الجزء 12

( من جانب تاني)

ب صوت هامس وخايفة وتأتأة

*اوووف التلفون مقفول

(تتزكرو نهي لما شالت تلفون هتون وسجلت رقم مؤمن وعملت جاري الاتصال)

للأسف الرقم كان قافل..

الوقت دا مؤمن طلعوه زي الما حاصل حاجة..

وكان في المأذون بعقد علي سكينة..

كرررررب بقوة..

نهي نطت

*دا ابوي جا

وقامت جارية بره

_امي: محمد وينا هتون

*ماف رد ووقع علي الكرسي من طولو ما نطق حرف ملامحو كانت مخيفة زول هلكان مكسور ما قادر يتكلم..

_سجمي يا راجل بتك وينا الحصل ليها شنو

*من الليلة اعتبري ما عندك بت تانية

_في شنو(بقت تضرب علي صدرها بهلع وخوف) هتون مالا الحصل ليها شنو ااا اااا(بتبكي وصوتا عالي)..

*ياابوي رد علينا الحصل شنو قلقتنا وين هتون..

_قلت ليكم اعتبروها ماتت مااااتت(علا صوتو بإنفعال وكوراك)

بتك اتقبضت اداب مع واحد في شقة دا العايزين تسمعو..بتك يا استاذة من ورانا كانت شغالة القرف ومستغفلانا...بتك مستغفلة ابوها الحيوان دا وماشة وجاية قدامنا ونحن مدينها كلا الثقة اخرتا انا تزلني الزلة دي..دكتور محمد احمد تاج السر ابودومة مربي الاجيال بتك تنكس راسي للبسوا والما بسوا(بتكلم بكوراك ووجع شديد ودموعو ف عيونو)

تممم حصلت صنة شديدة ماف زول فتح خشمو من الصدمة..

كلنا كوركنا.....

(عند مؤمن وسكينة)

*انتي مش عملتي العايزاه تاني عايزة شنو؟

_يابيبي هو دخول الحمام زي طلوعو ~~لسه انا ماعملت شي وحاتك....

*ياخ انتي عايزة شنو منها اخدتي حقك وب زيادة سيبي البت في حالا..

_لمست وشها وجاطتت فيه..انت تعال هنا البت دي سحرتك خلتك ميت فيها كدا مااا تعمل لي روحك بتحبها وحركات الحبكانيات دي..وبعدين احمد ربك اني ما عملت ليك حاجة ولا ناسي ازكرك ......

(يا ترا سكينة لاوية يد مؤمن ب شنو وما عايز يتزكرو)

*اوعك اسكتي نهائي هس

(ضربتو علي صدرو ) يا حبيبي النسي قديمو تاه و نحن من نفس الطينة انا عاجناك وخابزاك اتربينا سوا ف يا بابا حركاتك دي ما علي(مع رفعة حواجب وحركات وش)..

اطلع منها لحدي هنا وتنساها ل ست الهانم دي..

وبعدين انت مش ضقت العسل تاني داير شنو ~_

تمشي في سكتي تكسب..

( في السجن ~~)

*مشت وصوت كلاما ف اضاني

قلوبكم رقيقه لما تتعاقبو لكن وقت تسوو الغلطه تكونوا لا احساس ولا عقل يفكر.. قادر الله

انا ما قادرة اصدق اني في السجن(بتبكي) ما اتخيلت ف حياتي اني اكون هنا..معقول دي البت العايشة حياتا كانت مبسوطة ومرتاحة،،انا الكانت غرفتي كلها دباديب ومفروشة احسن فرش وكل النفسي فيه مجاب..

ايوة هي نفسها هسي المحبوسة في غرفة ضيقة رجولها مربطة..

انا الكنت محبوبة من الناس كلها هي نفسها البتتجر ب زلة وبتلفظو عليها بالفاظ كعبة..

يارب اديني الصبر والقوة

بكيت قدرتي بكيت لما نمته ولا اغمي علي ما عارفة

المهم صحيت تاني بصوت الباب فتح ختو لي اكل...

*ل بتين ح اكون في الانفرادي دا؟

_القاضي هو البحدد ما نحن وما تكتري كلام واسئلة

ومشت....

(جانب ناس نهي)

فوزية لما وقعت من طولا بعد الكلام السمعتو نحن كلنا صرخنا بصوت عالي وجرينا بيها المستشفي..

امي جاها انهيار حاد ما قدرت تستحمل السمعتو..

نهي طلعت بره الاوضة متوترة شديد وخايفة ما فاهمة الحصل بالضبط شنو وخافت تسأل ابوها لا الوضع ولا اي شي بسمح تتجرأ وتسألو اصلا...

_طلعتي بره ليي(جاها صوت ابوها حازم)

*( اتوترت خافت) ااا(بتمتم) مافي شي ياابوي

_ادخلي جوه

*دخلت وخشما عندها مستغربة من ردت فعل ابوها كدا فجأة قلب عليها...

(جانب سكينة)~~

*عملت اتصال... الووو بصوت دلع وحنكشة كدا

اها الموضوع القلت ليك علي ح يتم بتين؟

_هسسي دي بس ما تنسيني من الحلاوة

*وانا اقدر ح ابسطك واعزك للاخر..

دا كلووو ومؤمن قاعد ما قادر يفتح خشمو حتي،،

......

شالت ليها لبانة طبقك طبقك طك طك ططططك بتطق فيها بصوت عالي وخالفة رجلها وبتهز فيها..

اتصلت تاني..

*الووو مشتاقين وكدا اصلو ما بتسألو ههههههااا

_(بتتكلم معاها)

*جايبة ليك شي ح تعزني عليه بس انت تمو لي وح اديك التفاصيل كلها..

جك قفلت التلفون وقامت دخلت الغرفة جوه..

بعد شوية طلع صوتها بتنادي..

يااا مؤمن