الجزء 15

سلم عليهو بيد متراجفة .......

_ قال كيف أحوالك؟؟ انت عبدالمطلب عبدالمطلب المسعودي صاح؟؟ .....

_ ايوة انا و طلب افتكر انو ماريا كلمت ابوها باسمو الكامل .....😳

_ ماريا احتارت و قالت لي ابوها انت بتعرفو يا بابا؟؟......😳

_ كيف ياخ دا ولد صاحبي الله يرحمو كنا عايشين في البلد .....😳

_ طلب دا عرقو بدأ يتصبب و خلاص نفسو قام و اتخلع.......😨

_ ما تجي يا طلب نتكلم في المكتب احسن .....☺

_ ماريا مشت على امها في المطبخ لقتها بتجهز في الفطور.....😊 ماريا بقت مبسووووطة من جواها هي نفسها ما عارفة ليه ......❤ بس مبسوطة انو ابوها طلع بعرف طلب و كمان ولد صاحبو شديد و ابوها شكلو كان مبسوط بي وجودو .......❤

***

قعد طلب في المكتب و عمر قفل الباب ...... طلب دا خايف ..... قال ليهو انت بتعرفني يا طلب ؟؟ ...... طلب اتذكر كلام اخوهو وتشجيعو ليهو .....

_ بي ثبات قال ليهو حققققق المعرفة ......☺

_ عمر اتلبش شوية و قال ليهو تعرف عني شنو؟ ......😐

_ عاين ليهو في عيونو و قال ليهو اعرف انك شلت حق يتامى ضعاف أطفال ما بقدرو يعملو حاجة و امهم مرآة ما بتقدر تاخد حقهم ......😧

_ عمر دا سكت شوية و هز راسو ......😖 فتح الدرج ألفي المكتب و طلع دفتر الشيكات و قلم و رماهم لي طلب و قال ليهو اكتب المبلغ الانت عايزو ......❤ طلب حس شوية بالنصر و اتشجع ......😀 عاين لي دفتر الشيكات و ضحك من قلبو و خلف رجلو ......😂

_ انا ما عايز حاجة ما حقتي يا استاذ انا عايز حقي فقط لا غير ......☺

_ طيب حقك كم؟؟ انت عارف ابوك دفع كم في الأرض؟؟ 400 جنية فقط ...... و انا حاليا ممكن اديك 400 مليون ......

_ ههههههه طلب تاني ضحك و قال ليهو 400 جنية؟؟ 😂 و 400 مليون؟؟ انت شكلك ما بتشوف كويس يا عمي عمر.....😅 انا ما طفل ولا زول جاهل عشان تضحك عليهو......☺ 400 مليون دي بتعمل شنو في الزمن دا؟؟ و بعدين 400 جنيه كانت زمان عندها قيمة و ما تنسى انت ابوي اشتري البضاعة وقلبت معاك بالضعف في السنة التانية طوالي يعني لو حسبنا الاضعاف في ال 25 الماضية حتطلع مبالغ خيالية ......😀 يعني نحن شركاء في كل شئ انت تملكو اليوم ......☺

_ انت يا ولد مغفل ولا شنو؟؟ شركاء كيف و انا الاشتغلت و طورت الحاجات دي؟؟ ......😡 انا براي تعبت و اشتغلت و اجتهدت عشان اعمل الانت شايفو حاليا دا و انت تجي عايز تقول شريكي في كل شئ ! ؟ ...😡

_ قال ليهو بس سؤال يا عمي انت الخلاك بالبساطة دي و بعد السنين دي كلها عايز تدينا حقنا كدا بالساااهل شنو؟؟ معقول؟؟ 😳 عمر الحساني المفتري الطرد امي و قال ليها راجلك ما عندو عندي اي حق عايز يدينا حقنا بالبساطة دي؟؟ ......😒

عمر دنقر شوية و قال ليهو زي ما بقولو أهلنا حق الناس كناس .......😔 انا يا ولدي بعد قلت لي امك كدا بعد كم سنة ندمت و رجعت البلد عشان ارجع ليكم حقكم لانو تعبني عديل كدا بس ما لقيتكم فتشت ليكم و سألت منكم قالو رحلتو بلد تانية 😪 و برضو سألت و ما لقيت ليكم دليل ......😔

_ فعلا نحن بعد الحصل ما قدرنا نقعد جدي اتوفى و البيت كان ورثة و الأرض كمان فرحلنا ......😑

_ عموما انا اسف و حاليا حارجع ليكم اي شيء حقكم......😔

_ طلب ضحك شوية بي سخرية شديدة .....😂 اسف؟؟؟ بالبساطة دي؟؟ 😧 انت عارف نحن تعبنا كيف عشان ناكل و نشرب ولا حتى نتعلم؟؟ 😡 اخوي و اختي الما قدرو حتى يخشو مدارس بي سبب انك شلت حقنا ......😰

_ يا ولدي كل شئ مقدر و مكتوب و ماف زول بشيل في الدنيا دي اكتر من حقو ......😐

_ مقدر و مكتوب؟؟ تكتل الكتيل و تمشي في جنازتو و جنازة مرتو و أولادو و تقول بي بساطة ‏( مقدر و مكتوب ‏) ؟؟ .......😠

_ طيب انا اعمل شنو اكتر من اني رجعت و فتشت عليكم و سألت منكم و ما لقيت ليكم طريق؟؟ 😧 في يدي اعوضكم بي شنو اكتر من اني اعترف بي حقكم عندي و ارجعو ليكم؟؟ ......😰

_ طيب انت فاكر الزمن ما عندو تمن؟؟ 😥 السنين المن عمرنا راحت شقى دي ما عندها تمن؟؟ 😒 تشيل حقنا و تطور نفسك عشان بعد كم و عشرين سنة ترجعو لينا كأنك ما عملت حاجة؟ .......😢

_ عمر دا غلبو البقولو و سكت شوية و دنقر و تاني رفع راسو قال ليهو ......😳 طيب التعويض البتطلبو انا بدفعو ليكم انا والله تعبت من عذاب الضمير قول لي عايزين شنو و انا مستعد أعمل ليكم العايزنو و بس طالب انكم تعفو لي الفات ......😖

_ طلب قال ليهو أولادك ياكلو ما لذ و طاب و نحن يوم ناكل و يوم نصوم؟؟ 😡 أولادك عندهم آخر موديلات العربات و الرفاهية و نحن نشتغل عتالة و زراعة و حصاد في عز الشمس؟؟ 😧 عشان بس نوفر لقمة عيش رسوم دراسية؟؟ ياخ نحن مر علينا يوم كلنا كدا كنا بنبكي من كبيرنا لي صغيرنا عشان الظروف الضاقت علينا و ماف يدنا حاجة نعملها .....😢

_ عمر دا قرب يبكي .....😢 يا ولدي انا مستعد اعوضكم الفات كلو بس تعفو لي عسى ولعل ربنا يغفر لي ذلة في لحظة طمع .......😥

_ تزوجني بنتك ماريا على سنة الله و رسوله .......😏

_ عمر دا بلع ريقو كم مرة و عاين لي طلب و طلب بعاين ليهو في عيونو ......😒

_ اها تقدر تدفع لي الثمن دا؟؟ 😏 .......

_ بس لكن انا ما بقصد كدا بقصد ادفع ليك يعني ......😦

_ انت كدا كدا حتدفع حقنا علي داير المليم بس انا شخصيا دا طلبي عشان أعفي ليك السنين الفاتو،تقدر تديني بنتك؟؟ زول مقطع شغال في دكان في سعد قشرة تتشرف بي و تديني ليها .......😒

_ بس انت طالب لسة و بعدين ماريا دي كمان عندها رأي في الموضوع دا و هي لسة ما كملت ......😐

_ انا العندي قلتو ليك يا استاذ عمر و انت فكر و رد علي و دا تمن عفوي عنك وما بعرف امي و باقي اخواني إذا حيعفو أو لا أو تمن عفوهم عنك حيكون شنو؟؟ ......😔

_ طيب ماريا عيانة لكن ...😔 ...

_ طلب بقى بعاين ليهو مسافة .... عندها شنو مالها؟؟ 😧

_ من صغيرة اكتشفنا انو عندها ثقب في القلب و احتمال كبير يأثر في حياتها بعدين .....😑.

_ انا عايزها لو عندها اي شي بس انت قول خير .....😒

_ بس يا ولدي الموضوع دا صعب ماريا .....

_ وقف طلب على حيلو و قال ليهو عن اذنك وراي شغل......😪

_ طلب طلع من المكتب و خلي عمر ما قادر يقوم من الكرسي اتلصق فيهو عديل .......😵

_ طلب و هو طالع لاقي في وشو ماريا ...... عاين ليها مسافة و مشى و هي استغربت من نظرتو ....😳 كانت المرة دي بي ثقة و جراءة اكتر من المرات الشافتهم فيهو قبل كدا كان خجول و بدنقر لما يعاين ليها ......😲

._ طلع طلب من الباب و ماريا كانت واقفة مزهولة فيهو حتى مع السلامة ما قالها ليها .......😳

_ جرت على مكتب ابوها قالت ليهو بابا قلت ليهو شنو؟ الحصل شنو؟؟ ياهو ولد صاحبك فعلا؟؟ ...... ابووووي؟؟ بابا؟؟ انت سرحان وين؟؟ ......😳😲

_ قلتي شنو؟؟ قلت ليك اها الحصل شنو مع ولد صاحبك؟؟ ......😍 ايوااا طلب ؟؟ اي زول كويس بس عايز اسالك هو كيف أخلاقيا كدا؟ 😦 ؟ زول كويس؟؟ تعاملو كيف؟؟ .......😳

_ الشي الأنا بعرفو زول كويس و شهم و شاطر كمان بس ليه مالك بتسأل منو؟؟ ......😳

_ لانو طلب يدك مني ......☺