الجزء 19

وصلو الفندق و المفروض يسافروا منو بكرة لي ماليزيا......😍 ماريا مما وصلت دخلت الحمام غيرت ملابسها و لبست توبها و طلعت ......😑

_ طلب دخل بعدها و استحم و طلع ......😓 قال ليها تعالى نصلي لينا ركعتين .....😍

_ ماريا اتوضت و لقت طلب منتظرها ......😳 وقفت وراهو صلى بيها ركعتين ......😊

_ بعدها طلب قبل عليها و قال ليها ..... في شنو يا ماريا؟؟ انتي ما مبسوطة؟؟ ......😓

_ عاينت ليهو .....😓 ابدا أسي دا شكل واحدة مبسوطة؟؟......😒

_ طيب المشكلة وين ممكن افهم؟؟ انا عملت حاجة تضايقك بدون ما احس؟؟ .......😯

_ ما عارف نفسك عملت شنو؟؟ انا مجبورة على الزواج دا......😫

_ طلب بقى بعاين ليها في عيونها ......😐 طيب انا مش سألتك؟؟ قلت ليك انتي موافقة ولا لا و انا غصبا عنك ما عايزك ......🙄

_ ماريا دنقرت .....

_ سألتك ولا ما سألتك؟؟ .......😑

_ ماريا دموعها جات جارية و قالت ليهو سألتني بس انا ما عايزة اتزوج حاليا 😢 و بقت تبكي و تفرك في يديها......😭 انت ضغطت علي بابا و انا ما قدرت اشوف بابا مكسور 😭 او مذلول لي زول ولا يكون في زول عندو عليهو حاجة 😭

_ طلب لمن عيونو رقرقن معاها و بقى يقول استغفر الله العظيم واتوب اليه ......😑 طيب انا غلطان و اسف و ما تخافي كل شيء حينتهي زي ما انتي عايزة ......😥

_ طيب تمام ......

_ يلا خلاص ما تبكي و قومي غسلي وشك ......😐

_ مشت ماريا الحمام وغسلت وشها و حست انها اتعس زول في الدنيا .....😥 تتزوج بالطريقة دي 😫 .....

_ طلعت لقت طلب قاعد في طرف السرير و هو بفرك في يديهو بي توتر ......😓 قال ليها انا حامشي أبيت في غرفة تانية و انتي اخدي راحتك ما حتخافي؟؟ ......🙄

_ قالت ليهو ابدا ما بخاف تمام ......😐

_ طلع طلب و هو متضايق و عايز يبكي .....😥 اسعد يوم في حياتو بقى اتعس يوم يمر عليهو ....😣 حس نفسو غلطان كونو يضغط علي عمر الحساني عشان ياخد حاجة هو عايزاها و اتاكد تمام انو السعادة ما بتتقلع من القدر و لا في حاجة بتجي بالقوة ...😥 .. تاني حس نفسو صغير جدا قدام ماريا .....😥 أجر غرفة إضافية و مشى رقد فيها من غير ما ينوم ......😥

_ ماريا بقت تبكي و ما عارفة تعمل شنو و هل العملتو دا صاح ولا غلط ......😢 ما قادرة تتخيل نفسها مع طلب ابدا ما عارفة السبب شنو ....😭 احتمال عشان وضعها هي و ابوها امام الامر الواقع او حست انو لوي ليهم يدهم 😑...😐 ...

***

_ الصباح بدري طلب جاب الشاي و دق ليها الباب .....😐

_ فتحت ليهو دخل خت ليها الشاي في التربيزة ......

قعد في كرسي و قال ليها ...... صباح الخير ......

_ صباح الخير ......

_ كويسة انتي؟؟ ......😓

_ الحمد لله ......😔

_ طيب ممكن نتكلم شوية؟؟ ......😪

_ ماريا سكتت ساي .....😔

_ طيب بس عايز اقول ليك انا ما بقدر أطلقك في الوقت الحالي خلينا نقعد كم شهر كدا عشان ماف زول يحس بي حاجة ......💔 خاصة انو ابوك عندو الضغط ......💔

_ ماريا دي مما سمعت كلمة ‏( أطلقك ‏) الدم جمد في عروقها و ما عارفة تبلع ريقها .....😮 معقول حيطلقها؟؟ بس هي ما قالت عايزة طلاق ........😦

_ ماريا قالت ليهو تمام بي خجلة من نفسها ......😧

_ طلب عاين ليها مسافة ......🙄

_ ماريا بقت تحاول تصلح التوب بي يدها لأنها حست انو بعاين ليها بي تركيز ما عادي و اتوترت و خافت ......😶

_ بعد شوية اتنحنحت و قامت على حيلها ......😐

_ طلب حس بي نفسو و خجل و طلع من الغرفة بدون اي كلمة ......

_ ماريا اتصلت على مايسة و بقت تبكي و تحكي ليها الحاصل ......😭

_ يابت انتي هبلة؟؟ حرام عليك ود الناس اقسم بالله......😒

_ ما قادرة يا مايسة فهمتيني؟؟ ما قادرة والله كل ما يجي في وشي بتذكر انو اخدني غصبا عني ......😣

_ بس اها النهاية حتكون شنو للبتعملي فيهو دا؟؟ ......😮

_ الطلاق طبعا .....😫

_ وااااي سجمنا بس ابوي ما يسمع كلامك دا والله يطب ميت و نحن ما حنسامحك و ابوي مش قال ليك انتي لو ما موافقة حيوقف اي شي؟؟ ......😒

_ انا اتورطت يا مايسة انا كنت فاكرة اني حاقدر اخليهو يكرهني يكرهني و تجي منو ......😢

_ يا سبحان الله يا بت ورطة شنو أسي افهمي حاجة واحدة دا راجلك حلالك ما تقفليها معاي ياخ بالجد انا حاقفل الخط و انتي اتصرفي بي معرفتك و تاني ما تجي تشكي لي و تمرضيني ......😡

_ دقيقة يا مايسة انا ما جبت ليهو سيرة الطلاق صراحة و دي ما كانت خطتي هو براهو قال لي كدا و بصراحة انا مايلة ليهو بس ......😫😥

_ يابتي انتي بتناقضي في نفسك بي نفسك من الصباح انا ما فاهمة منك اي شيء ......😒😕

_ مايسة ياخ انا تعبانة والله , محنني والله بس ما قادرة اتخيل نفسي معاهو ما بعرف كيف ياخ ......😑

_ يابتي أقفلي أقفلي بالله و كدي بس ابوي يسمع بالحاصل دا .......😒

قفلت مايسة و ماريا بقت تفكر تقبل على وين و تتصل بي منو و تكلم منو ......😐 دنيا صديقتها الصدوقة انقلبت عليها من ايام العرس 💔

عدت ال 7 ايام على طلب و ماريا زي ال 7 سنين .....

_ و رجعو البيت نزل مع اخوانو و امو و احتفلو بي رجوعهم .....😄 حسن و عمار كانو ملاحظين لي طلب انو ما طبيعي و شارد دايما ......😮

_ شنو يا عمك؟؟ العرس غيرك و بقت شارد طوالي ......😂

_ بقى طلب يحاول يتونس معاهم عشان ما يحسو بي حاجة .....😢

_ ما قلت لينا أسي دا شهر ليك؟؟ اسبوع بس؟؟و بعدين ليه ما سافرتو ؟ مش مفروض تسافروا ماليزيا ؟ 😂

......_ ابدا والله يا عمار الجامعة قربت و عايزين نسجل و كدا بس ما اكتر ....😑

_ ايواااا ......😎

_ حسن قال ليهو اها يا طلب كيف الحياة الزوجية ......😂

_ عمار حمر ليهم قال ليهم يا جماعة انتو متزوجين راعو لي وجودي ياخ .......😀

_ حسن قال ليهو انت اتخارج دا كلام ناس كبار .....😁

_ طلب اتضايق و قال ليهم انا تعبان عن اذنكم .....😒

_ حسن و عمار احتارو و قالو ليهو اتفضل .....🙄

_ مشي لي ماريا و قال ليها جهزي نفسك عشان اوديك تسلمي على ناس بيتكم ......😐

_ ماريا انبسطت و جهزت نفسها و مشت بيتهم ......😊

_ هناك عملو ليها كرامة و دنيا جات سلمت عليها و ورمتها بي سيل من الأسئلة و تعامل طلب معاها كان كيف و ماريا ما قادرة تجاوب خاصة لما شافت لهفة دنيا عشان تعرف عن طلب اي حاجة ......🙄

_ دنيا اتضايقت و قالت ليها انتي ليه ما عايزة تحكي لي انا مش حكيت ليك؟؟ ولا صحي الصحبات بتقلبو على صحباتهم بعد الزواج؟ ......😧

_ يا دنيا والله جاوبتك و قلت ليك طلب دا زول كويس و ما شفت منو حاجة كعبة بالعكس ......😐

_ لالا احكي لي بالتفاصيل عمل ليك شنو و قال ليك شنو و اول يوم كان كيف و احساسو كيف؟؟ ......😍

_ لا حول ولا قوة الا بالله يا بت الناس انا ما بحب اتكلم في المواضيع دي بالله اطلعي من أفكاري 😡😣 ......😪

_ دنيا انصدمت من انفعال ماريا فيها لمن دموعها جرت و طوالي طلعت مشت بيتهم ......😥

_ ماريا ندمت على الموقف دا بس كانت زهجانة و حاسة انو حياتها ما طبيعية ......😥

_ مايسة قالت ليها انتي عندك حق البت دي كلامها دا ما منطقي كيف يعني عايزة تعرف التفاصيل دي كلها؟؟؟بالغت بالجد .......😑 مايسة انا بقيت عصيبة و أخلاقي ضيقة و حاسة اني مضغوطة نفسيا وحياتي ما ماشة طبيعي ......😥