الجزء 4

‏[يا ربِ قُر عيني بِكُل دعوة فاضَ بها قلبي💜]

انا اساسا عاطف عليكم اديتك القروش دي حسب صحبتي مع عبدالمطلب و كدي و قلت دا الواجب لكن كمان دايرة تعملي لي نبط و تتسلبطي في حقي ؟؟......😨 قالت ليهو معقول يا عمر؟؟ صاحبك مات عايز تاكل حق أولادو؟؟ ......😧 يا مرآة انتي خرفانة ولا شنو؟؟ كيف يعني شريك معاي كدي جيبي ما يثبت عشان ما تتكلمي ساكت ......😡 مريم دموعها رقرقو و قالت ليهو والله المرحوم ما حصل جاب لي ورقة تثبت عشان واثق فيك خلى العقد معاك ......😢 كيف يعني؟؟ ما خلى معاي اي عقد و الأرض دي حقتي انا اشتريتها بي قروشي......😠 لالا يا عمر انا متاكدة انو شريكك بي دليل انو شال مني قويشة تقيلة و خاتم و مشى باع بهايمو عشان يشاركك .....😧 ايوااا قولي كدا غشاك يعني و شال دهبك و جاية تتسلبطي فيني انا؟؟ 😡 امشي شوفي ودى دهبك وين يمكن عرس بيهن ......😔 لالا طلب انا واثقة فيهو ما بعملها ......😢 يا زولة ما معروف ما تجي تتسلبطي فيني سامعة ولا لا؟ ! ......😡 دنقرت كدا قالت ليهو طيب ممكن اشوف عقد الأرض؟ ......😧 بي صفتك شنو انتي انا اوريك عقد الأرض حقتي؟؟ 😡 يا بت الناس ما تقفليها معانا من الصباح بالله ......😡 مريم مدت ليهو القروش قالت ليهو يعني دي حسنة منك على و على أولادي؟؟ اتفضل ما عايزة منك حاجة و حسبي الله ونعم الوكيل لو أكلت حق أولادي اليتامى ......😰

***

مريم رجعت و هي منشقة بالبكاء و ما عارفة تقول شنو......😭 أحلامها البنتهم عشان تدخل أولادها المدرسة......💔 بكت زين بس قالت ما بسكت على حق أولادي و بشيلو من عيونو ......😪 مشت على طول بيتها لقت ابو القاسم قاعد قال ليها اتاخرتي علي اسي امشي ابوي يهيج فيني يقول لي اتاخرت ......😦 مالك يا مريم؟؟ بتبكي انتي ولا شنو؟؟ ......😕 قالت ليهو امشي عليك الله يا قاسم نادي ابوي أسي دي قول ليهو مريم عايزاك ضروري .....😥 في شنو انتي احكي في زول سألك .....😨 أي في زول سألني بس نادي ابوي ......😥 قولي دا منو وانا اجيب ليك راسو أسي دي ......😡 قلت ليك نادي لي ابوي .....😫 مشي ابو القاسم منفعل و محموق بس عايز يعرف السأل اختو و بكاها كدا دا منو ......😲 نادي ابوهو و جا ...... في شنو يا مريم اها ......😨 قاسم قال ليها احكي هدا قدام ابوي .....😕 بدأت تحكي ليهم عن شراكة عبدالمطلب زوجها مع عمر الحساني ...... تتذكر يا ابوي حتى انت جيت شلت مني المفتاح عشان نطلع ليهو البضاعة ......😭 اي صاح متذكر لكن ليه ناكر؟؟ عايز ياكل حقكم بالباطل يعني؟؟ ......😡 انا ما عارفة يا ابوي و المشكلة طلب ما جاب لي أي أوراق عشان اقدر اثبت بيها حقو كان واثق في صاحبو .....😭 قاسم ما قادر يصدق انو طلب زوج مريم الراجل المسكين البشتغل باليومية شريك في أرض أسي بعد الحصاد تقدر بالملايين ......😳 قال ليها براحة كدا لكن يا مريم يمكن عبدو كذب عليك و قال ليك انا شريك عشان تصدقيهو و يشيل دهبك ......😕 مريم بقت تبكي قالت ليهم والله يا جماعة ماف زول بعرف طلب قدري انا عاشرتو و عشت معاهو قريب العشرة سنة ما بغشني والله العظيم ما بغشني ......😭 قاسم ما مقتنع و ابوها بين مصدق و ما مصدق قالو ليها خلاص نحن نمشي نقعد معاهو و نسالو براحة بدون مشاكل .....😳 طيب انا بمشي معاكم .....😧 قالو ليها لالا نحن بنمشي انتي خليك هنا ......

السلام عليكم ورحمة الله كيفك ان شاء الله تمام ...... اهلا وسهلا اتفضلو كيفكم ......😄 الحمدلله بخير ..... عمر مما شاف اخو مريم و ابوها عرفهم تماما ......🙂 طبعا جينا نسألك من عبدالمطلب زوج مريم ......😊 اها ايوااا الله يرحمو و يوسدو الباردة ......☺ ابوها قال ليهو ..... طبعا كان قبل ما يموت كلمني انو شاركك في الواطة و كدا......😐 ههههههه لالا هي ما مشاركة ابدا يا حاج هو شكلو فهم غلط هو انا بعد اشتريت الواطة دي قلت ليهو نجتهد فيها مع بعض و عشان صاحبي طبعا كنت مقربو مني شديد و هو شكلو فهم غلط ......😅 ابو مريم قال ليهو خير نحن بس حبينا نتأكد شكلو حصل سؤ فهم لكن خير.....😐 قاسم كان بعاين ليهو و حس بيهو زي الخائف من حاجة و بدأ يضربها في راسو و قال ‏( اساسا عمر دا شغال مع طلب باليومية معقول فجأة كدا بقى عندو ارض؟؟ معقول يكون شال الدهب من طلب و غشاهو؟؟ اكيد في أنه في الموضوع دا ‏) ..... قال ليهو طيب ممكن تثبت انو عبدو ما شريكك ......😒 عمر دنقر شوية و بقى يضحك......😀 ههههههههههه القانون بقول انو انت تثبت انو طلب شريك في الأرض ما انا اثبت العكس ......😂 قاسم غلبو يقول شنو ......😐 بقى يقول ليهو عموما حق الحرام ما بودي لي قدام و الحقائق بتوضح و لو بعد حين......☺ عمر دا ابتسم ساي و لا رد عليهو ......😀 قاسم و ابوهو سلمو عليهو و بقو طالعين ...... لما رجعو لي مريم بخفي حنين اتضايقت ضيق و بقت تبكي لمن جاها وجع الولادة .....😭 بقت تصرخ ابوها و اخوها قالو ليها يا مريم دا كلام شنو دا مالك بتكوركي كدا ......😒 لالا عايزة الد انا بتوجع .....😵 فعلا جوها امها واخواتها و ولدت في يومها داك و جابت ولد ...... امها و ام سلمة عرفو قصة الأرض و الشراكة ......

_ امها قالت ليها انتي غلطي يا مريم ما كنتي تديهو الدهب أسي كان بنفعكم انتي و أولادك .....😟

_ امي والله العظيم انا ما ندمانه اني أديت طلب الدهب بالعكس و الله لو طلب عيوني اديهم ليهو لانو ما مقصر مني و لا من أولادو و انتو ما بتعرفوهو زي انا .. طلب دا لو لقى قرش بجيني جاري يقول لي نعمل بيهو كدا ولا كدا .....😩

_ ام سلمة قالت ليها أسي تلقيهو مشي عرس بيهو يا فرحانة قال واثقة فيهو قال ......😒

_ مريم قالت ليها كان عرس بيهو عافية ليهو لانو هو اللبسني ليهو مرآة واحدة في الحلة راجلها جاب ليها دهب زي مافي عشان تعرفي انو ما مقصر معاي .....😔

_ في النهاية جا شالو منك اها .....😏

، *

ابوها ضبح ليها و عملو الكرامة و سألوها قالو ليها عايزة تسميهو منو؟؟ .....😐 عايزة اسميهو على المرحوم عبدالمطلب ......❤ احتارو فيها .....😰 كيف يعني عايزة تسميه نفس اسم ابوهو ......😰 اي بس عاينو ليهو بشبهو كيف عايزة اسميه بس عبدالمطلب ......❤ فعلا عملو السماية و سموهو على ابوهو .....❤

*

_ يا عمر انت صاحبك الاتوفي دا مش مشاركك في الأرض؟؟ ......😦

_ عمر اتخلع و نسي تماما انو مرتو شافت العقد الفيهو الشراكة البينو و بين عبدو .......😨 اها؟؟ لالا طبعا أديت مرتو حقهم على داير المليم اساسا حقهم 400 جنيه و الحمد لله المحصول جاب الكتير ' اديتهم حقهم .....😅

_ رحمة زوجة عمر ما صدقت عمر و اتضايقت و حست انو اكل حقهم ......😢 عمر؟؟ حق الناس كناس زي ما بقولو انت القروش الجبتها كتيرة و انا حق الحرام ما عايزاهو يخش على ......😥

_ انتي يا رحمة جادة في كلامك دا؟؟ 😳 يعني انا حرامي؟ 😨 ؟ معقول اكل حق اليتامى المساكين ديل؟ 😧 ؟ ياخ معناها لسة ما عرفتي عمر الحساني شنو؟؟ ......💔

_ لالا ما قصدي بس انا زوجتك و شريكتك فبنبهك بس عشان ما تنسى والذكرى تنفع المؤمنين ......😪

_ اطمني يا ستي اخدو حقهم و الأرض دي بقت حلالي برأي ......☺

_ تمام يا سيدي .....😊

_ خليك من الكلام بتاع الشغل دا تعالى ارقدي جنبي......😍

جات رحمة رقدت في حضن عمر قال ليها اها عموري الصغير كيف؟؟ اوع يكون تاعبك؟؟ ......😚

_ قعدت تضحك تاعبني شديد زي ابوهو ...... قعدو يضحكو ونامو ......😴

من الصباح رحمة ما قدرت تقوم من السرير و قعدت تبكي .....😭 عمر صحي على صوت بكاها .....😲 بسم الله مالك يا رحمة؟؟ .....😵 فجأة أتلفت لقى نفسو مبلول و الدم مالي السرير حتى جلابيتو ......😱 عمر دا اتخلع خلعة و بقى يقول ليها رحمة انتي كويسة؟؟ فيك حاجة؟؟ ......😨 قالت ليهو نزل الطفل و لا حتى شعرت بيهو ......😭😖💔 لا حول ولا قوة الا بالله ربنا يعوضنا يا رحمة ......💔