الفصل الحادي والعشرون

بعد م مشو قمتهه ماشهه جراني من يدي بأقصى قوتو والله لمن حسيت بيهو حيقلعها لي قال لي ماااشهه وين؟قولته ليهو كابتن وائل فكني ياخ انت عااايز مني شنوو قال لي عااااااااايز منك شنووو؟انتي عندك شي تديني ليهو اساسا؟قولته ليهو طيب فكني قال لي يمكن انتي عندك عااادي تطلعي انصاص الليالي وتتحاومي في الشوارع وانتي م بتهميني بس برضو م انا البطرد بت من بيتي نص الليل فهمتي واساسا انا بعد العرفتو عنك دة ولا ساعهه م بخليك تشتغلي في بيتي كلها كم ساعهه والصباح يصبح وبعدين طيري محل م انتي طايرة قولته ليهو فكني م عايزة معاك الله يخليك فكني

وصلنا جنب الباب قال لي م تتناقشي معاي لو سمحتي قولته ليهو طيب ممكن تسمعني قال لي م عايز اسمع منك شي دخلني وقفل الباب قولته ليهو م داخله قعدتهه في الأرض فكاني قال لي حره انتي ومشى خلاني قعدتهه في النجيلهه بره للصباح الصباح بعد م اصبح مشيت دخلته البيت غسلتهه وشي ولميت حجاتي قولته المره الفاتت طلعتهه وخليت ليهم البيت من غير م اكلمهم المره دي اكلم حبوبه مشيت ليها في غرفتها دقيت ليها الباب لقيتها بتصلي انتظرتها بعد صلت قالت لي صباح الخير ي بتي قولته ليها صباح النور قالت لي كيف اصبحتي طالعهه خلاص الجامعهه

قولته ليها الحمدلله اي والله طالعهه الجامعهه لكن ي حبوبه انا حأخلي عندكم الشغل فترة قالت ليه لكن مالك ي بتي في شنوو خير؟قولته ليها والله ي حبوبه بعد فترة نازلهه امتحانات وحأكون مضغوطهه شويه وكمان عندي مزن صحبتي دي امها ساافرت وخلتها في البيت براها وهي عيانهه عشان كدة ماشه اقعد معاها شويهع قالت لي حيييي ي بتي لكن م تغولي حتخلي الشغل عندنا صحبتك عشان عيانه امشي اقعدي معاها فترة لكن برضو م تخلي الشغل كويس وليه م كلمتيني من امس؟ قولته ليها صحبتي امها سافرت فجأة والله

قالت لي حجاتك زاتها م تشيليها كولها و انتظري طلعت قروش ادتني ليها حلفتهه م اشيلها قولته ليها والله عندي قروش الحمدلله ي حبوبه بعدها شلتهه شنطتي وطلعتهه وببكي لمن حلقي اتقفل وبقيت م قادرة اتكلم اتصلتهه على مزن قولته ليها وين انتي؟قالت لي في البيت وي دووب صاحيهه من النوم كمان قولته ليها رامي اخوك قاعد؟ قالت لي لأ ليه؟قولته ليها طيب جاياك اسي قالت لي احلفي؟قولته ليها والله قالت لي منتظراك وبعدين صوتك مالو متغيير كدة قولته ليها بعد اجي بحكي ليك مشيت ليها اول م فتحت لي الباب قالت لي شهد مالك ومالو وشك مورم وعيونك دي كدة

كدة تعالي دخلتهه وقعدتهه ابكي جابت لي مويه وعصير قالت لي شهد بسم الله مالك في شنووو؟حتفضلي سااكتهه كدة وتبكي ولا حتحكي لي قعدتهه احكي ليها وابكي قالت لي واااي لكن كابتن وائل م اتوقعتها منوو لكن ي شهد مروة دي انسانهه تافهه بجد انتي انا مش حذرتك منها؟قولته ليها وربي لقيتها في اسبوع المهندس حقنا وهي اتلصقت فيني وبعدين انا م كنت عارفهه انها بتعرفو قالت لي طيب واديتيها عنوان البيت الشغاله فيهو ليه ي شهد غلطانهه انتي لانو النوع دة من البنات اتوقعي منها اي شي قولته ليها بس انا بجد مصدومهه في كابتن وائل ي مزن

قالت لي دة واحد تاااافه سااي وبجد طلع تافه ولا يهمك ولا تشتغلي بيهو والحمدلله عدت على خير وبعدين اصلا الحصل دة فيهو خير لي ان علشان تقعدي معاي ياما انت كريم ي رب حيوانهه خلاص انا في شنوو وهي همها في شنوو شالت لي شنطتي قالت لي تعالي دخلتني غرفتها قالت لي شكلك امس زاتك م نمتي تعالي ارتاحي رقدتهه وببكي وبقول ليه انا حظي كدة ي ربي ياخي حاسي نفسي في كابوس بس في نص بكاي داك نوومتهه

في الجانب التاني في بيت ناس كابتن وائل بتكلم مع حبوبتو قال ليها هي حره ي حبوبه وطالما خلت الشغل شوفو ليكن واحدة تانيه بس لكن المره دي جيبوها عن طريق المكتب انا عندي صحبي بكلمو يلقى ليكم واحدة كويسه كدة حبوبه عشششه قالت ليهو حييي ي ولدي والله افضل من شهد م بنلقى مثاني مبسووطهه قالت ليها ي حبوبهه شهد دي زاتها انتي مدياها اكتر من حقها لو م كانت شغاله بس يعني زيها وزي زهره كابتن وائل قال ليهم على العموم ي جماعهه انا اليوم مساافر الدوحهه المساء انشاءالله حبوبه قالت ليهو شنوو مسافر المساء كيف ي ولد وليه م اتكلمتهه؟

قال ليها والله مسافر ي حبوبه اتصلو علي من امس وقالو لي ضروري اجي راجع وي حبوبهه انا مشيتي دي داير اخطب انشاءالله مثاني قالت ليهو بالجد قال ليها اي والله هديل جات قالت ليهم سامعهه لي سيرة خطوبههحبوبه قالت ليهو خطووبهه عديل ي ولدي؟قال ليها اي والله ي حبوبه خطوبهه عديل امس كلمتهه جدي ووليد قالت ليهو سمح لكن البت منوو م وريتنا ليها هديلوقالت ليهو ياها دعويهه زاتها ي ولي قال ليها اي ياها زاتها حبوبهه عشهه قالت ليهو م شوفتنا ليها هديل قالت ليها دقايق ي حبوبهه عندي ليها صور كتييرة في اللابتوب امشي اجيبو واجي

مشت وجات نازله فتحت ليهم الصور قالت ليها ياها ي حبوبهه شوفيها سمحهه سمااحهه قرضهه بس حبوبه عشهه قالت ليهو اي والله سمحهه ي ولدي مثاني قالت ليها واهلها ماشاءالله عليهم كولهم عايشين في الامارات حبوبه قالت ليهو الفيهو الخير ربنا يكتبو ليك ي ولدي

في بيت ناس مزن مزن صحتني قالت لي قومي الفطور الساعهه 2 قولته ليها م عايزة قالت لي شنو م عايزة انتي هبلهه قومي يلا نزلته دخلته الحمام غسلتهه وشي وقعدنا نفطر قالت لي انسي وم تشتغلي بالموضوع كتير قولته ليها كدة انا خسرتهه شغلي قالت لي خسرتيهو بس ربنا م بيقفل باب الا عشان يفتح باب تاني وي ستي نحن خلصنا تشطيباتنا في موضوع الكافيه واليومين دي رامي بظبط فيهو مع اصحابو بس وانشاءالله للإسبوع الجاي حيفتتحوهو علشان كدة م تشيلي هم نمشي الجامعهه الصباح وندام في الكافيه المياء ولو على المرتب حنديك قروش حنينهه

م تخافي م حناكل حقك زي بقولو اكلو اخوان واتحاسبو تجار قولته ليها طيب امك حتجي متين انا لازم اشوف لي داخليه اقعد فيها قالت لي ليه بس ي ستي امي قالت حتقعد شهرين والمفروض بعد انا أأجز اللحقها لكن م دايرة امشي ليهم ياخ هي والحاج بشغلوها لي اليوم كلوو ساي قالت لي ي زوله خلينا قاعدين كدة اسي وبتتسهل انشاءالله

وبالجد رامي فتح الكافيه واشتغلتهه معاهم في الكاشير انا ومعاي واحد صحبو اسمو كريم ومزن كنا الصباح بنمشي نداوم في الجامعهه الصباح والمساء بنجي نشتغل وبرجعنا البيت رامي نص الليل هديل كانت بتتصل على الدوام بتغول لي لسسه م خلصتي لسه صحبتك امها م جات بغول ليها لسه والله واحيانا بتصل بتطمن على حبوبهه وجدي وكدة بعد تلاتهه اسابيع من الحصل دة كنا نازلين امتحانات بعد طلعتهه من الامتحان انتظرتهه مزن بعد طلعت قعدتهه اتونس معاها قالت لي والله اليوم الامتحان زي الزفت قولته ليها بالعكس حلو ياخ قالت لي بالنسبهه ليك

قولته ليها عيوني واجعاني بجد قالت لي لكن عيونك معاها حق توجع م ممكن تقضيها سهرر في القرايه وفي كتابهه القصص في الفيس اسي امس انا لقيتك صاحيه للساعهه خمسهه صباحا قولته ليها كان عندي قصهه اازم اتمها لو م تميتها حأتردم قالت لي ياها محبوبي دي قولته ليها ايوة قالت اي لحدي الان كتبتي كم؟قولته ليها خمسهه هه قالت لي الله يديني خيالك وطوله بالك دي قولته ليها الساعهه كم قالت لي ساعهه يدي م شغالهه قولته ليها لابساها منظر سااي كدة اشوف ساعهه تلفوني طلعتهه تلفوني لقيت كميه من المكالمات من هديل

قولته ليها هديل دي متصله علي كتيرة كدة مالها ي ربي؟قالت لي تكون مالها؟قولته ليها انا زاتي والله م عارفه لو عارفهه م كان سألتك كدة اتصل عليها واشوفها اتصلته عليها المره الاولى م ردت المره التانيه ردت قولته ليها هدولهه كيفك؟قالت لي اهلين شهد تمام الحمدلله قولته ليها صوتك مالوومتغير كدة عندك اللتهاب ولا شنوو؟قالت لي لالا ي شهد وسكتت مسافهه قولته ليها طيب في شنوو مالك؟قالت لي جدي ي شهد جدي تعب فجأة كدة بس

طبعا اتخلعتهه قولته ليها جدي عثمان ليه مالو ومن متين؟ قالت لي والله ي شهد قالو الضغط حقو ارتفع شديد وعندو البواسير كمان اسي لينا تلاتهه يوم في المستشفى بس جدي تعبان قولته ليها لا حولاا تلاتهه يوم وم كلمتيني ليهووين انتو في اي مستشغى؟قالت لي نحن ففي مستشفى الزيتونهه قولته ليها طيب بجيكم اسي مزن قالت لي خيير؟قولته ليها جدي عثمانوقالو تعبان في مستشغى الزيتونهه بتعرفيها؟قالت لي اي بعرفها قولته ليها طيب ارح معي طلعنا مشينا لما وصلنا اتصلته على هديل قولته ليها وين انتو نحن بره واقفين

قالت لي جاياكم انتظرنا جات ساقتنا دخلنا المستشفى كان ملان اهلهم بصورة خياليهه سلمتهه على حبوبهه قولته ليها جدي مالو ي حبوبهه؟قالت لي والله ي بتي م عارفهه كان كويسس الصباح شرب الشاي والمساء برضو كان كويس المغرب كدة قال ماشي يجيب ليهو حجار بطاريهه لي بطاريتو ديك من البقالهه بس بعد جا راجع وقع قولته ليها سبحان الله والله ي حبوبه لكن انشاءالله خير هديل كانت بتبكي مزن ساقتها مشيت قولته ليها هديل اناي هبله م تبكي وتخلعي حبوبه ساي اسي تقع بي صدمهه سكري هي زاتها م بتستحمل مزن قالت ليها وبعدين جدك لسسه بتنفس البكى لزومو شنوو

طبعا مزن م بتصبر زول انا زاتي لما شوفته حاله جدي عثمان بجد قلبي وجعني ودموعي جرت وليد دة بس ماشي وجاي فجأة جاهو تلفون ردة قال ليهو جيت؟خلاص خليك مكانك جاي عليك بقينا واقفين شويه كدة هديل اسمعها ليك بتقول وائل اتلفتهه مخلوعهه طبعا هديل جرت مشت عليهو وانا دي قلبي بقى يضرب بصورة موبالغهه واااي ليه كدة انا م اتوقعتو حيجي م عايزة اشوفو انا

نتلاغى