الجزء 9

أي والله جادي و بنتفق على مرتب .....😊

_ طيب الخلاك تكون واثق فيني شنو؟؟ ......😀

_ عاين ليهو و سكت لحظات و قال ليهو انا عشت في السوق دا كتير يا ولدي و بعرف الناس من النظرة الأولى و غير كذا انا مجربك كتير ......😊

_ طلب دا ما صدق و شال من عم عبدو اسم المحل و المفتاح ....❤

._ و قال ليهو من بكرة تبدأ شغل لانو انا قافل المحل كم يوم الزول الكنت ممسكو المحل سافر السعودية و انا ما عندي ثقة في زول غيركم انت و اخوك عمار .....😊

*

طلب دا مشي الداخلية و هو مبسوط بسطة لا توصف حاسي كانو اتوظف عديل ......😀 لقى عمار نايم نوم تقيل ..... انتظرو لحدي ما صحي و حكي ليهو الحصل .....

_ عمار دا بقى مبسوووط قال ليهو خلاص معناها ما حتسافر خليك هنا انا بعد اخلص بسافر .....😊

_ قال ليهو لالا بستأذن منو امشي اسلم على امي و اجي راجع .....❤

_ لالا يا زول هو قال ليك المحل قافل ليهو كم يوم معناها عايزك تفتحو و هو شغلو واقف ......😐

_ لكن يا عمار انا مشتاق لي امي عديل كدا و نفسي امشي البلد اسلم عليهم ❤ ......

_ عمار قال ليهو مادام قال بثق فينا الاتنين معناها خلاص انا امشي اول و بجي راجع امسك مكانك و انت امشي......😇

_ طلب قال ليهو والله خلاص فكرة برضو .....❤

*

فعلا طلب بعد صلاة الصبح على طول مشي على المحل و فتحو و لقى الأوراق حقت الأسعار في المكان القالو ليهو عم عبدالله ......❤ كان المحل بتاع ملابس حريمي و عبايات و فساتين و تياب و كدا ☺ و في كم نفر عمال شغالين معاهو وهو ماسك الإدارة ......❤ بقى ممشى المحل تمام ....❤ و في يوم أثناء ما شغال و معاهو الشباب الشغالين معاهو جو بنتين .....☺ طلب عرف ماريا من الوهلة الأولى بس هي ما شافتو و لا ركزت معاهو لانو كان المحل جايط ...... في واحد من العمال بقى يوريهم في البضاعة و المقاسات و الأسعار ......

_ دا في منو تركواز؟؟ .....😳

_ لالا في منو ابيض و كبدي .....😊

_ عايني يا نغومة هناك جوة في واحد بس مفتوح من قدام نشيلو؟؟ ....😊

._ قالت ليها ارح نشوفو طيب .....😐

_ دخلن لي جوة و شالو الفستان و بدأت نغم تقيسو عليها ..... طلب كان بعاين لي ماريا بي تركيز و هي بتتكلم مع المعاها ‏( معقول ما شافتني؟؟ يمكن تعمل رايحة مني ما معروف ؟؟ ‏) ....😑 فجأة اتلفتت عليه

_ و قالت ليهو دا بكم؟؟ ......😐

_ قال ليها مجانا و ابتسم ......😇

لكن صدمتو جدية ماريا و قالت ليهو اتكلم عديل و الا نحن حنطلع ......😡 عاينت ليهو بي تركيز و ابتسمت ..... والله ما عرفتك كيفك؟؟ ......😂 ه

_ ههه الحمدلله تمام والله انتي كيفك .....😊

_ بخير والله طبعا راسي جايط و نغم دي اختيارها صعب نحن من الصباح لافين السوق دا دكان دكان و هي مافي حاجة عجبتها .....😅

_ مامشكلة هي عايزة شنو يمكن اقدر اساعدكم ......☺

_ هي نسيت اعرفك دي نغم بت خالتي و صحبتي .....❤

_ اهلا و سهلا اتشرفنا .....☺

_ دا زميلنا في الكلية يا نغم عبدالمطلب ......😇

_ نغم قالت ليهو اهلا وسهلا ......☺

._ بقت نغم توريهو هي عايزة شنو بالضبط ......

_ بس والله ما عندنا الانتي عايزاهو بس انتظروني هنا أسي بجي بجيب ليك طلبك بإذن الله ......😇

_ قعدو نغم و ماريا في الكراسي جوة المحل ......

_ غايتو تاني يا نغم توووبة ما بقدر اجي معاك ......😑

_ اصبري انا ما جيت معاك لم اشترينا شيلة مايسة اختك؟؟ ......😡

_ اي والله لكن الشيلة كاملة ما اخدت مني زمن قدر دا......😒

*

عمار خلص امتحانات و خلاص بكرة حيمسك مكان طلب في المحل عشان طلب يقدر يمشي البيت يسلم على امو......☺ بس كان في بالو حاجة مهمة عايز يعملها بس الحكاية دي بتطلب منو قروش ......💵 ما بقدر اقول لي عبدو اديني مرتبك حق الشهر دا عشان هو مسافر ......😢 وانا الوقت ضايقني ما بقدر انتظر للشهر الجاي ...... فكر انو يتدين بس من منو ...... ايوااا عم عبدالله اكيد ما حيبخل على ......☺ بس عم عبدالله انا ادخل عليهو طوالي بالدين دا؟؟ ......🌚 ياخ في بدل باجروها عادي ممكن أاجر لي بدلة سمحة كدا و امشي ......😌

بعد نص ساعة جا طلب داخل المحل و جاب معاهو قزازتين بارد لي نغم و ماريا

_ و قال ليهم اتفضلو ......☺

_ ما كان تكلف نفسك ياخ ......😌

_ مافيها حاجة و بعدين شكلكم لفيتو كتير بتكونو عطشانين ......☺

_ شكرا ليك اها أن شاء الله لقيت الطلبناهو ......😃

_ ايوة بإذن الله تعالى ...... طلع نفس الفستان بس تشكيلات مختلفة .....

_ نغم عاينت مسافة قالت ما كنت عايزة التشكيلات دي......😪

_ طلب قال ليها التشكيلة المتقاطعة في النص دي مافي والله بس دي التشكيلات الفضلت ......😐

_ اوكي خلاص حاخد دي و أشرت على واحد من الفساتين لونو وردي بابيض ......❤

طوالي طلب لفاهو ليهم في الكيس و اداهو ليهم _.....❤ اها كم يا طلب الفستان دا ......😐

_ قال ليها زي ما قلت ليك في الأول مجانا ......😉

_ لالا كلام زي دا ما بنفع قول ياخ و انا عارفة انو المحل ما حقك ......😀

_ قلت ليك ما عايز حاجة امشو ساي اعتبريها هدية عشان تبقو زبائن .....😊

_ ابدا والله كدا ما حنبقي زبائن ولا شيء تاني ما حنجيك و قبلت على نغم قالت ليها ختي ليهم الفستان دا ارحكي .......😒

_ طلب اتخلع لالا ياخ ليه كدا مالك انتي يا ماريا مصعباها كدا؟؟ يعني نحن في الاخر زملاء ......😐

_ قول الفستان بي كم و اوعدك شيلتي كلها اشيلها منكم و افوضك عديل تشتريها لي ......😅

_ طلب هنا في حاجة زي السكين طعنتو في قلبو ......😧

_ شيلتك؟؟ ماشاء الله حتتزوجي قريب و كدا؟؟ ........☺

_ ماريا دي عاينت لي نغم و ضحكت شديد .....😂

_ طلب دا بس بقى بعاين لي ضحكتها و هو مبتسم ......😍 حاسي بي رهبة وبي خوف بي سعااادة بي أحاسيس متشابكة و متداخلة و موتراهو لمن يديهو برجفو ...... ماريا استحت لما لقتو بعاين فيها كدا .....

_ و وقفت ضحك و قالت ليهو لسة والله لكن وعد لمن يجي صاحب النصيب بشتري منكم ......😀

_ طلب قال ليها تمام ان شاء الله ربنا يسهل ......😍 وقفو على حيلهم و ماريا سألته للمرة الأخيرة ......

_ عشان الوقت اتأخر يا طلب بي كم؟؟ ......

_ قال ليها ......☺600

_ عاينت لي نغم و قالت ليهو كذاب والله اقل واحد و بعد مجاملات قال بي ......😒900

_ طلعت ماريا محفظتها و طلعت مبلغ و مدتو ليهو......☺ و قامت جرت نغم و قالت ليهو طيب مع السلامة ..... ماريا بعد طلعت من المحل اتذكرت دنيا و ابتسمت ......😃 دي فرصتك يا دنيا الليلة الود دا حيقع معاك .....😀

_ قالت لي نغم يلا امشي على العربية هاك المفتاح انا أسي بجي ثواني .....🤗

_ طيب .....

*

طلب لمن شاف ماريا جات راجعة تاني قلبو وجعو و بقى متوتر و في نفس الوقت مبسوووط انها جات ......😻

_ طبعا معليش يا عبدو نسيت اقول ليك ...... طبعا دا عرس اختي مايسة شقيقتي الوحيدة و مدت ليهو ورقة دا العنوان ......😌