الجزء 13

عمار قال ليهو نحن زملاء ماريا عمر الحساني و لما جينا دخلتنا هي بي نفسها و لو عايز تتاكد ناديها _....... عمار اتحمق و هو متضايق و كورك لي ماريا الكانت واقفة بعيد منهم شوية ......

_ الراجل قال ليهم لالا العفو مافي داعي انا ما بقصد......😑

_ ماريا جات محتارة قالت ليهم اها ما اتعشيتو ......😳 عمار قال ليها ما قلت ليك حظنا زي وشنا اسمعي دا كان عايز يطردنا عديل قال ما معانا دعوات ......😂

_ ماريا اتلفتت عليهو قالت ليهو لالا ديل ضيوفي ماف زول يسالهم و بعدين انت ما من حقك تسأل زول بالطريقة المستفزة دي يعني حيكون جاي يعمل شنو؟؟ و دخل كيف؟؟ ما تضايقو الضيوف بالطريقة دي ياخ ......😡

_ طلب قال ليها لالا ما مشكلة يا ماريا نحن ما زعلانين عادي بتحصل .......😊

_ عمار شافها هايجة مسكها من يدها ‏( عبدو هنا كان مصدوم و مركز في يد عمار و يد ماريا ‏) و جراها قال ليها خلاص انا ما ناديتك عشان تعملي مشكلة بس عشان تعرفي حظنا عامل كيف و ابتسم .......☺

_ ماريا اتوترت و فكت يدها و قالت ليهو لالا كمان هو ما كان ‏( عبدو كان واقف زي الخشبة و اتضايق جدا و بقى ما عارف يقول شنو بس قلبو دا مولع نار ‏) 💛 ......

_ خلآص خلاص قلنا ما تزعلي نفسك في يوم مفترج زي دا خلينا نمشي نتعشي ما يكون كمان الصحانة خلصت و نشيل عشانا في يدينا .......😁

_ ههههههه لالا راقدات هناك خلاص اخدو عشاكم قبل ما يخلص .......😀

_ بعدها عمار ساق طلب و مشو على البوفيه ...... طلب نتل يدو منو قال ليهو دا شنو يا عمار الانت بتعمل فيهو دا؟؟ ......😡

_ قال ليهو شنو؟؟ .......

_ دي شنو الحركات دي و انت أظن فاهم انو ماريا دي عاجباني ......😡

_ عمار اتغاظ منو قال ليهو انت اهبل؟؟ ....😡 انا دي قال ليك حتعجبني ولا تهز فيني شعرة؟؟ بنت الحرامي دي؟؟ انا بس بهمني ناخد حقنا من ابوها و خلاص ......😡

_ طلب قال ليهو بس انا بحبها ......❤

_ مرت لحظة صمت و طلب ما عارف نفسو قال كلامو دا كيف؟؟ .....😩😨

_ اقصد يعني انا بس .......😀

_ عمار قال ليهو فهمتك فهمتك خلاص انا اسف .......😔

_ طلب قال ليهو خلاص نطلع ماريا من اللعبة دي .......😩

_ عمار قال ليهو انت مجنون؟؟ متخلف انت؟؟ نطلعها كيف و هي بداية الطريق الحيوصلنا لي حقنا؟؟ و انا ما حاسيبها لحدي ما اخد حقي و حقنا و حق امي و حق ابوي و انت أعلى مافي خيلك اركبو .......😡

_ بس انا نفسي افهم انت عايز تصل معاها لي شنو؟؟ تحبك يعني؟؟ ترتبط بيها؟؟ ......😡

_ ايوة و دي الطريقة الوحيدة الحنقدر نجيب بيها حقنا.......😒

طيب و ليه ما انا العب اللعبة دي؟؟ .......😢

_ عمار سكت مسافة و هو بعاين ليهو ........😒

_ طيب تمام بما أنك بتحبها خليها تحبك و ندخل بيتهم .......☺

_ طلب قال ليهو طيب تمام ......

مشو لملمو عشاهم و هم الاتنين متضايقين .......😧

****

_ ماريا دقيقة ......👀

_ نعم يا بابا ......☺

_ انتي تعالي هنا صحي عندك زملاك اتنين كدا جو؟؟😦 .....

_ ايوة يا بابا ......☺

_ يابت انتي بتعزمي اي زول؟؟ ديل منو هم؟؟ ومن وين اساسا تجيبي لينا ناس ساي ما بنعرفهم من وين؟؟ ......😡

_ ماريا دنقرت و سكتت ساي ......😩

_ يابت انا بتكلم معاك .....😡

_ نعم يا ابوي خلاص بمشي أسي اطردهم كويس؟ و بقت تبكي و دموعها جارية ......😭

_ يابت انتي عويرة؟؟ انا سألتك مجرد سؤال ما قلت ليك اطرديهم ......😧

_ ماريا قشقشت دموعها و قالت ليهو اها شنو السؤال......😢

_ قلت ليك من وين هم يعني اصلهم فصلهم .......

😢_ والله يا ابوي ما سألتهم ......

_ طيب بقرو معاك في الكلية يعني؟؟ ......

_ واحد بس البقرا معاي عبدالمطلب اما .......

_ عمر هنا وقع بالجد من طولو لما سمع اسم عبدالمطلب .......

_ ماريا دي اتخلعت خلعة قالت ابوي ......😵 و الشباب اتلملمو ..... و بقو يرفعو فيهو و جابو عربية جوة و العروس بقت تبكي و الدنيا دي كلها جاطت ....😳

._ عمار قال لي طلب دي فرصتك لازم تقيف مع حبيبتك عشان تكسبها .......❤

_ طلب طوالي جرا ورا ماريا و خلي عمار ......

ماريا تبكي و جرت تركب في العربية طلب طوالي جرا وراها ......❤ ركب جنبها و قال ليها في شنو يا ماريا مالو ابوك؟؟ ......😳

_ ما عارفة يا طلب فجأة كدا وقع ......😢

_ جاتها دنيا بالشباك قالت ليها ماريا في شنو ...... لكن العربية اتحركت قبل ما ماريا ترد عليها ...... مشت جرت سنهوري قال ليها ارح نركب نلحقهم في المستشفي......😳 دنيا كانت مخلوعة و بالها ما مع سنهوري مع طلب الكان قاعد مع ماريا في العربية و نظرات الحنية ألفي عيونو .......😵 اجي يا اخواتي؟؟ طلب دا علاقتو شنو بي ماريا؟؟ .....😳 للدرجة دي معقول؟؟ ......😵 دنيا قلبها جفل زي الحست بطعنة كدا ......😢

****

بعد وصلو المستشفى ماريا جرت جرى ورى ابوها و معاهم امهم و مايسة في عربية تانية ...... طلب دخل معاهم كانو واحد من الأسرة ......❤ اتصل عليهو عمار في تلفونو البسيط ......

_ اها يا طلب كيف الامور ماشة؟؟ ......😊

_ ماف جديد دخل العناية المركزة شكلو عندو ضغط اساسا ولا حاجة كدا ......😰 ايوااا و ماريا كيف؟؟ ......😦

_ طلب سكت مساااافة ......

_ اقصد يعني خليك معاها محل ما تمشي خليك معاها ما تفارقها و لا ثانية فاهمني؟؟ ......😰

_ تمام تمام .......

طلب فعلا نفذ كلام عمار بالحرف و بقى واقف جنبها و بعاين ليها ساي و مقطع قلبو دموعها ......😦 ما بعرف حاسي كل دمعة بتنزل منها بتجرحو في قلبو بي سكين......😧 مرات يقيف جنبها و مرات يمشي يقيف بعيد......😔

_ الدكتور جا وقف قال ليهم ماف داعي لي دا كلو يا جماعة الزول دا كويس بس زي ما عارفين كلنا اساسا عندو ضغط فارتفع انتو تمشو البيت ماف داعي تقعدو بكرة كدا الضغط بستقر و نحن حنطلعو ......😔

_ طلب قال لي ماريا خلاص بطلي بكا .....💔

_ مايسة جات قعدت جنب ماريا بالجهة التانية و قالت ليها يابت خلاص بابا كويس ما تتعاوري ......😢

_ انا يا مايسة حاسة اني زعلتو عشان كدا وقع ......😢

_ اجي؟؟ زعلتيهو كيف ......😳 عاينت لي طلب شوية......😧

_ طلب قال ليهم عن اذنكم انا بمشي اشرب لي كباية شاي برة لاني مصدع .......😳

_ قالو ليهو تمام اتفضل .....

_ ماريا حكت ليها الموقف ......

_ مايسة قالت ليها حاجة غريبة الا يكون متضايق من حاجة تانية و انتي جيتي تميتيه لكن كونو زملائك جو دي ما حاجة بتضايقو قدر دا .......😧

_ بالمناسبة يا ماريا انتي دا زميلك و لا حبيبك وغمزت ليها عينها .....😉

_ يابت بطلي عوارة دا زميلي ......😢

_ ايواااا بس هو ما شايف كدا .....😑

_ هههه اها شايف شنو؟؟ .....😀

_ شايف حاجات تانية كتيرة .....☺

_ يابت بطلي قلة أدب امشي لي راجلك يلا ......😑