الجزء 2

فتحت المدرسة و دخلنا الثانوي وكلكم عارفين الثانوي شنو ... مرحلة جديدة و مرحلة نمو بقينا مراهقين وكده

..

يالله زي ما انتو عارفين طبيعتي واحتكاكي بالاولاد سوا كان بقربوني او لا ، وخلينا ناس فاهمين الاختلاط ده حاااااصل في المواصلات في السوق في الشارع في اي مكان فاشنو ماف زول بقدر يمنع الاختلاط وزي وزي اي مراهقة طبيعية جواي الميل الفطري لمن دخلت تانية ثانوي يادوب حبيت عمري كان 15 سنة ، في واحد كده اكبر مني اسمو " وليد " يالله وليد ده انا بميل ليو شديد عاجبني بي كلو من طولو لي لونو لي اسلوبو وهو اصلا ما مقيم هنا بس نزل فترة مؤقتة بس بلمحو وانا ماشة وهو زاتو بالمحني وعلى حسب خبرتي على المدى الطويل انا زاتي عاجباو مع انو فايتني بمراحل الا وانو كحيان نوع الناس البتعايني ليهم ما بتفرزي عمرهم الحقيقي ..

ولد طووويل } الطول عز { اصفراني } منقة بس { شعرو ناعم } احي انا { عندو تفاحة } واااي من جوااي { عيونو نعسانة } يا ربي ده حقنا؟ {! صوتو مبحوح } اللهم الثبات { مشيتو واثقة } وووب كراشي وسبب انبراشي .{

} ده كان فاصل انبراشي بعمل كده لمن اشوفو هييي خلونا في المهم .. قلة ادب ..{

اتعلم كم انا معجبة بك؟؟ لقد قال احد العاشقين ان اقوى انواع الانجذاب هو الانجذاب البصري لقد ملئت قلبي قبل عيني وعندما وقعت في ناظري اعتزلت النظر لسواك .

ياخ انا بقعد بعاين ليو بس ومن النوع لو عيني وقعت في عينك ماااااا بكسرا نهائي بعااين ليك لمن انت تنزل عينك قالو شوف العين ما قتل غزال بعاين ..

المهم في حدود فيصلية والمشكلة انو معذبة من جواااي شديد لمن اشوفو في نطاق وقوف مع بت او حتى مبتسم ليها ياخ بزعل زعل حد الانصهااار لحدي ما بقت مراقبتو بالنسبة لي هواية ...

شهران فقط كانا كفيلين بزرعك بداخلي او انني تجرعتك نظرا كنت دائما عند ناظري احببتك قبل ان اتحدث معك طالما كانت رؤيتك و مراقبتك تسعدني حتى ان غيابك يحزنني و يعكر صفوي ، اتعلم لقد تعلمت " الحكمة " ، قال وامر جل وعلا في كتابه الكريم " غض البصر " لو انني قضتت بصري كما امرت ان افعل لما وقعت فيك عشقا شغفا لما حببت في نفسي ابتسامتك المشرقة و نظرتك العابرة من خلف نظارتك الشمسية تلك لما غرقت في مشيتك المسرعة لما احببت خاتمي الفضة التي ترتديهما دائما لما احببت اللون الازرق الداكن فيك تبدو جذابا فية اكثر من اي لون اخر دائما حببت الازرق الى نفسي و عندما ارتديتة احببتة اكثر يومها غرقت بك ولها و ولعا وشغفا .

قررتا انو انا ابادر بالعلاقة دي واعترف بمشاعري لانو بموووت كل يوم اكتر من اليوم القبلو ،، انتو عارفين احساس تجيك الرغبة في اقتحام شخص؟ ! شخص تعشق كل تفاصيلو بدون ما يحس؟ ! شخص تكون منو وفيو؟ ! قلت ي هديل اكيد ما حتقعدي تعايني ليو كده كان عندنا يوم ثقافي و فعاليات ومواهب في المدرسة هو جا يحضرو معنا ،، استغليت الزحمة دي و رسلتا ليو مسج صغنن ومن هنا بدت شرارة كتبت فيو " انا التي كنت اعاب من الحب ونسيت ان من عاب ابتلى ونويتك بيني وبين نفسي ولكل امرىء ما نوى ..

اديتا لي اخو صديقتي صغير فات وداها ليو شال هو الورقة كان لابس تيشيرت ازرق قاتم وبنطلون ازرق نفس الدرجة كان نفسياااات نفسيات .. طبعا لمن انت تكون مهتم بزول بينك وبين نفسك بتتعلق بيووو شديد انا متعلقة بيو لدرجة انو قلت لي صديقتي انا وليد ده دايرة باوراق ملكية اقول لي امو امضي لي هنا ماف زول اكون عندو احقية فيو غيري شي كده خراااافي ريدة من جوووة القلب ..

شال الورقة فتحا قراها وطبقا دخلا بدون ما يكون في تعابير في وشو خفتا يسأل الشافع وبطبيعة الشفع حيوصفو ليو طوالي الكويس انو ما بعرف ينطق اسمي قمت اختفيت من الانظار برغم من انو ما ابدا اي تفاااعل الا واني كنت مبسووووطة شديد وبقدر ما كنت مبسووطة كنت خايفة من ردة فعلوا نفرض انو رفضني؟ ! بقدر ما جواي مشاعر الا وانو عندي كبرياء واصل السماء حتت انو يرفضني دي بمجرد فكرة او احتمال ما قدرتا اتقبلها وطبعا بت تبادر بمشاعرها عندنا عيب عديل مع انو عادي ما ممكن اكون عندي مشاعر لي زول اموت بيها والله ما اموت اعترف لو رفضني على الاقل اكون حاولتا،،كدي حسبوها كونو تبادري انت البت بمشاعر غلط؟ ! يعني تقعدي تعايني ليو شفو تحت كاتبة ليكم شنو ..

اتعلم طالما تمنيت ان اذهب الى والداتك و اخبرها بأنني اريدك لي وحدي لا هي ولا والدك يملكون حقا فيك انا فقط من املك فيك كل الحقوق احبك بأنانية طالما تراود هذة الفكرة ذهني و تستقر فيه بل هي متوطنة فية اريدك بشدة .

و يظل يعقني مجتمع مكبل بافكار حدودية و نفس ابية و صعوبة البوح ، لما على الفتيات منا ان تكتم مشاعرها ان تعطي ولا تنتظر ان يثمر عطأها هذا .. HN

اي مزة تجيني كاتحة بي جاي واي بت اسمها #هديل 💓🙈 تحية