الفصل العشرون

ونحن طالعين اتلاقينا مع كابتن وائل في الباب كان بتكلم بالتلفون اول م شافنا فصل المكالمهه وقف بقى يعاين لينا قولته ليهو اهلين كابتن وائل دي مروة صحبتي طبعا بقت في حاله من الصمت موقف كدة غريب وهو طبعا عادة انو يقرن حواجبو لما يتفاجأة او يغضب من حاجه وكدة مروة بقت تعاين لي وتعاين ليهو قالت ليهو هلا هلا قال ليها اهلين ومشى دخل على البيت طبعا بعد مشى مروة اتلفتت عاينت ليهو مساااافهه بعداك مشينا قالت لي بتعرفيهو من وين الزول دة انتي؟قولته ليها كيف يعني بعرفو من وين شغاله عندو ه قالت لي اهاا وبقت تتلفت وتعاين للبيت

قولته ليها مروة انا راجعهه بعد كدة تمام قالت لي تمام اديتها ميه جنيه قالت لي والله م بشيلها قولته ليها انتي هبله ي بت نحن اخوات شنو م بشيلها قولته ليها والله الاسبوع الفات استلمتهه قروشي حقت الشهر ورسلتهم لي اهلي لو م كدة كنت بديك اكترر قالت لي تسلمي م قصرتي يلا مع السلامهه ودعتها ورجعته البيت لقيت عمي خليل قاعد يعقل في شجرة جهنميه كدة قولته ليهو عمي خليل عليك الله قبل م تعقلها قصها شكل قلب كدة حتبقى حلوة قال لي قلب عديل ي بتي قولته ليهو اي

في الجانب التاني مروة على طووول اتصلت على كابتن وائل قالت ليهو شنوو ي ولي قال ليها مين معاي؟قالت ليهو معقوله م عرفتني ي ولي اسي كنت في بيتكم قال لي دي انتي انتي الجابك بيتنا شنوو وبتعرفي شهد من وين؟قالت ليهو اجي كيف يعني الجابني شنوو هههه جيتي لي صحبتي وشهد صحبتي شديد قال ليها صحبتك بعرفيها من وين من وين بتعرفيها شهد بت محترمهه م زيك ولا بتابع امثالك لانو اساسا هي م شبهك؟ ضحكته ضحكه تافهه قالت ليهو هههههههههههههههاااي محترمهه مين ي محترم انت محترمهه انا والله شهد صحبتي في اي شي

قال ليها شوفي ي بت الناس انا تفاهه وحركات بنات م بتنفع معاي اسي انتي متصله علي لشنوو في شنوو دايرة مني شنوو اسي كنتي في بيتنا لو انا داير اديك وش كان اديتك قالت ليهو ابررررد ي ولي م كدة هههههههههه شكلها شهد نستك المزز الكنت بتمشي معاهم ولا شنوو؟ قال ليها بلاش تفاهه معاك علاقه شهد بالموضوع شنوو ي بت انتي هبلهه؟قالت ليهو انا قولته ليك انا وشهد صحبات في اي شي يعني حتى في الشغل نحن صحبات قال ليها كيف يعني حتى في الشغل صحبات؟قالت ليهو م تستغرب وتشوفها مسكينهه كدة ي بيبي شهد وانا كنا شغالين سوا

تتزكر اخر يوم قابلتك فيهو في شارع النيل وقولته ليك جايبه ليك مززة قاطعهه؟بس كانت شهد زاتها بس شهد لما شافتني ركبته معاك في العربيه جاها زبووون بي عربيتو جااااهز ساقها ومشى بيها اظنك متزكر وم نسيت اليوم دة وتاني سافرته وم اتلاقينا فهمته ي ولي لكن انت لقيتك موفتح تفتيحهه جبتها شغلتها معاك في البيت عديييل خطير ي ولد صحي القروش بتشتري اي شي والله

قال ليها شوفي ي تافهه تاني لو اتصلتي علي او عتبتي عتبة بيتنا سااي وقسمابالله اجيبك من تحت تقاطيع الارض واطبق فيك نظريهه اخليك تكرهي بسببها نفسك وانتي عارفه انا بقدر اعمل شنوو وقفل الخط طقق في وشها

انا قعدته في النجيله ارش فيها بالخرطوش و اتونسته مع عمو خليل كداا وكنت باكل في ليمونه المغرب كدة اتصلت علي مزن قالت لي نحن في المطار قولته ليها ياخي؟يعني خلاص امك مسافرة لي ابوك قالت لي اي والله ياخ مساافرة مخلياني مع السجم رامي دة قولته ليها ليه مالو وبعدين انتي ورامي بس قالت لي امي قالت اكلم بنات خالتي يجو يغعدو معانا بس اصلي م بكلمهم الحغيرات الغيورات المستفزات قولته ليها ليه ليه بس دة كلوو قالت لي تافهات وعاهات ياخ بسرقو لي حجاتي حتى مكياجاتي م بخلوهم لي

وبعدين امي تشتاق للحاج وتسافر ليهو وتخليني انا مع العاهات ديل والله م اقعد معاهم ولا بتصل ليهم بقعد براي لمن تجي افضل لي اتشاكل مع وائل ويفلقني وافلقو من يغعدو معاي العواليغ ديل قولته ليها سمح روووووقي روقي قتلت لي سيرتهم براها بترفع لي كلسترولي بسس عليهم قولته ليها طيب يلا باي خليك مع امك شويه قالت لي امي زاتهم قاليك فاضيه لي تتونس مع راجلها سااي حالتها كلها ساعات وتكون عندو قولته ليها عايني بكره التيست بتاع دكتور عبدالرحمن م تنسي بعد ترجعي المطار راجعي وانا بكره بجيب ورق العمل الادانا ليهو داك نشتغلو سوا

قالت لي شهد مصدعه م تفلقيني بالراجل اب فلجهه دة وتزيديها علي ضحكته وقفلته منها شويه كدة كابتن وائل جا طالع ماشي مستعجل ولا اتكلم معانا زاتو انا مشيت قعدته اقرا قولته اقووم على راحتي اغسل عبايتي البكره ماشهه بيها قعدتعه قريت كداا وشربته لي قهوة كمان سااااهرته وانا بقرا عاينته للساعهه لقيتها 12 وربع قولته كفاايه اقوم غسل عبايتي سريع سريع وانوم عشان بكره اصحى بدري

غسلته عبايتي ودخلتها النشافهه نشفتها قولته بكره اكويها رجعته الغرفه صليت العشاء وصليت لي معاهو ركعتين زيادة وقريت لي صفحتين من سورة البقرة بعدها شلته كبايتي حقت القهوة قولته اوديها المطبخ واشرب لي مويه بالمره اساسا انا عطشانه شلتها ومشيت دخلته المطبخ غسلته الكبايه ورفعتها الدرج وقعدته اشرب لي مويه بس اشوووف ليك كابتن وائل واقف قدامي انا زاتي لمن اتخلعتهه ختيت الكبايه حقت المويه طبعا عيونو دي زي الشرار دايرة اتكلم معاهو كدة بس مسكني من يدي قال لي تعالي قولته ليهو في شنو ي كابن وائل بي خوف وخلعه كدة

ساكت سااي وجاريني من يدي بأقصى قوتي وبسرعه وانا اتصارع معاهو لحدي م وصلني غرغتو وقفل الباب طبعا انا في اللحظه دي حيلي مات خلاص قولته ليهو كابتت وائل في شنوو انا عملته شنوو والله م عملته حاجه ولا قربتهه من حجاتك من يوم قولته لي تاني م تهبشي حجاتي قال لي قطمي افضل ليك سكته قال لي بتعرفي مروة من وين؟قولته ليهو كيف يعني بعرفها من وين مروة صحبتي قال لي يعني بتعرفيها وصحبتك جد جد؟قولته ليهو ايوة قال لي وكنتو شغالين سوا صح؟ي دووب اتزكرته هو ممكت بعرفها من وين قولته ليهو لالا والله م شغاله معاها انا

والله ي كابتن وائل احلف ليك بشنوو انا م شغاله معاها قال لي بطلي كذب وحركات البنات الهناي دي م بتنفع معاي انا فتهمه؟قال لي طيب انتي م شغاله معاها صح؟طيب قبلي فترة مش كنتي معاها في شارع النيل؟كنتي ولا م كنتي معاها بتكلم معاك انا؟ قولته ليهو كنته معاها اي قال لي طيب اقول ليك شي شوفتي سبد العربيه الركبت معاهو صحبتك؟ياهو انا زاتي واليوم داك كان المفروض تمشي معي انا بس ماف داعي احكي ليك عارفه روحك عملتي شنو انتي قولته ليهو كابتن وائل والله انا م شغاله الشغل دة م شغالاهو انا

قال لي لا يشيخه م تحلفي لي فهمتي ومسكني جدعني في السرير وربي لمن راسي لفهه قال لي مالك خليتي شغلك ولا م لاقيه زباين عشان كدة صح؟؟قولتي افضل تشتغلي في بيوت الناس اصلا نوعكم دة مكانو الطبيعي انو تشتغلو في بيوت الناس بقى يقرب منها بقيت اضرب وارفس فيهو وبقول ليهو كابتن وائل ابعد مني واصرخ مشكلتهم ابواب غرفهم لو حصل انفجار في بيتهم م بسمعوهو قال لي م تخافي بديك حقك اعتبريني زبوون انا بجد اتصدمتهه فيهو عمري م اتخيلتو يطلع كدة فتح لي شعري قال لي عامله فيها محترمه وبت ناس بقيت اخربش فيهو بي اظافري خربشتو في يدو

في النهايه قولته اصلي م بستسلم واخليهو يعمل فيني زي ولد عمي زمان بس رفستو واديتو ليك كف طاخ وتاني اديتو واحد وقسما بالله موعارفه نفسي جبته الشجاعهه والقوة دي من وين زاتي وقمتهه جاريهه طلعته من غرفتو دخلته غرفتنا بس لقيت تووب زهرة شلتو وجرري طلعتهه فتحته الباب حق الشارع نص الليل والدنيا ضلام وقفته في الشارع كدة بس جوني ناس راكبين حصين وبقو يضو فيني بطايطرهم وانا اساسا م بعيدة من البيت جنب البيت طبعا انا خايفه وببكي وجسمي كلو برجف قالو لي ي مره ماشه وين نص الليل دة؟سكتته سااي

التاني قال لي ي اختنا مالك رايحه ليك حاجه ماشه وين بالليل دة وبيتك وين انتي؟قولته ليهم انا وقعدته ابكي بس فجأة اسمع ليك صوت كابتن وائل قال لي شهد ماشه وين انتي؟طبعا اتخلعته وقلبي عمل شحح الراجل قال ليهو بتعرفها ي زول؟كابتن وائل قال ليهو ي جنابو الزوله دي مرتي واسي اتناقشنا في موضوع بسيييط بس زعلت ولفحت توبها وطلعت قالت ماشه لي اهلها نص الليل دة قولته ليهو كزاب انا م مرتو قال ليهم اها شوفتو نكرتني الراجل قال لي ي بت الناس استهدي بالله حتى لو عندك مشكله مع راجلك م تطلعي انصاص الليالي دي تقطعي قلوب اهلك ساي بالليل دة

وائل قال ليهو وعيها بالله ي جنابو اسي ي شهد حمودي بكون صحى زاتو ارح ارجعي البيت ياخ الولد م يبكي الراجل قال لي وكمان طالعه و مخليه ولدك والله غايتو نسوان اخر زمن الراجل التاني قال ليهو دة اخر الدلع الله يعينكم وائل قال ليهو الله يعيني عليها والله هههه تسلم ي جنابو ياخ ومشو خلوني ليهو خلوني ليهو خلوني ليهو

نتلاقى