الجزء 21

فهمتي؟ ! يعني عايزة تجذب طلب و يحبها و تسيبو و تمشي تشوف هدف جديد و تخليهو يحبها و تفكو اساليني من النوع دا انا ......😏

_ سبحان الله هي حاليا متزوجة لكن مش مفترض تتلم و تحترم نفسها؟؟ ......😲

_ ابدا يا ستي كونو طلب حباك انتي و اتزوجك عديل دي طعنتها في كرامتها و حست انك قدرتي تجذبيهو بينما هي لا ......😏

_ طيب انا اعمل شنو يا مايسة اتعامل معاها كيف؟؟......😥

_ تكسبي راجلك في صفك و ما تديها فرصة زي دي لانك حتندمي و تسفي التراب و خاصة انك بتحبيه و ما تنكري و تعملي رايحة ......😎

_ انا؟؟ ابدا و الل ....😩

._ ما تحلفي بالله باين من الغيرة المسكتك مما شفتيهو معاها و تعالى اقول ليك يا ماريا نوع راجلك دا بتشلب سريع لانو فاقد حنان ......😌

_ ماريا بقت خجلانة و مدنقرة و مقهية في مايسة ......😧 طيب اعمل شنو انا أسي؟؟ .....😥

_ اتصلي عليه ......😍

_ لالا اقول شنو؟؟ .....😵

_ قلت ليك اتصلي عليهو و طمنيهو عليك وصدقيني الحتقوليهو ليهو براهو بجي انا داخلة جوة ......😎

_ دقيقة خليك معاي .....😁

_ قلت ليك اتكلمي معاهو انا ما فاضية ليك .....😑

_ ماريا اتصلت و من اول جرس فتح طلب الخط .....😨 لا حول ولا قوة الا بالله ياخ وين انتي من الصباح انا بتصل عليك؟؟ 😖 انتي عارفة انا لسة في الجامعة و بفتش و رجليني سابو من الخوف عليك انتي كويسة؟؟ .......😢

_ انا بحبك .......❤

_ المفاجأة سكتت طلب و بقى ما عارف يقول شنو ......😯

_ ماريا كانت منتظرة ردو بي ترقب شديد و متوترة و ما عارفة قالت كدا كيف ......😗

_ و انا بموت فيك والله ......❤ ماريا؟؟ الووووو .....🙄

_ ايوة معاك .....🙂

_ وين انتي طيب؟؟ ......😍

_ انا مع مايسة اختي .....😇

_ طيب انا جاي عليك ......🙂

_ طيب ......💕

_ ماريا جرت لي مايسة جوة و حضنتها ......😍

_ يابت مالك في شنو اوع يكون شاكلك .....🤤

_ لالا والله ما شاكلني .....😂

_ طيب الحمد لله ......😎

_ قال جاي في الطريق اها وشي كيف؟؟ ......😓

_ ظابط مافيهو غلطة بس افرديهو كدا و تبقي فل الفل.....😍

_ طيب .....😁

_ بعد زي نص ساعة طلب اتصل عليها ......💓 انا واقف برة .....❤

_ تعال داخل

الوقت اتأخر ......😀

_ قلت ليك تعال ياخ ......😑

_ ههههه الليلة دا يوم عجيب ياخ ......😅 دخل طلب و سلم بي توتر و بالكاد قادر يشيل نفسو و ماريا نفس الشي 😌......😥

_ طلعت ماريا و قالت لي مايسة مع السلامة ......😁

_ ما تقعدو شوية أيمن زمنو قرب ......🙂

_ طلب رد ليها بأدب معليش ازعجناك معانا و الزمن اتأخر مرة تانية أن شاء الله 😃 .......❤

_ قالت ليهم الله يسلمكم توصلو بالسلامة يلا نتلاقى.....😎

***

طلب طلع و فتح لي ماريا الباب و مشى ركب ..... وقف مسافة قبل ما يتحرك .....😍

_ ما تعاين لي اتحرك ساي .....😎

_ طيب نمشي وين؟؟ .....😅

_ البيت طبعا ......☺

_ لالا انا جيعان و ناس البيت ما عارفين الحاصل ما كلمت زول انا خلينا ننزل ناكل في أي مكان .....😀

_ طيب .....☺

_ طول الطريق طلب كان بعاين لي ماريا و هو ما مصدق......😍 قبل ساعات كان ميت من الضيق و الزعل و الخوف و كل المشاعر السيئة 💔 و حاليا هو مليان مشاعر حلوة سعادة حب توتر ......❤

وصلو المطعم و بدأو ياكلو و ماريا متضايقة من نفسها جدا و حاسة انها غلطت و اتسرعت ......💔 بس الاحساس الحاساهو حاليا يستاهل كل المخاطرة و الجرأة العملتها ..........❤

_ أثناء ما بياكلو كانو بتكلمو عادي و الاتنين بحاولو يغيرو جو التوتر الحاصل ....... طلب قال ليها اها الأكل كيف ......😀

_ تمام حلو اول مرة اكل من المطعم دا ......😀

_ حلوة انتي والله .......❤ ماريا بقت تضحك تحت و مرة مرة تحاول تعاين ليهو في عيونو ......😊

_ انتي عارفة انا لما كنت في المحاضرة قبيل عملت التلفون صامت لما طلعت نسيت ارجعو و ما سمعت مكالماتك اسف ......💔

_ ما مشكلة كلو لي خير ......😊

_ فعلا لي خير ولو ما حصل الحصل ما كان نكون هنا ......❤ و مع بعض .......❤

_ أي والله صاح ......😁

_ ارفعي راسك دا عايني لي هنا ليه انتي مدنقرة كدا و بتطلعي الكلام بالعافية ......😅

_ لالا ماف حاجة ......😊

_ خجلانة يعني؟؟ كدي قولي لي الكلام القبيل ......😀

_ رفعت ماريا رأسها ..... كلام شنو دا .......😂

_ الكلام القلتيه في التلفون ........😂

_ ماقلت اي كلام انا ......😂

_ لالا قلتي و حتقولي ......😎

_ طلب ياخ خلي الموضوع دا ....

بخليه لكن لمن نصل البيت بس خليك جاهزة 😂 ...😂

_ هي جاهزة لي شنو؟؟ .......😱

_ هههههههه للكلام ......😂

_ عليك الله غير الموضوع الناس بتعاين لينا ......😧

_ طيب انتي مالك زعلتي؟؟ ما فهمت منك اي شئ قبيل بس جيتي وقفتي و ربعتي يديك و جريتي ......😐

_ ماريا كشرت ليهو ..... يعني ما عارف ......😧

_ عشان التلفون يعني؟؟ انا قلت ليك اصلا كان صامت و انتي مفروض ما تزعلي بأسباب هايفة زي دي . ، تعالى اساليني مالك في شنو؟؟ التفاهم زيو مافي ...😔

_ انت بتسمع و لا بتتفاهم و معاك دنيا؟؟ ......😒

_ لا حول ولا قوة الا بالله يادي دنيا ... دنيا شنو يا ماريا و الله دنيا دي ما عندي ليها اي شي و بعدين هي بقت مرآة متزوجة و انتي البتلمحي ليهو دا بنتقص مني شديد.......😡

_ ما من حقي اغير ياخ؟؟ انت قاعد معاها و انا بتصل و ما بترد انا افهم شنو مثلا؟؟ ......😒

_ خلآص أسي فهمتي؟؟ كنتي بس تناديني على جنب و تقولي لي كلامك دا و تشوفي انا بعمل شنو ......😎

_ كنت حتعمل شنو يعني؟؟ .....😏

_ كنت سبتها في مكانها و جيت معاك ......😍

_ طيب هي كانت عايزة شنو؟؟ ......😪

_ انتي دنيا دي مش صحبتك؟؟ انا والله لو ما صحبتك اصلي ما بريدها من كنا في أولى ......😫

_ كانت صحبتي بس انقلبت على مما اتزوجنا ......😒

_ طلب فهم الحاصل ......😐 ياخ هي زاتها دخلت لي بي موضوع الجامعة و المحاضرة و كدا و بقيت اشرح ليها في نقطة معينة و بس ما اكتر من كدا .......😥

_ ايواااا تمام هي زميلتك في الاخر ......😔

_ ايوة زميلتي و بس م اكتر ......😐

بعد اكلو و شربو العصير جو طالعين ..... طلب مسكها من يدها ......😍 حست بي كهرباء في كل خلاياها العصبية احساس فريد اول مرة تحس بيهو ......😍 لما وصلو البيت لقو مريم و عمار و حسن كلهم قاعدين برة في الجنينة و مودة بتقلي في البن .....

_ حسن قال ليهم اووووو العرسان حمدلله على السلامة شنو الزوغات دي؟؟ ......😎

_ هههههه والله حتشوفو جنس زوغات بالذات لما يكون الشغل علينا ......😂

_ كلهم قعدو يضحكو خاصة ماري 😂 ا .......

_ هو بالله الليلة الشغل علينا؟؟ .....😂

_ طلب قبل عليها و قال ليها يعني ما عارفة؟؟ .......😅

_ هههههههه الله يحفظكم يا أولادي .....

_ عمار قال ليهم بما انو الليلة كلنا مجتمعين عندي موضوع عايز افتحو ليكم

_ مريم قعدت تصحك

دقيقة يا امي خليني اقول ليهم

_ اسي انا قلت حاجة قول اها

_ يا جماعة انا خلاص نويت اخطب

_ مودة قلبها قال شح .....😓 و منو سعيدة الحظ دي 😀

_ نغم 😍

_ طلب و حسن اتلفتو قالو ليهو نغم منو 😌

_ ماريا قالت ليهو ما تقول لي نغم بت خالتي 😂

_ ياها ذاتها 😍

_ تتذكر يا طلب لما جينا المحل الكنت شغال فيهو في سعد قشرة مش جات معاي واحدة كدا ؟ دي هي نغم

_ ههههههه ياخ دي لكن مدلعة دلع و لايييوووقة ... 😂

ماريا قالت لي عمار دي ما حتقدر عليها مدلعه شديد ههههههه

_ ياخ شنو شغالين لي لايوقة و مدلعة انا عايزها و لو ما بقدر عليها دا بالنسبة لي تحدي بس انا غيرها زاتو ما عايز 😍 .... مهما قلتو برضو عايزها ... .

_ حسن قال ليهو اهم شيء تكون سمحة .....

_ مودة حمرت ليهو ... .

_ اكيد ما اسمح منك ياخ انتي احلي منك هو في ؟؟

_ مودة بقت مدنقرة من الخجل 😚

_ سمحة ساي هو ؟؟ البت زي قطعة القشطة ياخ 😚

_ لالا كان كدا خلاص مبروك

_ مريم قاعدة تضحك ساي و هي بتسمع في ونستهم 😁

ربنا يسعدكم يا عمار و يتمم ليكم علي خير 😘

_ كلهم بي صوت واحد قالو ليها اللهم امين 😚

... قعدو اتونسو و شربو القهوة وبعدها طلب قال ليهم عن اذنكم ......🙂

_ مشي غرفتو و خلى ماريا قاعدة تتونس مع مودة......😍

_ يابت قومي امشي الحقي راجلك يمكن عايز حاجة......😆

_ ياخ حيكون عايز شنو اتغدينا برة و اسي شربنا الشاي و القهوة ......😂

_ مودة لزتها و قالت ليها ياخ خلاص امشي غيري ملابسك دي طيب و ارتاحي شوية لانو بكرة الشغل كلو عليكم ......😂

_ هههههه تمام يلا عن اذنكم ......😀

*

ماريا ماشة على غرفتها تقدم خطوة و ترجع تلاتة خطوات ......😄

فتحت الغرفة و قبل تشوف الحاصل طلب جراها من يدها ......😃

من قبيل انا منتظرك دا كلو بتعملي في شنو انا فاهم حركاتك دي عايزة تزوغي ......😂

ازوغ من شنو بالضبط؟؟ ......😎

_ مسكها من اكتافها و ماريا خلاص حيلها مات ......😥

_ يلا قولي حبيبتي ......❤

_ اقول شنو يا ود .......😂

_ قولي بحبك ......😰 ولا رجعتي في كلامك .......😢

بحبك .....❤ مستحيل ارجع ف ......

_ قبل تكمل كلامها باسها ......😘

_ ماريا ما قدرت تقاوم و كانت منقادة بدون ما تشعر اتجاوبت مع طلب كانها سكرانه ما سامعة غير صوت انفاس حبيبها .......😚 ما شامة ريحة غير ريحتو .....😍 دخلو في عوالم و مشاعر جديدة عليهم الاتنين .....❤ غاصو في رحلة استكشافية و كل واحد حس انو جزء من التاني .....💕 كل طرف عرف انو منتمي تماما الآخر.....💞 حسو انو مافي غيرهم في العالم و انو العالم دا كلو اتخلق عشانهم هم و بس ......💓

***

_ ماريا ..... حبيبتي اصحى اتاخرنا على الجامعة ......😙

_ صحت ماريا على صوت طلب ..... فتحت عيونها و لقتو جايب ليها الشاي في الغرفة ......😍

_ صباح الخير حبيبي ...... ابتسم ليها و هي بتحك في شعرها ...... انتي عارفة انا حاسي نفسي بعرفك من زمان......😍

_ وانا كمان والله نفس الاحساس ......😍

_ حاسي اني حسيتك قبل كدا .....❤

_ هي الكلية ما يأخذنا الكلام 😒 عارفاك بتجرجر فيني لي شنو .......😏

_ هههههههه أسي انا قلت حاجة؟؟خلاص قومي سريع الوقت ......🤣

_ قامت ماريا دخلت الحمام و استحمت ..... بقت تعاين في نفسها في المراية .....😓 شايفة زولة تانية زولة جديدة أجمل من الكانت زمان ......😌 طلعت و لبست سريع و لحقت طلب في العربية ...... طول الطريق بتكلمو عن احساسهم لي بعض ......😍 وصلو الكلية و كل واحد مشي على زملاءه و هو مشتاق لي التاني ......😍

_ بعد خلصو محاضرات ماريا قعدت في مكان اتفقت مع طلب انها تنتظرو فيهو ......💞

_ جات دنيا مارة بيها و قالت ليها ازيك يا ماريا كيفك......☺

_ ماريا قالت ليها الحمد لله انا تمام كيفك انتي؟؟ ......😊

_ الحمد لله بخير والله طلب وين؟؟ ......😎

_ اقعدي يا دنيا انا عايزة اتكلم معاك في حاجة ......☺

_ دنيا استغربت و قالت يمكن عايزة تكلمني عن طلب......😅 اتفضلي ......☺

_ دنيا انا بس عشان كنت صحبتك في يوم من الايام و عشان الصحوبية الكانت بينا زمان عايزة انبهك لي حاجة ......

_ اللهي شنو ......😏

_ انتي بي تصرفاتك دي حتخسري زوجك و حب حياتك زي ما بتقولي .....

_ حركاتي ياتها دي ؟؟ 😏 تقصدي شنو انتي

_ ونستك و حركاتك و قعادك مع شباب 🙄

......

_ ههههههه حرقتك قعدتي مع طلب؟؟سبحان الله انا زميلتو قبل تكوني انتي زوجتو و ما تنسى انتو انا العرفتك بيهو و انتي شلبتيهو مني ......😎😂

شنو شنو؟؟ شلبتو منك؟؟ انتي عارفة انا غلطانة اني بتكلم مع واحدة مريضة زيك و عندها عقدة نقص عايزة كل شاب يشوفك ينبهر و يتهبل عليك و يحبك و بعدين تسيبيه و تمشي للبعدو عايزة تثبتي لي نفسك انك جميلة الجميلات؟؟ 😑 يا دنيا انتي جميلة ليه بتعملي في نفسك كدا؟؟ ......😐

_ جميلة جوة عينك يا فالحة ......😎

_ ههههه اي جميلة بس مريضة و اسي انتي حتى بعد اتزوجتي جارية ورا طلب عشان تثبتي لي نفسك انو انتي كمان ممكن تعجبيه و يحبك بس دا بعدك يا عسل أربعة سنين انتي ساكاهو يوم واحد ما نظر ليك غير زميلة ليهو ليس إلا 😌 و بعد شهر واحد من معرفتنا جا اتزوجني شفتي اني منافسة ليك عشان كدا عايزة تخربتي علاقتنا ......😏

_ دنيا دي دموعها جرت ......😢 اسكتي انتي جريتي وراهو بي سبب انك عايزة تخليهو يحبني و ما بعرف قلتي ليهو شنو و خليتيهو يجي يخطبك و يعرسك و ما بعيد تكوني عملتي ليهو عمل اصلا انتي شبهو عيانة زول بعاين ليك مافي ......😭

_ دنيا مشت من ماريا و هي بتقول ليها انتي المريضة و بإثبات الدكاترة و هههههه كمان مريضة في قلبك ......😀

_ ماريا قالت ليها ياداب انا فهمت ليه ما كان عندك صحبات بس انا استاهل ......🙄

_ طلب بعد مسافة جا لي ماريا ...... في شنو يا ماريا......😐

_ ماف حاجة بالنسبة لي شنو؟؟ .......😗

_ شايف دنيا بتبكي من قبيل و جات قالت لي ماريا قالت ‏( انك بتكرهني صحي يا طلب انت بتكرهني؟؟ عملت ليك شنو انا عشان تكرهني قدر دا؟؟ ‏) .......

_ هههههههه ياخ والله البت دي بالجد مريضة ههه هي كدا فاكرة انك حتزعل مني وتتشاكل معاي .......😁

_ ههههه انا ما بهمني دنيا و لا غيرها بتهميني انتي بس 😍......😘

_ ماريا دنقرت شوية و قالت ليهو ...... طلب انا لو ما قدرت اجيب ليك أطفال .......😐

_ ماف مشكلة انتي طفلتي الكبيرة .......😚

لالا انا عايزة اجيب أطفال 😥 ......

_ طلب غمز ليها وقال ليها قولي كدا من الصباح 😉......😂 ..... يلا نمشي سريع البيت 😂

_ هي انت فهمت شنو لالا انا جادة ياخ ......😒

_ انا زاتي ما بهظر يلا .......😂

،،،،،،،،

# ملحوظة :

* حق الناس كناس ..... بس كونو يتسلط عليك زول يشيل حقك ما معناها خلاص حقك ضاع لانو كل شيء لي حكمة ..... احتمال القروش لو بقت في يدك تكون شخص لاهي أو عاصي ..... و احتمال كمان ربنا يعوضك بي حاجات تانية بس امر المؤمن كله خير .....

* حق للناس ما عايز اثبات عند رب العالمين .... . ورقك البتراوغ بيهو في الدنيا دا تبلو و تشرب مويتو ..... يعني انت ممكن تاكل حق زول و تكون قانونيا في السيلم بس عند ربنا ما سليم ..... فالناس البتشتغل بالقانون في الدنيا دي و تكذب الكذبة و تصدقها راجعو حساباتكم لانو حق الناس . بياكل الوراك و القدامك ... ..

* المثل السوداني بقول ‏( انكسر المرق و اتشتت الرصاص ‏) موت عبدالمطلب كان فجيعة بالجد و كان ممكن أولادو يتشتتو بس مريم كافحت عشان تربيهم و صبرت و ربنا عوضها بيهم ..... مرات الاهل ما براعو لليتامي ..... زي اعمام اولاد مريم ما موجودين بس شالو جنازتهم و دفنوها فقط و رفعو يدهم من كل شي ما مهم يربو كيف أولاد اخوهم و لا يربو من وين اي زول ليهو بي نفسو فقط ......

* ايوة في البقول ليك ليه ترخصي نفسك و تعرسي فلان ؟ فلان عندو شنو؟ ..... ما تشتغلي بيهم لانو الرسول صلى الله عليه وسلم لا ينطق عن الهوى '' اقلهن مهرا اكثرهن بركة ''' ااااي صحباتك حيضحكو عليك تحت تحت و كمان يمكن اخواتك كمان يضحكو بس السعادة ما بتقدري تشتريها لو عرستي الزول الغنيان البسكت صحباتك و يخلع اخواتك .... .. اشتري سعادتك و ربنا اكيد بجبر خاطرك .... ..

* في بنات كتار للأسف بعانو من عقدة نقص محتاجة علاج نفسي عديل كدا ...... الواحدة بس عايزة كل الناس تركز معاها بأي شكل و عايزة تجذب اي راجل يقابلها ' لو ما جذبتو مستعدة تعمل اي شئ سوا كان راجل متزوج أو غير ....... كمان في واحدات حاقدات الواحدة ما بتتمني لي صحبتها الخير بس عايزة كل الخير يحصل ليها هي بس اما اي خير يحصل لي صحبتها بتضايق كانو حينقص من سعادتها شوية ...... و في و النوع البتكون صحبتها ما مقصرة معاها و شايلاها في رأسها بس مجرد ما يحصل ليها السمح تتغير و تتبدل عليها ...... كمان في النوع البعد تتزوج ياداب تكون فتحت و عايزة تتعرف على الشباب من الاول و عايزة تحب ‏( بعد الزواج ‏) ....... ديل انا بعتبر انو ما عندهم وازع ديني ولا أخلاقي ..... انتي لو حسيتي بي ضيق لما صحبتك أو قريبتك حصل ليها شي سمح علاجك انك ‏( تدعي ليها بالسعادة ‏) اعصري قلبك و ادعي عشان قلبك يتغير و يتعود و يتمنى الخير لي كل الناس .....

* اخيرا بقول ليكم امر المؤمن كله خير يعني قروشك ضاعت اكلوها بالباطل ما معناها نهاية الدنيا و احتمال هي معاك ما تعمل شيء غير تتعسك و تتعبك و تبعدك عن ربنا سبحانه و تعالي ... .. يمكن ربنا شالها منك شال معاها زي ما بقولو '' الحر و الشر '' .....

كل عام و انتم بخير و يارب دائماً تامين سالمين ❤

تحياتي # رانيةمحمداحمد 6/6/2018