الفصل السابع والعشرون

طبعا بقت في حالهه من الصمت كدة فظيع بالجد كلامها صدمنا كلنا يعني انا احتقرتها بجد وليد سكت مساااافهه وبعدها قال ليها قومي اللبسي تووبك سوورعهه ثانيه في بيتي م بخليك يلا قومي سورعهه م بقول ليك شي ولا بحاسبك بي شي يلا سورعهه قعدت تبكي ليهو وتقول ليهو عليك الله ي وليد م ترجعني بيتنا حلفتهه حامد اخوووي بقتلني الله يخليك م ترجعني والله يهديني والله تاني م بعمل كدة قال ليها افضل حامد اخوك يقتلك من اقتلك انا واوسخ يديني فيك قالت ليهو انت م كنت مقصر مني في شي لكن في نفس الوقت كنت كل الوقت بتسااافر وم عندك لي زمن

قال ليهو هسسس ولا كلمهه م اسمعها منك قبل م ارتكب فيك جريمهه هاك اللبسي توبك بقت تقول ليهو الله يهديني ي وليد والله تاني م بعمل كدة قال ليها انتي م بتفهمي يعني تتوقعي مني تاني انا اقعد معاك كدة؟عاادي؟والله لو عملته كدة الا م اطلع راجل جدجد خلي البتمارسي معاهو الرومانسيه دة ينفعك بس وفتح الباب وماسك التوب في يدو وجاريها مثاني قالت ليها حبوبه عليك الله اتكلمي معاهو والله الله يهديني ي حبوبهه مدثر اخوووي لو عرف بقتلني حبوبه قالت ليهو انتظر ي ولد قال ليها حبوبهه م تدخلي ولا عايز نقاش في الموضوع دة

طبعا وليد دة فااير ومتنفخ والله لمن ملامحو اتغيرت اثناء م جاريها وقعت في السلم ولا اشتغل بيها واصل لمن وصل باب الشارع لبست توبها وجراها ركبها العربيه ومشى بيها نحن في البيت حبوبه بس بقت تقول حسبي الله ونعم الوكيل حسبي الله ونعم الوكيل استغفر الله حبوبه دي عرقت وبقت ترجف زي المسكها هبووط كدة سوقتها وديتها غرفتها جيت عملته ليها محلول جلكوز اديتو ليها واديتها حبوبها دة كلوو وجدي كان نااايم م جايب للدنيا خبر وعمي خليل م عارفاهو مشى وين اليوم داك جينا قعدنا في الهول انا وهديل وزهرة شويه كدة جدي جا داخل

طبعا حبوبه مشت حكت ليهو اي شي هديل عايزة تتكلم قال ليها هسي الحصل حصل م دايرين شوشرة طبعا وليد م جا الا المساء لقانا كلنا قاعدبن وفي حالهه صموووت كدة عجيب جدي قال ليهو جيت؟قعد في الكرسي وختهه يديهو في وشو هديل جات قعدت ليهو في الارض ومسكتو من رجليهو وقعدت تبكي هو بقى يبكي وهديل تبكي طبعا بقت في حاله بتاعهه كئابهه كدة عجيبهه كولهم قعدو يبكو انا م قدرتهه امسك دموعي والله اليوم دة بكينا بكى تقريبا 20 دقيقه نحن ساكتين وبنبكي بعدها هديل قالت ليهو ولا يهمك ي وليد زاتها م شبهك ولا زولتك ولا تزعل نفسك عشانها

جدي قال ليهو دة قدرك كدة ي ولدي وليد قال ليهو طلقتها ي جدي ولو سمحتو تاني ماف زول يفتح الموضوع دة هنا في الييت ولو في زول سألكم اتطلقو ليه قولو ليهم قسمتهم انتهت بس م تجيبو سيرة الموضوع دة لي زول انا كلمته اهلها وقولته ليهم م بقول لي زول اي شي عن الموضوع لانو في النهايه هي كانت عرضي وم ببشع فيها جدي قال ليهو قسمه وانتهت الحمدلله على كل حال ي ولدي انت بس شد حيلك حبوبه قالت ليهو عين الغقل ي ولدي والله راجل وود رجال اليوم التاني وليد ساافر م عارفين سافر وين بس قال عندو شغل بس عشان معذور ماف زول بسألو

حكيت لي مزن في الجامعه قالت لي اصلا دة المفروص يحصل من زمان ي شهد التافهه دي كانت عامله موفتحهه وواقعهه ليها بس زعاته على وليد بجد م بستاهل قولته ليها والله بجد م بستاهل قاعدة بتونس معاها كدة جاني اتصال رديت قال لي الوو شهد كيفك رديت ليهو قولته ليهو اهلين بإستغراب كدة قال لي م عرفتيني عارفك معاك مهند صاحب وائل قولته ليهو اهلين مهند كيفك؟قال لي تمام الحمد للهه قولته ليهو الحمدلله

قال لي عايز اقو ليك انو بكره عايزين يستضيفونا في برنامج صباحات سودانيه في قناة سودانيه 24 لانو المعرض كان ماشاءالله عليهو وكمان كتابك طلع اكتر من روعهه وبقى مرغوب جدا قولته ليهو سنوو قال ليوعارفك مخلوعهه وانا كمان والله مخلوع جدا اتصل علي صحبي اسي هو شغال فيها وقال لي عايزين نستضيفكم انت الكتاب الكانت معاكم اعتزرته ليهو على وائل لانو مسافر وكدة عشان كدة حنمشي انا وانتي سكتته مساافهه ضحك قال لي ماف شي بخووف كلها كم كلمهه ورد غطاها الموهم ي زوله لي بعدين بتصل عليك ونتفق

بعد قفل قولته ليها مزن اتخيلي قالو عايزين يستضيفونا في برنامج في قناة اسمها سودانيه 24 قالت لي احلفي قولته ليها والله اسي كلمني مهند صاحب كابتن وائل قالت لي وااي ي سهد والله واشتهرتي حبغلبي فرحتهه ليك ي بختك، قولته ليها رووقي ي بت م ماشهه امشي وين؟قالت لي انتي هبله ولا متخلفه ي بت دي فرصهه عمرر و 1000 زول حيكون مستنيها وحاسدك عليها م تتعولقي بكفتك اسي قولته ليها مزن امس كانت حاصله مشكله طويله عريضه في البيت امشي اقول ليهم عندي لقاء في التلفزيون قالت لي دي مشكلتهم هم م مشكلتك انتي فهمتي ماف سبب بخليك م تمشي

قولته ليها ارح اطلعي ياخ الزمن اتأخر قالت لي م تتهربي من الموضوع قولته ليها طيب بفكر رجعتهه البيت م قدرته اكلم زول لانو البيت فيهو حالهه من الحزن والسكون كدة واي زول قافل على نفسو المساء حوالي الساعهه 10 كدة اتصل علي كابتن وائل قال لي مسا مسا قولته ليهو مساالنور قال لي مهند اتصل علي وحكى لي بالحاصل قولته ليهو ايوة بسس قال لي م بس ولا شي دي فرصهه م حتتعوض وبعدين ي شهد عايز اقول ليك حاجه م تخلي مشاكلنا الشخصيه تأثر على حياتك بغض النظر عن هي شنوو فهمتي قولته ليهو حاضر

قال لي طيب بكره انشاءالله حيجي مهند يسوقك حوالي الساعهه 8 كدة انشاءالله وموفقهه ي رب صوتو كان متغيير لانو موضوع مثاني شكلو مؤثر عليهو شديد بعد م قفل مني جاتني هديل داخلهوقالت لي شهود ي خاينه مالك م قولتي لي حيجيبوك في التلفزيون قولته ليها م حبيت اكلمكم بس والله لاني اساسا م كنت حابه امشي قالت لي م حابه امشي في عينك الموهم لازم تمشي ولبسك وتظبيطك علي بكره اللقاك صاحيه من اذان الصبح فهمتي قولته ليها ه تمام الصباح جهزتهه طبعا اول مره اشوف نفسي حلوة كدة والله هديل قالت لي لو م كان عندي جامعه كنت بمشي معاك والله

قولته ليها حرام عليك يعني م ماشه معي طلعته جدي وحبوبه قالو لي مووفقه ي رب جدي قال لي شكلك متجرسه قولته ليهو متجرسه شديد والله عمي عثمان قال لي اعملي حسابك م تتكبكبي قدام المذيع وتفضحينا هديل قالت ليهو والله شكلها حتفضحنا المفروض كان نعمل ليهل بروفات حبوبه قالت ليهم بري بتي هادئه ورزينهه قعدو يضحكو على بعدها مهند جا سلم عليهم وطلعنا

نتلاقى