الجزء 10
لازم تجي و لو ما جيت انا حازعل ......😢
_ طلب ما قدر يرفض طلبها و مسك منها الورقة و لاحظت ماريا انو يدو بترجف و ختف منها الورقة عشان يخفي الحاسي بيهو ......😳
_ اها طيب طلعت ماريا من شنطتها تلفونها و قالت ليهو اها مليني رقمك عشان اتأكد من جيتك و استقبلك بي نفسي ......😌
_ طلب جر نفس طويييل و قال ليها ..... والله للاسف ما عندي تلفون .....😩
_ هنا ماريا خجلت من نفسها و قالت ليهو ..... اووو ما مشكلة طيب ممكن تخلي معاك رقم تلفوني و لو رحت ممكن تتصل تمام ......😊 كتبت ليهو الرقم في ورقة و مدتها ليهو ......
_ طلب استلم الورقة منها و قال ليها تمام ان شاء الله......😊
طلعت ماريا مسرعة على نغم المنتظراها في العربية ......
_ معليش اتاخرت عليك ☺ .....
_ لا ولا يهمك ..... ماريا دورت العربية و ربطت الحزام و اتحركو ......
_ نغم عاينت ليها و ابتسمت وقالت ليها ...... معقول دا ياهو حبيب القلب ......😒
_ يابت هوي حبيب قلب شنو دا مجرد زميل و بعدين دنيا صحبتي واقعة و غرقانه فيهو ......😂
_ اهمممممممم طيب انا كمان قلت مستحيل ماريا تفكر في واحد زي دا ......😒
ماريا اتضايقت قالت ليها تقصدي شنو؟؟ .......😳
_ اقصد يعني مستواهو و شكلو و كدا ......😒
_ يابت والله انا ما سطحية زيكم انتي و مايسة وما بهمني شكلو و لا مستواهو المهم عندي يكون راجل ود أصول و اخلاقو عالية و بس .....😪
_ معقول يا ماريا تفكري في واحد زي دا؟؟ ......😯
_ الخوف بكرة اجيب ليكم واحد عتالي ههههههههههه......😂
_ يابت والله عمو عمر يكسر رقبتك ......😀
ماريا سرحت مسافة و اتضايقت و قالت ليها ممكن نقفل الموضوع دا .....😡 نغم سكتت ......
***
ماريا مجرد ما وصلت البيت اتصلت بي دنيا عايزة تبشرها و تحكي ليها الحصل ...... بس الخط مشغول بديها ......
- دنيا
_ يا ود انت ما بتبطل حركاتك دي؟؟ ......😂
_ ياخ والله انتي ما عندك زوق جامليني طيب ......😒
_ هههههههه اجامل ليك شنو أسي دي خلقة يتصبحو بيها كل يوم؟؟ ......😎
_ يعني أسي الحيعرسك حيتصبح بي شنو مثلا؟؟ ......😁
_ انا زاتي بتكلم معاك لي شنو؟؟ يلا اقطع وشك ......😌
_ دقيقة دقيقة ياخ الكلام الاتصلت عشان اقولو ليك ما قلتو ......😂
اللي هو شنو .....😰
_ انا راجع بعد بكرة السودان ......😌
_ هههه طيب تمام توصل بالسلامة ان شاء الله ......😊
_ و عايز الدور دا اشوف لي عروسة تكون ظااابطة كدا ما زيك .....😆
_ هههههههه و الله تكون امها داعية عليها ......😂
_ مش كدا؟؟ حاصحيها بي جلدة و انومها بي جلدة......😂
_ هههههه عارفاك يعني عايز تقول لي؟؟ ......😂
_ اها رايك شنو تفتشي معاي صحباتك و لا الناس البتعرفيهم .......😌
_ هههههه وقعت و ما حد سمى عليك و الله اختار ليك واحدة تادبك لي عمرك ......😂
_ هههههه كويس يا حاقدة كتر خيرك بس انا عندي واحدة.......😍
_ ايوااا عشان كدا طوالي تلفونك مشغول و خالط ......😌
_ والله ما خالط ولا حاجة بس دا شغل ......☺
_ اهااااا شغل صدوقت صدقتك .....
_ لا بالجد يا بت انا عندي واحدة بحبها شديد من كنا صغار ......😍
_ يا ود يا حبيب دي شنو الرومانسية النزلت عليك فجأة دي؟؟ ......😌
_ لاني جادي في حبها و ما بهظر ......🙂
_ دنيا اتضايقت و حست نفسها غامها قالت ليهو سنهوري معليش برجع ليك بعدين انا نعست ......😧
_ ليه ياخ اتكلمي معاي شوية انا ما نعست .....😍
_ قلت ليك بعدين مسكت بي زمن زاتو و انا نعسانه .....😡
_ طيب يا ستي خير تصبحي على خير .....😅
_ وانت من اهل الخير ..... قفلت دنيا و هي متغايظة جدا.....💔 بعد شوية جاتها رسالة ..... سريع فتحت الرسالة لقتها من ماريا ......😕 ( يابت دا شنو لي ساعة بتصل تلفونك مشغول بتتكلمي مع منو اصلو؟؟ عندي ليك شمار حيعجبك بعد تخلصي ارجعي لي سريع ) .....😑 بس دنيا من الضيق الحاساهو حست انها ما متشوقة ترجع لي ماريا تشوف شمارها شنو ......😐 بقت تتقلب في السرير مسافة ..... ياربي دي منو البحبها سنهوري دي؟؟ .....😐 انا عارفة كل تفاصيل حياتو ما حصل جاب لي سيرتها ......😕 بقت تتقلب في السرير و هي بتحاول تنوم بالغصب......💔
****
سنهوري ولد خالة دنيا متربين سوا تقريبا من هم صغار و كانت دايما دنيا شايفة سنهوري اخوها الكبير و بس ...... وهو مغترب ليهو سنتين في الإمارات ..... طوال السنتين متواصل مع دنيا لكن احساسو ليها مختلف من هم صغار بحبها و ما برضى زول يزعلها أو يختي عليها .....❤ و هي كانت زي القمر من صغيرة محبوبة من الكل من الأطفال و الكبار ......❤ اها سنهوري بعد سافر كون معاها علاقة صداقة و خايف يعترف ليها بحبو و تخرب العلاقة دي و ما بقدر يخربها ابدا ......💔 و لا بتخيل انو علاقتو بيها تنقطع فجأة و خايف من ردة فعلها......💔 حتى لو اتزوج بس عايز تفضل بينهم الخوة اللهي شايفاها و الصداقة الهو شايفها ......❤ بحكي ليها عنو كل شئ تقريبا .....❤ أما دنيا كانت بتحبو يمكن بي نفس القدر بس ما شايفة الحب دا أو ما مركزة معاهو ابدا لانو سنهوري جنبها ما فارقها لحظة عشان تكتشف انها بتحبو و ما بتتخيل حياتها بدونو ......😰 لكن لما قال ليها عندي واحدة بحبها قلبها اتقسم نصين و حست من جواها متضايقة خلاص سنهوري حيتزوج ويشوف حياتو و ينساها لا و كمان بحبها من زمان ......😰 دنيا بعد النوم غلبها و حست انها مسخنة لزت البطانية و رمتها في الأرض و بقت تبكي بي حرقة .......😭
****
_ يلا يا طلب اصحى ما عايز تسافر؟؟ ناسي الليلة سفرك؟؟ ......😰
طلب بي تكاسل صحي و قال ليهو لالا ما مسافر ....... عمار اتخلع و بقى بعاين ليهو ......😲
_ ليه مالك؟؟ في حاجة؟؟ ......😦
_ لالا ابدا بس عايز أجلو للأسبوع الجاي ......😑
_ ما كنت مستعجل الجد شنو؟؟ ......😳
_ ابدا مافي حاجة بس كدا عايز ارتاح كم يوم و أسافر......😊
_ براحتك .....😐
_ طلب كان حاسس انو لازم يحضر العرس القالتو ليهو ماريا عرس اختها .....😀
_ اسمعني يا عمار رايك شنو اشتري تلفون؟؟ ......😊
_ والله فكرة برضو نتصل بي حسن عشان نسلم على امي بس انت عندك حق التلفون؟؟ ......😀
_ ايوة مرتبي حاشتري منو تلفون بسيط بس يكلمنا ......😊
_ تمام .....
***
_ دنيا صحت على صوت التلفون ..... الووووو ......
_ يابت انتي حية؟؟ انا من امس بتصل رسالتي ما وصلتك؟؟ .....😧
_ معليش يا ماريا اخدتني نومة ياداب صحيت على تلفونك دا ......😐
_ قومي صحصحي لي كدا و ركزي معاي عشان احكي ليك الحصل .....😃
_ اها شنو .....☺
_ بدأت تحكي ليها الحصل مع طلب في السوق ...... دنيا ما حست بالاحساس المفروض تحسو ما حست بالفرحة.....💔
_ يابتي دي فرصتك عشان تخشى ليهو و البسي ليك حاجة قيافة كدا خليهو يتهبل عليك ......😃