الجزء 16

ماريا هزت رأسها شوية عشان تستوعب كلام ابوها؟؟ ......

_ اكيد بتهظر صاح؟؟ ......😧

_ ابدا والله ما بهظر جادي انا ......☺

_ ابوي دا؟؟ ياداب هو بقرا في رابعة ماشي خامسة يعني طالب لسة 😅 و بعدين هو زول بسيط لي علمك يعني ما زي ما واضح في وشو هو شغال حاليا في السوق عشان يوفر مصاريف السنة الجاية ......😒

_ عمر قال ليها بي برود عااارف انا كل دا عارفو بس انتي ما قلتي لي رايك شنو؟؟ ......☺

_ رأي بالنسبة لي شنو؟؟ انت اكيد ما جادي يا بابا ......😧

_ لا انا جادي و انتي بي لسانك قلتي أخلاقيا كويس طيب المانع شنو؟؟ ......😐

_ مليووون مانع اولا انا ما موافقة و انا ما بقدر اتخطب حاليا و انا لسة عندي جامعة عايزة اخلص المجال الأنا بحبو و اشتغل فيهو كمان و بعدين انا ما بفكر في الموضوع دا حاليا و لا حافكر فيهو ابدا لانو ما من حقي افكر فيهو و مرقت من المكتب و هي بتبكي وما عارفة نفسها زاتو كانت بتقول في شنو ......😭

****

_ طلب لما طلع لاقي عمار و قال ليهو لما نصل المحل بحكي ليك الدار بينا بي رواقة و كلو خير وكلو في صالحنا ......😀

_ عمار دا كان متشوق لحدي ما وصلو المحل وحكي ليهو كل الحاصل ......

_ انا ما مصدق يا طلب ؟؟ معقول عمر باشا الحساني حيرجع لينا حقنا كدا بالبساطة دي؟؟ .......😀

_ ايوة تخيل انا نفسي ما مصدق ......😁

_ سبحان الله ياخ انا راسي شاطب من التفكير وحاسي نفسي بحلم بحلم ......😂

_ يا زول ربنا سهلها علينا و الموضوع منتهي .....☺

_ يا سلاااام ياخ بس ما حنكلم امك حاليا لحدي ما نستلم كل حاجة و نجهز ليها قصر يليق بيها ......😍

قعدو يخططو و يضحكو ساااي فجأة كدا بقو من أثرياء البلد ما مصدقين ......😅

_ والله يا طلب انت عارف كلو لي خير أسي لو قروشنا دي الراجل دا ادانا ليها زمااان وقت كانت 400 جنية كان حنقدر نطورها كدا؟؟ 🤔 ما كان حندفعها رسوم مدارس و اكل و شراب و اجار بيوت و رجعنا على الحضيض زمااان.......😌

_ الحمد لله والله تصدق انا ما فكرت زيك كدا ياخ ......🤔

_ لالا ياخ ربنا دا كريم علينا الحمد لله كلوووو لي خير اقسم بالله خير ما متوقع زاتو دي تدابير عجيبة ياخ اتحرمنا الزمن دا كلو عشان نلقى كومنا جاهز ......😁

_ اي والله الحمد لله ......❤ طلب عاين لي عمار شوية و قال ليهو ..... في موضوع تاني ما حكيتو ليك ......😑

_ موضوع شنو؟؟ ......

_ انا طلبت يد ماريا من عمر ......😀

_ ههههههههههه معقول؟؟ و قال ليك شنو؟؟ ......😂

حيوافق طبعا ما عندو خيار تاني .......😀

_ هههههه والله طلعت شفت يا طلب ياخ طوالي استغليت الفرصة؟؟ ......😂

_ هههههه ......😂

_ بس لكن انت حتقدر تعيشها و الدراسة ؟ ......❤

_ يا زول احلى حاجة انت وزوجتك تكونو بتقرو سوا و بعدين المعيشة دي ما انت عارف خلاص مالنا حيرجع لينا و الموضوع منتهي ......😀

****

_ ماريا بقت تبكي بكى ما عادي و قالت يعني ابوي دا جااادي كدا؟؟ معقول؟؟ انا ما مصدقة .....😭 هو زاتو طلب دا كيف يسمح لي نفسو يجي يطلبني كدا و بدون ما يشاورني؟؟ ......😧 رفعت التلفون و فكرت تتصل بيهو بس تاني خجلت و قالت لالا كدي اشوف نهاية بابا ......😰

****

- كيف يعني يا عمر؟؟ 😨 دا كلام شنو؟؟ 😵 و بعدين بتي انا ذنبها شنو في حق اليتامى الانت شلتو؟؟ 😰 بركة اللقيتهم خلاص يشيلو قروشهم و يغورو في ستين داهية لكن انا بتي ما بتخش في البيعة دي ....😒

- يا رحمة ما بيعه ولا شيء و انا فكرت في الموضوع دا و بعدين الولد محترم و بقرا طب و قرب يتخرج و عندو مستقبل 😔 و بعدين انتي عارفة عندهم تلت الثروة بتاعتنا دي؟؟ 😪 يعني شوفي؟؟ عريس جا لي بنتك في صمة خشمك و زول حيكون مليونير في فترة قصيرة و طبيب و محترم اها تاني بتحلمي بي شنو لي بنتك؟؟ 😌 وما تنسى بنتك عندها القلب يعني ما بعرف اذا في زول حيتزوجها ولا لا و دا السبب البخليني أرفض اي زول يتقدم ليها لانهم بكونو طمعانين في حقها بس دا لا ....😪

- رحمة سكتت مسافة و فكرت في الموضوع بي عقلها .....

_ طيب انت واثق منو؟؟ ومتأكد انو ما طمعان فيها؟؟......😧 خليني طيب استخير و اشوف البحصل .....😩

- طيب اخدي راحتك على الآخر .....😊 و ممكن تمشي تسألي منو زي ما عايزة .....😊 و لعلمك انا ماريا كمان بنتي و مستحيل ارميها لي زول ساي ....☺

ماريا مشت لي امها عشان تحكي ليها القالو ابوها .....💔 يا أمي ..... لما دخلت لقت ابوها قاعد ......😖

_ قال ليها تعالى يابتي اقعدي عايز اقول ليك حاجة ...😢

_ انت حكيت لي امي؟؟

_ ايوة حكيت ليها كل شيء و هي بتفكر قالت ☺

- ماريا العبرة خلقتها عاينت لي امها و قالت ليهو يعني ما عندها مانع؟؟ 😖 امي انتي ما عندك مانع صاح؟؟ يا جماعة انتو ناسين انو انا عيانة و ما بعرف اذا حاقدر أنجب ولا لا؟؟ 😢

- عادي يا ماريا أسي اختك مايسة اتزوجت عادي و بعدين انتي ما صغيرة ما تتحجبي بأنك صغيرة .....😒

- يا ابوي لكن ليه مايسة اختارت شريك حياتها انا ليه ما اختار؟؟ بس قول لي؟؟ 😢

- لانو انا عارف و امك عارفة انو ما حتختاري و عارفنك بتفكري انك ما عايزة تتزوجي ابدا 😒

- و الدراسة طيب انا عايزة اخلص و اشتغل 😭

- حتكملي عادي جدا و بعدين تشتغلي زي العجب و ما بقدر يمنعك 😌

- ابوي انا ما بقدر ياخ مستحيل اتزوج طلب دا 😖

- يابتي اصبري ممكن تخليني اكمل كلامي للآخر؟؟ 😔

رحمة عاينت ليهو بي خوف و بقت تأشر ليهو بي رأسها انو لا ما تحكي 😵

- لا يا رحمة لازم احكي عشان بنتك ما تفكر اني ببيع فيها 😩

- لالا يا بابا العفو انا واثقة فيك لكن بس وقت الكلام دا ما جا 😧

- لا جا و قلت ليك انتظري احكي ليك بدون مقاطعة ممكن؟؟ 😪

- رحمة قالت ليهو لا يا عمر مافي داعي للكلام دا .....😳 ماريا اتشوقت تعرف دا شنو الكلام العايز يقولو ابوها و امها رافضة انو يقولو

- في شنو يا ابوي؟؟ .....😵

_ امها قامت قالت ليهم انا بمشي المطبخ عندي أشغال كتيرة 😑

- عمر بدأ يحكي لي ماريا الحصل من ما عبدالمطلب صاحبو شاركو في الأرض و اتوفى و لحدي اليوم دا ....

- ماريا بقت تبكي 😿 و اكبرت في ابوها شجاعتو انو حكي ليها غلطة ارتكبها في لحظة شيطان و لحظة طمع و كمان كونو مجرد ما عرف أصحاب الحق عايز يرجع ليهم حقهم

- يا بتي كانت لحظة طمع و عمتني القروش و ربنا يغفر لي الحصل 🙀

- طيب يا بابا كيف هو طلب دا يختك في موقف زي دا؟؟😡 كيف يستغل الفرصة دي و ينتهزها بالطريقة دي؟؟ دا واحد طماع و عايز حاجة ما بتخصو 😡

- عمر دنقر و قال ليها انتي حرة في حياتك يا ماريا و انا ما حاجبرك عليهو ابدا بس حكيت ليك عشان تعرفي و تقدري موقفي .....😟

- لالا يا بابا انا موافقة و ما عندي مانع و ياريت يتم الزواج في أقرب وقت ....😔

- ابوها قال ليها الله يرضى عليك يابتي ....😌

مشت ماريا من ابوها و هي بتشتم و بتتوعد طلب و قالت ليهو أرجى الراجيك يا بيبي 😏

****

_ دنيا اتصلت على ماريا و كلمتها انه حددو عرسها و لازم تجي ضروري .....❤

_ ماريا قالت ليها اكيد بإذن الله و مبروك ربنا يسعدكم يارب .......❤😁

_ اللهم آمين تسلمي يا عسل ما بتقصري ......❤

فعلا ماريا مشت وقعدت مع دنيا لكن اصلو ما قدرت تجيب ليها سيرة موضوعها مع طلب 💔 ما كانت عايزة تشغلها بي همومها و هي عروس ياداب .....😊 بعد انتهت ايام العرس و دنيا سافرت مع سنهوري شهر العسل وماريا رجعت البيت و لقت انو امها استخارت و وافقت على موضوع طلب و زواجو منها ......😑