الجزء 3

كلما تذكرت فعلتي تلك فاضت احاسيس الانبساط و شعت ابتسامة مشرقة على الاقل افضل ان اكون عشقيتك السرية بدلا من ان اراك وانا لا افعل شيئا .. ما دفعني لفعل ذالك هو الالم نعم انا اتألم من مراقبتك بينما انت لا تراني اتألم وحدي بقلب اختارك لينبض دون ان يكون لي سلطة علية لما علي ان اتألم اذا اختارك قلبي ونفسي الا يحق لي ان اسعد قليلا؟ ! بوجودك بقربي؟ !

كنت مبسووووطة شديد على الاقل ما قعدتا اعاين خطيط خطوة تجاهو على الاقل هو حيفكر دي منو العملت كده دي؟ ! على الاقل انو حاشغل تفكيرو ..

جاتني فكرة مجنووونة تانية اتواصل معاو هو بعرفني هديل بت جيده لكن ما عندو معاي اي اتنين تلاتة كيفك تمام ،، امورك؟ ! بسط ،، سلمي على خالتو بس ياهو الحال والمحال ..

سرقتا الرقم من عمر " البلولة " من تلفونو بقيت مترددة اتصل ولا لا فعلا اتصلت معاي لوفة صحبتي شديد رد لي .. رقم اريبا كان ...

وليد : الو الو

انا :

قفلت الخط ..

التلفون دق وكان رقم زين

انا : الوو

وليد : الو .

انا : منو معاي؟ !

وليد : انت المنو انت المتصلة .

انا : وليد؟ !

وليد : اي وليد

انا : معاك رغد .

وليد : اتفضلي .

انا : اممممم اسفة حاليا انا في جوطة بعد ارجع بتصل ليك .

وليد : تمام في انتظارك .

قفلتا الخط وانا نفسي كاتم وقااايم وخايفة متوترة و جسمي ناشل موية لحقتني لوفة بكوباية موية شربتا وانا حاااااااموت ما مصدقة زاتو انا اتكلمت مع وليد؟ ! واااي من رزانة و هداووة الصووت ولا كذبتا سجلتا الرقم ...♡watini♡ الكلام ده كان الساعة 6:36 صادف اليوم ده المولد النبوي الشريف ..

صادف اول يوم تحدثنا فية الى بعضنا يوما مباركا مقدسا يومها فقط غرقت بدوامة كلماتك قبل ان تقول شيئا غرقت بشجن صوتك بهدوءه كهدوء طبعك الذي اجتزبني اليك ،، ليلتها كان صوتك جميلا رنان اكثر بحة ربما تعرضت انت لبرد قارص مما اثر فيه ، منذ ان غرقت بك انا اصبحت احفظ كل ما يخصك ، اول مرة اتصلت انا بك كانت في الساعة السادسة والسادسة والثلاثون دقيقة عندما اغلقت الهاتف بوجهك فعاوت الاتصال بي برقم مختلف في نفس اللحظة بدون انتباه منك امتلكت رقم بطاقتك الهاتفية الثاني و استمرت اول مكالمة عشقية سبع ثواني لا غير في التاسع من شهر فبراير ..

بعد تردد دام فترة طويلة قررتا احكي لصحبتي اسمها توسل ، توسل دي عمرا اكبر مني بستة سنه وهي فردتي ومن دووون الناس برتاح ليها قلت ي هديل لازم توري توسل شرحتا ليها قالت لي : كلام الناس ارمي ورا ظهرك تمام حاجة ي هديل بتحبيها وانت راغبة فيها ما تحرمي نفسك منها العيب شنو انك تبوحي بمشاعرك انت بنوتة لسة صغنونة يادوب عمرك 15 سنة وده اول حب ليك على العموم معاك لحد راس السنة حنكتي الولد حنكتي ما حنكتي بمش ليو انا .

انا : تمشي لي منو؟ !

توسل : ولييييد .

انا : منو؟؟

توسل : دووودي .

انا : دودي في عينك انا بحكي ليك تجي تمرضيني تمشي تقولي ليو شنو؟ !

توسل : انا ما بعرفو بلبس توبي بمش لي الاولاد في الميدان او المحلات البقعدو فيها كوشك كوشك كوشك اول ما يوصفو لي بمش ليو كوشك كوشك كوشك بقول ليو : انت وليد؟ ! بقول لي : اي بقول ليو عندي معاك موضوع،،اعدل توبي واقول ليو اسمعني هديل دي بت صغيرة لسة وهي بتريدك وميتة فيك موت لمن مضبلنة عليك الله انت عندك ليها حاجة؟ ! لو عندك وريها بعدين البت دي صغيرة ما تعذبها لو ما عندك خلينا نحاول ننسيك ليها ..

انا لمن قالت لي كده قربتا انجلط واااي وتوسل مجنونة اتوقع منها اي حاجة اودي وشي وين بحنس فيها ساعة تشيل الفكرة من راسها ابت .. خوفتني واااي احنكو كيف لي راس السنة سجمي ما بتحنك .

خشيت الاوضة لقيت ميثاق نااايمة شلت التلفون كانت الساعة 9:38 دقيقة اتصلت ليوو ..

انا : اهلا ..

وليد : اهلين .

انا : كيفك؟ !

وليد : بخير الحمد لله وانت كيف؟ !

انا : بخير نحمدو .

وليد : ما قلتي لي بتعرفيني من وين؟ !

انا : بعرفك بس بعرف عنك اااي حاجة .

وليد : زي؟ !

انا : زي انك بتحب الرياضات زي كرة القدم والسلة والبلياردو .

وليد : وبتعرفي من وين؟ !

انا : بس بعرف .

وليد : امممم عندي صحبي اسمو ايمن .

انا : مالو؟ !

وليد : قال في بت شالت رقمي منو ..

انا : ايواااة اصبر ياخ معناها البت الشالت رقمك من ايمن لسة ما اتصلت ليك اصبر شوية او بتكون لقت الخط مشغول .

طبعا ضحك ضحك قرب ينفقع واااااي من ضحكتوو .

وليد : يعني ما انت؟ !

انا : وانا عويرة اشيل رقمك من صحبك .

وليد : طيب هسي انت عايزة شنو؟ !

انا : طلب بسيط .

وليد : اتفضلي .

انا : عاوزة نكون اصحاب لا اكتر ولا اقل .

وليد : لو انا رفضتا؟ !

انا : عادي بكون على الاقل حاولت .

وليد : امممم .

انا : ما قلت لي رايك شنو في المسج .

وليد : رسلتي انتي؟ !

انا : ومنو غيري !!

وليد : انت عارفة لخبطي راسي .

انا : لا تتلخبط ولا حاجة .

وليد : عليك الله ما تدخليني في صراع بين قلبي و عقلي .

انا : كيف؟ !

وليد : يعني انا هسي متحير قلبي بقول لي حتندم وعقلي بقول لي مالو ما حتخسر حاجة .

انا : وانت حتسمع كلام ياتو؟ !

وليد : متحير ما عارف والل

ه .. نفرض سمعتا قلبي .. حتعملي شنو؟ !

انا ولا شي .. مش هسي انا بتكلم معاك؟ HN..!