الجزء 77

بقيت بتني على اصابع يدي و بهز بي رجلي من التوتر

حسيت بطعنه في قلبي و عيوني اتملت دموع .. قالي : انا ما نمته من يوم الكلام القلتو ليكي خشم باب نعمة !! و انا عشان اريح قلبي ، ح اسألك سوال واحد وداير اجابتك بكل صراحه اياً كانت !!

م كنت قادرة اركز معاهو ومسهمة و عيوني دايرة تنفجر بكى .. كرر لي كلامو. !! قلت ليهو اسالك !

_كنتي بتشتغلي شنو في البيت حق نعمة ؟

*(م اترددت) كنت برقص احياناً و بعمل الجبنه احياناً و بقعد في السهرة بساعد خالتي نعمة لمن يمشو ونلملم حاجاتنا ، مؤخراً بعد شلت مسؤلية يزن والمصاريف زادت بديت في تجارة البخور

و مؤخرا لمن المصاريف زادت علي اتفرغت للارياح و ما حأنكر كنت برقص للرجال زباينها و ونسه و جبنه لحد قريب الصبح !!

_بس ؟

*(اتلفت عليهو) قصدك شنو انت !!!!

_قصدي ان نعمة كانت اكبر قوادة في فترة من الفترات بالواضح اي بيت بتسكن فيهو بيتحول ل بيت دعارة ، ما سألتي نفسك بترحل كل شهر والتاني ليه من بيت ل بيت ؟؟؟؟

*(ختيت يدي في خشمي من الصدمة وشهقتا) كيف الكلام دا ؟؟

_انتي ناسية اني ضابط وملفات التحقيق بتقع في يدي ! ويوم كنت بلمح ليكي ان في مرة كداا كدااا في السجن تخلي بالك منها انا كنت بقصدها هي ، ولولا ستر الله يا هتون يوم عرسك .. هه شوفي حكمة ربك !! جيت وقفت بعربيتي من بعيد و شفتها واقفه جمب الباب .. كذبت عيني قلت السنين بتغير بس نعمة كانت ياها نعمة !! و يوم جيت و واجهتها ، وانتي جيتي مع راجلك ! م شكيتي فيها من تصرفاتا !! هتون انتي كنتي عايشة في بيت دعارة !!

رجع لي بأتصال !

رديت ليهو : كل القالو لي قلقتيني و انا قاعد مع الرجال ما قادر اتحرك و مازن مافي جمبي عشان اخليهو مع الضيوف واجي ، في شنو ؟؟

شال مني التلفون : قاليهو م تقلق انا جاي عليك .. ابوي قاليهو هتون معاك بتعمل شنو !!!

قاليهو لمن الاقيك يا عمي محمد انا جاي عليك ...

انا اللحظة دي كنت تحت تأثير صدمة قوية شديد للحظة حسيت ان حباتي دي عبارة عن لعبه !!

ما اتكلمنا ولا حرف زيادة !!

نزلت منو قبل الصيوان بي جبدة جبدتين كدااا .. و دخلت من حتة النسوان ...

مع دخلتي كدا مسكتني امي شيلتني صينية فيها كبابي شاي .. ادخلهم ل المسك و مرة عمي ، وديك ليها ميادة ما قصرت ابداً من جات يدها في يد امي ..

و انا داخله، طقشت في #مي

*ميووووووش ، حبيبي ، خشششي حضن ، ههههههه حبيبتي كيف امممموااااح ..الصينيه م تدفق فيكي .

_عيني باردة يا هتون عاد العرس بيحلي كدا ههه تبارك الرحمن عيني باردة هههه ..

*دي عشان انتي حلوة بتشوفي الناس كلها زيك ،، اسمعي جيتي و الله جابك ، امسكي الصينية دي و وصليها ل وحدة قاعده في المطبخ اسمها ام سماح ، انا ماشه اشوف بت نهى دي بتبكي قدر دا في شنووو ، و بجيكي طيب !!

_اتفقنا ....

اول حاجة خلاني استغرب ان باب الغرفه الفيها المسك و مرة عمي مقفولة ! و صوت مينة دا يضرب يقلب ..

مع ختت يدي في الاكرة حقت الباب ، نهى جات جارية و دفرت الباب (قلب الام)

انا لمن اتخلعت ، لمن ما فتح بقت تخبط في الباب بطريقه غريبه زي الحاسه ان في شي غلط ..

لمن الباب اتفتح انا عيني وقعت على مينة!!! قلبها مقطوع من البكى و المسك ماسكاها فاتحه ليها رجولها والموس في يدها ..

بي قدرة الله جربت خطفت البت من تخت يدها و بقيت واقفه !!

و ديك ليها نهى واقفه قصاد عمتي او موهوب ..

بتعاين ليها جوا عيونهااا ما رمشت !!

بس على البعتر ام موهوب ما سكتت و قالت لي رجعيها خلي المرة تتم شغلها !!

نهى مشت عليها !! و قالت ليها تتم شغل شنو يا عمتي !!!

قالت ليها : البت لازم تطهر ، و لو ما اختك جات اسي كان تكون البت مطهرة ! وجات علي عايزة تشيل البت !!

والله يا ناس م حسيت الا ب نهى ذي شالت المزهرية القزاز و رررررب رمتها في رجل ام موهوب و صرحت صرخه وحدة ولا الف وحدة مجنونه !!!!

الما اتلم منو !!!

(في جانب مؤمن ..)

مؤمن : hello ,..... Excuse me brother, is it possible to inquired about something?

(قاليهو : ممكن استفسر عن حاجة لو سمحت)

رد ليهو : .. Of course(اكيد )

مومن : One week ago ,I made a job in this company online, and today I received a letter confirming that I was employed in

‏?? this company! Can you see these papers

(قاليهو اني قدمت في السركة دي من اسبوع و انه الليله جاتني رساله الموافقه على الشغل )

رد ليهو واحد من الموظفين العرب و على ما اعتقد مغربي : قاليهو : فعلا ، لكن حتشتغل لفترة ثلاثه شهور مؤقتاً مكان موظف اردني نزل اجازة ، اذا موافق بتقدر تتفضل معاي عشان نتمم !!

مومن : اكيد موافق يلاا (و كان متحمس شديد)

في لحظة الغرفة دي اتملت !! يعني زيادة عن الصدمة العلي !!

انا كنت اتخيل اي حاجة _

بس الما اتخيلتو ردة فعل نهى و انا ماسكة البت !!

امي جات جارية و بتكورك الوقع منو لا حول ولا قوة الا بالله .. و ابوي و مازن

جو جارين و موهوب كمان .. و شهاب بعد وصل باب الاوضه رجع لان نهى كانت بي شعرهاا لسة ...

ابوي : الدم ...الدم دا شنو يا جماعه الدم كابي من رجلها وانتو واقفين تتفرجو ! والصرخه دي شنو !!

و نهى اتناولت الفاظة التانيه و دش لحقتها الواطه و بتاعين لام موهو بعين الله لا وراكم ليها !!

امي : نهى دا شنو البتسوي فيهو دا عوقتي مرة عمك !

ميادة : !!!!!!! (بتعاين لامها بخيية كبيرة)

ابوي : يا نهى دا شنوووو (بي كوراك) ..

نهى بي نفس نظرتا م ردت على زول و مشت لام موهوب (موهوب نفسو قايم من الخلعه واقف بعاين وما فاهم شي )

قالت ليها : شووووووفي هنا يا مرة عمي ! انا استحملت كتير و كتير و كتير ! و احترمت صغيركم و كبيركم لان بأختصار ابوي الواقف دا رباني احسن تربيه انا و اخواني و علمنا احسن علم ، و علمنا حتى الما محترم نحترمه ! و انا من يوم بقيت على ذمة ولدك و انا جابرة خاطر الكبير و الصغير و غير حاضر و نعم ما سمعتو منو !! و انتي ك انسانه في نفسك م عندك احترام ولا اخلاق !!

موهوب : نهيبييييييييييي (بي كوراك)

نهي : اسكت لو سمحته و ما تدخل بينا يا موهوب !!

كملت كلامها : و انتي الليله اتعديتي حدودك معاي و ما احترمتي وجودك في بيتنا ، لا انتي لا عاداتكم و تقاليدكم العقيمة بتسوى عندي شي ، عقولكم هه دا ان وجدت طبعا !! الله كرمكم بيها و ما قادرين تستخدموها عايشين حياتكم مسيرين و ما مخيرين !! شوفي لحد هنا و كفايه ! و اليد اللي تتمد ل بنتي منكم في الخير و لا في الشر بقطعا و بعلقا ليكم في رقابكم !!!

(فجاة علت صوتها) عشان لمن اجي القى قلب بتي مقطوع بالبكااا زي دا و جايبه الداية معاكي عشان تطهريها من غير علمي دي تبقى مسخرة و قلة ادب ، تطهري بت في عمر زي دا ، اذا انتي جاهله و اجبنا نوعيكي !!!!!

موهوب : امي كلمتني انا و انا قلت ليها جدااا !!

نهى : نعم نعم نعم !!!! كلمتك انت و انت وافقتا ماشاءالله تبارك الله !! و انا ؟ راي في ضرب الحيطة ؟؟

موهوب : دي عاداتنا كدا و انا ما قايلاك حتنفعلي كدا و ما قايل امي ما كلمتك !!

نهى : عادات عادات عادت زززززفت ، زفت من اليوم الختيت فيهو رجلي في الو حليمة زفت و فقر لحد اللحظة دي غير وجع القلب ما لقيت شي ، اسمع .. البيت بيت ابوي عشان م تقهم اني بطردكم ..

لكن دي غرفتي حدودي انا ، لو سمحت شيل امك و المرة دي و زحو من قدام وشي !!!!

ابوي : نهىىىىىىى دي قلة ادب جديدة !

(نهى جات شالت بتها مني و حضنتا و قعدت تبكي)

موهوب جراا امه و المرة ! و طلعو برا .. و مي جات مخلوعه ما فاهمه شي و مازن جا دخل وقف قدام نهى ..

قلت لامي معليش اقفلي الباب ..

كلهم طلعو بقينا انا و مي و نهى و مازن ..

مي : قعدت جمب نهى و ضمتا و باستا قالت ليها معليش م تبكي التوتر م كويس عشانك ..

مازن : ما شايفه ان العملتيهو دا عيب !!

نهى : (بصوت عالي) مازن ما ...*قاطعا

مازن : ووووطي صوتك انا ما اطرش و اتكلمي كويس او بمعنى اصح بـ أدب !!

انا بقيت ساكته و مخلوعه في الحصل دا شريط و جروهو قدام عيني !!