الفصل الحادي عشر

طبعا بالليل م قدرتهه انوم اشيل واتقلب وبقيت اربط الاحداث ببعضهم اول شي قبل م راجلها يجي كانت كل الوقت بتتكلم بالتلفون وتاني شي بعد راجلها جى وهي لسسه مواصله تتكلم بالتلفون ونص الليل كمان واخيرا الرساله دي جات متزامنه مع دخول راجلها البيت معناها الزول البتتكلم معاهو دة قريب من هنا ي ربي استغفر الله ان بعد الظن اثم انا للأن م عندي دليل قااطع على شكوكي دي يمكن بتتكلم مع صحبتها او كدة لكن صحبه شنوو البتتكلم معاها نص الليل وهي زاتها مصلحتها شنوو تعمل كدة مره راجلها م مقصر منها في شي وموفر ليها كل شي محتاجاه؟

الموهم انا مالي تتكلم ولا تولع بجااز هي حره الصباح مشيت الجامعهه حكيت لي مزن قالت لي شهد انا خبررتك دي واحدة هنااي سااي وبلا مناازع بتخون راجلها ي زوله قولته ليها وووووووووووب ي مزن لكن معقوله تطلع كدة؟قالت لي واسوأ كمان دي النوع البسموهم الخالات اصلا ماف شي خارب البلد ومخلي العواليق ديل م يتزوجو قولته ليها كيف يعني قالت لي ي بت م سامعهه ناس علي في الجامعهه بقولو خاله مضموونهه ولا مزز مجهجه يلا النوع الزي دي بمسكو بيها زمن بس م اكتر يسااهر بيها و...افهمي ي مخبوله كدة كدة هو م خسران شي فهمتي

قولته ليها استغفر الله ي رب مزن انتي جاادة قالت لي شهد شهد البلد دي خرباااااانهه انسي بس طبعا رجعته البيت راسي شااطب اكلم منوو واقول شنو ويمكن لو اتكلمته يطلعوني كزابه واقطع مصدر رزقي بي يدي بري انا مالي ومالهم دي مشاكلهم الشخصيه يحلوها براهم هديل قالت لي شهد اجهزي معاهم ارح معانا قولته ليها وين؟قالت لي ماشين بيت ناس وليد ومثاني الجديد قولته ليها بجد؟قالت لي اي ي بت اساسا ليهو زمن بجهز في البيت واخيرا تماهو قولته ليها راجعه مرهقه والله

حبوبه عششهه قالت لي امشي معاهم ي بتي زهرة زاتها ماشهه معاهم امشي انتي كمان شوفو البيت وتعالو قولته ليها ثمح لبستهه عبايتي وطلعنا طالعين مثاني ماشه ورانا وبتتكلم بالتلفون لما طلعنا بره وقفت قصان الدكان وبتعاين وسيد الدكان زاتو واقف بره وبعاين ليها طبعا انا مراقباهم وهي بتتصرف من غير حذر م حاسبهه حساب انو في زول ممكن يشك فيها وكدة وصراحه هي جميلهه جمال مكمله الجمال والله والكمال لله هديل قالت لينا اركبو قولته ليها وين قالت لينا العربيه يعني وين م عايزين اوصلكم؟ قولته ليها بتعرفي تسووقي ولا سااي

قالت لي ي بت انا عندي رخصصه سواقهه من جدو لتعليم السيارات قالت لي اركبي ياخ بطلي خوف انتي في ايدي اميينهه قولته ليها اها كلامك دة البخووف زيادة لكن على الله بس وركبنا مشينا وصلنا البيت بالجد بيتهم عاملو موباالغ التصميم والفرش والله يخلع بجد ماشاءالله عليهم شنو الما جايبو ليها في البيت دة لي درجه انو حوض الاسماك الملونه دة عاملو ليها والمرجيحه في الحديقهه عاملها ليها بقيت اعاين في البيت واعاين ليها بجد تافهه راجل م مقصر منها في شي وبعمل اي شي عشان يرضيها سبحان الله بس

وهو مبسووط بجد ماسكها من يدها وبقول ليها شووفي دة نفس الشي القولتي اعملو ليك ودة نفس التصميم و... رجعنا البيت وانا قلبي واجعني بجد لو سكتهه ضميري م حيريحني ولو اتكلمتهه كمان خايفه يكزبوني واخسر شغلي قولته في كل الحالات م ليك علاقهه بيهم انتي مالك ومالهم بالليل حوالي الساعهه صباحا في 4 البيت ساامعهه حركهه غريبهه في البيت طبعا نحن غرفتنا تحت جنب المطبخ وباقي الغرف فووق صحيت زهرة قولته ليها ي زهرة ي زهرة هي كمان ثقيلهه خلاص بتنوم زي البقرة شلته تلفوني شوفته الساعهه 4 ونص قولته دة زمن الحراميهه زااتو وووب بس وين عمي خليل

طبعا في البلد قبلي كدة سكييت حرامي في بيتنا لمن هرب ولعته نور تلفوني برااحهه وطلعتهه دخلتهه المطبخ فتحتهه الدرج م لقيت فيهو شي غيير الكمشهه بتاعهه الملاح من الخووف بس شلتها وشلته المفراكه من حله الملاح وطلعتهه شلته الكمشهه والمفراكهه طلعتهه براااحهه شاايفهه الزول داخل ومولع نور تلفونو لمن بكح كمان حرامي عينو قويهه وماخد راحتو في بيت الناس اجي بس رفعته ليك الكمشهه والمفراكهه الاتنين مع بعض وقعدتهه اضرب واللبع ليك فيهو بي ورا والله لبعتو ليك لبيع وشغاله اقول ليهو ي حرامي ي حيوان وهو بقى يصرخ وانا بضرب بي اقصى قوتي

بس مسك مني المفراكهه والكمشهه وقعدتهه اصرخ ي عمب عثمان اللحق الحرااامي ي عمي عثمان عمي عثمان جا جاري شغال يقول لي وين الحرامي وين وولع النوور بالله الساعه الولد النوور والزوول الانا ضربتو قال لي دة شنو عمي عثمان قال لي في شنوو وحرامي شنوو قولته ليهو دة م شايفو فجأة وليد جا جاري نازل وشايل مسدس في يدو قال لينا في شنو ي جماعه وين الحرامي بتكوركو مالكم جدو عثمان جا نازل شايل عكازو وهديل دي بتصرخ في غرفتها ولا نزلت زاتها وليد قال لينا حرامي

جدي قال ليهو وينو الحرامي؟الراجل الدقيتو بالمفراك والكمشه قال ليهم انا زاتي بفتش في الحرامي دة وينو حراميكم دة وليد قال ليهو وائل جيت متين ي زول قال ليهو جيت دي دخلتي للبيت واتمحطتهه بالمفراك والكمشهه وم فاهم شي زاتي يدي دي اتكسرت طبعا انا زاتي مخلوعهه جدي عثمان قال ليهو تعال كدة ي زول ساقوهو دخلوهو الهول عمي خليل مسك ليهو يدو قال ليهو كدة حاول حركها قال ليهو م قادر احركها جدي عثمان قال ليهو بكون اتكسرت وليد قعد يضحك قال ليهو شعرك وملابسك كلها ملاح خدرة جاي من ين انت ي زول بقيت اقول يعني دة وائل

يعني الانا ضربتو دة ولدهم وائل هديل جات نازلهةقالت لي وين الحرامي قبضوهو؟انا ضربته لي 999 اسي وماسكه فيني قولته ليها اخوك وائل قاعد هناك قالت لي يعني كل الكواريك دي عشان وائل جا مشت دخلت الهول قالت ليهو وائل حمدلله على السلامه جيت متين ويدك مالها وليد لسسه بضحك قال ليها جيبي لينا مويه دافيه يدو دي خلي احكي ليك حكايتها بكره

نتلاقى