الفصل الثاني عشر

وليد قال ليهو طيب انت طالما جاااي مش المفروض تتصل علينا وتكلمنا؟؟ قال ليهو يعني الواحد م يعمل ليكم مفاجأة؟الواحد حاسي نفسو داخل بيت كلوو ملغم واحد شايل عصايه والتاني مسدس وضرب بي عدة المطبخ هديل قالت ليهو عااد لكن ي وائل عمي خليل قال ليهو يدك فيها فكك بسيييط بس من هنا جدي عثمان قال ليهو خلاص اسي امشي ارتاح لي بكره طبعا وليد وهديل بضحكو انا انسحبتهه براحهه دخلتهه اوضتنا شغاله اقول لي نفسي وووب انا كسرتهه يد ود الناس كسرته ليهو يدو سجمي اصلا بكره م حيرحموني واكيد حيطردوني من الشغل اعمل شنوو ي ربي

ليه انا حظي زفت كدة انا زاتي البخليني اتحشرر في اي حاجهه شنوو؟؟ زهرة قامت قالت لي مالو في شنوو؟قولته ليها ماف شي قالت لي اطفي معاك النور طفيت النوور م قدرتهه انووم للصباح صحيت من السااااااااااااااااااااعهه 6 صباحا قولته لي نفسي انتي اصلا حتنطردي اليوم دي حااجهه مؤكدة واكيد الحيطردك هو زاتو الزول الشغلك افضل تمشي بي كرامتك ومن غير م تتبهدلي وتسمعي كلام فارغ

طلعتهه شنطتي لميت شيتاتي اصلا ملابسي قاعدة في الشنطهه ولبستهه وطلعته الساعهه كانت 6:30 صباحا طالعهه مخلوعهه ماف زول فيهم صاحي طلعته مشيت وصلتهه الجامعهه الساعهه 7:30 قولته لي المشرف في البوابهه عمو شريف ممكن تخلي لي شنطتي دي بس لي نهايه اليووم؟؟قال لي جايباها من وين جايه بيها الجامعهه قولته ليهو جايه بيها من البيت عليك الله عمي شريف بس لي نهايه اليوم قال لي طيب سمح جيبيها وشالها مني دخلته الجامعهه مشيت الاستراحهه وقعدتهه ابكي في بت واقفه جنبي كانت بتصلح في مكياجها قالت لي انتي كويسهه؟قولته ليها ايوة كويسهه

قالت لي طيب مالك بتبكي؟قولته ليها ماف شي مصدعهه بس قالت لي عندي بندول اوكيسترا هاك شلتها منها قولته ليها شوكرا قالت لي عوافيك مشيت القاعهه قعدتهه في اخر البينشات وبقيت منزله راسي تحت وببكي شويه كدة احس ليك بي يد زول في كتفي رفعته راسي لقيتها مزن قالت لي مالك ي بت وبتبكي مالك ابوك كويس؟امك كويسهه الحاصل شنو قولته ليها ماف شي قالت لي لا في قولي شليتي قلبي قولته ليها ماف شي والله

قالت لي قومي ارح نطلع بره شالت لي شنطتي وطلعنا بره قعدنا تحت شجرة كدة قالت لي يلا كدة قولي بسم الله وختي الرحمن في قلبك وقولي لي بتبكي مالك؟ قولته ليها امباارح كسرتهه لي ود الناس الانا شغالهه معاهم يدو وكمان ضربتو في راسو قالت لي كيف يعني وهو عمل ليك شنوو لمت عملتي فيهو دة كلوو قولته ليها م عمل لي شي قالت لي ضربتيهو سااي بس وهم زاتهم الناس ديل عندهم كم ولد قولته ليها الضربتو دة ياهو زاتو الشغلني في بيتهم قالت لي كيف يعني وهو جا متين زاتو اوعى تقولي لي انو حاول...الفي بالي بس قولته ليها لاا وقعدتهه احكي ليها

بعد م تميت ليها كلامي بالله فكتها ليك ضحكهه بأعلى صوتها وبقت تغول لي واااااااااااي ي شهدد ضربتي وفلقتي ود الناس بالكمشهه والمفراكهه عااد بالغتي واتلومتي واتكومتي قولته ليها اعمل شنوو فاكراهو حرامي هو زاتو جا نص الليل زي القدر قالت لي ي بت هو كابتن بعني بجي في اي زمن ولسسه بتضحك قولته ليها دة م زمن ضحكك قالت لي اها وبعداك حصل شنوو؟قولته ليها م عاارفهه بس انا طلعتهه وخليت ليهم البيت قبل م يطردوني قالت لي كيف يعني يعني قصدك خليتي الشغل قولته ليها ايوة ي بت بعد العملتو انا امس دة انا واثقهه م حيخلوني اشتغل معاهم ولا ثانيهه

قالت لي وانتي عرفتي كيف؟قولته ليها سااي كدة بس قالت لي صراحهه معاهم حق لو طردووك غلقتي ليهم ولدهم لكن م بتوقع يطردوك والله بالزات حبوبتهم طيبانيهه تتشاف انتي م تستعجلي سااي قولته ليها لا انا متأكظة حيطردوني قالت لي يعني اسي انتي خليتي الشغل؟؟قولته ليها ايوة وشلتهه شنطتي وجبتها معاي كمان قالت لي وينها قولته ليها عند عمو شريف البواب قعدت تضحك قالت لي غاايتو اليوم كتلتيني ضحك دة اغرب سبب لقيت زول خلى الشغل عشاانو قولته ليها دة م زمنك ياخ

نهايه اليوم قالت لي طيب ارح معي بيتنا اصلا ماما ليها كم فترة بتسألني منك ورامي اخووي سافر بورتسودان مع اصحابو قال حيقعد تلاتهه اسابيع هناك غايتو قولته ليها طيب شلته شنطتب ومشيت معاها بيتهم

في الجانب التاني في بيت ناس كابتن وائل حبوبه عششه شغاله في المطبخ قالت لي زهرة ي زهرة كدة نادي لي واحدة من البنات ديل يضربو لي شهد دي الليله م من عوايدها تتأخر كدة جات مثاني حبوبه عششه قالت ليها الله جاابك ي بتي عليك الله شوفي البت دي مالها اتأخرت كدة مثاني قالت ليها عليك الله ي حبوبهه ياخ حتكوني اتأخرت لشنوو اكيد زحمه المواصلات بس يااخ قالت ليها لكن ي بتي مواصلات للزمن دة المغرب اذن وهي لسسه م جات هديل في الصالون قاعدة تتونس مع جدها ووليد هديل بتضحك قالت ليهم والله شهد ظريفهه لكن

وليد قال ليها ظريفهه شديد والله مووتتني ضحك جدي عثمان قال ليهم زولهه جاادة شديد وائل يحمد ربو انها م كانت شايلهه سكين البت من الخلعه بقت تناديني عمي عثمان هديل قالت ليهو والله دراما امس دي اغرب دراما حصلت لي وائل وين شهد هي مختفيهه اليوم من الصباح م ظاهرة؟؟مثاني جات داخله قالت ليها حبوبتك من الصباح فالقاني شهد وين شهد وين هديل قالت ليها بالجد اليوم م من عوايدها تتأخر كدة جا وائل داخل هديل قالت ليهو ولي الموفلق كيفك ياخ جدي عثمان قال ليهو يدك بقت كيف؟قال ليهو والله جسمي كلو واجعني م يدي بس ياخ

وليد قال ليهو كمشهه ومفراكهه وداير جسمك م يوجعك كيف قال ليهم يااخ بطلو تشغييييلهه ياخ وليد قال ليهو عندي صباع موووڤ بديك ليهو م تخاف كابتن وائل قال ليهو والله حالهه عجيبه ياخ حبوبه عشه جات داخلهه عليهم قالت ليهم والله ي جماعهه الليله البت دي اتأخرت عدييل اصلا م سااي وائل قال ليها البت منوو؟؟حبوبه عششه قالت ليهو شهد دي كانت بتجي بدري عدييل مثاني قالت ليها حبوبه انا كلمتك قولته ليك يمكن الزحمهه بس حبوبه عششه قالت ليها هي لكن العشاء قرب يأذن مواصلات شنوو؟هديل قالت ليها دقيقهه اتصل عليها قالت ليهم م بترد

حبوبه عششه قالت ليهن الا كان حاصل ليها شي جدي عثمان قال ليهم المفروض تتضرب تلفون تتطمن الناس جات زهره داخلهه شايلهه الشالي وائل قال ليهم م بترد يمكن قربت على البيت بس زهرة قالت ليها هبوبهه شهد شنطتو بتاع الملابس زاتو ماف في الاوضهه حقنا حبوبه قالت ليها كيف يعني ماف وليه م كلمتيني من الصباح وليد قعد يضحك قال ليهم البت هربت معناها زهره قالت ليها انا قايلاك انت عارف انها مشت ي هبوبهه حبوبه قالت ليها بري يخربني كان عارفهه م سامعاني من الصباح بسأل منها هديل قالت ليهم بكون خاافت عشان كدة هربت

حبوبه عشه قالت ليهم حييي بت امي مسكينه ماف زول بسألها جدي عثمان قال ليهم اسي تكون مشت وين البت دي في الليالي دي وائل قال ليهم ثواني انا بضرب ليها والله هي زانها بت غبيه كيف لانو دة م سبب بخليها تخلي البيت مثاني قالت ليهم هي زاتها م معروفه جايه من وين بتجيبو تاسس ساي انتو؟؟هديل قالت ليها والله شهد دي م فيها عيب ولا غلط مثاني قالت ليها في مثل بقول اتمسكن لمن تتمكن وائل قال ليهم تلفونها مقفول غريبهه

حبوبه عششه قالت ليهم عندها صحبتها الجات معاها ديك ساكنه الرياض قالت لكن م عارفه وين بالظبط في الرياض؟؟مثاني قالت ليها اه رياض شنوو وائل قال ليهم بتقرا وين وبتقرا شنوو هي بالظبط كدة؟؟هديل قالت ليهو بتقرا هندسهه اتصالات السودان قال ليهو وليد عربيتي وسخانه اديني مفتاح عربيتك وليد قال ليهو تمشي تفتشها وين بالليل دة هديل قالت ليهو انت بتعرف شكلها اساسا؟؟مثاني قالت ليهم والله انتو عاملين ليها قومهه وقععدة سااي هديل قالت ليهو زائل خلي بكره نمشي ليها في الجامعهه اكيد م حتخلي الجامعه

الصباح جينا انا ومزن داخلين الجامعهه والغريبه اول مره الحرص يشيل مننا بطاقاتنا ويدقق فيهم رجع لي مزن بطاقتها قال ليها انتي ادخلي وقال لي شهد عبدالله انتي خليك واقفهه هنا مزن قالت ليهو لشنوو بس؟؟قال ليها من غيير تقااش بي نبرة حاادة كدة قولته ليهو لكن ي عمي انا عندي محااضرة مهمهه بس اسمع ليك صوت بقول لي اهم من شغلك يعني؟؟؟اتلفتهه وانا مخلوعهه بقيت اتمتم قولته ليها هديل قعدت تضحك قالت لي بالغتي معانا وشحتفتي روحنا مزن جات سلمت عليها هديل قالت لي مشيتي وين انتي ي شهد مزن قالت ليها كانت معي انا

هديل تلفونها ضرب ردت قالت ليهو ايوة ايوة تعال داخل طبعا قلبي عمل شحح لما قالت كدة فجأة نسمع ليك صوت قال ليها هديل اتلفتهه اشوف ليك زول لابس فنيله سوداء وبرمودة رماديه بي اسود ولافي يدو بي قطعهه زي الشاش كدة طبعا على طول اتلفته شمال عرفتو دة هو زاتو الامس ضربتو بالليل الليله ووب امشي وين اانا سلم على الحرص قال ليهو تسلم ي غالي ياخ م قصرتهه معانا الحرص قال ليهو العفو بس عليك الله لو سمحتو زحو لينا من المدخل حق الطلبهه دة كابتن وائل قال ليهو حااضر قولته لي هديل عندنا محاضرة لازم ندخل يلا مع السلامهه

قمنا ماشين قال لي تعالي وين وين ماشهه؟تعالي نتفاهم اول على عملتك حقت امس دي وااي طبعا لما قال كدة انا خلاص حيلي مات مزن شغاله تغول لي وااي شهد دة منوو دة هديل مسكتني كابتن وائل قال لي مزن ممكن ناخدها خمسسهه دقايق؟مزن قالت ليهو اتفضل طلعنا بره قال لينا تعالو طبعا انا مترددةقال لي اركبي م حناكلك هديل فتحت لي باب العربيه القدامي كمان م الورا ركبتهه وافتكرتها هي السايقهه بعدها فتح باب العربيهه وركب هديل جاتني بالشباك قالت لينا يلا بااي طبعا انا في اللحظهه دي بالجد تقول كشحو فيني مويهه تلج قولته ليها بخلعهه ماشهه وين؟؟

ضحكت قالت لي ي بت انا متأخرة اليوم بسببك ساعهه كامله ودكتوري صعب ماشه الجامعهه يلا باااي نتلاقى المساء اخوها قال ليها غطي شعرك دة كويس وسوقي برااحهه فهمتي قالت ليهو حاضر ي ويوي يلا باي ومشت قولته ليهو انا كمان عندي محاضرة عايزة انزل قال لي انتظري بالنسبهه لي حركهه امس العملتيها دي انتي شايفاها صح؟؟؟...

نتلاقى