الجزء 35

( اما في جانب مؤمن)

اللي كان بيجري في طُرقات المستشفى زي المجنون ، بين أبوه و بين العار اللي لحق بيهو وكان لسه ما عارفو .. لحد ما وصل لاخته و امه ال كانو بيبكو على ابوهم في الانعاش

.. وقف قدام امه و اخته !!

*ابوي مالو (والدموع رقراق) يا امي ؟

_مع بكا مخلوط بأنفعاال -اختك يا مؤمن ، اختك كسرت ضهورنا يا مؤمن ، اختك ختت راسنا في التراب يا مومن .. بكل بجاحة وقلة ادب يتصل بينا واحد يقول اختك معاهو في السرير ،..

شنووو؟؟!!

اختو : الله ينتقم منها الحيوانه بي سببها ابوي بين الحياة والموت جات بهدلتنا في السودان قدام الاهل ، اسي خطيبي ولا اهلو كان عرفو الموضوع دا حيحصل شنو تفتكر الله ياخدها ليه امي وابوي قصرو معاها في شنو (بتبكي)

مومن بقى ماسك راسو وحاسي الدنيا دي كلها لافه بيهو ، مشى قعد في ركن و بقى يكورك و يخبط بي يدو في الحيطة بي غضب لمن يدينو جابو دم و بقى يكوررك و مشى لامو قاليها وريني مكانها ، مريم وين يا امي وررررريني .... منو الكان معاها دا امي جاوبيني..

بس كان في صوت تاني رد عليهو #مؤمن عبد الرحيم القُرشي !!

مؤمن اتلفت ، و امه اتلفتت .. و جسم مؤمن بدا يرجف ويفقد توازنه.........

قاليهو مطلوب القبض عليك .. اتفضل معانا ....

مؤمن بقى مصدوم و بيعاين في امه واخوانه ، ما كان عندو حل غير الاستسلام ......

...........

سكينة قاعدة بتبكي وبتتهز ورا وقدام وعاضة علي الملايا وجاراها قوي بتتزكر بس في اخر حتة كانت حصلت وانها كانت مبسووطة ساعتها وفجأة اتحولت الليلة الحمرا ل سواد سواد..

*سكينة(الصوت جاها عالي) خلاها تفوق من ال هي فيه..

لحدي هسي انا صابر عليك ومنتظرك تفتحي خشمك،، ومن اخرها بقول ليك انتي كدا كدا منتهية وح تتسجني وح تتجلدي ماف مهرب عشان كدا خلي الليلة تعدي قبال اوريك الوش التاني وقام جا عليها...

ولا علي العموم صلاح اعترف بكل شي صاح غلط المهم انتي شلتي الليلة براك..

اشرررف(بصوت عالي)

_ لا خلاص انا ح ح حا حااضر(بترجف وبتبكي)

*من اول الموضوع ومنو بالتحديد الساعدكم في دا؟ قولي(بنهرة)

...............

يا حليلك ياخالتو نعمة كنتي مالية علي وقتي مونساني ومصبراني..هههه سبحان الله طلعتنا جات في وقت واحد بتيين الايام تمشي بسرعة واطلع خلاص..

خايفة افرح اكتر من اللازم اصحي علي واقع مر تاني..

احسن شي امسك خشمي علي لما اطلع صحي عشان اصدق..

مربعة رجولي وممحنة خاتة يدي علي خدي ومرة افكر في امي وابوي وتاني في نهي ومرة ف ممدوح ومصيري معاه شنو ولاهي بس مجرد شفقة منو ما اكتر... ولا انا كان طلعته حياتي الجديدة ح تكون كيف الناس ح تتقبلني ولا لا...

في اثناء ما هتون قاعدة وسرحانة ما حاسة بالحواليها..

ككرررب ككررب الباب فتح..

السجانة دفرتها ل جوه

ادخلي ادخلي الله يقرفكم كل يوم مجرجرين لينا واحدة عريانة مغطغطة ونحن نلبس..دقيقة وبتجيك هدوم

_هههه اوووااوو الليلة عندنا وش جديد طق طق صفقة..

واحدة من المسجونات صحتها مليانة بتاكل في اللبانة بطريقة غريبة جات عليها وسكينة جرت الملايا اكتر فيها وخافت منها وبتبكي والكحل سايل علي وشها ومسود عيونا مع الماسكرا وشعرها منكوش ووشها ورمان..كانت بتترعش كلها او في حالة صدمة ما معروف...

المرا بقت بتتفحص فيها قالت ليها..

_كمشوك وين يا دفعة هههه؟

ما ردت عليها..

دفرتا من راسها هي انتي انا بتكلم معاك..

اسمك منو؟

برضو ما ردت عليها

واحدة تانية قالت ليها الظاهر عليها ما بتتكلم الا ب دي طق طق ضربت كفت يدها.. دقة بتفوقا..

*ياخ انتو اصلا ماعندكم احساس (هتون بتتكلم ورفعت راسها) اي واحدة تجي د.....

سكينة.....

عيني جات في عينها مع اني لحظتها مفروض اتشمت فيها بس ما قدرت،، بقيت بعاين ليها اتزكرت اول ما دخلته بنفس الطريقة الملايا الكحل السايل الرعشة الفيني الخوف.....

جاني صوتها:

_قولي وخلصيني

*عارفة انا قدر ما قلبي كبير وطيب ونساية بس عمري ما ح انسي العملتيه فيني و...

_هه وانتي ليك عين تتكلمي بعد دا ما كلنا في الهوا سوا..

*اوووعك لا عمري ولا عمري ما كنت وسخة زيك ولا حاقدة ولا قليلة اصل ولا غدارة...علي العموم وكلت امري لله وهسي شفته عجايب قدرتو فيك....

_ها طالما انا عايشة بكرا ح اطلع منها وح تشوفي..

طبعا المسجونات خلن اي شي وبقن بتفرجن علينا....

*بلااااي(جرتا ليها ب استهتار كدا) مشكلتك يا سكسكة لسه ما قادرة تستوعبي انك في الزنزانة دي بالذات لي؟

اتكمشتي مع منو مؤمن؟ ولا......

_حبيبتي انتي اللسه باين عليك قلبك وعقلك معاه علي فكرة مسألة وقت وح اطلع وشكلك ما عارفة مؤمن بقي راجلي يومك ال....

*جريتا من يدها لانو بدت تستفزني وعصبت اوعك اوعك تجيبي سيرة اليوم دا قدامي لانكم انتو السبب في الانا فيه دا ومؤمن ولا زفت دا ورقة من دفتر قديم شرطتها وحرقتها وانتهت..

_جرت يدها بقوة.. عشان تعرفي قيمة نفسك وما تنسي الحصل ليك وبقي وصمة عار يا هتون باين في وشك وعيونك وعمرك ما ح تقدري ترفعي راسك قدام زول تاني

..

*انتي واحدة وسخة ياخ اعوذ بالله منك وربنا استجاب دعوتي عليك وشربتي من نفس الكاس السقيتيني ليه...

وبعد الانتي فيه دا ما زلتي بتكرهيني موت عملت ليك شنو انا عشان تسوي فيني كدا... عشان راجل ياخ ياريتني مته وما قربت منو كان...

_هههه يادوب بتدعي علي روحك وطيب زمان وقت كنتي عارفاه كان ل واحدة تانية جيتي شلبتي لشنو ولا بتموتي في حاجة غيرك..

لحدي هنا واعصابي فلتت بالمرة وما قدرت استحمل استفزاز سكينة واصلا كنت ماسكة اعصابي بالقوة

طااااخ رزعتها كف وبدون احس خنقتها وبديت اضرب فيها..

انتي واحدة ت.... وش.... وع.... يا تربية الش...

(بقينا نكورك)

وقعتها علي الارض ومسكت شعرها وهي ب دورها ما قصرت نبزتني قدرتها وجرحتني ب ضفورها..

المسجونات بقو بحجزو فينا يبعدونا من بعض..

جات الشرطية فرقتنا..

_انتي بتين دخلتي عشان تسوي مشاكل..جدعت فيها الهدوم شيليهم وتعالي وراي سرعة اتحركي..

*عاينت ليها من فوق ل تحت..

ارجي الراجيك همم

حدرت لي وطلعت..

...........

موهوب ونهي لسه ما عارفين ان سكينة ومؤمن اتقبض عليهم..

ومن المرة الفاتت بعد طلعو ورجعو تاني لاقو ممدوح قال ليهم مسألة وقت وبتطلع بعد البراءة من التهم الاخيرة...

~~

_يا موهوب تفتكر الخطوة العملناها دي صاح انا حاسة كأني خنت ثقة ابوي فيني..

*اوعك تقولي كدا وبعدين انا الطلبت منك تعملي كدا كان لازم عشان نكون قريبين من هتون ونعمل حاجة ما قدرت اشوفك وانتي طول اليوم مهمومة وسرحانة.. كفاية الظلم الاتظلمتيه.. انتي روحك هنا يا نهي ما في بيت جدي ابودومة.. وبعدين امك زاتا ادتك ليه انتي مش قلتي لقيتيها قاعدة بتبكي معناها قلبها مع هتون..

_*دموعها نزلت غصب* حاولت تتجنب تعاين ليه

وانت زنبك شنو؟ كان عندك حياتك والبتحبها كمان اتظلمت وانا دخلت في النص فجأة فرقت بينكم.. لو انا كنت في محلها كان يا قاتل يا مقتول مستحيل اخلي الحكاية تمر بالبساطة دي..

موهوب سكت حسيت ب روحي لمست جزء حساس كان هو بحاول يتناساه ويتأقلم بالحصل بأي طريقة..

*انا فكرت يا موهوب وفكرت كتير كمان وقررت وانت لازم تقبل بيه...

..

..