الجزء 8

في آخر يوم للدراسة كل الدفعة قعدو مع بعض في جلسة أسرية كدا .....☺ و دنيا عزمت ماريا الا تجي معاها في اليوم داك و فعلا ماريا جات و بعد اتونسو شوية كدا و اكلو و شربوا العصائر ......🍹 قامت واحدة من البنات شوية عاملة فيها ليدر كدا و انها أهم زول في الدفعة و بتحب تتصدر الأمور

_ قالت ليهم تعالو نعمل لعبة الحقيقة و الجرأة ......😀 شرحت ليهم فهم اللعبة

_ و قالت ليهو البتجي عليهو القزاز حقت البارد هو يكون عليهو السؤال ......😀 بدأو يلعبو و كل زول يسأل و يضحك ......😁 بعد شوية جات على ماريا .....😀 كلهم بقو مركزين معاها 😍 ...... واحد منهم كانت عاجباهو ماريا شديد و كاسرة فيهو ضلعة بس ابدا ما لقى معاها فرصة قام حرش التاني المفروض يسأل

_ قال ليهو اسألها إذا مرتبطة أو بتحب ......😍 طوالي سألها

_ قال ليها ماريا اعترفي انتي عندك شخص في حياتك؟؟......😃

_ ههههههههههه عندي اشخااااص في حياتي ......😏

_ كلهم بقو يكوركو و يجوطو ......😂

_ كيف يعني مجكسة كم نفر ......🌚

_ قالت ليهو انت قلت عندك شخص في حياتك و انا بقصد عندي ماما و بابا و اختي الكبيرة ......🌚

_ لالالالا ما كدا قصدي بتحبي شخص في زول مرتبطة بيهو عاطفيا يعني ......😏

_ ههههههههههه فاهمة فاهمة بس طريقة السؤال ......😀

_ اها جاوبي ما تراوغي ......😉

_ عبدو كان بعاين من بعيد و كان مبتسم و هو بشوف في هبالة الشباب الما عندهم موضوع ديل .....😏

_ بس كان متشوق زي باقي الشباب يعرف إجابة ماريا عن السؤال لانو بالجد ماريا كانت مدهشة و كل الشباب بحبوها بس بينهم و بين نفسهم ......😂

_ قالت ليهم بعد لحظة صمت ...... اساسا انا ما مؤمنة بالعلاقات الزي دي 😔 اتنين يمسكو بي بعض زمن في الاخر هي تمشي تتزوج و هو يمشي يتزوج بت خالتو ولا بت عمو ......🙄

_ واحد قال ليها لالا ياخ انتي عشان ما حبيتي قبل كدا......😒

_ عاينت ليهو و قالت ليهو ولا حاحب و شايفاها هبالة و نفاق و ادعاء اساسا ماف حاجة اسمها ارتباط عاطفي الا بين امك و ابوك و اخوانك و اصدقاءك فقط 😒 اما غير كدا اسمو ارتباط جسدي ......😏

_ كلهم سكتو ساي و بقو يعاينو ليها و كونها كانت صريحة دي جذبتهم ليها زيادة و خلو اللعبة و بقو مركزين مع كلامها ......😍

_ واحدة قالت ليها المرأة بي طبيعتها عاطفية و انتي غريبة لو قلتي ماف كلام زي دا معناها غير سوية .......😒

_ واحد قال ليها كلامك صاح والله دا كلام فارغ ......😏

_ واحد تاني قال ليها تقصدي شنو بي جسدية؟؟ 😂 يعني اي اتنين قاعدين مع بعض و بحبو بعض معناها في حاجة ما تمام بتحصل بيهم؟؟ .......😰😂

ايوة انا شايفة كدا لانو كل الشباب دا تفكيرهم في البنت مقصور على النقطة دي و عوجت خشمها نظام قرفانة .......😪

_ عبدو اندهش من أفكارها البتشبة كتير افكارو 😍

_ و خاصة لما قالت ليهم ...... انا ابوي جابني هنا ليه؟؟ مش عشان اقرا و اتخرج و افرحو و ارفع راسو؟؟ 😪 ليه اقعد اقضي زمني في كلام فاضي زي دا لا بقدم و لا بآخر و بعدين اعدي يومي كلو ونسة و في الاخر ابكي ايام و ليالي عشان فلان سابني أو استغني عني أو لقى ليهو واحدة جديدة من البرلومات أجمل مني انعصر عليها......😒

_ في واحد براحة قال ليها يعني هو في اجمل منك؟؟....😳

._ بقو يضحكو ساي و ماريا خجلت و سكتت ......😊

دنيا اتضايقت جدا من كلام ماريا لانو كلامها كلو حستو صابها في مقتل و انو موجه ليها ......😳 بس بقت بتعاين و تتفرج و هي يكسوها الصمت و الوجوم .....😢 معقول تكون نظرة ماريا لي كدا؟؟ علاقة جسدية؟؟ سبحان الله عاملة فيها صحبتي و هي بتعاين لي بالمنظور دا ......😲 بعد الوقت اتأخر و المغرب قرب يأذن قالو ليهم خلاص يا جماعة نتلاقى السنة الجاية نحن اتاخرنا شكرو ماريا و قالو ليها انتي خلاص بقيتي فرد من أسرة الدفعة لازم تجتمعي معانا و سلمو عليها و انبسطو منها جدا ......❤ كانو بنات الدفعة متغايظين من البرلومة الجات شدت انتباه كل الناس ليها دي ......😒 طلعو و دنيا مشت مع ماريا

_ و قالت ليها ..... انتي جادة في كلامك القلتيه دا؟؟ طيب شايفاني كيف؟؟ .....😦

_ يابت انا ما بقصدك بالكلام ده والله و بعدين انا عارفة انتي شنو انا قلت تفكير الشباب جسدي بقصد الاولاد ما البنات و لو سمعتي انا قلت البنات بتغشو فيهم لأنهم عاطفيات و الواحد يديها من الكلام المعسول و هي تبني امال ......☺

_ طيب اها يا ماريا وقت كدا اعمل شنو مع طلب ؟؟......😥

_ اصبري يابتي اتقلي عشان نجيبو براحة و يكون جادي و بالمناسبة عندي ليك ملاحظة عليهو ......😉

_ اها شنو؟؟ .....

_ طلب دا ما من النوع الأنا ذكرتو في القعدة دي .....😊

_ دنيا عاينت ليها مسافة؟ كيف يعني و عرفتي كيف انتي؟؟ ......😳

_ اولا طلب لو بتاع لعب انتي اديتيهو فيك كم فرصة كان استغلاها بس هو لا ما عمل كدا بالعكس .....😊 و انتي يا دنيا حلوة شديد و ماف شاب ما بتمنى يتحصل عليك.....☺

_ دنيا قالت ليها انا عشان كدا بس عايزة عبدو ما غيرو......😍

_ بختك يا دنيا دا لو حباك و اعترف ليك حيكون جااادي معاك ......😎

_ يا سلاااام فرحتيني بس هو يجي ...😍...

_ ههههههه اصبري بجي يعني بجي .....😍

****

عمار مع تركيزو مع دراستو مركز مع شركة الحساني و عايز بأي طريقة يدخل فيهم عشان ياخد حقو و حق ابوهو ...... كان فكر عمار انتقامي رغم انو شخص عطوف و طيب بس ما قادر يشيل فكرة الانتقام من الحساني ابدا كان بفكر انو دي اخر سنة ليهو و حيتخرج و على طول يقدم في شركة الحساني عشان يشتغل ولو تدريب معاهم☺ ..... كم مرة مشي للشركة و سأل من وظيفة و لو عامل نضافة بس رفضو و ما قدرو يستوعبوهو في أي مكان .....

_ طلب بعد خلص قال لي عمار انا حاسافر البلد .....😊

_ قال ليهو لالا يا عبدو خلينا نسافر سوا انا قربت اخلص امتحانات ......❤

_ قال ليهو طيب معناها حاشتغل اي حاجة في الفترة دي

_ قال ليهو خلاص تمام ......

طلب بدأ يشتغل زي زمان و زي كل سنة في السوق و في واحد من أصحاب المحلات بعرف طلب تماما و بعرف اخوهو عمار من كتر ما اشتغلو في السوق .....😊 الراجل دا عارفهم بكافحو عشان يقرو و عاوز يساعدهم .....☺

_ قال لي طلب انا عندي محل في سعد قشرة عايزك تمسك لي ادارتو بالكامل عشان انت أجزت و انا واثق فيك ......

_ طلب دا بعد كان قاعد ليهو في درداقة برحل بيها للناس حاجاتهم التقيلة ..... وقف على حيلو ..... عليك الله يا عمي عبدالله انت جادي؟؟ .....😍