الجزء 46

_سلامتك، هتون !معليش اسألك سوال ؟

*اممم

_اول افتحي الباب (باب العربية)واقفليهو تاني .. م مقفول كويس !

*طيب ..... كدا تمام ؟

_ايوة .. سوالي : انتي وافقتي علي فجاة ليه ؟

*عشان ماف زول حيحب يزن اكتر منك

_بس يزن ما ولدك !

*الامومة ما الا اجيبو من بطني ، الامومة التربيه و الاحساس ، هو الاداني الارادة عشان اعيش ! على الاقل بقى لي هدف ، واحس ان وجودي مهم بالنسبه لزول حتى لو كان للشافع الما فارز حاجة دا ..

_انا عارف انك م مقتنعه بي ولا عمرك عاينتي لي اصلا، انسي كلام خالتي نعمة انا عايز اسمع الموافقه منك ، ما لم اسمعها ما حا اخد اي خطوة ، عايز قناعتك .. اتفقنا ؟

*بعد سكوت قلت ليهو. .. تمام !!

رجعنا البيت ، يزن كان نايم ، شالو دخلو لي لحد البيت و هو طالع مسكتو خالتو نعمة ..

قالت لينا اها وروني جبتو شنو ؟؟

قاليها : يا خالتي نعمة كدي اصبري انا عندي شوية ترتيبات كدا بس تتم على خير و كل حاجة بنجيبا ..

قالت ليهو : اجي!!!!! طيب كنتو وين ؟ (عاينت لي)

قاليها : كنت عايز اتكلم مع هتون شوية بعيد عن جو البيت ...يلا انا اتأخرتا بعد دا والزمن فات..

عاينت لي، و قالت ليهو تمام ..

مجرد ما طلع ، انا جريت دخلت غرفتي (عشان م تفتح معاي موضوع) !!

عند نهى -

موهوب : دقيقة .. دقيقه !! كدي عيدي كلامك دا تاني !!

نهى : اعيد شنو يا موهوب ، ياهو كلامي واضح !!

موهوب : ودا لقاها وين ؟

نهى : انا مابعرف والله لكن دا كلامهت و لو هي م مقتنعه بيهو ما كان طلبت مني اوريك ..

_طيب ومحجوب !!!

*محجوب مالو كمان ؟

_كيف مالو !اقوليهو شنو اسي !! والله انا زاتي لخبتا !

*مش قلت منتظر رد من اهلو ! امكن ما يوافقو !

_انا ما مرتاح في حاجة ما ياها !!ما بعرف في شنو لكن قلبي قابضني ، عارفه ! بعد تلدي بالسلامة وتتمي الاربعين ان الله راد، لازم نمشي لهتون في البيت القاعده فيهو دا !

*ليه يعني؟

_ماملاحظة طوالي بتلاقينا برا!!

*ويعني !

_ما عارف لكن زي ما وريتك لازم اتطمن

*هي كان مرة كعبه يا موهوب ما حتمسكا الزمن دا كلوو ..

_ماسكاها لمصلحه ، م علينا يا نهى المهم انا م مرتاح وانا شايف مافي احسن من محجوب على الاقل حتكون قريبه لينا ..

*مصلحة !!!! يزن قصدك !

(في جانب ممدوح)

داخل البيت و بيكورك و ينادي ... اميييي ، يا اميييييي امييي !

و فاتن دخلت قعدت و مغطيه وشها بي يدينا الاتنين .. و ممدوح لسه واقف جمب باب الشارع و بينادي !!

جات داخله بي وراهو(من الباب) هي واختو ..

امه : ممدوح !!! بتكورك مالك! (عاينت ل فاتت) فاااااتن!! مالك ؟؟؟

اخته مشت لـ فاتن مسكتا و قعدت جمبها .. امه قالت ليهو ممدوح !! عملت ليها شنو ! انا بقوليك تجبر بخاطرها و لا ترجعا بالحالة دي ، عملت شنو لبنت الناس ؟

ممدوح : شوفي ياامي ،. الزولة دي طلبت الطلاق وعشان ما اكون الملام في نظرك زي كل مرة ، انا حبيت الحاجة دي تتم قدامك وقدام اهلها و انتهي من الموضوع دا للابد !!

امه : شنوووووووو(بي انفعال و كوراك)

اخته : ممدوح دا كلام شنو !

امه: اكيد انت عملت ليها حاجة اجبرتها تقول كدا ، اسمع يا ممدوح تسوق مرتك دي و تسافرو وتمشو تحلو مشاكلكم و تشوفو ليكم دكتور ، انا ما دايرة تحصل مشاكل بيني وبين صحبتي عشان واحد زيك ما قادر يمسك بيتو ولا يعرف مصلحتو !!

ممدوح : فاااااتن ! قدام امي دي ! انا ممدوح ، زي ما انا ، لا اتغيرته لا ح اتغير انا كداااا ، حتقدري تقعدي معاي كدا كان بها ما حتقدري ، تمشي محل حابة .... و فتح الباب داير يطلع !!

فاتن : طلقني لو سمحته !!

امه : فاااتن دا كلام شنو !

فاتن : كفايه اهانه و احتقار و تقليل انا لي كم سنة صابرة عشانك انتي و عشان بحبوو، انسان ما قادر يتقبلني اغصبو يعني ؟ لا والله يا خالتي لحد هنا و كفايه ... و طلعت فوق

ممدوح : ورقتك بتصلك .... و طلع

اما في حالي انا ..

من رجعته بقيت حاضنه يزن و راقده و بفكر !!

ممدوح ..ممدوح !! يارب ، قسمتي وين يارب نورني ، نفسي ارتاح واستقر تعبته انا ..

جات خالتو نعمة وقفت لي جمب الباب وغزت لي كوعها ... قالت لي شنو يعني ! ناوية تتكلمي متين عارفاني مقلقه !

قلت ليها اتكلم في شنو ؟ شهاب قصدك !!

نعمة : هو في غيرو !!!

هتون : دقيقه اطلع ليكي برا عشان يزن ما يصحى ..

و انا قايمة من السرير تلفوني رن !!

خطفتو بسرعه ..