الجزء 1

ابوي؛الله يكبركك للعرس .

نمتة نووووم م صحتني الا ريحة اللقيمات بتاعت امي نزلتا من السرير واثناء م انا ماشة في الحووش ابوي يناديني مشيت ليو لقيتو خاتي جنبو خرطوش بالله اداني علقهة عمري م انساها ..

قشقشتا دميعاتي ومشيت على الراكوبة قلتا لي امي اديني لقيمات بي شاي .

امي : ماشة ابيعهم انا طبعتك الزفت دي خليها م استحميتي واتسوكتي ماف لقيمات .

انا : ابييييييييت م بستحمى ارح حميني .

امي : الله يصبرني عليك ي هدييييل .. م تخليك زي ميثاق اختك هادية .

انا : ميثاق السووووووواطة .. ودايرة تنيشني بسفنجة جريت ، جات جارية وراي وانا جنب باب الشارع .

امي : اياكك تطلعي .

انا بكاوي فيها اخت رجلي برة وادخلها جات مرة جيرانا قبضتني من رجلي بقت سايقاني راسي تحت و هي ماسكاني من رجلي .

انا : كلتووووم فكيني .

كلتوم : يكلتم وشك اسمي خالتو كلتوم دقيتي البلولة مش ي جيدة بتك دي نجضت البلولة نجاض بسوط النيم بكرة البلولة المابية ده تبوري تشاغلي .

انا : هييييي شن جاب لي جاب انا اعرس البلولة .

كلتوم : تبولي في هدومك البلولة مالو .

انا : بليييييد .

كتلوم : انتي امتحنتي جبتي 190 وبتتفاصحي .

انا : هييييي مهندسة .

كلتوم : منو دي والله انتي اخرك تسوي قراصة للبلولة .

انا : كدي نزليني ونتفاهم .

نزلتني اتنفضتااا تمام وقلتة ليها قلتي شنو البلولة مستقبلي .

كلتوم عاينت لي كداااااا من تحت لي فوق وقالت لي زاتك خنبانة و وسخانة م دايراك لولدي .

انا : اوووووومي ارح حميني .

كلتوم : كبييييرة و عويرة لسة بحمموك بوري البلولة .

انا طوالي عيوني رغرقو وقعدتا في الواطة وفتحتا الاسبيكر بتاعي وكلهم غطووو اضنيهم .

حاج موسى } جارنا بالحيطة :{ بالله ي جيدة سكتي الزووولة دي .

كلتوم : موسى كيييف اصبحتا .

موسى : الحمد لله وانتي اخبارك ..

كلتوم : الحمد لله ارفع ليك لقيمات .

طوالي انا هنا صريت وشي ونفختا كضووومي وجريت بوزي .

انا : مااااام امشي ادي لقيمات من بيتكم .

موسى : غاااايتو بكاية وحمارة و جعانة .

انا؛ي عمي موسى انت زاتكك سغيل م بترفع راسك الا زمن اللقيمات .

كلتوم : الليلة بوري ليكك ابوك .

انا : هسي دقاني .🌚

موسى : اصلكك حمارة .🌚

كلتووم فاتت تتكرم بالقيماات حقتنا و ملت ليو صحن استيل كبير ورفعتو ليو .

انا : كلتوووم اديني .

كلتوم : قلتا ليك اسمي خالتو وما بديك .

موسى : اديهااا يقوم يجيني وجع بطن 😹😹

مدت لي الصحن مديت يدي اليمين شلتة خمسة لقيمات و دايرة ادخل يدي الشمال قرصتنيي قرصة حاارة .

خ كلتووم : اصلك م مطبعة لو مشيتي مناسبة بتفضحينا فضاايح .

انا : البلولة وين؟ !

خ كلتووم : اها جارية وراو قطعتي سفنجاتكك .

انا : هييي وحات الله انا هدييييل دي اجيب سيد سيدو ..

ناشتني بالسفنجة وقالت لي البلولة م عندو سيد وانتي ي متعجرفة اتكلمي بعمرك احسن .🌚🌚

انا : وانا مالي هسي .

خ كلتووم : عاملة زي البت العشرينية ..

انا : م علينا ... اووووووومي .

امي : اقفلي حلقومك ده وارح قدامي ... شالتني حمتني و لبستني و ريحتني .

ابوي : هسي بتطلع الشارع بتجيك زي حمار الخلا .😹😹

انا : ابوووي اختاني .

ابوي : خلي عندك اسلوب ي بهيمة .

انا : سمح .

امي : عارفة نفسك بهيمة .

قعدنا نشرب الشاي باللقيمات 🌚 شي فظييييع } م زي ناس البسكوت { شفطا كبايتي ختيتا .

انا : دايرة تاني .🌚

امي : هدييل حركاتك دي م حتخليها بعد كده بقيتي ماشة الثانوي .

انا : ودخل الثانوي في شاي اللبن شنو؟ ! دايرة تاني .🌚

امي : مااااف هسي شاربة كباية كبيرة .😒😒

ميثاق : اشواق اطبعي .😒

ابوي : ادووها لسة صغيرة .

ميثاق : ابوي انت خربتها صغيرة صغيرة .🌚

امي : اريتووو كان بظهر لو البلولة شاف بتاكلي قدر شنو م بعرسك

ابوي : انا زاتي البلولة م عندي لي بت 😹

امي : مش البت اولى بيها ود عمها ... ابوي : اي م قلنا شي .

امي : هم بناتك م عندهم اولاد عم غير البلولة قدر الدحشة دي .

انا : اميييي دايرة تاني .🌚

طبعاااا امي شمتني حد الانصهار 😹😹 من يومي قليلة ادب وما عندي طبع .

امي : الليلة كان تتوحمي ماف همك كرشك دي وشالت السيرمس وصحن اللقيمات وفاتت بيهم ... خلتني مكسوورة الجناح 💔💔 وانا شاربة كباية كبيرة و ماكلة عشرين قطعة 😹}😹😹 قولو ما شاء الله ..{ جرييت وراهاا .

ابوي 😹😹: هديييل دي ما عندها كرامة .

ميثاق؛اصلهااا ... طبعا ميثاق دي عكسي تماما رايقة و الغلط بالنسبة ليهاا غلط يعني اي شي بسوي انا هي م بتسوي ... ميثاق اختي مخطوبة لواحد من القرية الجنبنة لكن مغترب في السعودي وعرسها م اتحدد عشان كده عاملة رايقة خطيبها اسمو محمد ... بتكلمو مع بعض و متواصلين لكن م حصل مرة حاولتا ادخل في نصهم حتى خطوبتها م فتحتاا خشمي بقولو علي شافعة 🌚🌚 لسة وانا اصلا م لي علاقة بمواضيع الناس الكبار لي اشغالي .😌😌

بعد تحااااانيس للحاجة رضت تديني خمسة لقيمات شلتهم وكبيت لي كباية لبن وشربتو ... بعد كده طلعتا نمتا علي الغداء لكن HN.....🌚

شباب ، شابات ، امهات ، اباء سناجل ، مرتبطين ..

كتبتا

الرواية دي عشان اوريكم كلمة } بحبك { دي كلمة رفيعة اوريكم معناها شنووو ..

هديل نبيل تخبركم بأن هنالك عاصفة عشقية في الاجواء .