الجزء 7

دي شركة الحساني ما بتعرفو؟؟ تاجر مشهور شديد و عندو مال قارون ......😏

_ هههههه سمعت بيهو أسي النزل من العربية دي هو؟؟......😂

_ ايوة دا هو زاتو بي نفسو ......😰 انت بتسأل منو ليه؟؟.....😒

_ ابدا كنت عايز اشتغل معاهم ......😀

_ ههههه و انت عندك شهادات عشان تشتغل معاهم؟؟......😁

عمار ابتسم و مشى خلاهم ..... بقي يجتهد و يشتغل عشان ينجز .....❤

****

طلب نزل اول يوم ليهو في الجامعة و طوالي عمل صداقات و علاقات ......❤ بعد حضور المحاضرة الأولى كان في واحدة من البنات ألفي البنش القدام بتعاين ليهو رغم بساطة ملابسو بس كان وجيه و ملفت للانظار و احتمال يكون دا سبب علاقاتو الاجتماعية الواسعة .....❤ كل ما يقبل يلقاها بتعاين ليهو .....😒 بقي متضايق لحدي ما خلص طلع سريع مشي مع اصحابو .....😊 البت دي اسمها دنيا عايزة بأي طريقة تقرب منو بس هو ما مديها فرصة و بعدين هو حاسي بانو ما فاضي للفارغ و عايز ينجز .....😰

_ السلام عليكم طلب كيفك .....☺

_ اهلا وسهلا يا دنيا كيفك ان شاء الله كويسة ......😊

_ الحمدلله بس عايزة أسألك من دفتر الانوتمي .....😊

_ قال ليها جدا اتفضلي دا الشيت و هو موجود في المكتبة لو عايزة .....🌚

_ قالت ليهو لالا انت كتابتك مفصلة ما زي الشيت .....😦

_ طبعا طلب ما عرف يقول ليها شنو مد ليها الدفتر و قال ليها بعد تخلصي رجعيهو لي .....😪

_ قالت ليهو تمام ......😍

***

دنيا شالت الدفتر و هي مبسوطة بتلمس فيهو و تشم في ريحتو اخيرا قدرت ادخل ليك بي مدخل ياخ ...... فتحت الدفتر و بقت تقلب فيهو و لقت على حواف الدفتر عبارات و اشعار ......❤ و مرات رسوم بقت بس بتتفرج و مبسوطة ......❤ في آخر صفحة في الدفتر كتبت ليهو على الحافة ..... بحبك و رسمت جنبها قلب و كتبت اسمها بالانجليزي ......😍 آخر اليوم مشت ودت لي طلب الدفتر عادي و مشت ......😀 طلب بعد وصل الداخلية كان براجع بالليل و لما وصل آخر صفحة لقى الكلمة مكتوبة ليهو......😳 ما اشتغل بيهو و لا هزت فيهو شعرة .....😒 بالعكس شاف انها بنت خفيفة و مستعجلة ......😔 عدت كم سنة و دنيا دي ما قادرة تعمل حاجة مع طلب و المشكلة حركاتها بقت ظاهرة و البنات كلهم فهموها .....😳 الجامعة كلها عرفت و فهمت حركات دنيا و بقت مشهورة ........ عدت دنيا دي كم سنة بتضايق في طلب و هو ما شغال بيها ابدا ...... و كان طلب من الطلاب المميزين في الدفعة بتاعتو و دا سبب ليهو زيادة كبيرة في عدد المعجبات .....❤

و يوم كانت خلاص نهاية السنة الرابعة و طلب بين المستشفى و اللابات الكتيرة مضغوط جدآ و ما فاضي لي زول ......😦 جات دنيا قعدت جنبو في البنش بدون ما تسلم عليهو حتى ......😳

طلب عاين ليها بي قعر عينو و ما اشتغل بيها .....😒

_ قالت ليهو طلب انا عايزة اعترف ليك بي حاجة ......☺

_ طلب اتضايق منها قال ليها لو سمحتي يا دنيا مافي داعي للكلام حاليا نحن في فترة امتحانات ......😒

_ طبعا كلامو دا سمعتو واحدة اسمها ماريا كانت برلومة في سنة اولى كمان بس ما عندها علاقات في الجامعة كتيرة عشان كدا ما ظاهرة شديد .....😳 علاقاتها كانت مع ناس في تخصصات تانية اكتر ......❤ اتضايقت ماريا من الموقف و هي عارفة البنات في الجامعة بتكلمو عن دنيا كيف و فجأة دنيا انفجرت بالبكاء من نهرتو ليها ......😭

_ لو سمحت دا ما اسلوب راجل يتعامل بيهو مع أنثى فاهم؟؟ ......😡

_ طلب اتضايق من تدخل ماريا .....😧 انتي الحشرك شنو لو سمحتي ما تدخلي في حاجة ما بتخصك 😠 .....

_ الموضوع واضح انت بتجوط فيها ليه لمن خليتها تبكي.....😡

_ و انتي مالك انتي صحبتها؟؟ تعالى راضيها و انتهينا لكن انا ما عملت حاجة تخليها تبكي بالطريقة دي و طلب شال دفاترو و حاجاتو و طلع ......😡

_ ماريا جات قعدت جنب دنيا قالت ليها معليش و ساقتها معاها الاستراحة غسلت وشها ......❤

_ قالت ليها احكي لي مالو المعولق دا معاك؟؟ .....😡

_ حكت ليها دنيا عن حبها ليهو و تقربها ليهو و رفضوا ليها ......💔

_ يابت انتي عويرة؟؟ في بنت بتتلصق ليها في راجل بالطريقة دي؟؟ 😒 و بعدين انتي حركاتك دي مبالغ فيها و انا سامعة الناس بتكلمو عنك .....😒

_ اعمل شنو يا ماريا انا؟؟ الحب أعمى و انا ما شايفة غير عبدو و الله من اول لحظة حبيتو .....😥

_ طيب يابت لمن حبيتيه بتذلي نفسك؟؟ ليه؟؟ 😒 الحب البجيب المذلة دا ما حبابو و لا حب زاتو دا كلام فاضي.....😏

_ انتي يا ماريا ما قادرة تحسي بالوجع الجواي .....😫

_ طيب اقول ليك حاجة انتي ما عرفتي تدخلي ليهو اسلوبك غلط و دي النتيجة .....😐

_ كيف اسلوبي غلط اها اعمل شنو طيب ......😢

_ خليك زميلة عادية جدا جدا واتعاملتي معاهو كزميلة فقط ما اكتر و بعدها شوية شوية اتقربي ليهو بدون ما يحس انو في حاجة و حتى لو سألك تنكري تماما انو عندك ليهو حاجة .....😅

_ دنيا قالت ليها واااي انتي ما عارفة انا بعمل شنو كان بشيل دفاترو و بكتب ليهو فيها بحبك و شعر و غزل😂 ......

_ وااااي ما بصدق .....

دنيا ابتسمت و خجلت و بعد شوية قعدت تضحك 😂😂......😂

_ مالك أسي بتضحكي فرحانة يعني بالبتعمليهو دا؟؟ .....😒

_ ابدا ياداب عرفت انا كم كنت غبية ......😂😂😂

_ غبية و بس دي غلطة كبيرة و ما بتتصلح انا زي خفتك ما لاقاني .....😲 المهم حاليا انا بوريك تعملي شنو .....

_ اها اعمل شنو ......

_ قالت ليها اول حاجة تمشي تعتذري ليهو و تقولي ليهو انا لمن قلت ليك عايزة اعترف ليك بي حاجة بقصد عايزة افضفض معاك و اسمعي قولي ليهو كلامي دا بالنص.......😪

دنيا دي فرحت فرح لمن حضنت ماريا

_ و قالت ليها انتي من يوم الليلة صديقتي الصدوقة اساسا انا ما عندي صحبات من الدفعة و انتي ماشاء الله عليك رغم انك صغيرة لكن شكلك علاقاتك كتيرة و خبرة _....😀 يابت خبرة شنو والله ما عندي اي علاقات ......😅 ماريا فعلا صاحبت دنيا و شالت رقمها ......❤

**

اليوم التاني بعد الامتحان طوالي دنيا مشت لي طلب لقتو قاعد في البنش بتاعو و بذاكر ......

السلام عليكم طلب كيفك؟؟ .....

سلم عليها بي آخر نفس ......😌

_ قالت ليهو انا اسفة على موقف امبارح .....😀

_ طلب احتار قال ليها لا ولا يهمك .....😰

_ قالت ليهو يا سيدي انا امس جيت اعترف ليك و افضفض ليك ببعض الحاجات المضايقاني و انت السبب فيها .......😪

_ طلب خت دفترو على جنب و بقى مبحلق فيها .....😨 حاجات انا سبب فيها دي شنو دي؟؟ ......😧

_ انت يا طلب عارف بنات الدفعة بقولو عني شنو؟؟.....😥

_ بقولو شنو ما فاهم .....😨

_ بقولو انو انا حبيبتك و مبارياك و مندلقة فيك و انت ما تتخيل انا موجوعة من كلامهم دا قدر شنو و متضايقة و ما طايقة نفسي و مشمئزة منها .....😧

_ طلب دنقر و اتنحنح كدا و قال ليها فعلا دي حاجة انا كمان سمعت بيها من بعض الزملاء و الزميلات و انا كمان متضايق منها عشان كذا كنت بحاول اتحاشاك ......😔

_ شوف انت الولد اتضايقت فما بالك بانا البنت اكون موقفي بيش كيف؟؟ ......😧

_ طلب زعل من نفسو جدا و بقى متضايق و قال ليها انا اسف كمان عشان موقفي معاك امبارح كان شين و انا فهمت غلط .....😥

_ كيف يعني فهمت غلط؟؟ ......💔

_ لالا ما تاخدي في بالك بس الناس دي انا بسكتها ......😊

_ قالت ليهو ياريت و في أقرب وقت ممكن لو سمحت.....😊

_ قال ليها ما تزعلي و لا تشيلي هم ركزي في امتحاناتك تمام ......😊

_ تمام قالت ليهو و شكرتو و كان أول مرة عبدو يبتسم ليها .....😍 كانت دنيا مبسوطة جدا وسعيدة بالإنجاز دا.....😍

اتصلت بي ماريا و كلمتها بالتطورات

_ و قالت ليها مية مية تاني ما تمشي عليهو الا انا اقول ليك .....😄

_ تمام كويس يلا سلام .....😊