الجزء 12

عرس في ‏( ..... ‏) ؟؟ 😦

- طلب عاين ليهو كدا ....😳 ايوة عرفت كيف انت؟؟ 😵

- سبحان الله انت بتعرف اخت العروس؟؟ شقيقتها انت متأكد؟؟ 😲

- أي والله بعرفها بتقرا معانا في الكلية ليه انت بتعرفهم؟؟......😧

- سبحان الله ربنا جابهم لي لحدي عندي بدون ما افكر و اتعب كتير .....😳 خلاص يا زول انا بمشي معاك .....😪

- تمشي معاي وين لكن يا عمار؟؟ و المحل البمسكو منو؟؟ 🤤

- يا سيدي انت عارف زميلتك دي تبقي منو؟؟ دي بنت عمر الحساني صاحب شركات الحساني ....😎

- طلب اترزع في السرير و بقى مصدوم ...😢

_ يعني ما حصل ندهو اسمها بالكامل؟؟ معقول ما بتعرف اسم ابوها؟؟

_ لالا هي ما بتقرا معاي في نفس الدفعة هي ياداب في أولى ياخ عشان كدا ما حصل عرفت اسم ابوها

- اها و انت يا عمار لسة بتفكر في الانتقام ....😢

- معقول يا طلب ؟ والله حقي ما اخليه وما تنسى امي تعبت معانا كيف؟ لازم نجيب حقها من خشم الأسد و انا شخصيا ماف زول بقدر يوقفني عن البعمل فيهو ....😡

- لكن يا عمار بناتو ذنبهم شنو؟؟ معقول؟؟ 😢

- يا زول انا ما شغلتي في بناتهم و زميلتك دي حتكون الكبري الوحيد الحيوصلنا للحساني .....😑

- طلب دا اتضايق و القعدة غلبتو كلو كلو ما عارف يجري ورا عواطفو و لا يجري ورا الانتقام و انو ياخد حقو من الحساني .....😢 الاساسا ما متأكد انو عندو حق عندو ولا دا كلام ساي زي ما بقولو ليهم أهلهم .....😢

_ طيب يا عمار ما ملاحظ حاجة غريبة؟؟ 😦 ماريا بت الحساني طلعت زميلتي ربنا بس جابها ختاها قدامي كدا نحن نخلي الأمور لله و ربنا هو البدبرها و نحن ما بنحسن التدبير زي رب العالمين .....❤

معناها ربنا عايز حقنا يرجع لينا ..... أي سبحان الله و انا أسي ما عايز اخالف تدبير ربنا بس عايز امشي معاك عشان اكون قريب منك و ربنا هو البدبرها بعدين ....

._ بس انا ما موافق ندخل بناتو في الموضوع لانو لا تزر وازرة وزر أخرى ......😡

_ يا طلب قلت ليك لازم ولابد يدخلو بناتو لانو ربنا جاب لينا البت دي مخصوص لي حكمة .....😌

بقى عمار يزن لي طلب في أضانو .....😑😐

- و امك يا طلب ؟؟ شقاها و تعبها في تربيتنا؟؟ تجازيها بالتخاذل؟؟ معقول بس؟؟ 😢

المهم في الاخر اتفقو على الخطة

_ قال ليهو نحن نمشي ليهم و بما انك بتعرف بنت عمر الحساني حيكون ما عندنا مشكلة .....😌 نقعد و نهظر و نضحك و نحاول ندخل فيهم شديد و نبقى أصدقاء الأسرة بعدها ونحن جوة الأسرة حنتكتك بس برااااحة و بدون تسرع عشان يامنو لينا ......😊 بعد اتفقو على الخطة الحيمشو عليها و الرسمها عمار و طلب وافق انو يمشو المناسبة سوا على أساس طلب جايب معاهو اخوهو عمار ...

دنيا اتفقت مع سنهوري انو يمشي معاها العرس عشان يلقو سبب يتلاقو بيهو ......❤ بالرغم من انو تعبان و جاي من سفر قرر يمشي معاها .....😌

_ عمار قال لي طلب دا شنو الانت حتلبسو دا؟؟ ......😒

_ مالو فيها شنو يعني؟؟ ......😔

_ لالا يا زول تعال معاي نلبس احسن لبس و بعدين نحن ماشين مناسبة راقية جدا انت بلبسك دا حتكون واحد من العمال مش صديق للأسرة 😑 .....

_ اها نلبس شنو مثلا؟؟ ........😐

_ طيب ارح معاي ..... مشو على محل البدل و اي واحد لبس و اتشيك و طقمو مع بعض و مشو ......☺

**

وصلو الحفلة كانت بادية عمار قال ليهو اتصل عليها هنا قبل ما ندخل ......😪

_ طيب ....☺

_ اتصل عبدو بي ماريا و فعلا جات استقبلتهم بي ابتسامة عريضة .....😀

_ ماريا كانت لابسة فستان وردي و محجبة و طلب لمن شافها حس باحاسيس غريبة و اتلخلط لخبطة شديدة.....😩

_ بس عمار سلم عليها بي ثقة و ثبات و فضلتهم لي جوة......😀

_ قعدو في تربيزة و هم بعاينو للبزخ الحاصل ......👀 كانت المناسبة في جنينة كبيرة في منزل الأسرة نفسو و فيها بوفيه مفتوح و كل الناس الجو كانو من أكابر القوم ......🙂 بعد شوية جات عربية وقفت و نزلت منها دنيا و هي حاضنة يد سنهوري ......❤ ماريا كانت مصدومة و ما عارفة تقول شنو بس استقبلتها و دخلتها جوة .....😨 ماريا قالت ياربي؟؟ دا اخوها معقول انا ما شفتو قبل كدا ......😳 بعد شوية ماريا جات لكزت دنيا قالت ليها تعالى عشان تسلمي على طلب ......😡

- يابت طلب شنو وطي صوتك شنو ما شايفة اب شنبات القدامك دا ....😆

- تقصدي شنو؟؟ و من عيونها فهمت انها جابتو معاها .... معقول يا دنيا؟؟ 😨

- انا ذاتي ما اتخيلت نفسي بحبو والله دي قصة طويلة بعدين بحكيها ليك .....😂

ماريا رأسها ضرب و بقت تعاين لي عبدالمطلب و عمار و هي خجلانة شديد و ما عارفة تخلي معاهم منو عشان ما بعرفو زول و قاعدين زي الطرش كدا ......😧 قالت خلاص النمشي عليهم ...... مشت سلمت و قعدت شوية و عمار بدأ يخلق المواضيع يحكي نكات و حاجات مضحكة......😅 طلب كان متجهم و متضايق و في نفس الوقت مبهور بي ماريا .....😍 بقي شايف فيها حاجات كتيرة هو ماحصل عاين ليها بالطريقة دي ......😀 بقى ينظر ليها كانثى و اول مرة يحس بالاحاسيس دي ......❤ بشاركهم بالونسة بس على خفيف ......😎 فجأة ماريا قالت لي طلب ......

_ معقول عندك اخو ظريف كدا؟؟ بالله انا قلت طلب دا من الناس المتوحدين هههههه ......😂

_ طلب خجل شوية و قال ليها لا لا والله بتكلم بس شوية الجو ......😳

_ عمار قاطعو ..... ياخ انتي ما بتعرفي طلب دا معناها

......😀 ياخ زول رقاي شديد و جنو نقة بالذات لما تكون العدة عليهو .......😂😰

_ ماريا دي ضحكت لمن دموعها جرت و خلت كل الحفلة و جو الحفلة و بقت مركزة معاهم ......😁

_ شوية طلب بقى بتونس و اخد راحتو معاهم ......❤ بعدها الناس كلها اتلملمت في المدخل و بقو يزغردو و شغلو زفة ......🎉

_ ماريا انتبهت لي نفسها قالت ليهم معليش عن اذنكم شكلو مايسة جات ......❤

_ بعد مشت خطوتين اتلفتت قالت ليهم يلا نمشي ليها عشان اعرفكم عليها و تباركو ليها ......😁

_ فعلا طلب و عمار مشو معاها ...... بعد وصلو لقو العروس و العريس قعدو في الكوشة و الناس بتجي تبارك ...... مشت ماريا سلمت على اختها بالاحضان و بقت واقفة طلب و عمار جو سلمو عليها و قالت ليها ......

_ مايسة دا طلب زميلنا و دا اخوهو عمار ......😁

_ مايسة عاينت ليهم قالت ليهم اهلا وسهلا ......☺

_ قالو ليها مبروك ربنا يسعدكم ......❤

_ الله يبارك فيكم تسلمو .....😊

_ باركو للعريس و جو نازلين و ماريا قالت ليهم اقعدو قريب ما ترجعو للفيافي ديك انتو ضيوفي يعني حاجة ما هينة ......❤

_ عمار قال ليها اي ياخ عشان ما يفطونا في العشا زي كل مرة 😂 .......😂

_ ماريا دي قررررر قعدت تضحك و قالت ليهو معقول ياخ؟؟ .......😁

_ طلب قال ليها نحن طبيعي مفطوطين حتى كان قعدتينا جنب الطباخ ......😂

_ ههههههه لالا المرة دي ما بفطوكم لأنكم حتشيلو صحنكم بي نفسكم و تمشو تشيلو عشاكم عشان البوفي مفتوح......😂

_ عمار قال ليها الخوف نلقى الحلل خرتوها ......😂

_ ماريا دي قربت تقعد في الواطة من الضحك قالت ليهو عمار انت حظك دا مالو كدا ......😂

_ قال ليها اسكتي ساي .....😂 .......

قعدو قريب لي حسن حظهم أو سؤ حظهم انو كان عمر الحساني واقف في تربيزة جنبهم ......😰

مجرد ما اتحرك من التربيزة عاين باتجاهم و الاتنين عمار و طلب بدون ما يشعرو كانو بعاينو ليهو و مقهين فيهو بدون ما واحد فيهم يرمش .......🙄 الحساني لما عاين ليهم قلبو قال شح ......😲 اتخلع و نططت عيونو بس اتمالك اعصابو و حافظ على الابتسامة ألفي وشو .......😌 بقي مستغرب جدا من الشبه الكبير البين طلب و صاحبو القديم الأكل حقو بعد ما مات ......😲

_ مشي شوية و سأل منهم قال ليهم ديل منو؟؟ ....😳

_ كل زول قال ما بعرفهم .....

😲

_ نادي واحد من البنظمو الحفلة قال ليهو امشي اسالهم هم تبع منو بالضبط؟؟ 😒 انتو بتدخلو ناس ساك

ت؟؟ 😒 مش في دعوات موزعة؟؟ ......😪 الراجل اتلبش و مشى عليهم ......

_ السلام عليكم بس معليش ممكن أشوف الدعوات؟؟ ....😊