الجزء 1
جا داخل عبدالمطلب البيت و هو شايل برسيم للبهائم.....🌿 أولادو لاقوهو من الشارع شافوهو من بعيد و هو جاي من خلال الباب ( باب فاتح ما فيهو بوابة ) ......
_ ابوي جبت معاك شنو و هم ماسكين في الأكياس ألجأ داخل بيها .....😇 غبش و مغبرين و البنت الصغيرة شعرها كلو واقف و الفستان سستتو محلوجة و كتفو نازل من جسمها النحيل ......
_ اصبرو يا ولاد خشو خشو ......☺
دخلو و ابوهم قفل الباب بي خشبة كبيرة عاملة زي الباب ..... لقى السرائر مفروشة في الحوش و المكان نضيف ...... مريم جات سلمت عليهو و قعدت جنبو في السرير ......❤
_ عندي ليك خبر سمح سماحة ......😀
_ انا زاتي جايك بي خبر زييييين اها قولي انتي بالأول......😃
_ مريم اخدت ليها ضحكة صغيرة كدا و غطت خشمها بي يدها ......😁
_ عبدو عاين ليها و ضحك قال ليها اصلووو ما بصدق هههههه حامل؟؟ .......😃
_ قالت ليهو اي حامل جات قبيل بت ود على كشفت على قالت حامل ...... ماشاء الله ماشاء الله و عبدالمطلب بقى مبسووووط ......😍
رغم بساطتهم و ما عارفين الجاي شنو الناس دي ما بتحسب للعيشة حساب زي ناس المدينة ....❤ حتى ما بتحددو النسل و لا بخافو يجيبو اولاد كتار رغم أوضاعهم.....🌼 بقولو كل طفل بجي بي رزقو و دا الصاح ......❤
_ اها انت خبرك شنو السمح؟؟ ......😍
_ خبري سمح سماحتا لكن عايز مننا اجتهاد بسيط ......😊
_ اها قول شنو؟؟ ......
_ عمر الحساني اداني فكرة جهنمية ممكن ترفعنا في السماء .....😇
_ اها شنو قول .....
_ شفتي الواطة الشغالين فيها انا وهو؟؟ سيدها قال ماشي الخرطوم و قال عايز يبيعها و انا و الحساني قلنا نشتريها منو و حتى لو ما قدرنا نشتريها كلها نشتري جزؤ منها ......😀
_ يا سلاااام يعني حيبقي عندنا واطة حقتنا برانا؟؟......😍
_ هههههه اي كان الله سهلها ......❤
_ اها لكن نجيب تمنها من وين يا عبدو؟؟ ......😔
_ اصبري ما انا جايك في الكلام ..... اولا انا البهائم ديل ببيعهن و انتي عندك دهيبات كدا جيبيهم نبيعهم و الله المشروع مربح في السنة دي بجيب الضعف و برجع ليك دهبك ......😪
_ قالت ليهو خلاص كويس والله نبيع في شان الواطة ...... قامت مريم من جنبو مشت دخلت جوة و دخلت معاها الأكياس الجابهن راجلها ...... بعد شوية جات طالعة بي صينية العشا .....🍝 أولادها كلهم لفو حوالين الصينية و بدأو ياكلو ...... مريم تشيل و تتونس مع عبدو في موضوع الواطة و أحلامهم العايزين يحققوها من ورا الأرض دي .....❤
انتي عارفة تاني البلد دي زاتها بنخليها نمشي على الخرطوم هناك و نبقى أصحاب أملاك ......😎
_ ههههههههههه اي والله ربنا يوفقكم يارب ......😁
_ ابوي يعني نحن حنمشي البندر؟؟ ......🌚
_ هي اسكت ما اسمها البندر اسمها الخرطوم انت مالك عوير كدا ......😒
_ ياخ انتي مالك و مالي 😭 .....
_ خلآص يا اولاد ما تتشاكلو في الأكل عيب .....😪
****
بعدها قامت مريم لمت العدة و شالت الطشت و الجردل و مشت بي ورا البيت و نادت بتها في الأول و حممتها تمام و لبستها لبس نضيف و مشت ختتها في سريرها و نادت ولدها الكبير كمان حممتو و لبستو و ختتو في سريرو و حممت ولدها الصغير كمان بي نفس الطريقة و هي ذاتها استحمت و غيرت و جات على أولادها لقتهم نامو كلهم و بدأت تمسح فيهم بي زيت سمسم ......
_ انتي يا مريم حمام بالليل دا قلت ليك ما سمح .....😓
_ عيبو شنو احسن شيء اولا أولادك ديل انت عارف خمجهم لو حميتهم بالنهارية خمسة دقائق بلقاهم زي الطين و بعدين الحمام بساعدهم ينومو طوالي ......😚
_ غايتو ما عارف لكن احسن من ينومو وسخانين ......😔
_ انت خليك من الحمام أسي انت واثق من الحساني دا؟؟......😓
_ كيييف ياخ يا سلاااام دا صاحبي و زول بخاف الله و ماشاء الله ما عندو اي لف و لا دوران و نحن حالتنا واحدة بس هو ما عندو أطفال لسة ربنا يرزقو .....☺
_ اللهم آمين خلاص دقيقة النجيب ليك الخاتم و القويشة......😊
_ لالا ما أسي يا مريم خليهم لي بكرة كان الله احيانا ......
*
الصباح بدري بعد صلاة الصبح على طول عبدو بطلع يمشي على الزراعة و اليوم عندو موضوع مهم جدا و نقلة بالنسبة ليهو ...... شال الخاتم و القويشة من مريم و ساق البهايم على السوق و مشي بأعهم ...... الخاتم و القويشة زادو من السعر العايز يشارك بيهو عمر الحساني في الواطة و ندم قال كنت ابيع الدهب اول قبل البهائم تاني زي بهايمي ديل ما بلقى لكن خلاص قدر الله ......💔 مشي على الأرض لقاهم واقفين راجينو ...... دفع نصيبو و عمر الحساني دفع حقو و صاحب الأرض اداهم الأوراق حقتها و بصمو الاتنين عمر و عبدالمطلب ......📝 بدأو يخططو يعملو شنو و يزرعو كيف و عندهم بير في الأرض يعني ما عندهم اي مشاكل و قررو يتناوبو فيها .....
**
مشت مريم لي ناس امها عندها اختها عروس محبوسة و عرسها قرب ...... مشت سلمت عليهم و اتونست معاهم و ساعدتهم في البيت ......
_ انتي يا أمي الغرفة و البرندة ما جهزتوهم؟؟ ......🐸
_ مريم قعدت تضحك قالت ليها من أسى عايزة تجهزيهم شكلك مستعجلة ......😂
_ بري والله يا مريم العرس قرب و الغرفة و البرندة ديل دايرات ليهن تظبط و جير و حاجات .......😥
طبعا ناس البلد دي العروس بتقعد مع أهلها فترة زواجها الأولى لحدي ما راجلها يجهز بيتو و طبعا البيوت كلها حيازة مافي أرض حقت زول الا الأراضي الزراعية بس و برضو الناس ديل ماخدنها حيازة ..... طبعا بعد العريس يعمل مناسبتو بكون بس كل همو يلقى ليهو أرض مناسبة و يعمل نفير يستنفر اهلو و اولاد الجيران يبنو ليهو غرفة مثلا و يحوشها و بعد يجي يسكن براهو بعمر البيت و يزيد الغرف و هكذا و طبعا كلو بالطين ما حاجة قاسية ....... مريم بعد اطمنت على ناس بيتهم ساقت أولادها و رجعت بيتها في انتظار زوجها ......❤ بعد جا راجع حكي ليها كل الحصل و مريم دي مبسوطة بسطة و فرحانة و تبتسم براها .....😍
_ قال ليها انا بكرة بمشي على المدينة و نجيب التيراب و تبدأ الشغل طوالي أن شاء الله ......😎
_ مريم قالت ليهو خلاص خير ربنا يوفقكم .....❤
****
الصباح بدري بعد صلاة الصبح كالعادة طلب طلع و الليلة ماشي لي مدينة قريبة من بلدهم عشان يشتري البذور الحايزرعوها ...... بعد وصل المدينة و بدأ يسأل من مكان لي مكان و من دكان لي دكان و طبعا البذور ( التيراب ) ما واحد ..... واحدة ممتازة و دي نسبة نجاحها بتكون 95 % و ما بتخسر و ممكن تجيب أضعاف مضاعفة من المحصول و الربح يكون عالي جدا ..... و في يذور جيدة أقل منها و في الوسط و في الرديئة طبعا طلب بفش في الممتازة و عندو قروش البهائم زادها من عندو عشان المحصول يكون مربح ..... فعلا لقى واحد عندو النوع دا و اشتراهو منو و ركب البكسي و راجع بلدو ...... اتعرف على كم نفر في البكسي و تقريبا حكي ليهم عن مشروعو....😌 بس للأسف كان في خور قبل ما يقطعو البكسي انقلب فيهو لانو كان شايل و محمل تقيل .....💔 فانزلق بالجهة حقة طلب و في ناس مرقو منو ......