الجزء 66

وصلو المستشفي اتجارو وهتون ترفع في التوب يمين وشمال مع الكعب العالي ما قادرة تمشي ماسكة في يد شهاب البستعجل فيها..

والناس دي كلها خلت شغلتا ومرضا بقو مركزين في البت الظاهر عليها عروس من الحنة والمكياج والريحة الفيها ..مخلوعة وبتبكي...

نهي خلاص كل الفيها كمل ...

بتنادي مرة امي ومرة ابوي ومرة مازن وتاني هتون

نهي:ابوي بصوت شبه منهك ورايح ابوي الله يرضي عليك صالح هتون انا عايزة اموت مرتاحة..

موهوب الحقني يا موهوب انا دايرة امووت اااااه بتكورك

امها وهتون بقو يبكو بصوت عالي بعد كلاما دا..

طوالي دخلوها غرفة العمليات ولادة مستعجلة وفوزية جرت دخلت معاها..

حتي موهوب غلبو (ما قلنا هشاشة روح القلوب بقت ما مستحملة اي زيادة) بكي هو زاتو

محمد وشهاب ومازن

يازول استهدي بالله دا كلام شنو البتعمل فيه دا

موهوب:ياخ دي مرتي انتو بتتكلمو كيف ونهي ظرفا غير كانت تعبانة اصلا كلو مني انا الوافقتها تجي..

كان حصل ليها حاجة انا بقتل روحي يا عمي

محمد:موهوب الله استغفر الله العظيم دا بدل تدعي ليها قوم اقرا قران.. واقعدو اقرو ربنا يسهل عليها..

اشوف اذا عندهم مصاحف جوه بجيبا

مازن:سوقني معاك

هتون زحت هناك لفت علي الصالة التانية بتفتش في كراسي تقعد لانو غالبا تقيف قعدت بتبكي بس وبتدعي مرة تانية ل نهي..

(عارفين الاعتراف وصفا القلوب ما بجي الا وقت الشدة الزول بنسي كل شي)

محمد:هتون

هتون:ابوي قامت علي حيلا وبتقش في دموعها

*اقعدي اقعدي ادعي ليها يا هتون

-بدعي يا ابوي

حصل بينهم سكوت مسافة كدا حتي ابوها نطق.. وقبل اتكلم كلمتين علي بعض قاطعتو ب

*انا اسفة يا ابوي ما كان قصدي اتكلم معاك بالطريقة دي المرة الفاتت..

* ايييه لحظة شيطان ..

امك اتكلمت معاي وفترت وكان ما كلاما الكل يوم دا .. وكلام اخوانك تاني..

سكت تاني وكان ماسك سبحتو وبسبح ساكت..

ما انتظرت ليه وسألتو

*ما كنت جيت مش؟

-سكت ما ردا ليها..

سألتو سؤال مفاجئ ما اتوقع هتون هنا بالذات وفي الوضع دا تسألو...

*ابوي #ميمونة دي منو؟

-اها انتي مستحضرة كويس ما نسيتي السمعتيه..

*دي ما حاجة بتتنسي وانا الصراحة حاولت القي طرف خيط يوصلني لي شي وما عرفت كيف؟

-انتي؟؟

*مستنكرا مني ياابوي للدرجة دي بقت ما عندك ثقة فيني؟

-شوفي انتي عملتي شنو ختي نفسك محلي!!! وبعدين

هسي الكلام ما وقتو نهي محتاجة لي دعواتنا ..

*انا ما عندي رد بس كمان عايزة اعرف وهسي وقتو يا ابوي.. لازم الجوا قلوبنا انت وانا يصفي..

ابوها دخل في الكلام طوالي

-ميمونة دي واحدة من زمان رحلت كان جديد بقت جيرانا هي وراجلا وولدا وبقت صاحبة امك وامك دخلت فيها شديد ماف شي بفرقا منها الا شغل المدرسة والنوم..

الاكل السوق الطبيخ، النضافة كل حاجة بعملنها سوا،، بس كان عندها راجل فقر ما عارف كانت صابرة علي كيف.. اها الله اخد امانتو وارتاحت...

-شنوو ميمونة يعني ماتت؟

*الله يرحمها ويغفر ليها ويغفر لينا كلنا..

*وولدها وراجلها وين مشو؟

-والله الولد دا سبب بداية مشكلتا مع راجلا ولي قدرا امكن اتسبب ليها.. اختفي فجأة.. حسب كلامها ل فوزية انو خالتو جات ساقتو بالدس بإتفاق مع راجلا.. (راجل ميمونة).

*كيف كيف دخل خالة الود شنو،، مش دا ابوه كيف اتفق مع خالتو ضد مرتو ويبعد عنها ولدا؟

وخالتو مش اختها سببا شنو تشيل الود بالطريقة دي ما ساي الا في شي!!..

-والله العلم عند الله ما معروف قصتهم شنو ما حصل قالت شي لي فوزية...

*ابوي

عينو جات في عيني زي كأنو بحاول استخلص منها السؤال المتوقعني اقولو

(قالتا بخوف ومنزلة راسا تحت مع انها عارفة ابوها مستحيل اعمل شي كدا بس عايزة تسمع منو)..

* بتهبش في توبا وبتغش عليه ب اصابعها..

زي ما سمعت انت وميمونة يعني صحي.....

√√||||√√√

ممدوح خلاص الشك دخل عقلو وبقي ما قادر اصدق الشافو قدامو..

اتصل ب اصحابو قاعدين عزابة انو جايي اقعد معاهم كم يوم..

اللما هتون علي نعمة شنو؟!!

ما قادر اصدق تكون هتون قاعدة معاها في البيت دا معناها بتشتغل معاها.. حسة ب كراهية تجاه هتون..

الزول السألتو قال لي دا بيت نعمة وهتون..

الله لا يوريك بعد دا زعلي يا هتون....

وداس بنزين زيادة..

√√||||√√√

*صلاح الود داير بي شنو لا انت اهل لي تربيتو ولا حا توفر لي معيشة زي الناس..

-ولدي يا نعمة في زول بخلي ولدو ..الود ما عارفني انا زاتو ابوه ولا عارف امو سوسن الله يرحما..

*خلاص صفحة وانطوت خلي اعيش في امان عارف امو هتون وابوه شهاب مالك عايز تخرب علي الشافع...

-انتي جنيتي يا مرا قلت ليك عايز ولدي وبعدين انا داير اعرس بتربي هي..

*صلاح اسمعني هنا امشي شوف حياتك الفارغة وخلي الولد اتربي عديل ..وكضاب لو قلت مرت ابو بتربي شافعك ..هتون دي الله نزلا من السما عشان المسكين دا ..

-قاطعا خلاص كان اعرسا انا وقت قلبك علي الولد لكن تعرس شهاب هو شهاب دا وش تربية ....

*هوي ياراجل هوي شهاب مالو مال

وهدوم وسيد الرجال..

-هممم بضحكة واتلفت بي جمبة انتي عارفاني قاصد شنو..

سكتت

*اسمع هنا يا صلاح من اخرها بديك كل شهر قروش ومجبور تقبلهم وانا عارفة طبعك وعارفة الحال لا انت بقيت صغير ولا حمل شغل وبهدلة اها قلت شنو وتسكت كراعك دي ما تعتب هنا هتون لو شافتك ما بحصل خير..

اخد لي صنه كدا

-خير تديني كم؟..

...........

*لا.. ما ذاد ولا نقص عليها

هتون اخدت نفس زي ارتاحت ب الكلمة دي علي الاقل ال الافتكرتو ما صاح قالت لي

-احكي من وقفت

*زي ما قلت ليك العلاقة بينهم بقت اكتر من جيرة بس بقت ميمونة داخلة طالعة عندها طول الوقت ومرات لما فوزية تتأخر بتضرب ل ميمونة تشوفني كان جيت ترفع لي اكل لما ترجع من شغلها.. والعكس حتي ولدا دا بقي زي ولدنا واحد...

-اسمو منو؟

*والله يا هتون نسيتو تب اسمو كان من الاسماء الجديدة دي ما شايع كدا...

-طيب وراجلا

* اسمو عبدالرازق راجل عارض مفلس وعواليق ساي لا شغل لا مشغلة غير الفارغة ..

حصل بينو وبيني كم موقف ومشكلة لا هو بطيقني ولا انا بطيقو..

-اها طيب بصرفو علي روحهم من وين؟

* كانت شغالة بتبيع الكسرة والحاجات دي..

-اها الحصل شنو والكلام السمعتو..

- جاييك ولدا يوم مرض وميمونة اتصلت بي فوزية ان عبد الرازق بعيد مشي مدني ل شغل والود حمتو شديدة ..

اليوم داك ل قدري بس ما شغال فوزية اتصلت بي امشي ليها اودي الولد الدكتور عيان والمرا حامل ما بتقدر تتلتل بيه وانتي عارفة امك ياها من يوما بتنق كتير بالذات لما ما اوافق علي شي جايي من طرفا..

قدر ما شلتها وختيتا يا فوزية راجلا ماف في البيت الود ما بموت التصبر لما يجيها.. ابت كلو كلو قالت الحمي تشيل وتخت فيه كان اتشنج لا قدر الله الود بموت..

كان ما داير توديه انا بطلع من المدرسة وبوديه براي..

لما الما ختينا حسابو حصل....

-نططه عيوني الحصل شنو؟

..

..