الجزء 17

عمار و طلب جو على موعد أداهم ليهو عمر و نادي المحامي عشان يحسب ليهم حقهم اللي هو كان كالآتي ‏( التلتين لي عمر ‏( رأس المال و العمل ‏) اما عبدالمطلب المسعودي ‏( أبو طلب و عمار ‏) نصيبو ‏( التلت ‏) عشان شارك بالمال فقط بدون اي جهد ......😊 بعد جمعو كل ممتلكات عمر و قسموهم على تلاتة ...... الشغل اخد اليوم كلو تقريبا و اتفقو يتلاقو في اليوم التاني عند المحامي للمكاتبة .......❤

****

بعد اتكاتبو و شالو عمار وطلب ورقهم طوالي اتجهوا لي وكالة سيارات كانت من ضمن املاكم السواق وصلهم لي باقي الممتلكات .....❤ كان عمارة في الصافية من 3 طوابق و مزرعة بتاعة فواكه و دكان وفتحو حساب في البنك عشان حسابات الدكان تتورد في حسابهم كمان ........❤ دا غير اسهمهم في الشركة و عمر اتكلم معاهم انو لو فضو الشراكة الشركة حتخسر كتير و يمكن ما تستمر و عمار كان رايو انو يواصلو شراكتهم مع عمر و بما انها حتكون شراكة و نسب مع بعض .....❤ بعدها مشو البيت لقوهو انو الطابق الأرضي فاضي كان مكاتب و اتقفلت و الطابق التاني فيهو عيادات و الطابق الثالث كان موجر ..... اتفقو يرتبو الطابق الأول دا عشان يسكنو فيهو لحدي ما يرتبو أمورهم و ينتقلو لي بيت يليق بيهم ......❤ فعلا جابو العمال و اشتغلو و ربتبوهو تمام و فرشو في ظرف اسبوعين ..... و قررو يعملوها مفاجئة لي امهم و إخوانهم ......❤ كانو متحمسين جدا جابو التلاجة و التلفزيون و المكيفات صانوها ......😌

***

فعلا خصصو ليهم عربية رغم انهم لسة ما اتعملو قيادة السيارات بس كان السواق تحت يدهم طوال الوقت ......❤

_ سافرو البلد و سأقو امهم و اخوهم حسن و مرتو و اولاد حسن الصغار و أختهم ما قدرت تجي معاهم لانو زوجها رفض 💔 بس قالو ليها إذا حقك حيجيك في محلك......😌

_ امهم شغالة ليهم معقول؟؟ بالسهولة دي اداكم حقكم؟؟ اصلو ما مصدقة و بقت تبكي قالت ليهم انا واثقة انو ابوكم ما بكذب على و عارفة تماما انو عمر الحساني اكل حقنا مع انك يا حسن قلت لي ابوي كذب عليك ......💔😢

_ حسن كان راكب قدام قال ليها أعفي لي يا حاجة والله الكلام كان ما بتصدق ههه ......😀

_ طلب قال ليها لا صدقو و بعد شهر كدا عرس ولدك برضو ......😌

_ اجي اجي؟؟ جد لينا جد لينا ......😁

_ عمار قال ليها لاحظي يا أمي حيتزوج بنت الحساني نفسها ......😂

_ مريم دي سكتت و حست انو في شيء ما طبيعي.....😳

_ لالا يا طلب ما دايرين بتهم خلاص ما دام ادونا حقنا و اعترفوا بيهو ابدا ما عايزين حاجة تربطنا بيهم .....😧

_ لالا يا أمي هي زميلتي قبل ما اعرف ابوها منو؟؟ .....😅

، _ برضو بري بري منها شكلو طمع في حقنا تاني بي زواج بتو دا ......😲

ههههههههههه امي نحن بالنسبة ليهو الثلث يعني هو مستحيل يطمع فينا و بعدين بنتو موافقة و نحن ولدنا عايزها انتي بس قولي خير ......😂

_ بري بري لا بقول خير ولا شيء ما عايزين معاهم اي ارتباطات ......😡

، *

_ بعد وصلو البيت حسن دا اصلو ما صدق

_ و امهم دي كانت مبسووووطة و بقت تقول بركة العشت و شفت حقنا يرجع لينا ......😿

_ مرآة حسن دي كانت طايرة بالريش الدقاق و اتذكرت صبرها علي حسن و اتزوجتو بأقل التكاليف 😀 و كل الناس قالو ليها عرس الرخسة 😀 و برضو صبرت على ظروفو و هو طوالي ما عندو حق الدقيق البعوسو .....☺ بس بقت تعاين و قلبها مبسوط و بتقول في نفسها تعالو يا اخواتي و صحباتي و يا فلانة و علانة شوفو القلتو على عرستي المعولق دا؟؟ 😏 و عرستي الشحاد دا......😏 اها ربنا فتحها عليهو فتحا مبيييينا 😂

**

دنيا اتصلت بي ماريا و قالت ليها انها رجعت من شهر العسل و كذا ......☺ فعلا ماريا مشت ليها تاني و سلمت عليها و عرفت انو سنهوري حيسافر و يخليها تكمل دراستها و بعدين برسل ليها ......😊

_ دنيا بقت تحكي لي ماريا عن حياتها الجديدة و الحاصل معاها و انو سنهوري حب حياتها و ما كانت حاسة و كلام كتير

_ ماريا انبسطت ليها جدا و قالت ليها يا دنيا انتي تستاهلي كل خير والله .....😘

_ تسلمي حبيبتي عقبالك أن شاء الله ......😘

_ ماريا في اللحظة دي كانت عايزة تحكي لي دنيا كل حاجة بس اترددت و خافت تفهمها غلط 😢 كونو انها حتتزوج شخص كان في يوم دنيا بتحبو و عايزاهو .....😮 بعد تردد قالت ليها و طلب يا دنيا؟؟ 😳 خلاص راحت عليهو؟؟ ......😛

_ هههههه والله انا كنت غبية بالجد و ماكنت مركزة مع الشخص المقيمني و بحبني و طلب دا عمل لي وجع قلب بس ......😅

_ قعدو اضحكوا مع بعض كدا و ماريا مشت بيتهم .....

***

بعد عيلة مريم قعدو و استقرو فترة ..... عمار نادي حسن و طلب و بدأو يخططو للشغل ...... انت يا حسن عنك خبرة في البيع و الشراء نحن حنمسكك الوكالة ...... اي والله تكون ما قصرت عشان انا صراحة ما بعرف لي شغل الشركة و كلام المتعلمين دا ...... يا زول ما عندك اي مشكلة شغل العربات دا زاتو ما هين خش السوق و بيع و اشتري و ممكن تقلب معاك قلبة تمام ...... خلآص تمام ما مشكلة ...... طلب انت تتعلم معاي شغل الشركة كل صغيرة و كبيرة و بعد تنزل الكلية توقف الشغل و انا بمشيهو بإذن الله و بعد تتخرج ليك على نعمل ليك مستشفى مش عيادة ...... طلب دا انبسط بسطة قال ليهو تمام ...... أول و أهم حاجة لازم نتعلم السواقة و نطلع رخص عشان التنقل يكون لينا ساهل ...... حسن قال ليهو اي والله صاح كلامك انا عندي رخصة من البلد كنت بسوق بكسي جمال جارنا زمان لكن بطلع رخصة من هنا ...... و تاني حاجة السنة دي لازم نحجج الحاجة ...... اي والله اهم حاجة فعلا ....... بعد قامو من قعدتهم ديك اي واحد بدأ يعمل القالو ليهو عمار ..... حسن طلع الرخصة بسهولة و بدأ يفهم شغل الوكالة و طلب بدأ فعلا يتعلم مع عمار السواقة و شغل الشركة ..... بعد فترة ...... طلب اتفق معاهم انو يشترو ليهم بيت ...... وقع اختيارهم لي بيت كبير بي تلاتة طوابق عشان كل واحد فيهم يكون عندو طابق ..... فيهو جنينة واسعة ما بقل عن بيت عمر الحساني ..... فعلا بدأو يفرشوهو و حسن جاب لي مودة احسن عفش اما طلب قال حيقعد مع امو تحت و جهز ليهو غرفة بس ...... و امو كانت ناقة فى موضوع ماريا و ما قادرة توافق كلو كلو و قلبها مابيها قام طلب جاتو فكرة .....

طلب كلم عمر الحساني قال ليهو عازمنك انت و العائلة الكريمة في البيت يوم كدا ......😍 كان غرض طلب من القصة دي انو يخلي امو تقتنع بي ماريا و نسب عمر الحساني ......😪

_ فعلا عمر جا و معاهو زوجتو و بنتهم مايسة بس ماريا ما جات على أساس هي عروس و محبوسة ......😅

مريم استقبلت رحمة بي ترحاب خاصة أنها لما شافتها في وشها ارتاحت ليها جدا و قعدو اتونسو في أمور مختلفة و كمان بعد اتغدو عملو ليهم القهوة و كدا .....☕

_ رحمة بقت عايزة تختلي بي مريم بأي طريقة ..... لما حسو بي كدا عمار و حسن و طلب ساقو عمر الصالون و بقو يتناقشو في أمور كتيرة و منها الشغل و الشركة البينهم ' كيف عمر كان بدير شغلو و البزنس بتاعو ...... اكتشفو انو عمر الحساني زول خبرة في السوق و بعرف الوقت المناسب للبيع و الشراء و المكان المناسب ' الشخص المناسب و حذرهم من المحسوبية و الواسطات لأنها بتجي على الشغل بالسالب ...... كانو كلهم بسمعو فيهو و بتجاوبو معاهو بي كل حواسهم عشان يتعلمو الشغل و سبحان الله حسن و عمار و طلب اتعاملو مع عمر عادي و حاولو ما يسببو ليهو اي حرج و لا اي خجل من العملو فيهم زمان ......😍

_ رحمة قالت لي مريم انا عايزة اقول ليك القصة الحصلت معانا .....😊

_ مريم ابتسمت قالت ليها اتفضلي ......☺

حكت ليها انو عمر ندم من زمان و مشى فتش عليهم بس ما لقاهم و كدا .......😔

_ مريم كلام رحمة دا طمنها شديد و قالت ليها ..... كلنا بشر و كلنا بغلط ماف زول معصوم و كلو لي خير ......😊

_ رحمة دي فرحت من جوة قلبها من كلام مريم ..... ' اتشجعت و قالت ليها العفو و العافية ......

مريم قالت ليها العفو لله و رسوله و ربنا يسامحنا كلنا ان شاء الله الدنيا دي مافيها حاجة و انتو عرفتو غلطكم و رجعتو و ربنا غفور رحيم نحن شنو يا بت امي؟

_ رحمة دي قلبها انبسط بي معرفة مريم و أولادها و فهمت العيلة كلها عن طريق مريم بما انو امهم طيبة كدا معناها هم زيها لأنها ربتهم ..... بقت رحمة تشكر فيها و قالت ليها انتي أجرك عظيم و انتي مرآة ما هينة كونك صبرتي و ربيتي اليتامى ديل و ما اتزوجتي ......

_ مريم بقت تضحك قالت ليها اتقدمو لي والله اكضب عليك بس انا عندي شباب يا بت امي مافي طريقة ..... المهم مريم بقت تحاول تطلعها من جو الأسف و الإخراج دا و بقت تحكي ليها عن الاتقدمو ليها و تضحك فيها بي قصصهم معاها ...... رحمة كانت بتضحك و مبسووووطة جدا رغم أنها كانت خايفة من زواج بنتها بس بما عرفتهم فرحت جدا و اطمنت .....

_ بعد مسافة كدا مريم قالت ليها ...... وين بنتك التانية؟؟.......😀

_ قالت ليها والله خجلت تجي معانا معليش ......😁

_ قالت ليها كيفن خجلت نحن ما خلاص بقينا أسرة واحدة و هي بنتنا و انا عايزة اشوفها ما شفتها ......😍

_ رحمة طلعت ليها التلفون من شنطتها ..... و فتحت ليها صورة قالت ليها دي هي ماريا بتي عروس ولدك .......😀

_ مريم دي بقت تعاين ليها و تقول ماشاء الله ماشاء الله ربنا يحفظها ......😍

_ رحمة قالت ليها اللهم امين تسلمي ......😊

مايسة كانت قاعدة مع مودة بتونسو بالرجال و حركاتهم.....😂

_ قالت ليها سبحان الله والله قايلة نفسي برأي يا مايسة انا حسن دا صوتو عالي لكن ما بشيل في قلبو والله يطلع بي جاي زعلان يجيني بعد دقايق مبسوط 😂 و يتعامل عادي ......😀

_ ياخ والله العجب أيمن راجلي ياخ جنو زعل و جوطة انا في الأول قلت الشخصية دي ما بتنفع معاي 😂 و لا حنكمل مع بعض بس قلبي دا اعمل ليهو شنو متعلق بيهو تعلق ما طبيعي ......😁

_ هههههه مودة قعدت تضحك قالت ليها يخلونا نحبهم و يقعدو ينبحو .......😂

_ أي والله الواحد يكون حنييين بعد شوية يطير زي الشرارة التقول عندهم انفصام ......😂

_ كلهم منفصمين يا اختي نعمل شنو الله يصبرنا بس شفع بحجم كبير بس 😂

_ بعدها جو طالعين و قالو خلاص نتلاقى في ساعة خير و ربنا يتمم على خير ......😍

_ طلب لما سمع امو بتدعي و تقول ليهم ربنا يتمم على خير و ربنا يسعدهم كان عايز يطير عديل كدا ......😀😍

بعد طلعو جرى حضن امو و هو طويل زي ابوهو الا يدنقر ليها تحت ......😂

_ امو بقت تضحك قالت ليهو تاريك ماك هين لكن دي زيها زاتو تاني مافي ......😂

_ انتي شفتيها يا أمي؟؟ .....😨

_ أي شفتها في الداهي دا بقولو لو شنو؟؟ .......😀

_ الموبايل؟؟ ......😳

_ اي ياهو ماشاء الله سمحة سماحة عقبال عمار أن شاء الله .......😁

_ اللهم آمين ....❤

ناس عمار و حسن بقو يعاينو ليهو و مبسوطين ❤