الجزء 5

[اللهم يومًا سعيدًا وصُدفًا جميله، يومًا مكلل بتوفيقك ورضاك.🌸]

ناس مريم بعد سنة من ولدت عبدالمطلب الصغير حصلت ليهم ظروف وضيق شديد خاصة بعد ابوها اتوفى فاضطرت هي و أولادها ينتقلو لي مدينة تانية و يبيعو بيتهم عشان بجيب تمن البيت الجديد في المدينة التانية و يفضل ليهم منو مصاريف ......😔 دا غير بيت ابوها البقي بيت ورثة و كل زول اخد حقو ...☺ و اختها كمان هي و زوجها انتقلو معاهم و كل اخوانها ...... لانو المشاريع في المدينة الجديدة كتيرة و دا بتيح ليهم فرصة أكبر للشغل في المشاريع دي ......❤

****

عمر الحساني كان متضايق لانو زوجتو ما حملت بعد نزل آخر طفل كانت حامل بيهو ......💔 كان حاسي بي غلطو بس ما عايز يصلحو ......💔 رجع اليوم داك بيتو و قال لي رحمة نحن نمشي الخرطوم قالو فيها احسن الدكاترة و ان شاء الله ربنا برزقنا .......😟 يا عمر انا شكلي كدا ما حاجيب ليك الجني احسن تكسب زمنك و تعرس ......😖 عمر اتضايق من كلامها ......😢 انا جني من غيرك ما عايزو فهمتي و تاني ما تفتحي معاي موضوع زي دا بالله ......😥 عمر افهمني انت ذنبك شنو معاي و بعدين انا رضيانة و بقعد مع مرتك البتتزوجها دي ......😟 قلت ليك أقفلي الموضوع دا بالله أسي انا بقول ليك نمشي الخرطوم و هناك ربنا بحلها خليك عندك صبر و بعدين انا النقة دي هربت بي سببها من بيتنا ......😒 رحمة بي يأس قالت ليهو طيب ارح نشوف ......😖 فعلا نزلو الخرطوم و هناك نزلو اجرو ليهم بيت و قعدو فيهو ..... عمر بقى يدير شغلو من بعيد لي بعيد و عجبتهم العيشة في الخرطوم و قررو يقعدو فيها و يعملو ليهم مشروع فيها .... فعلا عمر بقى شغال ياسس في شركة اقنعو بيها واحد شغال في نفس المجال ولقى نفسو عندو رأس المال و بعدها بني بيت عديل .......😊 اخواتو و امو جابهم معاهو وسكنهم جنبو بس بعدها ندم لانو بقو يضايقو رحمة و هو ما برضى فيها أبدا و كانو بقولو ليهو عرس وهو ما عايز يتزوج غير رحمة كان شايف رحمة دي فاتحة خير عليهو مما اتزوجها دخل شراكة مع عبدو و القرش جرى في يدو بي طريقة عجيبة ......❤ كل الناس كانت محتارة في التطور السريع لي عمر ......

****

و في يوم رحمة قالت لي عمر

_ انت يا عمر لو شلت حق زول رجعو ليهو عسى ربنا يرزقنا و بعدين انت شغال تعمل في الصدقات الجارية مش أولى تدي الناس حقهم؟؟ ......😟

_ يا رحمة نفسي افهم انتي ليه ما بتثقي فيني؟؟ .....😰 رحمة وقفت على حيلها و ردحت ليهو .....

_ انا دي النفسي افهم انت ليه ما عايز تفهم انو دا كلو عقاب من ربنا؟؟ 😡 ليه ما عايز تفهم كل شيء بحصل علينا دا حق اليتامى الشلت حقهم ديل؟؟ 😤 حرام عليك ليه بي سببك انا اتحرم من الجني و دا كلو بس عشان انت اناني و طماع و ما عايز قروشك تنقص ......😰

_ عمر دنقر شوية و حس بالخجل لانو اتأكد انو رحمة عارفاهو اكتر من نفسو و هو عامل فيها بقنع فيها ......🙀

_ قال ليها بي صوت واطي ..... طيب انا اعمل شنو المطلوب مني شنو؟؟ ......😓

_ تمشي ترجع للناس دي حقها عشان نقدر نعيش مرتاحين الضمير حتى لو ما جانا جني نكون مرتاحين انو دي قسمة ما سببها حق اليتامى ديل ......😢

_ طيب برجع ليهم حقهم على داير المليم .....😑

_ يكون أفضل عشان نحن سلفا قاعدين ندفع كل سنة حقهم دا عشان أطفال أنابيب والعلاجات وغيرو و غيرو......😧

عمر اول مرة يركز مع موضوع انو بصرف كل مرة أضعاف حق عبدالمطلب عشان بس يجيب ليهو طفل ......💔 فعلا سمع كلام رحمة ومشي سافر مخصوص عشان يرجع لي مريم حق راجلها ......❤ بس لما وصل البلد و بعد بحث اكتشف انهم سافرو لي مدينة تانية و باعو بيتهم .....😰 مشي سأل في المدينة بس لقى نفسو كانو بفتش على إبرة في كوم قش و رجع لي رحمة و كلمها بالحصل......😓 رحمة قالت ليهو برضو تاني تمشي تفتش عليهم و تطلعنا من حقهم دا و عموما دي خطوة كويسة انك عايز بالجد ترجع الحق لي اصحابو ......😪😔

*

مريم أولادها ما اتعلمو ابدا و هي ما قادرة تزيد الحمل على ابوها و تقول ليهو كمان علم أولادي .....💔 قعدت بس ربتبهم براها و بعد ابوها اتوفى و كبرو شوية بقو يرعو الغنم و يشتغلو مع اخوالهم في الحواشة .....😑 حسن الكبير في أولادها كان زول هميم و مسؤول من هو عمرو 14 سنة كان بشتغل و يجيب لي امو المصاريف.....☺ و بتها بعد بقت عمر 13 سنة خطبوها بس رفضت تعرس ليها الا تتم 15 سنة ......😟 ولدها المتوسط اسمه عمار كان بحاول يمشي المدرسة قدر ما يقدر كان شغوف بالتعلم و حاسي بيها تجربة غريبة و حلوة و فريدة من نوعها خاصة بعد اتعلم يقرأ و يكتب بقى بحب القراءة و الاطلاع من هو صغير وعمار جذب اخوهو عبدالمطلب الصغير تلقائيا لحب التعليم و عملو من صغير الحروف و الأرقام عشان كدا عبدالمطلب مجرد ما وصل المدرسة كان شاطر جدا و بجي الأول على طول .....❤

*

بت مريم اتزوجت و سكنت بعيد منهم و حسن ولدها الكبير قرر كمان يتزوج .....❤ كان عمرو 20 سنة ياداب بس عندهم عادي الزواج في السن دي للرجال ...... حسن فعلا كان بقدر يكسب رزقو و كان

هميم و فعلا طلب يد بنت عاجباهو اسمها مودة ......❤ بس أهلها نقنقو في الموضوع

_ قالو ليهو انت ما عندك ليها حاجة و كلام كتير 💔

_ هو قال ليهم ..... يا جماعة انا طلبت يد بنتكم يا تدوني يا ما تدوني و كل شيء قسمة ......😰

طبعا أهلها عايزين ليها السترة بس كمان حسن بسيط جدا و اسرتو بسيطة ......💔 قالو ليهو خلاص نتشاور و نديك الرد ......☺ حسن كان قنعان قال انا طلب ادوني ياها خلاص ما ادوني ياها انا عملت العلي ...... بس كمان مودة كانت عايزة حسن دا بي طريقة عجيبة و ميتة فيهو موت وبكت عديل عشان أهلها يوافقو ......😢

_ أخواتها قالو ليها حسن شنو و عولاق شنو الليك؟؟ الا كان عايزة تتشاقي في حياتك دي بس ......😳

_ قالت ليهم شقاوتي معاهو سعادة بس انتو مالكم ......😧 بعد شافوها مصرة وافقو وعقدو ليهو ......❤ جاب حاجات بسيطة بس البقدر عليهو ..... مودة دي بكت بكا لما البنات بقو يضحكو في الحاجات الجابوها ليها ......😭 عندها صحباتها قالو ليها انتي عرس الرخصة ليك شنو؟؟ اصبري نصيبك بجيك احسن من حسن دا و بعدين الحب ما بفطرك و لا بغديك ......😏 مودة دي ولا اشتغلت بيهم بس بقت تخت في حنتها و تجيه في حالها عشان حسن يجي يسوقها ......😩 ايوة كان كلامهم بقطع قلبها و ببكيها

_ بس كمان قالت ليهم هو شاريني و عايزني و غير كدا اقلهن مهرا اكثرهن بركة .....❤ ههههه دا ياهو حنكك؟؟