الجزء 7

فاضح الغواية هو عطرك

حتي الليل يتعري من ظلمته..

ل يعانقهه ~°•

......

*ركبت العربية من سكات لا هي اتكلمت لا انا اتكلمته

دخلنا البيت بس قعدته في السرير جات داخلة وكرب قفلت الباب وراها..

_تقولي في شنو براك!!

*في شنو يا امي هسي ~اتلفته منها ب وشي~

_عايني لي هنا اتلفتي علي دا منو الولد الكنتي واقفة معاه دا؟

*دا زميلي كان قاعد معانا

_يعني ما شايفة زول معاكم تاني

*ما هم مشو الحمامات وهو جا يقدمني وقال لي بقيف معاك لما امك تجي..

_وانتي ما انتظرتي صاحباتك يجو لشنو مستعجلة مالك تمشي معاه..

*ما هو يا امي انتي قربتي تجي وهم كان دخلو الحمام ما بطلعو سريع عارفة البنات يعني الا لما بتظبطن اول..

_سمح يا هتون علي الله كلامك دا يكون ما كذب.. والله والله اسمعيني هنا كويس وختي عقلك في راسك انا كنت متساهلة معاك وبسببك ابوك قال اني مهملة ف تربيتكم ومقصرة وخليت الشغل لكن اسمعيني هنا لو قبلت عليك ما تلومي الا نفسك اخير ليك تتعدلي يا هتون...

_جيبي التلفون وينو..

*امي~قعدت تبكي~ عايزة بالتلفون هسي شنو طيب..

_قلت ليك جيبيه.. واقفلي اول ماف تلفون تاني الا بعد تخلصي السمستر .. وتأخير من الليلة ماف تاني..

اديتو ليها شالتو وطلعت...

*اوووف ياخ هسي انا اكلم مؤمن كيف دا شنو الاسلوب البقت امي تسوي لي دا.. انا امشي ل نهي احنكها واشيل تلفونا ما هو لازم اكلمو ح يقلق علي كان اتصل بلقي قافل..

طق طق..

_منووو خش

*دي انا حبيبتي

_شنو

*عايزة اطلب منك حاجة

_لا

*بخليك تستعملي مكياجاتي وحاجاتي البتحبيهم..

_قولي والله

*اقسم بالله جااادة معاك

_لا انا عايزة تديني روجك النود والماسكرا وعندك شنطة بنك عاجباني برضو دايراها.. وعلبة الشدو وتاني يا نهي امممم شنو عايزة..

*خلاص خلاص كل العايزاه بديك ليه بس اديني تلفونك اتكلم بي الليلة ماشي

_تمام هداك شيليه...

*بس اووووعي امي تعرف لانو ح تقتلني

جري جيت غرفتي قفلت الباب ودقيت ل مؤمن..

*الوو حبيبي انا هتون

_انتي وين تلفونك مقفول مالو الحصل شنو طمنيني عليك..

*امي شالت التلفون

_شنوووو قولي انك بتهظري جاااادة

*والله جادة

_خلاص ما تزعلي نفسك لحدي ما الموضوع يهدا..سالتك مني..

*يازول تحقيق ههههه

_خلاص هسي اقفلي عشان ما تحصل مشكلة وبكرا اسبقيني ع الشقة تمام ما نطلع سوا تاني..

*ظاااابط

باقي الليل مشي والايامات بتمشي سريع ماف جديد بقيت عادي اقابل مؤمن في الشقة اتعودت عليه نتونس هناك ونقضي اليوم مع بعض وارجع البيت،،ثقتي كل يوم بتذيد فيه اكتر خصوصا انو ما حاول يظهر لي نية كعبة وببين انو بخاف علي زي اختو واحد ومستحيل يفرط في شرفي..كنت بعد الايام تجي الاجازة عشان اهلو يجو ويخطبوني..

لما جا #اليوم_الموعود

~~

*صحيت من الصباح زهجانة لانو اي شي بقيت الا اعملو بالدس والكذب..

امي لسه ما نويتي تديني التلفون..انا محتاجة لي ياخ صاحباتي ما عارفة اكلمهم..

_ماف ليك تلفون لما تأجزي اقري قرايتك وكويس انها بقت علي التلفون بس..

*ياالله دي ما عيشة دي بقت نحن اصلو في القرن الكم عشان تقلعي التلفون...ما عايزة آكل ماشة الجامعة الليلة تعالي سوقيني سبعة عندنا شرح..

_ما ردت علي

جيت الجامعة من شفت مؤمن..

*ارح الشقة انا مخنوقة جد خلاص فاض بي من عمايل امي معاي..

وصلنا وكنت منهارة ببكي وبشكي ليه..

_خلاص معليش شنو دموعك دي غالية علي..

*بس انت ما شايف تصرفا معاي بقي كيف زي كأني بت صغيرة ياخ نهي ما بتعمل ليها كدا..

_معليش عايزة تفرفشي وتنسي؟

*اي

_دقيقة بجيب ليك شي يخليك طاااايرة وتنسي اي مشاكل تانية..

اختفي شوية وجا شايل في يدو كباية..

_اشربي من سكات

مشي شغل اغنية رااااابة

*يععععع دا شنو كعببب ياخ العصير دا

_اشربي اشربي بريحك هسي..

~~

لسه ما كمل كلامو كنت اناشربت الكباية الاداني ليها مره واحده..

( وبدت اللعبة )_

_تعالي نرقص سوا على الاغنيه

*اووووو جدعت العباية مؤمن انا مبسوووطة مبسوووطة ياخ ما حاسة بنفسي(بتضحك)

قعدت انطط..

بعدها....

(هل الشيطان هو من يغرينا~ نعم يغرينا ولكنه لا يجبرنا)..

&من جانب آخر&

*انتو متأكدين فتشتو الجامعة كلها..

_(بتبكي) انا بتي كان حصل ليها حاجة بموت

*فتشناها ياابوي واتصلنا ب صاحباتا قالو فارقتهم من بدري ما عارفنها..

*لا حول ولا قوة الا بالله..

~~

فجأة صحيت ~~

*مؤمن مؤمن الليلة الساعة كم واااي

اصحي ياخ

جريت الحمام حسيت ب وجع..

(قعدت تكورك) وااااي انا عملت شنو انت عملت فيني شنو..انت ضيعتني سويت شنو..

_ما تكوركي انتي براك برضاك سلمتيني روحك..

*سلمتك شنو انت اديتني شنو خليتني ما واعية(بقيت ببكي وبحاول اضربو واكورك) انت واحد سافل وحقير استغليتني..

_اوعك تمدي يدك دي تاني بقطعا ليك براك الجيتيني ما جبرتك انا اصلكم كلكم واحد تف عليك...

(اتقلب واحد تاني)

*وااااي انا وااااي وااااي(بتضرب علي وشها) عملت شنو انا ما فكرت ب غضب ربي ولا سمعة اهلي قتلت روحي قتلت روحي..يايمة انا واااي بتك ضاعت....

فجأة الباب دق بقوة تخوف اتخلعنا الاتنين

كرو كروو رووو روو

......

والعقوبة نزلت مرة واحدة..

...

(اللَّهُمَّ اغفِر لحيِّنا وميِّتِنا وصغيرِنا وَكبيرِنا وذَكَرِنا وأنثانا وشاهدِنا وغائبِنا اللَّهُمَّ مَن أحييتَه منَّا فأحيِهِ علَى الإيمانِ ومَن تَوفَّيتَه مِنَّا فتوفَّهُ على الإسلامِ اللَّهُمَّ لا تحرِمنا أجرَه ولا تُضِلَّنا بعدَه)

عظم الله اجركم -

و العقوبة نزلت مرة وحدة ...

صوت الباب خلى قلبي انقبض .. مؤمن كان متعجب شديد من خبطة الباب !! قالي ادخلي جوا اتداري .. دخلت و بعاين في مومن ، قالي حركي سرعه ادخلي الغرفه و اقفلي الباب ..

دخلت و قفلت الباب ، بقيت بلملم في حاجاتي و بفتش في تلفوني(تلفون نهى اختي) ..

و سمعت صوت جوطة كأنها اصوات رجال ولا شنو بقيت مشوشة ما قادرة استنتج الجا منو ..

راسي لف ما قدرت اتوازن .. قعدت في السرير و بقيت ماسكة راسي. ( انا م لابسه غير الداخ..) .. و اتهميت على ناس امي حيكونو قلقو علي واتصلو على كتير وتلفوني شكلو طفا شحن !

اااااخ يا الله انا ليه عملت في نفسي كدا .. يارب

قمت عشان اللبس ...

فجاة لقيت الباب بيتدفر من برااا ، لدرجة انه اتكسر

لقيت في وشي ....

( في جانب تاني )

امي : اااخ يا الله ... يارب يارب بتي اااه يا قلبي ااااخ يا محمد (ابوي) عاين انت لازم تبلغ الشرطة ، مافي حل يمكن اتخطفت وااااااااي وااي ..

ابوي : انا بلغت شرف الدين صحبي و وسط لي واحد من طرفو حيهتم هو بالبلاغ و اديتهم صورة واضحة لـ هتون ، مع اني مستبعد موضوع الشرطة دا بس عشان اكون ختيت يدي في كل الجوانب والاحتمالات الممكنة و ربنا يلطف ..

نهي : ااا ،،، ااا ( ب تمتم ) اا امي حأجيب ممم مويه واجي ..

(نهي بقت بين نارين و بتتكلم بينها وبين نفسها ، ياربي هتون مشت تقابل الزول البتعرفو داك ( لمن سمعتا بتتكلم معاهو ) !!! لالا اكيد لا هتون ما غبيه عشان تاخد الوقت دا كلو معاهو وهي عارفه امي و ابوي ، بس اذا هي ما مع صحباتها ، اكيد مع الزول دا .... يا الله !!!

انا كيف ما فكرت في ان هتون بتكلمو من رقمي !!! اووف بس تلفوني مع هتون يا ربي ، اسي كيف حقدر اقول ل امي و ابوي انا شاكة في الزول دا هتون حتروح فيهاااا - طيب انا لازم احاول اتوصل لتلفون هتون الـ مع امي ، عشان اقدر اوصل لرقم الزول دا ، بس ياربي حتكون داساهو وين ! )

مش قلت ليكم العقوبة نزلت علي مرة وحدة !!

لقيت في وشي رجال الشرطة !!

اااي الشرطة ، الشرطة الواحدة دي ، و انا بمنظري دا اتخيلو ؟

جريت ملاية السرير ، وبعاين في مؤمن ما شايفاهو و بقيت بنادي فيهو بي صوت مبحوح ...

موومن .. مومن .. ديل منو يا مووممن .. و عيوني رقرقت و بقيت بعاين فيهم !

واحد فيهم قرب مني .. و خت يديو في حنكي و رفع لي راسي عشان اعاين ليهو ..

قالي : بتبكي !! يااا الله ، تصدقي قطعتي قلبي !

طيب لمن نفسك عزيزة وغاليه عليكي بتبيعها ليه ! بتبيعي لحمك ليه ، مرخصه نفسك ليه !!

ناقصكم شنو انتو عشان بتعملو في نفسكم كدا و ين اهاليكم عنكم ، قلة ادب و دلع و في الاخر نجي نرفعكم من السراير مع الرجال ، ما خجلانه من نفسك مافي اي ذرة حياء !!!

عادي تقيفي الوقفه دي بالمنظر دا قدامنا ، هو اهلك ما فرقو معاكي حنفرق معاكي انحنا ..

( واحد من الواقفين قال ) : لكن يا سعادة ، الوش دا جديد علينا ما ملاحظ ! ( و بيتفحص في جسمي المغطياهو بالملاية و دموعي دي عشرة عشرة و انا ما فاهمه اي حاجة ) ..

عاين ليهو و قاليهو ( بصوت آمر ) ارفعوها البوكس !

بقيت ببكي شديد و هو جاريني من يدي و مطلعني من الغرفه ، قلت ليهو خلوني اللبس ملابسي عليكم الله .. واحد ضحك ، و بقيت بنادي في مومن ، مافي اي اثر ليهو .....

(في جانب نهى اختي)

بعد ما اتأكدت ان امي ما منتبهه ليها و ابوي كل دقيقه والتانيه بتكلم تلفون برا ، دا اذا م طلع فتش ،، المهم دخلت غرفة امي و ما كانت عندها وجهة محددة تقدر تفتش فيها ، بس بدت بالدولاب و بقت تفتش ... و تفتشش ، لمن وصلت الكمودينات الجمب السرير ، فا سبحان الله ابوي ناداها بصوت قوي ، لمن جرت طلعت ليهو برا ..

عاين لامي وقاليها قلتي خاته وين !!!

امي قالت ليها في شنطة بنية في الدولاب افتحيها بتلقي تلفون هتون جيبيهو نفتحو يمن يوصلنا لحاجة !!!

هنا نهى بقت مصدومة حتتصرف كيف عشان تغطي علي !!!! ؟