الجزء 3

مريم سكنت في الصالون كان بعيد من باقي البيت شوية و حست شوية بالخصوصية .......☺ و ام سلمة كانت مبسوطة انو العرس حيتم خلاص بكرة عرسها و صحباتها جو قعدو معاها و جهزو معاها ..... مريم برضو شاركتها فرحتها و ما عايزة تحسس زول بي حزنها ..... فجأة بطنها طمت و غمت عليها جرت استفرغت .....🤢 انتبهو ليها كلهم

_ وامها جات سألتها قالت ليها مالك يا مريم؟؟ نعل ما اكلتي ليك حاجة ما نافعة؟؟ ......😳

_ لالا يمة انا حامل لي ثلاثة شهور ....😥

._ امها مسكتها و قالت ليها كر على مالك ما كلمتيني؟؟.....😧

_ ما لقيت وقت و لا فرصة ......😩

_ يوم العرس مريم دي بس تعاين و تحاول تشتغل تتعب تجي تقعد و حاسة نفسها مكتوم من الحزن الجواها و ما مصدقة كلو كلو انو ابو أولادها اتوفى .....😢

الناس ألفي الحلة كلهم كانو بتهامزوا و يتلامزوا ‏( كيفن يعني يعملو العرس و هو راجل بتهم ما تم ليهو 3 اسابيع مما مات؟ ...😐 اجي بري بري مرتو محبوسة والله و لابسة الأبيض لكن قاعدة وسط المعازيم ......😨 سبحان الله كلام عجيب آخر الزمن 😒 ...... اختها هي حلو ليها كيف تتزوج واختها راجلها ميت اجي يا اخواني؟؟ .....😢 والله نحن عندنا المرأة الموت راجلها دي لحدي ما تمرق من الحبس الناس توقف كل شي .....(😪 كل نسوان المناسبة كانو بتكلمو بالطريقة دي و يعاينو لي مريم و محتارين .....

_ أم سلمة اتزوجت و سكنت في غرفتها المخصصة ليها ......

قعدو كم يوم و راجل ام سلمة اسمو عصام بدأ يجهز في بيتو .... و يوم بالصدفة داير يشرب ليهو سجارة لف بي ورا الغرفة حقتو ..... شاف مريم قاعدة تولع ليها في نار فحم ..... مشي عليها ......😳

_ سلام عليكم ......😓

مريم دي نطت فوق و جرت دخلت ختت توبها في رأسها

_ قالت ليهو مرحب ....😳

._ قال ليها ايوااا انتي مريم؟؟ البركة فيكم أن شاءالله .....

_ البركة فى الجميع شكرا ليك ......😔

_ معليش معليش والله استغربت قلت القاعد بي جاي دا منو افتكرتو زول غريب ......😅

_ لالا ما مشكلة والله خير .....☺

_ أم سلمة جات طالعة قالت ليهو كنت وين انت؟؟ ......😒

_ ابدا كنت بشرب في سجارة لقيت مرآة هناك افتكرتو زول غريب ليه ما قلتي لي انو اختك ساكنة فى الصالون دا؟؟ 😳

._.... و انت مالك بيها؟؟ داير بيها شنو؟؟ .....😏

_ لالا لكن انا شايف سكنتنا هنا كدا ما صاح والله و انا ما بقدر اخد حريتي انا بقيت في النص بين ناس امك و اخواتك بي غادي و بين أختك بي جاي ......😳

اساسا هي بي بيتها ما بعرف ابوي دا بدور اللهلهة قال إلا تجي تقعد معانا ......😒

_ لالالا ما قصدي تطردوها عشاني ابدا يا بت العم معقول انا افكر كدا؟؟ انا بس قصدي انا ما مرتاح و دي حاجة بتخصني انا مفروض انا الراجل اشوف حل يعني ابني البيت سريع ......😐

_ كويس طيب ما تبنيه .....😒

_ ان شاء الله ربنا يسهل .....😔

*

_ انت يا عمي انا والله ما قايل بنتك معانا في البيت بي جاي يادوبي أمس عرفت عشان كدا اسمح لي اقعد في بيتي لمن اخلص و ارجع اسوق المبروكة ......😑

_ ابوها قال ليهو والله ما عارف اقول ليك شنو يا ولدي خجلتني عديل انا كلمتها ام سلمة قلت ليها ناجل الموضوع رفضت لكن خير ما فعلت انت جهز بيتك و ام سلمة راجياك ......😊

_ مافي حاجة يا عمي انا بقيت ولدك يعني مافي خجل ولا حاجة و فعلا انا استغربت انو ما أجلتو المناسبة و ما بقدر اقول اجلوها انا زي ما عارف .....😰

_ أي يا ولدي لالا الغلط مننا نحن لكن خلاص في بيت مريم ممكن تسكنو فيهو الفترة دي .....😟

_ والله برضو يا عمي ما بتجي ....😕 البيت بكون فيهو عفشها و غير كدا يمكن هي ما تكون رضيانة لالا انا الموضوع دا ما معاك فيهو خليني اكمل البيت و ارجع اسوق المرأة ......😑

_ خلآص عديلة يا ولدي اخد راحتك .....☺

*

_ مريم قالت لي ابوها انا يا ابوي برجع بيتي .....😐

_ مالك يابت؟؟ في زول قال ليك حاجة؟؟ .....😨

_ ابدا والله لكن ما حاسة بي حريتي هنا و بعدين زي ما عارف ام سلمة عروس جديدة و نحن وراهم طوالي يعني......😐

_ لالا من الموضوع دا ما تخافي راجلها براهو جاني و قال لي كدا كدا كدا و انتي اخدي راحتك لحدي ما تلدي بالسلامة بعدين ربنا يسهل ....😔

_ مريم رجعت صالونها بي غادي .....

**

_ عمار ولدها الوسط قال ليها أمي انتي ابوي وينو ما جا لسة؟؟ ......😞

_ قالت ليهو ابوك مسافر يا ولدي ......😞

_ بتها سميحة قالت ليها هو السفر دا لي كم؟ ......😢

_ امهم سكتت ساااي و ما عارفة تقول شنو .....💔

_ حسن اخوها الكبير قال ليها هي ابوي مات انتي يعني ما عارفة؟؟ مش يا أمي؟؟ ......🤔 امهم دي سكتت ساااي .....

_ أمي؟؟ مش ابوي مات؟؟ ......😪

_ سميحة بقت تغالط فيهو لالا مشي المدينة انا سمعتو قال لي امي كدي .....😔

_ انتي عويرة ما بتعرفي .....😥

_ بتها قعدت تبكي و جات جارية امي؟؟ امي؟؟ موش حسن دا كضاب؟؟ ابوي ما مات صاح؟؟ .....😭

مريم دي قدر ما مسكت نفسها من البكا ما قدرت .....😭

_ بعد انفجرت فجأة لقت أولادها كلهم ببكو عشان شافو امهم بتبكي .....😭

_ هي يا اولاد اوع تبكو هي اسكت يا ولد حسن انت مش الراجل؟؟ في راجل ببكي ؟؟ انت عوير؟ .....😧

_ بقت تسكت فيهم و ابتسمت ليهم حتى سكتو ......💔

_ ولدها حسن الكبير ابي يسكت منها ...... امي انتي بتبكي ليه؟؟ عشان ابوي مات؟؟ امي انتي بتبكي لي شنو .....😥

****

ام سلمة جات من الصباح بدري .....

_ كدا يعني ارتحتي يا مريم؟؟ مسختيهو على؟؟ يعني عشان ما اتاجل قلتي كدا؟؟ ......😡

_ بسم الله مالك يا ام سلمة في شنو ومسخت عليك شنو؟؟ .......😲

_ الراجل فات و خلاني تاني قال الا بعد البيت يتم يعني شهور و حلك و انتي السبب في دا كلو ......😡

_ انا والله كلمت ابوي قلت ليهو انا برجع بيتي .....😢

_ انتي لو عايزة ترجعي كان رجعتي ما بغلبك لكن قلتي جهزو لي الصالون دا مخصوص عشان تضيقيها علينا انا عارفة حركات الحسادة دي عشان انتي راجلك مات ما قادرة تشوفيني عروس ......😡

_ مريم دي بقت تقول استغفر الله العظيم واتوب اليه......😢 ام سلمة مرقت منها تنقنق و تأشر بي يدها حسبي الله ونعم الوكيل فيك يا مريم يعني عشان راجلك مات تمسخي على الناس حياتم .....😡 طبعا ما بتتحملي تشوفي زول سعيد و انتي حزينة .....😡 مريم عيونها اتملن دموع و سكتت ساااي .....😢

*

_ مريم لملمت حاجاتها كلها و نادت اخوها يوديهم ليها بيتها .....😦

_ لالا ما بحرك حاجة الا ابوي يجي ابوي ما برضى يا مريم ......😒

_ قلت ليك امشي معاي يا ابو القاسم .....😢

_ ابوها جا داخل قال ليهم في شنو مالك يا مريم ......😐

_ قالت ليهم يا جماعة انا ما مرتاحة هنا ابدا عايزة امشي بيتي على الأقل فيهو ريحة الغالي .....😢

_ ابوها قال ليها خلاص خير خلي ابو القاسم يقعد معاكم....☺

_ مريم انبسطت جدا عشان ما عايزة تكون حمل تقيل على ناس بيتهم و لا تضايقهم .....😃

_ امها قالت ليها اقعدي لمن تلدي .....😓

_ قالت ليها لالا احسن اقعد في بيتي و الاولاد هنا ما بقدر اراقبهم زي البيت هناك هنا الناس كتار داخلة و مارقة و البيت واسع ......😊

المهم مريم مشت بيتها و حست فعلا بي راحة نفسية و حست بي طمأنينة و ابو القاسم اخوها شغال مع ابوها الصباح بشرب الشاي و بطلع يمشي شغلو و المساء بجي يتعشي و يلعب مع الشفع و مرات يونس مريم و ينوم .....❤

*

عدت الشهور بي سرعة و مريم خلاص بقت على وش ولادة و سمعت بي الحساني خلاص حصد محصولو و الناس كلها تحكي بيهو انو ماشاء الله محصولو كان أنجح محصول في المنطقة و ربح أضعاف مضاعفة ...... مريم حمدت الله و قالت الحمد لله ادخل حسن المدرسة بعد كدا و ما اكلف ابوي حق سماية و لا كرامة ...... بقت تبتسم براها ......😊

_ من الصباح قالت لي ابو القاسم اقعد لي مع الاولاد ديل لحدي ما ارجع .....😪

_ ماشة وين انتي من الصباح كدا؟؟ ......😒

_ لالا عندي غرض بجيبو و بجي ساعة بس لحدي ما اجي ......😊

أبو القاسم انتظرها مع الاولاد و هي مشت سريع الواطة الشريك فيها راجلها و بقت تتذكر في كلامو قبل يتوفى ...... مشت وقفت في نص الحواشة و بقت تعاين للناس البحشو و المخازن في الطرف البعيد ......😌

مشت سألتهم قالت ليهم الحساني موجود؟؟ .....

قالو ليها اي موجود في المخازن ......

مشت ليهو في المخازن لقتو قاعد لي في كرسي و بسجل في ورقة شايليها في يدو و الدفار واقف بشحن .....

_ سلام عليك يا ود عمي ......😊

_ اهلا وسهلا يا بت عمي كيفك؟؟ و كيف الاولاد؟؟......☺

_ الحمد لله كويسين .....😊

_ الحمد لله ...... طبعا زي ما انت شايف انا على وش ولادة و الولد الكبير دايرة ادخلو المدرسة أن شاء الله ......😀

_ ايوة تمام ربنا يسهل ......😔

_ اها شايفة المحصول نجح ماشاء الله ربنا يزيد و قلنا نسأل من حقنا .......😊

_ الحساني قال ليها خلاص خير خير .....😑

طلع ليهو رزمة قروش و أداها منها ...... مسكتها و بدأت تحسبها ......

_ قالت ليهو دي لكن ما بتكفي و انا راجلي عبد المطلب كان شريكك بالنص معاك .......😪 شنوووو؟؟ ماسامعك؟؟ شريك منو دا؟؟ .......😡 مريم دي اتصلبت في مكانها من الخلعة