؟؟.....😳

_ مودة دي خافت و اتخلعت و دخلت في ضفورها ......😧

_ مريم قالت ليهو هوى يا ولد هي غلطت في شنو انت جايط كدي اساسا طلب ما بعرف قمصانها من قمصاني و غلط غسلهم يعني يرجع يوسخهم .....😡

_ لالا يا أمي لكن المرأة دي مهملة هي رامياهم وين لمن طلب يغلط فيهم .....😡

_ عمار جا طالع شايل ابريق قال ليهو يا حسن ياخ ما تعقدها طلب غلط في قمصان امي .....😁

_ مودة دي زعلت و خشت غرفتها .....

_ طلب قال ليهو والله ما عارفهم انا قصدي ملابس امي و انا ما بفرزهم ......😐

_ امو قالت ليهو ها العوير دا مافيها حاجة و بعدين المرأة دي جديدة ما تتفرعن عليها ساكت لسة ما بتعرف......😒

_ تعرف ما دام ما عارفة تتعلم ......😡

_ هي لكن تتعلم كدا ......😒

*

كل الناس كانت شايفة البعملو اولاد مريم من طبيخ و غسيل و نضافة عيب منهم و هم كدا ما رجال ..... بس بنات الحلة شايفات العكس اي واحدة تحلم انها تتزوج واحد من اولاد مريم عشان أخلاقهم وشايفات مساعدتهم لي أمهم دي الرجولة بي ذاتها ...... مريم عشان ما عندها بنات و بنتها الوحيدة اتزوجت كانو أولادها هم البساعدوها في كل شئ و اتعلمو منها كل حاجة ......

_ عمار يا ولدي وقت اصلك سنة كاملة حتقعد معانا هنا طيب ما تتزوج ......😍

_ لالا يا أمي ما بنفع كدا انا مركز على حاجة محددة اللي هي اني اتخرج من القانون و ابقى محامي ......❤

_ الله يحقق كل أحلامك يا ولدي .....😚

عمار كان عندو الهدف دا بالذات نتيجة للحصل مع امهم لما كانو صغار ..... كان بس عايز يثبت حقهم و نصيبهم عند عمر الحساني مهما كلف الأمر .....❤ عمار عندو حقد غير عادي لعمر الحساني نتيجة للحكتو ليهم امهم و كل ما يكبرو بتحكي ليهم قصة ابوهم و وفاتو .....💔 هي كان هدفها بس ما ينسو ابوهم و يحبوهو و كمان يتاكدو انو ابوهم كان بفكر في مستقبلهم لي اخر لحظة في عمرو......😊 حسن ما كان مقتنع للآخر زي عمار ...... كان على حسب كلام ناس الحلة انو ابوهم ما كان عندو حاجة غير بهايمو الباعهن و شايف انو ممكن ابوهو يكون ضيع القروش في مكان ......😥

*

بعد طلب امتحن و زاعوهو في الراديو من ال 100 الأوائل ......❤ كانو مبسوطين و سعادتهم لا توصف و مريم دي بكت بي دموعها و حسن طلع مدخراتو و ضبح ليهم خروف ......❤ و الناس جات باركت ليهم و فرحو بيهم البعاد و القراب .....❤ عمار بدأ يجهز عشان يمشي يقرأ مع اخوهو في الخرطوم ......❤ فعلا بعدها سافرو و جو الخرطوم و هم مبسوطين جدا و حاسين انو كل الأبواب فاتحة قدامهم عشان يمضو قدما و يغيرو واقعهم وواقع امهم ......❤ بعد وصلو و كل واحد فيهم قدم للمجال العايزو .....❤ و خلال الفترة دي كانو شغالين الاتنين .....☺ أي شئ اشتغلو ..... كماسرة و في مطاعم و في كل شئ و كل ما يجمعو قروش بكونو فرحانين......😊

_ في يوم عمار قال لي طلب الليلة انت ارتاح عشان امبارح تعبت خليني انا بمشي الليلة و بنجز .....

_ قال ليهو خلاص تمام ......🌼

عمار طلع و مشى شركة الحساني للاستيراد و التصدير ..... مشي وقف تحت شجرة نيم كدا و هو براقب ...... فجأة عربية سودا جات وقفت و نزلو منها نفرين ..... دخلو الشركة ..... سأل الناس القاعدين جنب ست الشاي ..... انتو دي شركة منو؟؟ ......😳