الفصل السابع عشر

قعدته شويه كدة جا داخل قال لي خلاص؟قولته ليهو ايوة قال لي طيب يلا نمشي طلعته مشيت طبعا بجد راسي لافي اول م طلعنا هديل قالت لي خلاص؟قولته ليها ايوة مسكته فيها وطلعنا وصلنا البيت نزلنا قال لينا ادخلو انا عندي مشوار دخلنا حبوبه قالت لينا اها قالو عندها شنوو؟خييير انشاءالله؟هديل قالت ليها والله ي حبوبه قالو عندها تايفود والتهاب في الدم قالت لي كرر علي ي بتي دة كلوو من الحرر وعدم الاكل انتي عارفه

هديل قالت لي وبعدين انتي ي شهودة قاعدة تشتغلي شغل م شغلك انتي عارفه؟يعني الغسيل والمكوة والحجات دي حقت زهرة م حقتك انتي شغلك بس تخلي بالك من جدي وحبوبه واحتياجاتهم وبس

وبس

وبس

غير كدة انتي م مسؤله من شي اي زول في البيت دة عندو مهام خاصه بيهو اسي حصل شوفتي عمي خليل دة خلى شغل نضافه وقص الشجر وجا غسل عدة؟لأ طبعا م ممكن شهد تغسل وتكوي وتغسل عدة وتسااهر للساعهه 12 عشان تدي جدي الدوا حقو وتصحى من الصباح تخلط العصيير وتجهز الشااي بعداك تمشي الجامعهه ولا شنوو ي حبوبهه؟حبوبه عشششه قالت ليها اي والله قاعدة تشتغل شغل زيادة من حقها وم قاعدة تقصر الله يرضى عليها حبوبه عشششه قالت لي اسي كدة امشي ارتاحي مشيت دخلته نووومتهه الصباح اتصلته على مزن قولته ليها اليوم م بقدر اجي الجامعهه

قالت لي امس اتصلته عليك م رديتي م بقيتي كويسه؟قولته ليها مشيت الدكتور قال عندي تايفود والتهاب في الدم قالت لي وااااي ي شهوودتي ي حليلك عوافيك ي رب قولته ليها الله يعافيك حبيبتي قالت لي طيب اليومين دي م تجي انا بسجل ليك كل المحاضرات وبجيبها ليك تمام لانو التهاب الدم دة زاتو سببو الشمس الحارة البتمشي فيها دي قولته ليها تمام ي ستي قالت لي خلي بالك من نفسك تمام قولته ليها تمام اليوم التاني الصباح زهرة جابت لي العصيير حبوبه زهره جات قالت لي عندك حقنهه صح؟قولته ليهايوة

قالت لي عندنا جارتنا بتها ا اسراء سيستر امشي مع زهره خليها تديك الحقنه سمح؟قولته ليها حاضر مشينا وجينا داخلين مثاني لاقتنا قالت لي شهد عليك الله جعانه انا اعملي لي بيض بالطوة قولته ليها طيب دخلته المطبخ قعدتهه اكسر في البيض علشان اضربو جا كابتن وائل داخل بنادي ي حبوبه الشاي جاهز؟عاينته ليهو قولته ليهو حبوبه ماف قال لي وانتي بتعملي في شنوو ويدك بي فراشتها؟قولته ليهو مثاني قالت لي اعمل ليها بيض قال لي مثاني مالها م شايفاك عيانه؟ م تعمل اكلهل براها قولته ليهو م مشكله بعملو ليها

قال لي لا على حساب صحتك م تجاملي نهاائي فهمتي جات مثاني قال ليها مثاني انتي م شايفه الزوله دي عيانه ومركبه فراشه؟قالت ليهو والله م انتبهتهه ي وائل معليش ي شهد قولته ليها عادي م مشكلهه جات مسكت مني المعلقه قالت لي خليهو انا بعملو قولته ليها خلي اتمو ليك قالت لي لالا خليهو اساسا انا عايزة اعمل فيهو بهارات وكدة على طول مشيت اوضتنا اليوم التاني العصرر كدة عندي دفتر كبييير كدة شلتو من مزن شلتو وطلعته بره قعدته في النجيله مع عمو خليل كان بقص في الشجر جا كابتن وائل قعد يوصف ليهو يقص كيف ويقص وين وكدة

اها عمو خليل بقى قاعد يقص جا كابتن وائل قعد قال لي حتى وانتي عيانه بتدرسي؟جادة شديد قولته ليهو لا والله م قاعدة ادرس قال لي بتكتبي في شعر؟قولته ليهو لأ قال لي معناها بترسمي قولته ليهو لا بكتب في قصهه قال لي لا ي شيخه يعني بتكتبي قصص وروايات وكدة؟قولته ليهو والله يعني م بقدر اسميها روايات لانو الروايات عندها مقومات اما دي شويه قصص بكتبها وقت فراغي وكدة قال لي طيب دي هوايه كويسهه طوريها قولته ليهو انشاءالله قال لي بقيتي كيف اسي؟؟قولته ليهو الحمدلله طبعا بعد كل المواقف الزفته الحصلت ليهو معاي اول مره يقعد ويتونس معاي

ثانكيو ي المرض الخليتو يقعد يتونس معاي بعدها قام طلع قولته لي نفسي غريبه اليله قعد اتونس معاك كمان يكون مالو شويه جات مثاني قالت لي لو حبوبه سألت مني قوليةليها مثاني مشت الدكان قولته ليها تووبك دة مرفوع فوق قالت لي دقيقه انزلو عايزة تصلح توبها كدة بس تلفونها وقع منها شلتو عايزة ارفعو ليها كدة بس اشوف ليها دردشه واتس فاتحهه ومرسلهه ليك صوور خليعه لي رقم م مسجله اسمو لما لاحظت لي خطفت مني التلفون سرعه سرعهه وطلعت مشت طبعا انا بقيت اقول استغفر الله ي رب شلته دفتري ودخلته البيت لقيت هديل قالت لي حواجبي دي كيف

قولته ليها فظييعهه قالت لي انتي الافظع حبغلبي يلا انا طالعهه قبل وائل يقبضني يلا سلام ضحكته قولته ليها ههه طيب يلا مشيت المطبخ لقيتو فااضي وانا م عايزة انوم مشيت لي جدي عثمان في اوضتو لغيتو بقرا في جريدتو سااي قعدته اتونسته معلهو كداا بعداك طلعته بالليل مشيت اخدته الحقنه قولته لي زهره طالما انا قاعدة سااي اليومين دي بكره مشطيني ثمح قالت لي سمح اليوم التاني بعد م فطرنا وكدة عملته لي حبوبه الجبنه وجينا نتونس زهره قعدت تمشط فيني بوب طبعا نهاائي م قاعدة اخلي شعري فاتح لأي سبب من الاسباب حبوبه قالت لي ماشاءالله شعرك

مشطتني بوب متوسط حلو حلا نحنا كنا قاعدين في المظله البلديه حقتهم بره بس فجأة جا كابتن وائل بنده على حبوبه وحبوبه نااايمه في سابع نومهه جا دااخل طواالي من غير مقدمات وانا طرحتي محل طاارت الله اعلم بقيت بقيت اتلفت يمين وشمال وهو واقف لما م لقيت لي حل خطفته طرحهه زهره من شعرها ولبستها بعداك قولته ليهو حبوبه نايمهه عاين لي مساافهه وضحك ومشى طبعا فكرته لقيت نفسي مغطيه راسي فوق بس وباقي شعري كلو طالع بره الطرحهه علشان كدة قعد يضحك الحيوان