الجزء 2

مريم كانت منتظرة راجلها يجي عشان يحكي ليها مجريات المشروع والنقلة ...... بس اتأخر جدا و أولادها بدأو ينعسو و عايزين ينومو .....😴 قررت تعشيهم و تحميهم مسافة راجلها يجي و هي عارفة انو مشي المدينة و اكيد اتأخر هناك ......😌 بعد أنجزت كل شي اولادها ناموا ......😴 قعدت مصنقرة براها وبعدها قالت يمكن عايز يبيت في المدينة .....😥 لالا ما بعملها عبدو ما حصل خلانا نبيت برانا ......😧 يا ربي اعمل شنو .....😳 بعد شوية سمعت صوت عويل و كواريك في الحلة ..... قلبها قبضها و ما قدرت تتمالك نفسها ياربي دا شنو بسم الله .......😧 مرقت براحة و هي لابسة توبها ..... لقت ناس الحلة كلهم منكبين في بيت معين سألت الماشين قالت ليهم في شنو يا اخوانا المات منو؟؟ ......😰 قالو ليها ديل كانو جاين من المدينة في بكسي و اتقلب بيهم ......😩 هنا مريم قلبها وقع في الأرض و خايفة يكون ياهو ألفي بالها بس بقت تدعي انو ربنا يكذب احساسها ......😨 بعد قعدت شوية جا راجل بقى يكورك بي برة يا أهل البيت يا ناس .....😦 مريم مرقت عليهو بي خطى متراجفة ..... اتفضل يا ود العم .....😵 دا بيت عبدالمطلب؟؟ ......😳 اي ياهو زاتو مالو؟؟ ......😲 والله يا بت عمي ما عارف اقول ليكم شنو لكن ربنا امرو نفذ و انا كنت معاهو في البكسي......😥 مريم دي قعدت في الواطة و بقت تبكي و تولول.....😭 الحلة اتلمت فيها وكل الناس سمعو بالحاصل و جابو ليهم الجثمان و صلاة الصبح اخوانو جو يدفنو و فعلا مع الأذان صلو عليهو و دفنوهو و جابو لي مريم شوالات قالو ليها دي كانت البضاعة الجايبها زوجك .....💔 قالت ليهم كتر خيركم و هي مفجوعة أولادها ما لحقو ودعو ابوهم صحو مخلوقين بي صوت النسوان البعزو......💔 مريم ما مصدقة الحصل في لمح البصر زوجها و شريك حياتها اتوفى ......💔 و طبعا عمر الحساني صاحبو واقف في كل حاجة و حتى هو شال معاهم الجنازة .....

***

مريم بعد العزاء بي كم يوم ابوها جا قال ليها

_ لمي حاجاتك و ارح ارجعي معانا البيت الكبير ......😔 رفضت في البداية و قالت ما بتخلي بيها ......

بس بعد إصرار ابوها و امها رجعت معاهم ...... ابوها قال ليها تقعدي في الغرفة والبرندة حقات اختك ام سلمة......😪

بس ام سلمة ما كانت رضيانة ابدا و ما قادرة تفتح خشمها .....😒

_ قالت ليها كان اخير ليك بيتك و الاولاد احسن ليهم الوساع وبعدين البيت هنا ضيق و كدا ......😳

_ قالت ليها ابوي أصر على والله انا ذاتي دايرة بيتي......😥 فكرت كدا انو ام سلمة اختها بتلمح لي حاجة .....

_ قالت ليها خلاص انا بديك البيت عشان عرسك ......🙂

_ ام سلمة رفضت و هي متضايقة لانو ما عاجبها بيت اختها عايزة بيت براها و جديد .....😡

مريم سكتت منها و ما قالت حاجة .......

_ امها جات قالت ليهم عاينو بعد وفاة عبد المطلب نحن ناجل العرس حق ام سلمة شوية ......😔

طبعا ام سلمة اتصدمت قالت ليهم لالا ما تاجلوهو خلوهو كلو كلو انا ما دايرة اتزوج ومشت خلتهم ......😫

_ مريم قالت ليهم ابدا مافي حاجة بتقيف و تتمو العرس عادي و الحي ابقى من الميت و انا رضيانة 😰 ......

_ كيفن يعني انتي لو رضيانة الناس تقول شنو اختك دي عوقة ساي ما تشتغلي بيها ......😒

_ مريم بدت تبكي قالت ليهم يا جماعة عليكم الله تموهو العرس دا انا والله لو ما تميتوهو برجع بيتي ......😭

بعد تحانيس وافقو يكملو العرس ......

_ امها دخلت لي أم سلمة قالت ليها انتي مالك يابت؟؟ 😡 عايزة تزيدي على اختك وجعها؟؟ 😡 اصبري خلي موت راجلها يتم شهر بس ......😡

_ انا قلت ليكم خليتو عديل كدا خليتو ليها العرس دا و ان شاء الله عدم عرسي يرجع ليها راجلها ......😡

_ سبحان الله أسي دا كلام زول واعي بقولو؟؟ ......😨

_ امي خلاص خلصنا ما عايزة اتزوج و قاااعدة في البيت دا و بقت تبكي .......😭

_ امها استغفرت و طلعت منها .....😳

_ مريم قالت لي ابوها انا بقعد في الصالون البي ورا ما بقدر اقعد في بيت ام سلمة لازم يجهز عشان عرسها......😢

_ كيفن يعني تقعدي في الصالون البي ورا؟؟ 😲 دا مقفول طول و بعدين سقفو ما كويس انتي الجابرك شنو؟؟......😦

_ عليك الله يا ابوي خلي الأمور تمشي زي ما هي عشان ما اتضايق و احس اني مسخت على ام سلمة حياتها......😢

_ خير خلاص بيتو الليلة في الغرفة و بكرة ينضفو الصالون و يجهزو ليكم ......😑

_ لالا بنبيت برة الحمد لله الحوش واسع و انا ما عايزة اكتر من سريرين ......☺

_ ابوها اتضايق ضيق قال ليها دا كلو من البت المعولقة دي انتظري ليها ساي ......😤

_ لالا يا ابوي عليك الله ما تسألها اصلا عندها حق والله عرسها باقي ليهو ايام ذنبها شنو نمسخ عليها فرحتها؟؟ انا لو مكانها ما برضى والله حتى لو ما قلت بس هي عفوية و ألفي قلبها في لسانها ما بتدس شي .....🙁

_ ابوها سكت قال ليها خير خير .....

مريم دي بس تعاين لي أولادها وناس البيت و ماسكة دموعها بالغصب عشان ما تجرسهم و خاصة أنهم بجهزو لي فرح ......💔 بعد نومت أولادها و رقدت بنتها جنبها في السرير ..... ختت رأسها و

دموعها ما وقفت .....😿

خليتنا لي منو يا طلب ؟؟ حاسين نفسنا غريبين حتى مع أهلنا استغفر الله العظيم .....😭

تاني تبدأ تبكي و تتجرس لحدي ما شالها النوم ......😴

***

الصباح بدري ابوهم جاب رجال صلحو ليها الصالون تمام و ظبطو ليها العرش و قفلو الحتات المفتوحة و ضربو ليها جير ..... جا الحساني يسأل من مريم و اولاد المرحوم لحدي ما عرف انهم مشو البيت الكبير و مشى ليهم هناك ..... لاقي ابوها و اخوانها قال ليهم عندي بضاعة كانت عند المرحوم و يوم الجنازة شفتها في بيتو .....

_ ابوها قال ليهو خلاص النمش اسأل ليك منها مريم ......

_ فعلا مريم أكدت ليهو قالت ليهو هو اصلا مشاركو في الواطة و دي البذور ......☺

_ معقول طلب مشارك في الواطة؟؟ ......☺

_ اي والله يا ابوي و حكت ليهو الحصل كلو ......

_ والله ماشاء الله كان كدا طلب ما كان هين و بخطط لي قدام .......😅

_ مريم دنقرت و قالت ليهو الله يرحمو .....😢 أدت ابوها مفتاح الغرفة الفيها البذور ومشي مع الحساني و اخوانها و طلعو ليهو الشوالات ..... الحساني طوالي بدا قبل الموسم يفوت و اتبدا يجهز الأرض و زرعها ......🍁