الجزء 18
حسن قال لي امو انو لازم يودي مودة أهلها عايزة تمشي تزورهم و غير كدا عمار اخوهو وصاهو على اختو انو يفتح ليها حساب في بنك فرع في البلد عشان ينزلو ليها كل استحقاقاتها ولازم تجي تزور امها و كدا ......❤ حسن و مودة و أولادهم ركبو كلهم في العربية و مشو البلد ......👸 مودة كانت جايبة لي أخواتها و أهلها هدايا......🎁 لما وصلو البلد كل الاولاد الصغار بقو جارين ورا العربية ......😇 استقبلوهم أهلهم بالفرح و البشاشة .....😇
_ حسن قال لي مودة انا بسلم على أهلك و طوالي بطلع بمشي لي فاطمة اختي عشان اهلك اصلا مما عرستك ما بدوروني ......😢
_ مودة قدر ما حنستو رفض ......
نزلها و نزل أولادها و الحاجات الشايلاهم و سلم على أهلها و حس انو سلامهم ما زي اول مختلف تماما و ضحك على سخرية الايام ......😑 الخلت نسابتو يحبوهو أو يحبو قروشو بمعنى أصح .....😰 برضو أصر يمشي يفطر مع اختو .....😑
_ مودة سلمت على أخواتها و ادتهم الهدايا هم و أولادهم......🎁
_ جات اختها الصغيرة قالت ليها ...... مودة ممكن تظبطيني مع عمار اخو حسن راجلك؟؟ .......😀
_ مودة ما عرفت تقول ليها شنو لأنها عارفة تفكير اختها المادي و في نفس الوقت عارفة عمار شنو لانو بقى زي اخوها .....😢 والله يا مروة داك ليهو عمار امشي ليهو......😔
_ دا شنو يا مودة؟؟ يعني عشان راجلك بقى زول عندو القروش ما عايزاني ابقى زيك مش؟؟ حاسدة جنس حسادة .....😡
_ مودة عاينت ليها في عيونها قالت ليها مش دا آخو حسن المسختي لي عرسي منو زمان؟؟ 💔 مش دا ياهو زاتو اخو حسن القلتي لي عنو عولاق و عرستو عرس الرخصة و بكيتيني دم؟؟ 😰 دا ليهو عمار انا ما مانعاك منو امشي حبيهو و اجذبيهو بي معرفتك ......😒
_ يعني فيها شنو لو ساعدتيني شوية؟؟عشان اطلع من البلد المقرفة دي و امشي الخرطوم 😪 ولا انتي بس عايزة براااك تعيشي مع حسن في العز 😒 و بعدين كوني زمان قلت كدا ما كنت قايلة انهم عندهم ورثة حتجيهم و يا ستي الزمن دا القروش هي كل شيء ......😚
_ اسمعيني يا مروة لو عندك قسمة مع عمار بتاخديها جوة عين اي زول ......😒
_ وقفت مروة و هي بتقول ليها اصلا و مشت ......😡
حسن مشي لي اختو و قعد معاها اليومين القعدوهم في البلد ..... اسمعني يا حسن انا حاسة انو محمد راجلي دا متحسس شوية .....😑
_ متحسس من شنو يعني؟؟ ما فهمتك؟؟ 😶
_ كونو انا بقى عندي ورثة و قروش و هو يعني انت عارف شغلو .....😓
_ ياستي ما تشيلي هم الخير حيعمو معانا .....😌
_ لالا ما دي هي المشكلة انا ما عندي مانع اعمل ليهو مشروع بقروشي لمن انت عارف نسيبك دا صعب ' ما بقبل يشيل مني حاجة .....😫
يا سلام ياخ والله انا كل يوم ثقتي فيهو بتكبر و اصلا ظني ماخاب فيهو لما اديتك ليهو لكن ما تخافي انا بتصرف .....😌
طلع حسن برة و اتكلم مع محمد راجل فاطمة اختو .....
_ والله يا محمد انت عارف انا عندي مشروع هنا في البلد دي بس بعيد شوية و عايزك تمسكو لي .....
_ مشروع شنو انا رقبتي سدادة 😓
_ عارفك والله يا الحبيب ما بتقصر ..... عندنا أرض هنا في المدينة الكنا ساكنين فيها اول ديك ..... انا عايز اشتريها مهما كلف الأمر و ابدا ازرعها .....😪
_ ههههه غريبة انتو قالو عندكم شركة في الخرطوم تسوي بيها شنو الأرض؟؟ ولا بس عايز تساعدني و خلاص انا مساعدة ما بقبلها و اختك قروشها هي حرة فيها تسويها دهب تسويها بيت بس لو عايزة تعيش معاي في ظروفي دي ....😔
_ لالا يا محمد يا اخوي معقول يعني اجيب لي زول غيرك يشتغل لي الشغل دا؟؟ و بعدين انا الأرض دي عندي فيها رأي لأنها اول أرض ابوي الله يرحمو يشتريها و الله فتحها علينا بيها ....😐 و انت لو وافقت الله يفتحها عليك كمان ..... محمد وافق بعد تحانيس من حسن ..... بعدها رسل لي عمار يحول ليهو القروش و المبلغ العايزو عشان يشتري الأرض ...... بعد شرح ليهو فهمو فعلا دفع لي صاحب الأرض ضعف تمنها و أدى محمد سيولة عشان يمشي بيها الشغل و كمان أداهو مرتب شهرين مقدم ..... قال ليهو دا عشان انا يمكن اتأخر و ما اجي البلد بي سرعة ...... بعدها ساق مرتو و أولادو و رجع الخرطوم ......
****
_ في الجانب التاني ماريا اتصلت على طلب و قالت ليهو عايزاك في موضوع مهم ......☺
_ اتفضلي أن شاء الله خير ......☺
_ انا عيانة .....😢
_ طلب دا قعد يضحك شوية و قال ليها ......😂 وانا عايزك برضو .....😀
_ طيب انت عارف اني مريضة؟؟ .......😡
_ ايوة عارف و ابوك حكي لي و انا ما عندي اي مانع تمام؟؟ ......☺
سكتت مسافة في التلفون ......
_ اها تاني في حاجة عايزة تعترفي لي بيها قبل الزواج؟؟......😀
_ حاجة شنو يعني ماف حاجة ......😒
_ مرتكبة ليك جريمة بي جاي ولا بي جاي ......😂
_ ماريا عضت اصبعها عشان ما تضحك و هي متغايظة 😂......😒
اتشجعت انها تسألو ...... انت ليه ما قلت لي؟؟ ......
_ اقول ليك شنو؟ ......😳
_ ما طرحت لي فكرة انك جاي تطلب يدي؟؟ .....😳
_ والله انا زاتي ما كنت خاتي في راسي فكرة زي دي قبل ما ادخل لي ابوك ......😁
_ طيب وافرض اني ما موافقة يعني بالقوة؟؟ ......😡
_ طبعا طلب اتضايق من نبرة صوتها و قال ليها ......😦
_ اسمعي يابت الناس انتي لو ما موافقة قولي لي عشان انا اقفل الموضوع دا من هسي و انا ما الراجل البجبر مرآة تتزوجو و لا الشخص البفرض نفسو على زول فهمتيني؟؟ 😰 و انا لما طرحت الفكرة لي ابوك كنت فاكر انك بتبادليني نفس الشعور و لو إعجاب ساكت و ابوك بلغني انو موافق و انك موافقة .......😰
_ بس انت ضغط عليهو .....😡
_ ابدا انا طرحت ليهو الفكرة فقط إذا شاء اخد بيها و إذا شاء رفضها ......😔 انتي يعني ما موافقة؟؟ ......🤔
_ ماريا سكتت ساااي ......
_ قال ليها فهميني؟؟ ......😦
_ لالا موافقة ما قلت اني ما موافقة ......😪
_ طيب الحمد لله ......☺
ماريا كلامو معاها عشان كان قوي كانت ما قادرة تقول اي حاجة ...... و حسسها بالأمان كونو ما جابرها و هي حرة في كونها عايزة تفركش تفركش ......😥
_ طيب ممكن سؤال؟؟ .....☺
_ اتفضلي الليلة شكلو امتحان ما قبل العرس ......😁
_ ماريا ابتسمت براها و قالت ليهو ...... انت الخلاك تفتكر انو انا ببادلك نفس الشعور أو معجبة بيك شنو؟؟ ......☺
_ ههههههه لانو يوم جينا عرس اختك كنتي كل ما تعايني لي تضحكي ......😂
_ ماريا في اللحظة دي ما قدرت تمسك الضحكة و انفقعت......😂
_ مالك؟؟ كلامي غلط؟؟ .......😀
_ لالا ما غلط لكن دا ما بالضرورة معناها انا معجبة بيك ممكن عشان انت بتضحكني و بس ......😂
_ ايوااا افهم من كلامك انك ما معجبة .....😀
_ ابدا ......💔
_ ولا حببببببة؟؟ ......😀
_ و لا حبة ......💔
_ طيب معناها مهمتي حتكون صعبة ......😀
_ كيف يعني ما فهمتك ......
_ عشان اخليك تعجبي بي و تحبيبني ......😊
ماريا اندهشت من كلامو .....😵 معقول دا كلو ما زعلو؟؟😦 ..... معقول حيجتهد عشان يخليها تحبو؟؟ ......😐
_ قالت ليهو نشوف ......😒
_ تمام .....
_ طيب تصبح على خير ....
._ و انت من اهل الخير .....
****
رغم كلام طلب مع ماريا كان عادي جدا بس كان مبسوط جدا ......❤ اما ماريا كانت المكالمة دي كافية انو تخليها تعجب بي طلب بس كانت بتحاول تبعد المشاعر المسيطرة عليها ......💔
****
و في يوم باب بيتهم دق و جو داخلين نفرين ظاهر من ملابسهم و ملامحهم ما غريبين عليهم ..... سلمو عليهم حسن و طلب وعمار وفضلوهم .....😊
امهم جات قالت ليهم ديل منو .....🤔 مرقت سلمت عليهم و دموعها طوالي جرت .....😭
- عمار و حسن و طلب اتخلعو في شنو يا حاجة؟؟ ديل منو .....😨
- انتو منو؟؟ ما تفهمونا؟؟ ......😕
- واحد قال ليهم انا عبدالله المسعودي و دا اخوي احمد المسعودي اعمامكم ......😳
- عمار ضحك هههههههه اعمام منو؟؟ اعمامنا نحن؟؟......😂
- حسن قال ليهم نحن من الله ما خلقنا ما عندنا اعمام ابونا اتوفى الله يرحمو و امي ربتنا ما حصل شفنا لينا زول اسمو عمنا 🤣 ......
- طلب دا بس مربع يديهو و ساكت ساي .....😐
- يعني يا اولاد نحن لو ما سألنا منكم انتو ما تجو تسالو من اعمامكم و من أهلكم نحن الكبار انتو الصغار .....😎
- عمار انفعل قال ليهم ......😡 نسأل نحن منكم انتو؟؟ ليه؟؟ 😡 نحن ياخ يتامى ياخ ربينا كيف عارفننا؟؟ 😠 أكلنا شنو شربنا شنو؟؟ ......😡
- حسن قال ليهم سمعتو في البلد انو اولاد طلب ورثو مش؟؟ 😢 جيتو تفتشو علينا ......😦
- يا ولد ما تقل أدبك نحن جينا محنة نعرفكم و تعرفونا ما جاين عشان حاجة تانية ......😡
- عمار دا بقى هايج و كل ما يشوف امو تبكي ينفعل اكتر ......😧 محنة؟؟ ما كنا جنبكم الفرق بينا مدينة بس ياتو يوم جيتو؟؟ وقت كنا فعلا محتاجين محنتكم مالكم ما جيتو؟؟ 😢 قومو فوق اطلعوا برة .....😭 بررررررة .......
- طلب و حسن بقو يهدو فيهو لا يا عمار براحة ياخ ما كدا ......😫
- لا كدا و ستين كدا ......😤
- ديل في الاخر اعمامك ......😐
- ما اعمامي ديل ناس غربا ما بنعرفهم انت حصل شفتهم يا طلب؟؟ 😢 حصل شفتهم؟؟ 😡 هو ما عارفين انت منو زاتو لانو ما حضروك .....😩
- اعمامهم طوالي قامو على حيلهم و طلعو .....
- مريم دي جات على عمار بقت تهدي فيهو و عمار مما شاف امو حضنها و بقى يبكي معاها ......😫 كلهم دموعهم جرت لما لقو امهم بتكبي .... الا بدسو دموعهم و كل زول بحرص انو التاني مايشوف دمعتو 😥 ... كانو ببكو موت ابوهم اول مرة .....
- خلاص يا ولد خلاص العملتو دا ما صاح فعلا ديل اعمامك وحتى لو محتاجين مالو؟؟ 😔 نحن نكون احسن منهم .....😔 وبعدين دي صلة رحم انت ما عارف صلة الرحم يعني شنو؟؟ 😢 حاجة ما هينة .....😩
- يا أمي ما قادر اسامحهم ما قادر ياخ انا كان ما عمر الحساني دا ادانا حقنا والله كنت دخلت فيهو السجن كان عملت فيهو عملية بس الحمد لله جات منو ......😡😰
***
بعدها بدو يجهزو للعرس و ماريا كلمت دنيا و حكت ليها كل القصة ..... دنيا دي بقت حاسة بي غيرة كدا ما عارفة سببها شنو ......😧
قالت ليها فجأة كدا؟؟ بدون ما تكلميني؟؟ ......😡
_ والله انا كنت فاكرة الموضوع دا حيكون هظار ما كنت فاكراهو حيكون بالجد ......😑
_ ايوااا مبروك يا ستي ربنا يتمم ليك على كل خير ......😒
_ الله يبارك فيك .....😍 اها وانتي و سنهوري عاملين كيف؟؟ .....😊
_ تمام والله الحمد لله مبسوطين ......😌
_ الله يديم عليكم البسط يارب ......☺
_ اللهم امين ......
_ قفلت دنيا من ماريا ونفسها قائم و متضايقة ......😧 معقول طلب السنين دي كلها انا قدامو ما حصل عاين لي ساي يجي يطلب ماريا بالسهولة دي؟؟ ......😡 انتي ذاتك غبية يا دنيا ما عارفة خساسة و مكر الصحبات؟؟ عاملة فيها بتساعد فيني عشان هي تقرب منو ......😢 و انا زي الهبلة اناديها في كل مناسبات الدفعة ......😣 احييييييي انا كنت غبية بشكل ......😫
**** ،
يوم العرس ماريا لبست زفافها و قعدت تبكي مع امها و اختها .....😭
- امها قالت ليها يا ماريا ما تبكي و انا لو ما اتاكدت انو طلب دا زول كويس ما يوافق والله على جثتي تتزوجيهو بس انا واثقة تماما انو حيسعدك ......😍
- انا خايفة يا ماما ما بعرف خايفة من شنو بالضبط......😫
- مايسة قالت ليها يابت عادي اساسا بتجي الخوفة دي......😎
- رحمة قالت لي مايسة امشي يا مايسة شوفي الضيوف و اقيفي مع الناس الشغالين .......😚
- حاضر يا أمي وطلعت مايسة .....
- رحمة قالت لي ماريا ...... يا ماريا بس عايزة أوصيك على زوجك اوع تعصيهو و لو قال ليك اي كلام تعملي زي ما بقول ليك بس اللهم الا حاجة حرام شرعا و انتي عارفة انها حرام ..... و انتي ما صغيرة يا ماريا ماشاء الله بتقري الطب يعني فاهمة كل شيء .....🙂 ماريا بس ساكتة ساي و مدنقرة ......😥 انا عارفة يا بتي الموضوع صعب بس انا واثقة من طلب ......🙂
- ماريا عاينت لي امها قالت ليها نفسي افهم الثقة دي جاتك من وين في شخص ما بنعرفو كويس اساسا .......🙄
- لالا طلب باين عليهو زول فاهم وواعي و بعدين انا قعدت معاهو و اتكلمنا كتير و انا وثقت فيهو ......😍
- طيب يا أمي حاضر .......😔
***
- دنيا جات سلمت و قالت لي ماريا مبروك يابت ربنا يتمم ليك على خير ......
- ماريا سلمت عليها وقعدتها جنبها ....☺
- رحمة قالت ليهم يلا انا بمشي اشوف الحاصل و استقبل الضيوف عن اذنكم ......😘
- قالو ليها اتفضلي بي صوت واحد .......
- اها اخبارك شنو ماشاء الله طالعة زي العسل ......😘
- تسلمي يا دنيا ......😚
- دنيا قالت ليها دي شنو المفاجآت دي؟؟ غريبة طلب؟؟......😳
- اسكتي بس يا دنيا و الله انا ما موافقة بعد ضغط من ابوي حتى وافقت ......😥😥
- دنيا عاينت ليها بي عدم تصديق و قالت ليها ......😒 معقول عمو عمر جبرك؟؟ و لي شنو يجبرك؟؟ 😒 بالغتي والله كان ترفضي بشتى الوسائل .....😡
- ابوي ضغطني عشان طلع ابوهو الله يرحمه صاحب ابوي شديد .......
- دنيا بي غيظ .....😡 و من متين ابوك عندو أصحاب بشبهو طلب؟؟ طلب دا يابت زول بسيط جدا و بشتغل باليومية ......😰
- ماريا حست بي نبرة دنيا ما طبيعية و فيها نوع من عدم التصديق ......😓
عاينت ليها في عيونها و قالت ليها دا الحصل والله يا دنيا و ما قلتي لي عاملة شنو في حياتك و الاجازة القربت تخلص دي ......🙂
- دنيا فهمت انو ماريا عايزة تغير ليها الموضوع ...... ابدا ولا حاجة سنهوري حبيبي شايلني من الأرض شيل ربنا يحفظو لي هو كمان 😍 .... ما يتلفح الشلابات الزمن دا ملو البلد ....😙
- ماريا اتصدمت من كلمتها الأخيرة و فهمت انها تقصد ماريا لفحت منها عبد المطلب ......😨 ماريا ما ردت بس حست ناحية دنيا باشمئزاز و قالت ليها معليش يا دنيا ممكن تنادي لي مايسة عايزاها في موضوع ضروري😚 ...... دنيا مرقت و قالت ليها طيب .....🙂