الجزء 28

_لالا انتي اكيد جنيتي عارفة لو اتكمشته ممكن انطرد انا ما بقدر اعمل كدا..

*خلاص ابقي انت اقعد كدا وانتظر مصيرك لما الفضيحة الكبيرة تصل لحدي عندك وابقي ح تشوف الطرد والتبري منك جد جد..

_ماف زول حا يقدر يصلني انا في السليم..

*ههه اقول ليك الضابط دا قدر يخت اصابعو في اول الخيط انت عارف معني الكلام دا شنو؟ يعني انت بالكتير اسبوع وح تتمسك ولا اقول ليك اصلا انت ما بتصدق الا بيان بالعمل هاك هاك اقرا رسايل الواتس دي كان تعرف الخطر البقينا نحن فيه..

_بمرر يدو علي الرسايل ومركز خته يدو علي راسو وقام علي حيلو انا كدا ح اضيع اتلفت علي سكينة

سكسكة نعمل شنو؟

*انا قلت ليك العندي انت ال ح تعمل ما انا...لان دا حلنا الوحيد عشان نسافر بره ونكون في السليم..

.......

ختيت يدي في راسي لا عرفت ابكي لا الطم علي الحصل..

*دا كلووو حصل بعد اتسجنته وانا الكنت فاكرة غير دا..

وامي وابوي هسي يعني في ابوحليمة..

_اي

*والبيت؟

نهي عاينت ل موهوب

_ما هو ما م عارفة امكن ابوي يكون باعو لانو امي وقت كنا طالعين قالت ليه ما تكون بعت البيت بس هو ما رد ليها..

*خلاص معناها باعو انا عارفة ابوي كويس(وضربت يديها علي رجولها وشغالة تتهز وعاضة خشمها بقوة)

التوتر بقي زايد..

نهي:بقت تتأمل في هتون وهي منزلة راسها معقول دي اختي هتون الحلوة الكانت شايفة روحها وش تعبان شاحب وجسم ضعيف وسواد تحت عيونها ودا كلو ما هاميها.. كلامها بقي واعي وجادي..

نهي نهي

نهي:ها

هتون: امي امي ما سألت عني عارفاكم انكم جايين تزوروني؟

نهي:بتسلم عليك وسكتت ما زادت حرف

عرفت انها ما سألت علي وعارفة نهي بتجبر في خاطري ما اكتر..

الله يسلما يارب..

*ومازن كيف عليك الله يا نهي ختي في عيونك(وبدت تبكي)

_كويس وكل يوم بسألني عنك اودي ليك..

بقيت ابكي وفي نفس الوقت بحاول اتماسك قدامها

_مؤمن زارك؟

*عاينت ل نهي لا بعد الحصل منو ما طايقاه بقيت..

انتي عرفتي اسمو من وين؟

_ما تسألي عرفت وخلاص

*تلفوني اوعي يكون شافو ابوي و...انتبهت ل موهوب سكتت

_نهي عاينت ل هتون في عيونا وعملت ليها حركة..

جا صوت عالي:

_هتون محمد احمد تاج السر ابودومة الزيارة انتهت..

نهي:بتبكي كمان) شدي حيلك يا هتون واصبري خليك قوية وكل شي ح اتصلح انا بوعدك بكرا حا يكون احسن..

*نهي الله يرضي عليك اتكلمي مع ابوي وامي خليهم يسامحوني انا ما عندي غيرهم

_ماتشيلي هم حا نتكلم معاهم ونقنعهم وبكرا نرجع ل بيتنا زي اول نتلما واكتر،، هم بحبوك انا عارفة والزمن بينسي..

اتلفته علي الشرطية وانا ببكي كان قلبها يحن شوية وتخلينا نحضن بعض..

موهوب بقي يجر في نهي الانهارت وهي بتحاول بس تلمسني كانت بتبكي بقوة ماعايزة تمشي مني

.....

مشيت علي الشرطية الله يخليك بس المرة دي الله يرضي عليك مرة بس...

اخيرا وافقت

جريت علي نهي وضمينا بعض شديد وانا ابكي وهي تبكي..

ربك كريم ياهتون ربك كريم اصبري..

جا صوت السجانة:

خلاص كفاية ابعدي بعد كدا الزيارة انتهت

ساقتني ناديت علي نهي

ابقو زوروني يا نهي والمرة الجاية جيبي مازن اوعكم تنسوني..

_مع السلامة ياهتون خلي بالك من نفسك

اختفت من قدامي

رجعت زنزانتي تاني للوحشة والغصة والوجع وضيق الحبس..

حضنت خالتي وجددنا البكي من تاني..

..........

الساعة 2:00 بعد نص الليل..

كل حتة كانت ضلاااام ماف لمبة مولعة..

بحاول يمشي بدون يطقش لي شي ويتكشف وتقع مصيبة علي راسو..

_لازم ادخل بهدوء ماف زول يحس بي..

بقي يخت يدو في الحيطة ويتحسس لحدي ما دخل جوه.. ضمن خلاص انو اخيرا وصل وح ياخد الدايرو

من دون ينتبه عمل صوت...

*قومي قومي وبتلز فيها

_ياخي مالك انخمدي نومي

*انا سمعت صوت ما ياهو

_صوت شنو شكلك بتحلمي نومي نومي

والله سمعت صوت قامت من محلها وطلعت براحة خايفة شايلة سفنجتها في يدها ورافعاها وماشة

جك فتحت الباب براحة بتنادي بصوت خافت امي ابوي .. وبتصحي في ابوها

_في شنو؟(بصوت تقيل نعسان)

* ابوي انا سمعت صوت كركبة انا متأكدة في زول في البيت

ابوي طلع مشي علي الغرفة وهي وراه كرب فتح الباب واللمبة و ووقف متجمد في محلو بعاين ليه....

...........

_(في بيت ابودومة)

وصلنا متأخرين ودخلنا اوضتنا طوالي لانو بالنا الاتنين مشغول بنفكر في خطوة حل..

موهوب بقي ساكت ما قال كلمة من كنا في السجن..

_موهوب في شنو؟

*عايني اسألي امك بكرا من بيتكم ابوك باعو ولا لا؟

_لي يعني بتفكر في شنو انت؟

*املنا بيتكم يا نهي لانو لازم نكون قريبين من هتون عشان نصل ل الاسمو مؤمن دا ونغصبو يقول الحقيقة بعد ما لفق لاختك تهمة ما فيها..

_انا اصلو ما ارتحت ليه من كلامو القالو،،لكن اتأكدت من هتون بعد سؤالي ليها..

اقسم باالله العلي العظيم لو ما ندمتك يا مؤمن ما اكون انا بت ابودومة..

موهوب جراني من يدي

*طول ما انا قاعد ما بخلي زول يقرب عليكم ودا حسابو معاي انا..وعلي باليمين حق هتون في رقبتي وابقي ما راجل ودرجال كان خليت مرتي هي التتجارا ورا الرجال عشان تاخد حق

اختها وانا قاعد..

بتقول: اول مرة نهي تحس من فترة بالراحة والامان وان ليها ضهر ممكن تتكل عليه..

بدون تنتبه ل روحها كانت بتعاين ل موهوب بإعجاب ولأول مرة تحس بإحساس غريب شديد ما حصل حستو من قبل..

هو كمان لما شعر بي روحو حا يضعف اتنفض طوالي من جمبها..

نهي نزلت راسها..

وموهوب طوالي طلع بره الاوضة وكرب قفل الباب خلاها براها..